本色鍋品料理

营业中

休息中

My colleagues suggested to have dinner tonight as it has been quite awhile since we dined together. Since the weather is getting cooler, we suggested hotpot. Hotpot Instinct was located at Tanner Road, few minutes walk from North Point MTR.Being a hotpot restaurant, they offered several soup base for customer to choose. Beside that, they served meat, seafood, vegetables, noodles and drinks etc. Sour plum drink - It was sweet and sour, cooling as well. It has strong plum taste too. Fried salted c

2019年11月10日。晴。北角。秋意濃，呢日就最啱打邊爐嘞食材選擇多籮籮～最後我哋揀咗呢個湯底～醬料，$189種醬料，自由混醬～滋補白鳳美人鍋，$298有成隻烏雞！仲有好多滋補藥材，有杞子同淮山～未嚟其他食材嘅時候，先飲幾啖湯～清甜好味～雜菇拼盤，$68雜菇又真係幾雜喎～樣樣菇都有啲～好開心！！但係金針菇個底就要自己搣下喇～黑柏葉，$42夾脆快熟嘅黑柏葉淥一陣就食得，黑柏葉即係冇漂白過，感覺健康啲～金牌手工丸，$108有4款，大推芝士海蝦丸！蝦丸彈牙，流心芝士惹味香濃～月亮貝，$108第一次食月亮貝，大大隻肉質飽滿，鮮味足～陀地滑牛，$108最推薦嘅係呢個陀地滑牛～肉質非常嫩滑～好味過肥牛多多聲！埋單每人$250左右，都算okay喇～

天氣涼涼地，想起北角的「本色」火鍋店！有得飲湯，又有得火鍋，岩晒2小口子黎邊一邊！一黎就請店員落左個滋補白鳳美人湯（$298）。必須先飲湯食花膠，個湯底仲用左原隻烏雞配上藥材，好足料，湯頭好甜！而且竹絲雞肉點甜豉油真係好夾！我地每人飲左2碗湯，我地點既火鍋配料都逐漸上枱：小牛魔王拼盤（$328）聽本來有五款牛的部位，個人最喜歡鮮嫩的牛頸脊，另外也推介牛味濃郁的牛肩胛肉！金牌手工丸（$108）最上層開始分別係墨魚丸，牛丸，豬肉丸，和蝦丸！每款兩粒可以試晒咁多種味，除左賣相，相信也花心思製作每款手工丸！真係做到牛有牛味、豬有豬味、海鮮有海鮮味！粟米（$28）在平凡的食材中顯出不平凡！新鮮超甜粟米粒粒爆甜爆多汁！稻庭烏冬（$38）湯底好，烏冬吸晒d汁，超好味！水蓮（$38）唔算好多餐廳有得點，今次食係好新鮮同埋份量好多！最喜歡佢獨特的口感！長長地好似食緊麵咁！

天氣凍了，吃火鍋是常識吧。餐廳由火鍋本色改名為本色鍋品料理 ，位於北角丹拿花園附近，整體上與從前一樣私穩度高。有圓枱、卡位、梳化位等位置，並設有大電視相當舒適。有九款醬料，蔥，芫荽，炸蒜，炸蔥，辣椒麻醬，沙茶醬，蒜蓉等。「醬料費每人$18，茶位每人$8，有加一服務費」《滋補花膠白鳳美人鍋 $298》湯底有多於10款的選擇，今次選擇了滋補白鳳美人鍋。一上桌相當吸晴，美人鍋內的材料很豐富有花膠、杞子、淮山煲至細膩，原隻老火烏雞，每一口湯都煲出濃郁雞湯味，下火鍋料之前先喝碗湯感覺很滋補。《日本黑豬腩肉片 $128》豬肉味本來就沒有牛肉來的濃, 但肉質豐腴, 香而不膩。《金牌手工丸 $108》賣相吸晴，以梯形形式出場。有芝士海蝦丸、黑松露丸、手打鮮牛丸、流沙豬肉丸四款。每粒都是人手製作，彈牙又飽滿而且新鮮美味。《脆肉鯇魚骨腩 $78》十分大塊兼厚身，滾熟後魚皮煙韌彈牙，魚肉多肉汁，鮮甜美味，很高質。《新鮮鴨血 $58》相比起豬算水，鴨血相對滑順兼新鮮軟嫩。《自製韮菜餃 $68》每隻自家製餃子都皮薄餡靚，韮菜餡飽滿而有嫩綠色爽脆，配上香濃郁湯底陪感滋味。《娃娃菜 $28》菜夠新鮮，輕𤆥至半熟更爽

今晚同朋友仔嚟到呢間位於北角丹拿道嘅《本色鍋品料理》打邊爐鋪頭的門面裝修好有台式火鍋店風味一坐低先嚟知支可樂潤下喉先可樂 $18餐廳提供唔同嘅火鍋湯底，各有特色。我們點了 一品酸菜魚鍋 $288湯底一上枱已經非常吸睛，原條桂花魚可以話份量十足，非常抵食。湯底材料豐富，包括有紅椒粒、芫荽、芹菜、鹹酸菜、大豆芽等等……。未打邊爐之前當然要先嚟一碗靚湯底品嚐一下，入口鮮味，味道濃郁，好香鹹酸菜味，非常醒胃。魚肉夠新鮮，口感鮮甜又嫩滑。美國牛頸脊 $208牛頸脊好有咬口，牛味濃郁，脂肪分配平均，食落一啲都唔韌。花鵰雞子 $78雞子賣相豐富，大大粒，面頭鋪上新鮮杞子，浸滿花雕酒，非常補身。雞子口感幼嫩，又好香花鵰酒味，唔錯。萵筍 $28 萵筍夠新鮮又幼嫩，大約淥一分鐘就食得。

行開去北角，講起想打邊爐，就去左呢間鋪。淨係揀火底都諗左好耐，個個都好吸引，最後叫左個花膠烏雞美人湯做湯底。員工建議飲左個湯先再落野打邊爐，真心冇介紹錯，成隻烏雞同大大舊花膠喺個煲度，未飲已經流晒口水。飲落勁正，十足老火湯一樣。一嚟已經比我連飲左兩碗。之後我地叫左個細嘅牛拼盤、手工丸、粟米、烏冬、水蓮，啲牛同手工丸可以話係必點，真心好食。大家可以試下唔點任何醬就咁食牛，牛味好濃，好食！手工丸一出場個賣相已經贏任食邊爐九條街，即刻停晒手post個ig story先！太心急啦，見到個蟹子鮮蝦丸熟咗拿拿林夾起放入口，一咬啲芝士爆出嚟，差啲灼傷個嘴。食落又彈牙，值得推介。另外大家都可以試下豬肉丸，一樣彈牙好食。打邊爐必食嘅烏冬同粟米好似好普通咁，但同樣有驚喜。個美人湯底配烏冬真係一絕，好夾味。粟米一上檯已經見到粒粒都生到大大粒脹卜卜，果然食落真係超甜。食完想encore，不過真係太飽。呢餐真心係我近年食過好食嘅邊爐，比呢個價係食返有質素嘅野，埋單都埋得甘心啲。PS:食食下電話冇電，好彩佢地有得借充電器。

北角除咗食大排檔之外，原來有間打邊爐都好正!由地鐵站行6分鐘就到都算易搵同方便!餐廳入面設有卡位空間都幾闊落行入啲見到個大魚缸，我就梗係即刻睇吓有咩靚海鮮啦～餐廳有好多唔同類型嘅湯底~今次就試下呢個烏雞花膠白鳳湯底，呢個湯就咁飲都已經好不得了，雞味好濃啲花膠都非常靚。根本就係一個燉湯，足料味濃，未打邊爐我已經飲咗4碗。。。。。醬料唔多，但需要嘅都有齊有個咁正嘅湯就梗係唔好浪費啦，叫碟冰豆腐吸晒啲湯嘅精華，再一啖咬落去，啲湯汁咇晒出嚟。唔錯唔錯~貝月蜆唔係成日都有得食，味道比其實蜆更鮮甜又無沙，肉質肥厚。脆肉鯇魚腩，好新鮮爽脆油份高，無泥味。最後餐廳仲好貼心，送咗一碟桂花糕俾我哋，雖然係送，但入面啲桂花非常多，清甜又香口!呢間打邊爐質素唔錯!

去四川菜餐廳食酸菜魚就食得多， 以酸菜魚 做火鍋你又試過未？我今次就係第一次試啦。餐廳比其他火鍋餐廳寬敞舒適， 枱與枱之間有一定距離， 又有足夠抽風設施， 所以今次打邊爐都好舒適。有打邊爐必備的九宮格配料($18/位)一品酸菜魚鍋($288)， 大大鍋， 比一般的酸菜魚更大鍋，便可以用作打邊爐， 魚片份量足， 大量的酸菜和泡椒， 由於湯的份量很多所以不太辣啦。 其實一鍋酸菜魚對我們兩口子來說， 都很夠飽了， 所以火鍋配料沒有點太多， 點了豆卜，生菜和自家手工韮菜餃， 韭菜餃皮薄， 韮菜餡豐富。打邊爐久不久會有一些泡和油， 服務員都很細心幫我們盛走多餘的泡和油。最後還有自家製的桂花糕甜品呢(FREE)！ 味道清香，特別是吃完酸菜魚之後， 可以平衡口中的酸辣。

打邊爐嘅季節又嚟啦，所以我決定開始搵唔同嘅火鍋店，睇吓2019年邊間打邊爐係最正先~開季第一間就去咗北角本色火鍋，裝修都唔錯，有卡位梳化。食物方面湯底都有唔同嘅選擇特別嘅有美人鍋同滷水鍋，今次就試咗個美人鍋先~湯底嘅料都非常唔簡單，入面有成隻烏雞仲有花膠，花膠完全無嗱過，係用真花膠筒~加曬分!另外仲有藥材。蟶子皇 -上枱嘅時候仲郁郁吓，非常新鮮，味道好鮮甜，價錢唔貴抵食。手打蟹籽鮮蝦丸拼墨魚丸-人少少又想食唔同味每樣有3粒幾份量啱啱好，蝦丸同墨丸好彈牙，蝦丸食落有啲卜卜感，因為入面放有大量蟹籽，好味道~鬆脆炸魚皮-份量好大，魚皮炸得好鬆，不過可能炸得太鬆脆嘅關係有啲變得好細塊。竹蔗紅甘筍汁-味道清清地，唔太甜，唔覺有糖精味，打邊爐飲呢杯竹蔗汁可以解解熱氣。

北角 對於我來説的確毫不陌生，可以話由細住到大。講到 #打邊爐 簡直是我至愛全因圍爐而坐，陪感親切又能開懷大吃。由 火鍋本色 改名為 本色鍋品料理 ，位於丹拿花園附近，整體上與從前一樣私穩度其高。有圓枱、卡位、梳化位等位置，並設有大電視相當舒適。任點散叫形式，大多以高質食材為主。醬料每人 $18，茶位則每人 $8。滋補白鳳美人鍋 $298 湯底有多於10款的選擇，今次選擇了滋補白鳳美人鍋。一上桌相當吸晴，原隻老火烏雞，每一口湯都煲出濃郁並掛湯。美人鍋內的材料豐富有花膠、杞子、淮山煲至細膩，暖笠笠再打邊爐是唔錯的選擇。牛魔王拼盤（小） $328不同的肉類選擇，一班朋友相聚可選擇 #牛魔王拼盤內含：美國牛頸脊、美國牛肩胛肉、美國金錢𦟌、極品牛胸爽、甘香牛柳粒。牛頸脊紋理分明，肉質軟腍而有嚼勁。牛肩胛肉與金錢𦟌相比牛頸脊為厚身，滿帶肉香配合醬料同吃不俗。甘香牛柳粒烹調時間耐一點，粒粒厚身不會太韌。最後牛胸爽以白色為主，帶點爽口不過口味上各有捧場者。金牌手工丸 $108以梯形形式的鋪排「金牌手工丸」外型上相當吸晴。內含芝士海蝦丸、黑松露丸、手打鮮牛丸、流沙豬肉丸四款選擇，無論顏色及排位都色彩繽

本色:: 位於北角港運城對面, 雖然我唔係住港島, 但原來過黎呢邊都比想像中近 ~ 員工安排左卡位比我地.. 係好舒服既sofa位 : ) 仲可以對正個電視打邊爐 ~~(湯底張相錯手delete左...>_____<) 我地叫左 膠原養生美顏鍋$198, 湯底好足料呢 材料有人參, 花膠, 桃膠, 瘦肉, 紅棗, 龍眼 飲落好有媽媽煲既湯既感覺, 無味精 ! 好清甜一打親邊爐 真係咩種類都會想試下, 所以海鮮類同肉類都有叫 當然唔少得蔬菜啦 美國牛頸脊$208 口感好軟嫩, 一咬就開 唔會韌, 清甜既湯底 更加突顯到牛肉既香味呢 即炸響鈴$58 同 生根$28 基本上係每次火鍋必叫啊~~ (貪佢地淥幾秒就已經食得xd) 特別鐘意響鈴啊!! 食入口有清脆既sharp sharp聲, 而且食得出無翻炸過呢 第一次試 黑柏葉$58, 朋友話要黎夾麻辣鍋係最正架 不過我覺得配呢個美顏鍋都match啊~~ 食落好爽口呢, 不錯 水魷魚$58同花枝片$88 都好鮮味! 而且配埋清清地既美顏鍋湯底, 更加突顥佢地既鮮味, 食入口更鮮甜 美國桶蠔 超級肥美同新鮮! 熟左食會爆哂汁

入秋同朋友聚面打邊爐絕對係唔錯嘅選擇。今次揀咗呢間位於北角丹拿道《本色鍋品料理》。餐廳面積頗大，座位坐得舒服。一品酸菜魚鍋 ($288) - 採用整條桂花魚，魚肉鮮甜無骨，口感十分嫩滑。魚鍋湯底內有兩款鹹酸菜、大豆芽、芫荽、芹菜……等多種材料，味道酸甜有層次，相當滋味。美國牛頸脊 ($208) - 色澤鮮紅新鮮，油花分佈均勻，牛味濃而不羶；口感滑而不韌。美國桶蠔 ($158) - 新鮮大隻脹卜卜，creamy有蠔味，相當不俗。生根 ($28) - 一份有好多粒，相當抵食。呢度嘅湯底用料豐富美味，食材亦好新鮮，價錢實惠，絕對係個打邊爐嘅好選擇。

呢度平時夜市係做打邊爐，午市就做飲茶食點心。兩點鐘左右去到唔駛等位就入到。流砂包好熱，上嘅時候出哂煙。賣相真係好靚，金色好似用毛筆畫上去咁。望咗陣先捨得食，奶皇味道唔係好甜。健康啲可以放心食😋入面因為夠熱，奶黃做到好「流心」。小籠包有三粒，每一粒都有個碗裝住，而小籠包下面用咗一塊葉做承托。小籠包個皮好薄，拎嘅時候千萬要小心，我自己都整穿咗個。入面嘅湯唔算太熱。基本上係頂部咬開吹一吹就食得。整體來說唔錯。白灼時菜係用上湯去灼，非常健康。唔駛落鼓油都接受到。新竹炒米粉炒得好乾身，而且非常大碟，足夠兩個人食，$58蚊真係好抵。配上炒蛋、椰菜、芽菜、豬肉絲、洋蔥、芝麻同蘿蔔。發揮到水準，簡簡單單但好好食👍🏻陳川粉蒸排骨，好重蒜香味，排骨同平時酒樓食嘅差不多，底下陳川粉吸收咗排骨肉汁以及蒜蓉好入味，如果陳川粉可以薄返啲就更加好。

今日放假就嚟咗北角搵嘢食，夜晚嘅不過真係特別舒服，一陣陣嘅秋風吹埋嚟，講下今晚食嘅餐廳先，餐廳名就叫做本色火鍋，問過好多朋友好多朋友都介紹我嚟呢間度食，聽講呢度用了好出色，事不宜遲介紹吓今晚食嘅火鍋配料同埋湯底湯底我哋就叫咗胡椒豬肚雞，煲滾嘅時候店員就為我地剪開新鮮嘅豬肚，雞件非常之大嚿新鮮食落非常之鮮嫩，豬肚亦都非常之爽口，湯亦都非常之甜加上護照係秋天嘅時候飲用有一個驅寒保暖嘅作用食火鍋又點小得，牛肉拼盤，極品牛胸口感非常彈牙，美國牛肩胛，有咬口肉質細緻，金錢𦟌爽口，牛頸脊有油香鵝腸爽口彈牙，鵝味超重自家制丸類，全部手打，有咬口甜品重有桂花糕，非常之清甜

話說早排同朋友食飯嘅時候，朋友就介紹我嚟呢一間火鍋餐廳光顧，小編都比較鍾意食打邊爐，因為可以有唔同種類嘅食物選擇亦都可以一大班朋友知己，坐埋係同一台有傾有講，係一個幾好嘅食飯選擇。係呢間火鍋餐廳入邊，小編較為推薦呢間火鍋餐廳嘅牛頸椎，同埋滑牛，另一方面，四寶丸同響鈴都係10分值得推薦嘅，四寶丸好新鮮，響鈴炸得好脆，另一方面，打邊爐嘅湯底亦都好新鮮，喺未放食物入個鍋度嘅時候，小編同女朋友每人都飲一碗湯先，大家不妨一試。