本色鍋品料理

营业中

休息中

先睇睇張散叫紙同埋二人餐 比較下價錢覺得都係散叫仲貴於是我哋揀咗個叫二人套餐 九宮格醬料配料任你揀火鍋可是很有睇頭的啊一個大銅鍋放在我哋面前湯底有好多款揀的朋友揀咗個最平實的蕃茄薯仔豬軟骨鍋套餐包括迷你海鮮拼盤 ( 鮑魚2隻，花甲，海蝦4隻) 肉類方面我哋揀咗美國牛頸脊油脂分配均勻好重牛味放在銅鍋裏灼五秒剛好雙拼丸黑松露丸 拼 手打墨魚丸丸係好大粒又彈牙，有半個拳頭咁大雙拼餃 雲吞拼水餃大大粒足料炸魚皮，蜂巢豆腐，田園蔬菜盤，烏冬正正常常店員好好安排咗個卡位畀我哋，坐得舒服這裏晚上傾下偈慢慢烚下烚下食物質素也是不錯的但以這個價位來說， 不得不說北角實在是一個有很多選擇的地方，店主要再畀心機諗辦法如何突圍而出啊

今天午餐（大約1:10pm）去了這家廣東點心+台灣便當菜館。 點了蝦腸（HK$38）。送上來的時候覺得腸粉蒸得過久，腸粉皮很爛（也可能是澄麵不夠），腸粉上放了過多的豉油。也不知道他們在蝦裡加了什麼（米粉？），蝦細小且有點硬。 亦點了一個鳳爪排骨飯（HK$40），是蒸在不銹鋼碗裡，上的時候外面有竹製容器裝飾，味道就像普通酒樓的早點一般，只是飯的分量多一點。台灣便當（HK$52）很失望。 雖然菜單上說你可以選擇 4 種米粉/飯的其中一款，但當天沒有台灣滷肉飯或紅米飯供應，唯有選新竹炒米粉，從20種選3的伴菜中，我們選了三杯雞、啊嫲紅燒肉和鹽酥排骨。 三杯雞（粒）嘗起來像蘸了炸粉的小雞粒蘸了一些甜醬油，啊嫲紅燒肉像直接從湯裡撈起的白豬肉加上一些白色芡汁，鹽酥排骨有印度食物的味道。炒米粉炒得亂七八糟！環境很吵，給你兩雙超長筷子（大概是晚市火鍋用的），茶位每人HK$15...我唯一可以讚的是服務員很有禮貌且有效率。這是一次比較差的午餐體驗，希望這家菜館能夠在不久的將來改善他們的食物、環境及給客人適當長度的筷子！

Went here with my family during lunch for their dim sum. .We ordered a wide array of food. Appreciated the Black Truffle Cuttlefish Cake the most. Hotly-fried, it had a crispy exterior. The cuttlefish inside was savoury and chewy. The Egg Custard Bun was impressive too. Once u bit it, its egg custard ran out from the bun. The sweetness was on point and blended perfectly with the heated buns. Preferred the Steamed Rice Roll with Shrimp since the shrimp was fresh and meaty. The rice roll was silky

同朋友響北角做完嘢去附近搵地方食嘢，朋友建議去呢度食，地點都算可以離開地鐵站5分鐘左右，同埋可能佢嘅時間可能比較早，所以人都唔算好多到到我哋走嘅時候人就真係多，同埋都有啲嘈。首先講吓佢啲火鍋配料都算幾齊全，唯獨是炸蒜蓉唔係好脆，裏面有啲仲比較靭。其他都還可以。今次朋友唔想食辣，所以叫咗個蕃茄湯底，蕃茄湯底味道都幾濃郁，同埋都帶有一啲蕃茄嘅酸味，識落幾開胃。肉丸同埋雜菜都算係新鮮，除此以外冇乜特別。最後一題嘅係響鈴，亦都係最失望嘅一樣，一啲都唔脆，裏面仲要完全係靭嘅，就算浸咗好耐湯都仲係好靱，感覺應該係放咗出嚟好耐已經淋晒嘅。可以話係非常差。

其實覺得利潤低可以不做便當，沒有人會怪你的，即然決定做了，就要好好做，也請好好尊重點便當的客人。3枱客人差不多時間入座，2枱叫點心，1枱叫便當，當2枱點點心的已開吃，1枱點便當的還需要等多10分鐘才上菜，服務員回應說要煮的，所以時間長些。結果，便當來了，大部份食物是凍的，溫的，沒有熱度的，大概是早上已煮好，現在上菜才涼了。便當食物和餐牌顯示不一致，有違反商品說明的情況，餐牌描述甜品是芋圓類台式甜品，上菜是桂花糕，服務員說甜品是每日不同，不一定如圖片說的，那麼請在圖片中去掉這甜品部份，別誤導食客。

夜晚接近十點約左朋友喺屋企附近簽番d野,唔想去茶餐廳,即刻諗起本色鍋品料理開到幾夜下,一邊打邊爐,一邊慢慢傾,黎過午市幾次,都ok,不過以為只係午市嘈吵,咁我就錯啦,同朋友入到去,有兩枱十幾人既中年西裝友客人疑似飲大左,喺我地個幾鐘用膳期間不停地叫囂嘈吵,成間舖頭都係佢哋把聲,坐喺我地卡位前面嗰pair情侶都啤住,我同朋友坐卡位對住都聽唔到大家講野,樓面主任或經理完全無阻止,首先講返個套餐,話就話$588,其實加埋一,茶芥都唔止,其實係數字遊戲😅,沙嗲湯底的確係幾好,海鮮都好新鮮,d鮑魚上枱時仲識郁,花甲皇完全無沙,蟹子鮮蝦丸同手工墨魚丸同出面d比的確出色,只係少左d,呢餐黎講算ok,不過嘈吵環境下扣左唔少分

今日約咗閨蜜食晏， 佢話帶我去一個地方飲茶， 我仲以為係去酒樓 ，點知呀去咗火鍋店。🙃 呢度中午係可以食點心， 款式好多 ，有啲都幾特別。 我哋為咗健康著想 ，先點素菜 ，最特別係有話梅涼瓜， 醃得爽脆酸甜 ，非常醒胃 ，特別健康。 跟住又叫涼拌雲耳 ，蒜蓉青瓜， 先食蔬菜， 再食蛋白質同碳水化合物 ，就係最健康嘅食法。 跟住又叫左一籠蝦餃 ，三隻巨型蝦餃 ，入面全部都係鮮爽蝦肉 ，食得好過癮。 跟住又叫咗煎釀尖椒， 少少辣嘅長尖椒， 釀咗魚肉， 煎香 ，林啲豉油 ，非常惹味又唔肥膩。 最後一個點心係排骨陳村粉， 其實係排骨腸粉， 腸粉好滑 ，不過份量少啲 。排骨就好多， 醃得過咗龍少少， 味道都好。 呢度仲有一樣嘢好特別， 就係送老火湯 ，今日係粟米🌽紅蘿蔔🥕煲豬肉🐷， 煲得好夠火候， 好和味， 仲有粟米同紅蘿蔔食 ，超正。 飲茶梗係要叫返壺茶， 我哋就叫咗菊花茶🌼， 成壺都係菊花， 好清香， 喺宜家初夏嘅天氣 ，飲咗好舒服， 清熱又滋潤， 下次飲茶都走嚟呢度， 埋單＄246， 收費合理。

一行四人，好友相聚梗係去打邊爐啦😁😁揀咗呢間火鍋店，叫咗四人餐，食物有質素，而且俾你慢慢坐，唔使趕住走，招呼服務亦都係唔錯，而以呢個價錢實屬性價比高，抵讚👍🏻

在家附近就老人家，就試左呢間。先來椰子雞湯底，唔知係咪太早去未煲好，野食到左湯底都未到，而且湯味道頗淡3xx牛set很美味，但牛略厚。。好彩都林滑，但切薄點口感會好點。丸類幾好又煙un5xx 牛set就一般，得小部份係靚牛，牛粒都ok, 大部份都又蟹又un，白色仲要剩肥膏象拔邦還好，不過唔夠新鮮重猩味雞子豆卜ok正常熟食的台灣腸很美味。蝦丸有小小芝士好煙un。魚滑非常煙un美味。滑牛先撈生蛋，煮完好林滑美味。覺得散叫好過set牛脆肉鯇幾好但多骨，但擺盤很美魚標樣子很美非常脹，有支簽俾你don爆佢有機會彈汁最後叫左烏冬和薯粉，薯粉味道很好，烏冬普通有點幼小小煙un，感覺是某個平牌字甜品叫左仙草涼粉，味道唔錯不太甜，入面仲有南瓜，香芋和綠茶小丸子極級煙un整體還好，不過講明夠3000可有房，火煱都係要在房食感覺才好點。

今日氣溫十多度，最好就係食火鍋，自家整怕麻煩，出去食方便快捷。火鍋當然要選好湯底，醉雞鍋滋補。滖起湯底飄來藥材香味，湯頭非常鮮甜。雞肉鮮嫰，啖啖肉。喜歡吃牛頸脊，質感比較軟熟，紋理明顯，果然不錯。有牛又怎能沒有海鮮呢！龍躉，鮑魚，海蝦。嘩！海蝦非常爽口。鮑魚軟熟。鮮蝦雲吞大大粒，材料十足，正。蜂巢豆腐，鵝腸，菜籃，烏冬……. 打邊爐必點配料。店員推介了加拿大象拔蚌，真係無得輸。非常爽口又鮮美。性價比高。

成日經過都想入去這間火鍋店，因為店名為鍋品必定對火鍋好有心得😋這邊套餐的確抵食，食物材料也十分新鮮👍🏻 最岩三五知己來食，地方整潔寬敞，重點有電視可睇波🤩⚽️🏆海鮮有石斑，大蝦，鮑魚，每樣都新鮮，鮑魚仲會旭吓旭吓🤭 大蝦爽口😋 石斑頭最正了，原汁原味。重頭： 象拔蚌刺身😍 刺身即食，烚吓烚吓又得，2種方法都大愛呀🤣自家制雲吞/魚皮餃，大大粒👍🏻 肉丸爽口， 最愛就是墨丸😉牛頸瘠 打邊爐無得輸了，有牛香有少少咬口，油脂分佈平均👍🏻👍🏻想講下甜品，讓我感動了😹 芋圓仙草/水晶愛玉（好少火鍋店提供）好滑滑的仙華，細細粒芋圓好煙韌好咬口😍可以再Encore來呀，打邊爐最緊要新鮮食材👍🏻

一家人烚吓烚吓就是最開心了，今日去到這間是不錯的選擇，新鮮材料！款式多！「禦膳滋補醉雞鍋」足料！雞肉是自行煮理，我們只煮了5分鐘雞肉滑溜👍🏻 好香酒味「加拿大象拔蚌」正呀😍 大愛刺身😋怕的時候烚一烚！仍然爽脆「沙巴龍躉」新鮮！魚肉滑😚「南非鮑魚」好大隻，而且仍然旭下旭下🤩「生猛海蝦」大隻！肉質脆口👍🏻「西班牙黑毛豬脊」黑毛豬有香濃豬味而且唔蘇「美國牛頸脊」好大碟！雪花分布平均😋「金牌手工丸」好爽口墨丸，豬肉丸，手工打出來👍🏻「鳳城水餃」大粒！內裡足料有蝦有筍「魚皮餃」「蜂巢豆腐」有香濃豆味，而且可以吸到湯味「新鮮鵝腸」新鮮原來好食好多🤭 「花雕雞子」少有食，但原來口感也不錯😉「田園蔬菜盤」「稻庭鳥冬」備註：🔺套餐真的好抵食😉 又平！又多種類！🔺仲可對住電視開餐睇世界杯⚽️🔺地方寬敞，而且座得舒適😌

天氣突然轉涼，約定幾位好姐妹去打邊爐。去了北角區，火鍋店裝潢雅緻，有大梳化位，寬躺，舒適。末食火鍋，先來加拿大象拔蚌刺身。好鮮！好爽！好甜！超正。湯底選了醉酒雞鍋，酒香樸鼻，雞肉尚算嫩滑。整個湯底充滿着藥材香味。海鮮盤有南非鮑魚，沙巴龍躉、海蝦。鮑魚有嚼口，海蝦爽脆，龍躉肉質鮮嫩。牛係打邊爐嘅靈魂，必須要食。牛頸脊紋理均勻，入口軟腍，正。金牌手工丸一定要試，精心炮製，爽滑，彈牙…各有特色。鵝腸也不錯，賣相乾淨衛生。肥膏位不多，好味。

今晚同班同事收工gathering，天氣麻麻哋，落住雨又涼涼哋，去打邊爐就啱曬，同事介紹咗北角呢間本色鍋品。一入到去感覺好闊落坐得都舒服，好啱一班人聚會食飯，點菜就交曬俾同事負責，最後叫嘅都好啱我哋心水象拔蚌刺身(5/5)非常新鮮，鮮甜美味，同埋好爽口，刺身咁食真係一流，仲要比我想像中大碟海鮮(5/5)叫咗好幾樣海鮮，有海蝦、鮑魚、龍躉仔，全部都好新鮮，啲鮑魚仲郁緊㗎，非常生猛，海蝦🦐好鮮甜，龍躉仔🐟都好爽脆鮮味鵝腸(5/5)真係第二度食唔到，非常好食爽口，少少煙韌有咬口，成碟好快就清曬牛頸脊🐃(5/5)睇啲紋理同色水就知啲牛靚，切得厚身少少，但放落煲都係淥十幾秒左右就食得，口感好正，牛味濃郁西班牙黑毛豬(5/5)黑毛豬🐽最正係本身肉味好濃，就咁放落鍋唔駛點醬汁食最正，唔會有啲豬羶味，食橡果大嘅豬果然唔同啲🐖蜂巢豆腐(5/5)啲豆腐索曬啲湯汁好好食一咬落去啲湯汁就流曬出嚟四寶丸&餃子拼盤(5/5)全部都係手工製作，丸類彈牙，啲餃餡料豐富，大細適中，皮薄餡靚鍋底(4/5）叫咗個鴛鶯鍋底，係蕃茄湯底同雞煲，雞煲味道唔算太濃，反而蕃茄湯底就好似平時啲蕃茄湯咁濃味最後仲食咗甜品仙草芋圓，相當足

亞女呢日好興致話揸車去接細佬放工順便去佢工作附近的本色鍋品料理打邊爐，可以做無飯煮婦嘅我當然舉腳讚成啦🤭店員遞上醬料盤可按自己喜好混醬招牌沙嗲鍋湯底有七款選擇亦可以雙拼，價錢以價高者計，亞女揀咗招牌沙嗲鍋，湯底沒有花巧的配料，但花生味好香濃，愈滾愈香配牛肉味道最夾美國牛頸脊此部位運動量比較多，油花均勻，肉質鮮嫩爽滑，肉味濃郁西班牙黑毛豬脊西班牙的黑毛豬比一般的黑毛豬好食，沒有豬的臊味，帶油花但不油膩，肉質鬆軟，肉味鮮甜澳洲龍蝦刺身餐廳選用澳洲龍蝦即撈即劏，鮮味十足，龍蝦肉晶瑩剔透，口感爽脆富彈性，個人喜歡不蘸點任何醬料，食出龍蝦的鮮甜味海鮮拼盤有生猛大海蝦及六頭南非鮑魚，雖然是冰鎮上枱，但仍見到海蝦奮力跳動，而鮑魚就不停蠕動，非常新鮮生猛；海蝦肉質脆彈，鮑魚肉厚鮮甜，仲有游水沙巴龍躉仔，已起肉去骨，魚鱗處理乾淨，肉質嫩滑，魚皮膠質豐富，魚味鮮美金牌手工丸有手打鮮牛丸、豬肉丸、蟹子鮮蝦丸同手打墨魚丸四款，食得出全人手打製，真材實料，口感彈滑手包餃子拼盤/田園雜菜籃餐牌有六款餃子、雲吞，全人手包製，用料充足，粒粒飽滿，皮薄餡靚；田園雜菜籃，唔使煩，每樣蔬菜都有啲，份量唔會太多，可以食多啲唔