札幌拉麵 Miso No.1 x 辛味屋

营业中

休息中

#小秘書 自從N年前喺 #北海道 食過一碗 #牛油拉麵 🍜 估唔到喺屋企附近再一次重逢。辛味屋 Karami Curry 喺呢個商場都開咗一段時間，但係就一直無機會幫襯🤪 琴日陪屋企人玩咗大半日，骨頭都散😅 可能太虛耗，#小秘書 就由星期六凌晨開始進入冬眠狀態... 直至星期日中午🤣每日可以 #自然醒 一向係 #小秘書 嘅畢生志願❤️ 梳洗過後再收拾好游水用品，出門口嘅時候已經接近下晝三點🤪 仲以為咁晏就只有 #下午茶餐 ☕️ 斷估唔到 #辛味屋 都幾識幾走位，要午餐嘅有 #午餐、 要 #小食 嘅亦都有供應👍🏻 等了大概五分鐘就有位喇👀 真係冇諗過星期日會咁多人出嚟陪我食個late lunch🤣 情有獨鐘... 我叫咗碗 #牛油拉麵 🍜 + #迷你燒肉飯（強迫性套餐嚟㗎）。我都開始懷疑日本人都係有兩個胃🧐 唔係又點會要個客食完碗拉麵、又要人哋食飯㗎🤣🤣 不過唔好講笑，碗 #燒肉飯 又真係幾好味😋 燒肉汁甜甜地，配埋少少半肥瘦肉鋪喺飯面，我實在太肚餓，好快就K.O咗佢😆 反而我就覺得碗 #牛油拉麵 麻麻👀 湯底對我嚟講亦左都偏咸，叉燒一落湯就散哂，無口感🥺最奇怪嘅係侍應無啦啦搵咗位大叔嚟搭

-事關同朋友打完波，就去咗鑽石山荷里活廣場搵嘢食， 行過見到呢間食日本嘢，有啲散叫一人餐又或者有二人餐。咁好啦，入去試下啦。其實食物方便呢，唔可以話太好，又唔可以話唔好..........一句不過不失啦。今次食$208自選2人套餐，可以揀兩個主餐三個小食。 主餐方面：鰻魚飯（+$10） + 什錦拉麵（$15）。小食方面：自家製餃子 + 燒魚餅 + 牛油炒草菇。本身呢...個環境呢係ok。坐位方面亦都相當多嘅座位。但係真係唔知點解我哋兩個人加埋拎住咁多嘢，侍應生都要畀細細張嘅兩人枱，又唔會主動畀張卡位我哋。 即係咁，如果真係好多人 or 多人係出面等位咁，我都唔介意坐迫啲。但唔知點解現場得嗰幾枱客，咁多吉位又唔會話主動畀啲鬆動嘅位置我哋。 搞到我哋食得迫迫夾夾。__________地址：鑽石山荷里活廣場3樓325號舖

今天來到鑽石山荷里活廣場，三個人各有各想吃的，所以就選了《札幌拉麵x辛味屋》貪佢有多款日式定食及拉麵烏冬可選，我今天就選了吉列豬扒奄列咖喱飯，其中一個朋友選了燒豬肉蓋飯，另一個就選了赤豚拉麵，我的吉列豬扒奄列咖喱飯就非常滿意，咖哩甜而且夠味，吉列豬扒還好脆，之於我朋友的燒豬肉蓋飯味道他就是不錯，但是另一個朋友的赤豚拉麵，他就說煮得耐了，但埋單才250多元不貴。

中午洗完牙順便經過鑽石山荷李活廣場帶埋仔仔咁遠水路過嚟梗係要搵啲嘢食撞啱下午茶時間，又見入面好多人食就即管入去試試。雖然入面多人，但係唔駛等位Very lucky🍀🍀🍀一坐低，店內裝修好家庭日式服務員好快就遞上餐牌一望底下，下午茶抵食到爆我最後點咗個招牌牛油拉麵同埋一杯凍咖啡拉麵超快就到，五分鐘左右見到佢嘅湯好濃郁，撲鼻嘅香味完全引起我嘅食慾好香嘅白麵豉味，再加一塊牛油但係牛油比我預期中細一啖夾落口，麵質爽口加少少彈牙有種小時候係百貨公司食拉麵嘅感覺唔知大家明唔明白呢種係咩感覺嗰啲拉麵嘅質地，並唔係依家拉麵店嗰種有返童年回憶返咗嚟嘅感覺白麵豉湯底並冇令我感到失望因為入口嘅味道同眼見嘅顏色一樣濃郁而且湯底夠濃味但係唔會太鹹不過牛油就真係細快咗少少如果牛油味再誇張啲會更好牛油味比白麵豉湯底蓋過咗最後凍咖啡，不過不失，好基本嘅味道。

要談日本拉麵，從南到北，極細麵到極太麵 ，豚骨湯底到味噌湯底， 款式種類在日本國土裏大放異彩，多不勝數，目不暇給。（札幌No.1x 辛味屋）提供味噌湯底，配合日本直送太麵（曲麵），讓人仿如身在冰冷的札幌街頭捧著一碗熱呼呼的湯拉麵，暖上心頭。海鮮雜錦拉麵，味噌湯底濃稠度頗高，使拉麵條掛滿味噌香氣。燒鯖魚跟餐加$58，魚皮表面燒得有點過火，幸好魚肉鮮嫩，配上新鮮檸檬汁中和油膩感。燒牛脷，薄切牛脷底面都燒得甘香惹味。鹽燒雞翼

呢間野真係長期都多人等, 可能價錢較經濟吧。叫左個雞扒CURRY飯+ 炸蠔CURRY都係正常果D 日式CURRY 汁, 入面仲有埋好多牛肉同洋蔥果D, 味道正常。塊雞扒都幾大塊, 可惜無調味LAW.... 麻麻。炸蠔+ 2X 蚊就有, 有3舊, 無食, 唔清楚得唔得。

下個月約左幾個好朋友一齊去日本札幌，因仲有成個幾月先出發的時間，今晚經過荷里活廣場3樓見到(札幌拉麵Miso No.1x辛味屋) 便急不及待入去試吓，門口已經 有人排隊等位，等了一陣坐下來已急不及待，叫咗 二人套餐$199分別有兩碗拉麵同幾個小食，非常抵食，果然不錯之選。雜錦拉麵，份量都算多，分別有豬軟骨、叉燒、蟹柳、雞蛋等，拉麵爽口，湯底濃味，十分配合。海鮮拉麵，湯底帶有海鮮味，比較清香，再配以蝦肉、魷魚等，十分不錯。燒魚餅燒雞軟骨、紅燒雞翼，兩款都係揀用鹽燒，好香口惹味。炒魷魚鬚不會太韌，都好夠味。

今日過咗鑽石山行吓，因為差唔多到晚飯時間，又係時候周圍睇下有啲咩食😂，行到去呢一間鋪頭門口嘅時候，睇咗佢個餐牌，好似好多選擇咁樣，而我又未食過呢一間拉麵，所以就決定試吓，喺門口攞咗飛大概等左20分鐘就可以入去啦，入面環境舒適，服務員都好好禮貌，叫咗一個晚市套餐：豬肉拉麵🍜，個餐仲會跟多一個小食，揀咗個煎餃子🥟，首先拉麵個湯底都唔錯，味道剛剛好，不會太鹹，而且個豬肉好腍，唔錯，而個煎餃子，好飽滿👍🏻，另外在叫咗個牛柳定食，呢一個餐就冇小食送啦，但個餐入邊會有味增湯，薯仔沙律🥗，個牛柳好腍好入味，連埋蒜片一齊食，都唔錯，整體來講，價錢都唔係好貴，可以一試

上星期日同媽媽黎鑽石山探朋友，中午就喺荷里活廣場搵嘢食。見到呢間拉麵舖，價錢又幾平，就入黎試下！我地叫左兩個午市套餐，一個雜錦拉麵和一個海鮮拉麵。套餐仲包左小食添！我地就揀左煎餃子和沙律媽媽食左海鮮拉麵，我都試左少少。湯底幾特別，比較清，同埋好足料！我就食左雜錦拉麵。比起海鮮拉麵，我呢碗既湯底濃郁好多。雖然係比較傳統類的拉麵，但同樣好有水準，份量也很足。餃子和沙律都好好味！我地兩個全部食晒。講真，$69一個午市套餐包埋小食真係超扺！我地仲每人叫左杯奶茶，埋單都係得$169咋。絕對係實惠的好選擇

收工肚餓了，去食碗𠽌𠽌拉麵。門口餐牌已有超多選擇，價錢亦幾相宜，入左先慢慢研究啦。二人餐$199 ，包兩個拉麵三個小食。有成十二款小食任揀，例如日式餃子、燒牛舌、炸豆腐、牛油菇等等...... 雖然可以選三，好多款都好吸引，掙扎左好耐，先決定到點邊款。燒雞翼拼燒雞軟骨 （各兩串）响芸芸小食之中最突出的組合，有兩隻雞翼同兩串雞軟骨喎！沒有不選的理由。感覺似即燒，雞翼是皮脆肉嫩的。雞軟骨亦夠脆口，表層有點點鹽，仲有檸檬片......好認真又有誠意，呢客小食好有居酒屋的水準炒魷魚鬚全部都是孖鬚有吸盤，食魷魚的最佳位置。用醬油炒得好香，有咬口得來唔會韌，唔會老。我地仲自行加入七味粉，辣辣地更潻惹味。燒魚餅算厚身，有口感又甜甜地，幾正宗的日式燒魚餅。伴碟其實係生姜絲，有輕輕略煎，帶有絲絲甜醬油味，但食落是超辛口的。同魚餅一齊食，一甜一辣味道好夾， I like it !海鮮拉麵主力係蝦同魷魚，湯底同麵底都好味。可惜我地叫左一碟魷魚，然後呢個拉麵亦係好多魷魚，有點重覆左，失策 。欣賞佢的青菜，好索湯好入味 雜錦拉麵有蟹柳 、豬軟骨、日式叉燒、粟米、溏心蛋半隻同紫菜碎。每款少少，加加埋埋都幾豐富架。

係附近一坐坐左幾個鐘整完個靚靚頭，整完緊係起商場到搵野食醫下肚，咁岩行經呢間日本拉麵幾吸引，就入去試下先呢到晚餐包小食$89有拉麵有小食，抵食我叫左個「豬肉拉麵」加辣需要另加$10蚊辣肉醬會分開碟仔另上拉麵麵質爽口更十分彈牙，湯底濃郁入味，豬肉唔會太肥！小食，我揀左「炒韮菜豬肝」豬肝炒得剛剛好，唔會太生唔會太老！朋友叫左呢個「招牌牛油拉麵」$58加入牛油令整碗拉麵更香更滑，濃厚牛油既湯底變得更濃郁！另外仲叫左個招牌小食「北海道南瓜炸薯餅」$50炸得金金黃黃脆卜卜，內裡南瓜蓉同薯蓉味道十分夾，再加點沙律醬食更是野味香口！食唔停口既小食

食物質素真係好差 叫咗個牛舌黎薄過0.01仲要cut半 幾片牛肉幹係度拉麵質素又一半 餐牌上既食物大多數日本餐廳都有但價錢卻比一般貴同朋友行荷李活 佢話想食拉麵就同佢入黎食點知中伏

這天在荷里活看完電影就去覓食啦！ 看到這間日式餐廳坐滿了人就決定一試啦，幸好等了大約十分鐘就有位啦！ 餐廳環境乾淨利落，感覺不錯！餐牌選擇眾多，我們就點了一個$199二人套餐，總共有2個主食(飯/麵)和3個小食，超抵食的！我們點了海鮮拉麵和鰻魚飯作為主食。而小食就有炸豆腐、燒牛舌和燒雞翼燒雞軟骨！食物很快就送來，擺滿了整張台啦！海鮮拉麵超大碗的！而且香氣撲鼻！ 配料有鮮蝦、魷魚、金菇、娃娃菜等等，而拉麵的質地軟硬適中，湯底很重味噌味但不會過鹹！鰻魚飯是我其中一個至愛哈哈，鰻魚燒的入味，肉質挺軟稔，連同鰻魚汁送飯一流啊！炸豆腐也相當不錯！豆腐超滑的，而且炸粉亦不會過厚！沾著微甜的醬油一起吃，很夠味呢！燒雞翼燒雞軟骨燒的剛剛好，簡單的鹽調味再加少許檸檬汁就很好吃！燒牛舌薄薄的不會燒的很乾，不錯吃呢！

另一半今天上大陸公幹，所以約朋友去鑽石山逛街，順道請他食午餐。事關欠他兩餐，現在先還一餐平平地給他。這裏有日式拉麵與辛辣咖喱，食午飯時間人多，而且是週末， 惟有取票等位吧!雜錦拉麵 + 餃子套餐74元豬骨湯底濃，雜錦食材每款一件，豬軟骨連骨也可以食埋，叉燒腍帶點點肥肉，蟹棒ok，麵條煙韌，配上海帶， 筍條，粟米粒，味道不錯。餃子皮煎得少少脆，皮薄肉多，味道ok。吉列豬扒奄列咖喱套餐58元。吉列炸得脆身，豬扒屬腍不過有咬口，配上日式少甜少辛咖喱汁，雞蛋薄薄鋪在山丘的飯面上，與朋友分享才食得完。麵豉湯不會太濃太鹹，薯仔蓉沙律，綿綿的薯蓉，味道ok。廣島炸蠔，22元外皮炸得鬆脆，裏面生蠔乾身，雖然祇有三件，味道頗好。

荷里活商場最近新店臨立，好像是賣服裝的GU 或是韓式餐廳，新店多不勝數。是日與友人知悉GU荷里活新店開張，當然立刻要去shopping。瘋狂購物過後，當然要醫飽個肚，碰巧又再一次見到了miso no.1 拉麵，排了大概15分鐘終於有位了1. 金菇肥牛卷定食想不到拉麵店都會有金菇肥牛卷，雖然款式是大路材料，但味道卻不馬虎。金菇入口有嚼勁無渣，肥牛片簿身，雖然不是高質素肥牛，但味道還可以，配菜是椰菜絲及日式酸瓜，醒胃又健康。2. 札幌泡菜拉麵配免治雞肉串友人選了最招牌的札幌拉麵，經典的白味噌湯底是將芽菜炒香，再加白味噌調制，咸香中帶點甜，是經典的札幌拉麵味道。跟餐的免治雞肉串則是普通貨色，味道可以接受，二人晚餐收費200蚊可接受