本色鍋品料理

营业中

休息中

細佬最近夜晚喺北角丹拿道啲住宅會所教劍擊成日聽啲居民推薦話附近嗰間火鍋本色打邊爐好正前排夜晚揸車接佢放工順便帶埋屋企人出嚟行街食飯打邊爐澳洲龍蝦刺身澳洲龍蝦平時食唔少整刺身真係未試過；餐廳水缸即撈即劏保證夠哂新鮮；淨係睇擺盤個龍蝦頭咁巨型就知隻龍蝦應該都幾大隻；龍蝦肉每片都厚薄均勻而且肉質晶瑩剔透食落口感清脆鮮甜真心推薦招牌沙嗲鍋有成七款湯底選擇；想清淡啲可以揀黃金雜菌包素湯或者蕃茄薯仔豬骨湯；鐘意重口味嘅就必定要試藥膳麻辣湯或者影帝雞煲；注重健康的話可以考慮滋補醉雞鍋或者皮蛋芫荽鍋；招牌沙嗲鍋湯底超濃郁而且勁香花生味淥牛肉啱哂生猛大海蝦/六頭南非鮑魚/游水沙巴龍躉啲海蝦上枱嗰陣依然繼續彈跳努力掙扎堅係生猛；六頭南非鮑魚差唔多成隻手掌咁大同樣不停蠕動超級活躍而且肉質緊緻鮮嫩正到爆；游水沙巴龍躉魚肉細緻鮮嫩就連本人平時打邊爐唔食開魚嘅都覺得幾掂美國牛頸脊牛頸脊屬於頭頸同埋肩胛之間經常活動嘅部位；脂肪比例同埋分佈都比較平均而且肉質亦都相對柔韌濃郁西班牙黑毛豬脊西班牙黑毛豬相對起普通豬肉嚟講肉質明顯比較粉紅軟嫩而且入口清香唔會覺得肉臊真係食得出唔同金牌手工丸拼盤有齊金牌四寶丸包括蟹子鮮蝦丸同

之前食過銅鑼灣分店都覺得呢間火鍋店都幾好，不過坐低先知道呢間餐廳比上次更加好。星期日夜晚都好滿下，幸好我哋六個人坐低都有個好大嘅卡位，坐位舒適度比上次好好多。又係叫左六人餐，刺身有澳洲龍蝦刺身或加拿大象拔蚌刺身俾我地選擇，最後點了象拔蚌，雖然唔係話好澎湃嘅咁講，但係切得幾好幾新鮮。海鮮拼盤有幾種生猛大海蝦，六頭南非鮑魚同游水沙巴龍躉仔，龍躉最正，真係好多，全部仲要切晒起晒肉。極品牛頸脊或西班牙黑毛豬當然選牛，算幾出色。金牌四寶丸同手工餃子拼盤 朋友係重口味人士，佢話一定要食花雕鮮雞子同新鮮肥鵝腸頭，由佢啦，食落又幾好，尤其是雞子有花雕味，好得。蜂巢豆腐 ，田園雜菜籃同洞庭烏冬都係正常火鍋店嘅質素，配合我選的湯底影帝雞煲，真係幾唔錯，辣辣地，冬天食真係一流。

朋友住北角半山豪宅，平時打邊爐都食得特別招積，週末晚上特別招呼我哋去佢平時食開嘅飯堂，火鍋本色，聽講雞煲同牛肉都好正。丹拿道就在地鐵站附近，非常方便，這裏有多款火鍋套餐或者散叫生猛海鮮，價錢合理。本色火鍋店裝潢好高級優雅，有好多特色卡位，光鮮乾淨而且有空間感，大人小朋友都坐得好舒服，雲石枱夠晒大，放滿食物打卡一流。澳洲龍蝦刺身非常吸引眼球的澳洲龍蝦刺身，通常高級刺身，我都只放心喺企理的餐廳享用。餐廳選用澳洲龍蝦，即叫即劏，所以龍蝦鮮味十足，口感加倍有彈性，先吃一片原汁原味，然後試吓點少少刺身豉油或 wasabi 食就更加提升鮮味，一班朋友食啱啱好。澳洲龍蝦刺身好有鮮甜味，鮮味至極！賣相擺盤都好有誠意，新鮮仲配上師傅好刀功夫，味道都有驚喜。湯底：影帝雞煲肥美嫩滑的新鮮雞加入自家秘製麻辣醬汁，配搭新鮮材料製成，令雞件鮮上加鮮，比坊間一般更惹味，雞煲控一定唔可以錯過！極品牛頸脊雞煲之後到火鍋，一開始已經忍唔住要勁食極品牛頸脊，都係非常推薦！色澤鮮艷，厚薄剛剛好，油脂分佈好均勻，口感軟腍有油香，不沾醬汁也很好吃。果然是選用高質素牛頸脊，牛肉食落脂肪較多，所以特別有油花香，入口微彈，肉質柔軟，味

天氣凍凍地係時候食番一餐高質火鍋料理， 是日聚餐約埋友好一齊去了北角丹拿道地下呢間本色鍋品料理享用美食，店內環境寬闊唔止地下一層仲有一樓提供座位唔怪坐得咁舒服，至於火鍋餐單大至分幾類，游水海鮮、刺身、豬肉、牛肉、手工丸同餃，冷盤小食、田園蔬菜同甜品等，如果想同時品嚐多款食材，有呢個精選優惠套餐大約提供4至6人份量，已可以食到高質素嘅火鍋配料就點咗佢，食到唔夠飽再先點其他配料，先點湯底係影帝雞煲，即係大家都會食嘅頭盤雞煲，點都要食少少辣咁先刺激，雞煲配上惹味醬汁同蒜蔥特別香味撲鼻，食住雞煲同時又食到新鮮嘅澳洲龍蝦刺身，份量夠足一片片晶凝通透咁放入口中口感爽彈肉質鮮嫩正，食完再放埋龍蝦頭等加料嚟做湯底，終於到火鍋時間，而火鍋配料都放滿晒喺餐枱上，海鮮拼盤唔少得有游水沙巴 龍躉仔，豐厚骨膠原肉質，再食件六頭南非鮑鱼、肉質夠晒鮮軟，連埋生猛大海蝦鮮味十足，輪到肉類有極品牛頸脊，肉味香濃油脂香甜，西班牙黑毛豬，半肥瘦啱啱好食得又滋味，最估唔到有花雕鮮雞子，食落幾好味滋補一下，另外有新鮮肥鵝腸頭，入口肉質好爽滑夠甘香，輪到丸類有金牌四寶丸，粒粒真材實料食到啖啖肉汁，手工餃子拼盤雲吞同鳳城水餃，大大

❀ 本色鍋品料理 #北角 ❀❗️經典火鍋店就有質素保證❗️——————————————————最近開始轉涼，即刻好想打邊爐🍲今次嚟咗呢間開業10多年經典火鍋點心店，唔走gimmick、玩味路線，但求真材實料，質素保證，所以即使而家越來越多新嘅火鍋店，佢哋都依然屹立不倒🔥而且人越大，越嚟越覺得食放題真係好辛苦，寧願逐碟逐碟嗌但質素更高，所以呢一間就啱晒💓另外，佢哋仲設有獨立房間，可以當係party room咁唱K打邊爐，成班friends一齊相聚！.✷𝑀𝑒𝓃𝓊✷☞ 點心♥ 鮑魚燒賣王 $24/1♥ 本色蝦餃王$38♥ 馬拉糕 $32♥ 鳳爪排骨飯 $40♥ 蜜汁叉燒腸 $32 ♥ 巧製叉燒包 $25午市提供多種點心選擇🤩最有睇頭莫過於成粒鮑魚喺燒賣上面，燒賣仲要夠曬大粒🔥亦要大讚蝦餃，包住三大粒爽口蝦，係我食過最足料嘅！其他經典點心都有質素保證。☞ 火鍋♥ 至營黃金雜菌包素湯 $188嚟到當然要試埋佢地嘅主打火鍋，提供多款特色湯底，全部都落足料而且幾健康，如黃金海鮮湯、古法椰皇海螺雞、胡椒豬肚布袋雞等等😆當日想清淡少少就叫咗呢款黃金雜菌包素湯，冇諗過居然係用腐皮包住多種雜菌，非常靚！.♥ 牛

同同事食farewell午餐，簡左係公司附近的餐廳，好似出名火鍋，不過我哋都係簡左點心，價錢都幾正常，仲有個好有誠意的例湯（紅蘿蔔葛根湯）湯濃味香，流沙包丑丑地唔係特別好味，奶黃都唔流，蝦餃，燒賣，鹽酥雞都幾正。兩個便當，各款食物味道一般般…….

晚市重啟 一定要去打邊爐! 北角呢間火鍋店 細細間。無乜特別好揀呢間主要係有房。私隱度高。不過有最低消費🤪疫情下都想搵有房既打邊爐 好似安全啲 心諗😂 野食都算新鮮 海鮮拼盤同埋手切牛頸脊都睇得出不過個湯底就一般 淡左啲 無乜味 無乜特別少貴。大概$600@ 。未必再黎完。#飲食係一種享受唔淨係為左生存#無論平定貴都一定要花費得明明白白#eat_withbina #eat_hotpot_withbina#eat_北角_withbina

本人每逢農曆新年都必食盆菜，基於疫情，本人今次第一次在這間店訂了盆菜，一打開錫紙時，d料塞滿曬整個盆，有d菜差d跌出，仲有付上湯和汁，和以往吃的盆菜不同，d丸全部是自家制的，食落冇陣水洋酸味，d蔬菜好新鮮，芋頭和紹菜吸曬d汁，鵝掌大大隻，鮑魚髮菜蠔士足料，值得推介

北角區發掘到小店點心😄在午餐時，突然想食點心，就在附近商場後街有間不起眼的小店，環境真的似食火煱，意想不到吖點心處理得比較特別，感覺即做的點心，材料新鮮，精緻巧手，不太油膩感，整體不錯的。鳳爪排骨飯，飯質不會太淋生煎飽帶子蝦餃奶黃包

本人11月13日晚去咗北角火鍋本色打邊爐，啲嘢係貴啲但味道環境都ok，但服務態度真係不敢恭維。大約六點半左右落單，點咗條龍躉588，食到七點半都仲未見，點知被通知仲要等最少半個鐘，問我哋等定唔等，唔等可以取消（好似命令）。我家姐好多野唔食得，就係等條魚，你而家係焗我哋取消？如果你即刻認衰話俾我聽漏咗單，而家即刻劏，我條氣會順好多，點知女部長係都唔認漏單，乜劏條魚要個半鐘嘅？合理？！如果真係要個半鐘，點解開頭唔同我講？咁我哋可以唔點啫。仲有個便服可能係老細嘅男人，問我係咪想打交，我由頭到尾，講嘢係大聲咗啲，粗口都冇乜點講，你恐嚇我呀？佢哋好似覺得，取消唔計我哋錢就解決咗件事，知唔知我係係慶祝生日，你哋咁樣真係掃晒我哋慶，呢個損失唔係咁樣就解決到…

北角區係多好嘢食，但係成日覺得好多鋪頭都衛生一般。有大人又有小朋友，叫啲炒粉麵俾小朋友食咗先！又幾好食喎！湯底正常，火鍋料正常，價錢亦都正常！帶小朋友去打邊爐最怕地方危險唔企理，呢個場絕對ok!甜品最正！有手工芋圓，大人細路都happy

火鍋本色主打係佢夜晚嘅火鍋，但係原來晏晝嘅午市茶餐都好有特色。午市嘅時候佢會係食台式飲茶，有唔少台式嘅小食。傳統嘅我哋都係嗌嗰啲平時飲茶會叫嘅點心適合老人家口味，但係想試新野嘅我哋就一次過可以係食$52便當嘅時候嗌晒。佢嘅便當可以有一個煮食例如粉面飯，然之後配三個唔同口味嘅台式小食。今次個馬拉糕好值得推介，非常鬆軟。布拉腸粉亦都非常滑，老人家食非常好。最特別嘅係佢每位都會送一個例湯，我喺其他茶樓冇。今次嘅係紅蘿蔔粟米菜乾湯，都煲得非常夠火喉。👍🏻

北角呢間火鍋店喺 @openrice_hk 嚟講零負皮，但究竟有咩吸引之處？先講餐廳內部環境，裝修走暗黑路線，射燈較多，比起普通酒樓打邊爐更有格調！先坐低比熱情嘅姐姐招待後，急不及待嚟個重口味「影帝辣雞煲」(半隻$198) 刺激吓味蕾先！雞煲味道濃郁，就算叫小辣，麻辣味依然分明，一口雞件大細剛好，易入口碎骨少，可惜肉質一般，然而最大疑問係菜式名上嘅「影帝」係邊位呀😂？ 影帝年年唔同，究竟係邊一屆影帝改㗎呢？有待研究⋯⋯手打「野生黑松露丸」($88) 口味創新，口感彈牙兼黑松露味超香，值得一試；而「香草帶子菜苗餃」($78)嘅餡料菜苗佔8成，帶子碎則佔2成，未有太大驚喜。「新鮮鴨血」($58)同行朋友則表示「冇特別」。再嚟肉食系列！作為肉食一族，牛肉係打邊爐嘅靈魂！呢間火鍋店供應嘅牛類超過十種，包括美國牛頸脊、陀地手切牛、美國牛肩胛肉、澳洲和牛舌、美國金錢展、極品牛胸尖、陀地滑牛、甘香牛柳粒、極品牛爽筋、牛骨髓。今次就試試例牌美國牛頸脊($238)，牛頸脊係牛耳對下嘅頸位，上碟嘅樣同餐廳張相90%相似，雪花紋細緻，食落嫩滑兼有咬口，肉質軟腍，牛肉味香，食完一塊又一塊，相當滋味。另外再叫咗

星期五晚習慣外出晚飯。想食濃味，結果揀咗雞煲火鍋，先雞煲，後火鍋。黃雨下，入到餐廳已經濕晒 環境唔錯，有乾淨嘅感覺。四人安排坐卡位，幾舒服 先來雞煲。四個人叫了一隻雞。味道夠晒，有麻有辣雞又滑，滿足到我哋對雞煲嘅渴求 小辣都好濶佬，好在一早夾起大部分辣椒，如果唔係，應該應付唔到 食完雞煲，叫了一個二人餐。食物如下。樣樣有啲，牛肉同海鮮都唔錯 雞煲加二人餐，雖然未足以捧著肚離開，但係都夠飽，因為一心諗住轉場食糖水 第一次食感覺唔差，餐牌款式雖然唔太多，但足夠。環境服務好，食得舒服，應該可以回頭

有同事走喇緊係要farewell吓佢啦。去咗依間餐廳食lunch食點心。脆卜卜炸雲吞。雖然炸皮好多。好油。但炸到好鬆脆好簿就算佢啦。正常燒賣。流沙包。都有黃漫漫流出。可以。天婦羅蝦腸。裡面脆卜卜。粉皮唔會淋淋吓。都不錯。蒸餃。皮唔會爛蓉蓉。不錯。鹽酥雞拌麵。汁略嫌唔夠濃味。面都彈牙嘅。鹽酥雞好香脆。味道比出面食開唔同。幾特別叫咗兩碗芋圓仙草。少有飲茶有得食。芋圓煙靭。仙草味較重。但不錯。仲叫咗個小籠包。都係正正常常。總結點心款式唔算多。但每碟都靚靚仔仔。價錢都合理。ok