權發小廚

营业中

休息中

權發兩餸飯—南乳素 + 蕃茄牛肉炒蛋 🍛🍅🥩🍳今日試咗權發兩餸飯，平靚正又飽肚嘅選擇！ 南乳素 🌱呢道菜主打係用南乳調味，帶出濃郁嘅豆香味。南乳鹹香突出，但唔會太重口，素菜本身嘅口感亦都幾爽。呢個餸配白飯絕對係一流，鹹香味同飯真係啱啱好！ 蕃茄番茄牛肉炒蛋 🍅🥩🍳呢道菜係權發嘅經典餸之一！蕃茄煮得夠爛，酸甜味清新，帶出咗好濃郁嘅家常味道。牛肉切得薄薄的，炒得剛剛好，唔會過老，仲有少少嫩滑口感。蛋嘅部分炒得嫩嫩滑滑，吸收咗番茄汁嘅味道，入口特別香甜。呢個餸同白飯係完美搭配，酸酸甜甜好開胃！ 權發兩餸飯真係平靚正又飽肚嘅選擇，餸嘅味道都幾穩定！南乳素鹹香味濃，配飯超正，而蕃茄牛肉炒蛋酸甜開胃，牛肉滑嫩，兩者一齊食簡直係完美拍檔！如果鐘意簡單又家常嘅味道，權發真係唔會令你失望！🍛✨

初次油麻地店幫襯數人同行堂食兩餸飯兩客再加兩客雙淨餸每款味道都好👍🏻可惜⋯全部唔熱由微暖到全凍阿姐服務開眼界蝦仁旦完全凍，阿姐係底刮好多出水旦液，搞到湯沉一樣黑醋骨，乾，凍蘿蔔牛腩，一份勁多牛腩，另一份少一半，有舊膠紙，仲比阿姐話乜咁蠢唔兩份夾埋叫一份會抵d（佢應該只係講緊少左飯盒格與格之間條坑）咖哩雞, 全部薯仔一件雞蕃茄牛，似湯多啲，暖西蘭花上面有幾隻蝦，全凍糯米飯，在counter外觀一坐山咁，但阿姐死都要係山腳同海灘搏命刮，刮到底d葉同紙都爛，終於湊夠一份糯米飯碎，完全粒粒分明，極度乾燥，仲有d碎葉，全凍白飯，乾，微暖有即時反映，多番幾件咖哩雞，其他真係冇氣逐樣處理唔想信專業廚師會跌入膠紙，如果係阿姐亂來就不感意外走既時候阿姐話食唔哂可以囉走，我等只笑而不語，係，（寧願）”冇衣食”對，並非繁忙時間，八點幾九點，價錢好似同繁忙時間一樣臨走見阿姐又每款餸刮到山咁，好整齊，剩咁多好似10:30收唔知點解咁平唔應該計較？純粹係價值問題，唔係價格問題其實最大不了，都係係度報告下PS 「權發」係好名，有power、有財富。懷念當年權發飯店全盛時期風采

簡單滿足的權發兩餸飯今日午餐又去咗權發，點咗兩餸飯，選咗 皮蛋浸菠菜同 西蘭花蝦球。權發真係平靚正之選，兩餸飯夠飽肚，味道穩定。首先講下皮蛋浸菠菜，呢個餸清清地好健康，菠菜煮得啱啱好，嫩綠又保持爽口嘅質感，唔會爛晒。湯底帶有皮蛋嘅濃郁香氣，味道淡淡地但唔單調，飲落去仲有少少鮮甜味，特別適合配重口味嘅餸菜。皮蛋啲份量都夠，切得夠大塊，入口滑滑哋又帶蛋香，簡單之中帶有細膩嘅感覺，真心好滿足！ 至於西蘭花蝦球，係今日嘅另一亮點！蝦球鮮甜爽口，咬落去彈牙又冇雪味，完全係新鮮嘅證明。西蘭花亦炒得啱啱好，翠綠鮮嫩，保持咗應有嘅咬口，仲吸收咗蝦汁嘅鮮味，兩者配埋一齊食，味道清爽又唔油膩。再加上炒嘅時候加咗少少蒜香！ 兩者搭配得恰到好處，唔會太重口又唔會太單調，非常適合平日忙碌時候嘅快速午餐。平靚正之餘仲可以食得滿足，權發真係👍👍👍

今日午餐去咗權發，試咗佢哋嘅兩餸飯，簡單又抵食，份量十足！🥬 皮蛋浸菠菜 呢個餸清清地又好開胃，菠菜煮得啱啱好，保持咗嫩綠嘅口感，唔會過腍。皮蛋切得夠大塊，蛋味香濃，滑滑哋嘅質感配埋湯底，飲落帶少少皮蛋嘅鹹香味，幾清新又唔會太膩，係一個健康之選！ 🍗 炒雞塊 雞塊炒得幾香口，啲雞肉嫩滑而且入味，帶少少甜鹹嘅醬香味，聞住已經覺得好惹味。配埋白飯一齊食，特別滿足，仲有少少蔥花同洋蔥增添咗香氣，味道幾親切，完全係家常炒雞嘅感覺！

之前聽過好出名，咁啱心血來潮想食雙餸飯，就特登行過去買。雖然見食評都話份量少咗同埋加咗價，但係都滿心期待去試。試完覺得一般，味道冇想像中咁好味，同普通雙餸飯差唔多，餸嘅份量就比其他雙餸飯少，同埋價錢相比又貴D ，少失望🥲

由疫情最初開嘅時候覺得又好味又抵食，到而家質素下降（未至於難食）又唔抵食。 由最初買四個餸一家四口食，到而家四個餸一個人食（或兩位小童）。 我感受到香港的通脹比英國更嚴重。

今日去開旺角個頭，睇吓貴版兩餸飯。食咗三餸飯，$50，西蘭花炒蝦仁、咖哩雞、蘿蔔牛腩。最出色係西蘭花炒蝦仁，蝦係用虎蝦。雖然得兩隻，份量比較少。咖哩雞咖喱味突出，仲有少少辣味。而蘿蔔牛腩，一舊有少少韌。其他都幾諗吓。👍🏿

做為三餸飯愛好者，特地找過來試完很失望。兩個肉都又甜又鹹，吃完很不舒服，去喝了杯齋啡才算排解一些膩和口渴。只有西芹炒肉比較正常普通。米飯也煮的不好。菜的分量也不多。若是附近居民或打工仔比較合適，特地打卡的就不建議了。

今日心血來潮，lunch 去試下權發3餸飯，先俾錢再揀餸，個上左年紀長頭髮束辮嗰個阿姐，態度係極差咁差，比得少唔在講，仲要比埋頭頭尾尾，碎濕濕啲餸頭餸尾，出聲同佢講可唔可以比好少少，一嘢挾咗好多出嚟，就冇再換番比我。跟住話係咁㗎啦！完全係搗老闆米，不停咁趕客，唔明老闆點解要請呢啲伙計。其實附近都有好幾間三餸飯，唔係因為順路，真係唔會再幫襯，買飯買得咁勞氣，都唔知為乜！香港消費，真係越嚟越谷氣，怪不得啲人話要食嘢，返大陸好過，起碼有被尊重的感覺，服務態度好好。忠告老闆，唔該你認真下你啲員工服務質素，好似唔係一間，有好幾個店都有咁樣投訴！

本人剛剛同油麻地店訂年三十晚湯品和小菜，時間晚上七點半既繁忙時間，職員態度和語氣都非常有善👍，整個訂餐過程都非常滿意😁，希望當日再有啲特別菜式畀我添加啦🤣🤣

我試咗油麻地嘅權發小廚，點咗兩盒淨餸。其中一盒係蘿蔔牛腩拼生炒骨，另一盒係泰式豬扒拼黑醋骨。食物嘅味道都還不錯，但係性價比就普通啦。話咁講，蘿蔔牛腩嘅味道普通，冇特別嘅驚喜。牛腩煮得軟熟，蘿蔔都有啲湯汁入味，但整體嚟講冇咩特別嘅特色。至於生炒骨，味道還不錯，有啲酸甜口味，好開胃。骨肉炒得香脆，食落口有啲嚼勁。呢個菜算係比較出色啦另外一盒係泰式豬扒拼黑醋骨，兩樣都好好食。泰式豬扒有啲甜辣嘅味道，肉質鮮嫩多汁，加埋泰式醬汁，真係好開胃又美味黑醋骨亦都好好食，酸甜味道夠平衡，骨肉都炆得軟糯不過，要講返價錢啦。一盒淨餸要$50，我覺得性價比一般。雖然味道唔錯，但單單睇份量同價錢嚟講，個人覺得有啲貴。如果價錢可以再相對啲平啲，可能會更吸引人啦。

星期六買咗三份淨雙餸$50@，另外加一盒白飯$12唔知係咪開新店後，師傅轉咗返新店。發現份量，食材質量，連味道都下降了。仲要遇到個態度極差嘅阿姐幫手𢳂餸。阿姐一路𢳂，一路鬧。佢哋最出名嘅黑糖骨，雖然味道係差唔多，但係舊肉由以前嘅排骨變咗脊骨，大大舊骨無晒肉，真係食之無味 棄之可惜。肉餅先至少，淨餸無飯兼價錢仲貴，竟然份量同跟飯一樣只得一舊，肉仲要梅梅地😑魚香茄子無走油，煮到油淋淋仲一pat pat蝦仁炒蛋味道算最好生炒骨唔脆金銀蛋娃娃菜算正常老實講，兩餸飯而家又再開始周圍都係，做響名聲後質量急跌，仲要睇人面色。真心會趕客

隔了一段時間再吃這個三餸飯，外賣盒更換新了，份量比以前少了很多老公吃完唔夠飽，以前係食唔晒的。見啲職員夾餸上外賣盒都有啲困難。生炒骨無以前咁好食了！其他就正常啦！無乜驚喜！

以前響油麻地讀書咁耐嘅我其實一次都冇食過呢邊嘅兩餸飯。呢次係親戚買野食見到咁靚既賴尿蝦！我自己因為怕熱氣，亦都怕咬損嘴，所以好少買賴尿蝦，但一打開個盒，堅呀。咁多隻仲要色香味都兼顧到。同埋啲肉完全唔會梅，仲係keep到有咬口，送汽水或者啤酒到好適合。權發本身唔係成日有賴尿蝦或者小龍蝦，所以食唔食到？你真係要等運到。有樣嘢想講嘅，就係如果你響呢度買餸而唔係買飯，成件事CP值高d。如果呢度有朋友都係同我一樣係好食好少白飯嘅外省人，咁我建議大家可以淨係買餸，然之後響屋企整自己嘅上海麵或者米線都可以好好咁樣大擦一餐。

知道你好生意，但都無可能將呢啲平民食物越加越貴，而家加到兩個餸45蚊會唔會有少少本末倒置咗？嘢飲又唔包要加5蚊，兩餸飯變相成50蚊（都仲未講三餸）講真句兩餸如果貴過40真係唔考慮，態度又越嚟越差，全世界唔係得你一檔三餸飯，隔兩條街嘅雄記啲餸同你地不相伯仲但36蚊兩餸連凍飲...人地仲有堂食同埋態度仲要幾好...疫情期間同朋友成日幫襯你，係覺得你地抵食之餘仲要高水準...而家少咗個優點啦...希望你老闆睇到啦...