札幌拉麵屋 (已結業)

今日晏咗個外賣 想拎啲外賣汁醬 佢竟然要我另外再加錢買外賣汁醬兜， 嗌外賣要加錢 我非常明白合理 但我係買外賣嘅情況下想要醬汁姐， 都要另外再收我 一蚊一個 汁醬兜仔？ 你公司提供得外賣係咪應該預埋 外賣就執相畀人 你冇同阿包裝嘅都算 只係喺你堂食啲汁醬度早啲畀我咁都要另外再生我一蚊一個？ 我已經一而再再而三同佢解釋我幫朋友買咗外賣冇可能自把自為加啲汁醬落人哋兜嘢度 佢仲堅持 我要另外一蚊一個兜仔， 唔係想貪小便宜但係做得外賣，有冇關顧到外賣食客既待遇

短短一個小時要搵食真係唔容易，路過譚臣道發現依間拉麵店。看看餐牌，除了拉麵還有定食，一於試試。既然佢係拉麵店，拉麵水準一定不錯。眼見多數人點拉麵，因此想試一試其他食品。如果其他食品質素唔錯，就可以再次來試其他款式。午餐餐牌上有不同類型的定食，定食包前菜、白飯、主菜同埋味噌湯。今次點左個炸蠔定食，試一試炸物既水準。落單後，就聽到師父準備炸蠔。個人係喜好炸物，因為炸物要做到外脆內熱，同埋乾身先至係好。今餐個炸蠔就做到依個水準，加埋椰菜絲、薯仔沙律同配埋碗珍珠米飯，真係好滿足。

晏就1點放lunch過嚟 兩個人都等咗15分鐘位落完單大約15分鐘先有野食如果放飯時間一個鐘嘅話 就建議叫外賣啦1️⃣ 炒飯+餃子定食定食包一碗麵豉湯，日式沙律，一碟炒飯同五隻煎餃子沙律同湯都正常發揮，但餃子同炒飯就令我有少少失望煎餃子期望會好似平時拉麵店嗰種煎到脆卜卜個種可惜佢只係表面好輕輕煎完就上碟，冇咗煎餃子應有嘅香脆可口而炒飯更加係令我非常驚訝…..我期望炒飯係真係炒過會係一粒粒飯既質感但係個炒飯非常濕潤，類似平時喺電飯煲舀出來嘅感覺見其他網友嘅食評評價唔錯可能午市真係好多人，廚房真係出唔切餐先咁岩降低左食物質素2️⃣叉燒拉麵配燒肉丼定食叉燒肉輕輕一夾就可以散開唔怕好韌，不過湯底味道比較清淡燒肉丼既燒肉份量充足，有少少油脂但唔會太膩雖然午市出餐時間比較耐而且炒飯同餃子嘅質素唔太理想，但見到侍應哥哥好努力盡量滿足客人要求，感覺真誠有禮貌今次真係服務態度加返分

同事介紹我去呢間札幌拉麵，話好好食，我今日就走去試吓先。午餐Menu有3大頁，有拉麵、有日式定食仲有好多小食，但係我今日好想食拉麵，所以我就揀咗叉燒拉麵配炸雞塊午餐$78。首先嚟咗個炸雞塊，細細件，味道都算OK。不過因為較為細件，所以食唔到好強嘅肉汁。反而呢個份量，切成兩大件可能效果會更好。叉燒拉麵雖然配料唔多，不過麵質真係一流，軟硬度非常適中。所以就算配料唔多，我都好鍾意依間拉麵店。值得一題，呢間拉麵店嘅茶幾好飲☕️

原本呢條街因為特別多的士佬而有許多平價茶餐廳, 當中都夾雜住一些日式料理或西餐廳. 呢間係剛剛試業不久的其中一間.首先要講一下個座位, 四人位如果坐四人非常窄, 之外就算獨立坐個座位都非常不舒服. 另外檯都係特別細, 如果個餐有多盤的話不夠放.食物方面, 經常有很多菜單中的菜式客滿, 但是味道其實係可以的, 拉麵一般建議食飯, 收銀位置太窄, 所以付款的人經常會被剛剛入門的客人撞到.

位於灣仔譚臣道地下Lunch時間有好多人排隊拎票等候人流都封得好快唔會等太耐職員亦安排得好好會叫下一張枱嘅客人睇定餐牌食咩先轉頭就幫你落定單先去到坐低好快就有得食啦-自選特價午餐真係好抵可以自選一款拉麵+飯/小食最貴都只係$90但我同男朋友都比佢地嘅定食吸引住-🥘咖喱吉列豬排定食 $72吉列豬扒好厚切，豬扒肉質偏硬實，吉列炸列脆卜卜但唔會好厚粉，不過略嫌咖喱汁唔夠辣，係幾香咖喱味同埋薯仔都入晒味。定食配麵豉湯、沙律份量好多👍🏻唔記得嗌少飯添🍽自家製漢堡扒定食 $78（可轉咖喱汁）兩大件漢堡扒，漢堡扒肉質好淋，而且配咗好多好多沙律菜，見到都覺得開心，啲菜好新鮮，好健康嘅一個午餐，定食另外仲配有麵豉湯同埋薯蓉👍🏻📍札幌拉麵屋🔎灣仔譚臣道23號王子商業大廈地下

好耐之前食過北角店拉麵，見係分店就來試吓。要左拉麵加餃子同汽水，還有咖喱吉列豬扒餐。拉麵味噌湯底唔錯，麵可以。叉燒就神虎D肉靚D，餃子煎得幾香。吉列豬扒同咖喱汁正常。灣仔衣個價位食午餐算合理。

無食過老鋪，見新開就走去試下一開始服務態度Ok，好快就遞左杯茶黎…有少少微暖。點左個餐，麻辣拉麵+蟹籽沙律。沙律黎先，正正常常不過不失，偏大份。拉麵黎到，係撈匀前試左淡湯頭，有好濃既味噌味，唔錯。麵身較粗而韌，但有少少似茶記款色。撈埋啲辣味肉碎之後，同日本食既「台灣拉麵」一樣樣😥。叉燒除左臨少少同顏色之外，同廣東燒味一樣味。向店員點一杯水，竟然斟杯滾水俾我😂😂😂😂 仲熱過佢杯茶，後尾指明要凍水先有。埋計$99以套餐黎講算略偏平，不過同價位有更好食既選擇。

估唔到呢間日本拉麵屋 除左拉麵之外仲有好多小食聽師傅話啲拉麵係日本訂番來😍同埋啲湯底好濃郁，完全無味精味個海鮮沙律汁好特別小食款式又多價錢亦唔算貴，會在幫襯😋😋

經歷了一天繁忙的工作，放工後想找一間餐廳好好享受晚餐。路經譚臣道，突然發現一間新開張的日式拉麵屋，於是便去試一試。一入到餐廳，感覺很舒服。侍應亦很有禮貌，向我簡單介紹Menu。我最後試了叉燒拉麵和細燒肉飯，味道不錯。令我印象最深刻的，是當我結帳離開時，由侍應至師傅都向我說聲「多謝哂」。在香港已很難找到這類令人有賓至如歸感覺的餐廳了。