權發小廚

营业中

休息中

疫情下，啲兩餸飯鋪頭出晒嚟！仲出左幾間排長龍熱店！！今晚收工就去油麻地呢間排隊排到上晒報嘅權發小廚試試！假期夜晚9點幾既時間，唔使排隊！選擇嘅種類應該就少左一半，但都算仲有幾多大路野揀！首先去收銀個邊買飛仔，原本諗住食兩餸，睇完啲餸忍唔住要三餸🙉我呢隻貪心的小狗🐶三餸飯$45客家鹹菜燜腩仔鍾意佢用鹹菜！而且啲鹹菜好味又唔算好鹹！腩仔唔算十分肥，啲肉爽口！鹹蛋蒸肉餅呢個都唔差！賣相靚，味道都唔係好鹹個種！番茄牛肉炒蛋三味之中最有驚喜！個番茄炒蛋係細個時食過個隻味道！而且牛肉都滑👍🏼整體性價比高！難怪咁多人排隊唔煮飯啦！

星期日中午差唔多一時正，仍然頗多人排隊等選餸，大約10分鐘才輪到。阿姐們手腳都好快，發現都頗多人買淨餸回家。 今次選了蘿蔔牛腩，蝦西蘭花，蝦祇有兩隻，但不過算大隻而且都爽口，口感幾好，但可能成本問題，祗有兩隻。希望不是阿姐比少咗，西蘭花份量算多，清煑水灼。所以菜和蝦都沒有太多味。蘿蔔不多，牛腩口感一般，不夠嫩又不夠肥但整體味道唔錯，汁是茨粉做來送飯。飯量足夠，飯盒有兩格，剛好來乘兩樣餸，比其他兩餸飯店多小小心意，飯量都多啲因為個盒大啲，飽肚啲。想少飯可以和阿姐講少飯。整體來講，$36在附近不是最平，質素算合理，價錢算值。但若要排隊長時間，就唔值，老闆唔會比返錢你嘅。大家時間都係錢，不過疫情下可能已經唔值錢。

今日是平日，假期後，午飯時段不算多人排隊，可以接受，約定排6-7分鐘已經可以選餸。今日再試其他款式，今次有豬手和生炒骨，豬手細細舊，容易食，味道幾好。生炒骨汁都幾惹味，酸味開胃，據聞是招牌菜，但骨就真係骨，無什麼肉，骨就大大，靠汁送飯。那麼$36就不便宜了，其實餸多或少，好取決阿姐放餸的手，但若大部份都得骨，應該便是成本控制太强。 $36 雖然不太貴，但是和佐敦油麻地區的其他兩餸敏，權發已經比左溢價，一點都不平。食兩餸飯都希望好味飽肚。生炒骨招牌菜之一就令人失望啦。

其實嗰度都有一兩個位，成日都想之後有機會喺嗰度糖食開心好多；最多用返外賣盒自己抌見到老闆秋野好犀利👏🏻👏🏻👏🏻希望真係可以啦，自己買過外賣，非常之好食同開心

之前同老公經過呢度，見到條人龍咁長已經覺得呢間嘢非同小可點知老爺話原來呢間餐廳嘅廚師係啲唔知乜乜大廚過嚟開檔嘅話好好食咁喎老公嘅女神都過嚟幫襯所以老公又話想試見到條龍咁長我決定幫佢計時我同老公都嗌咗兩餸飯$36唔怪得知咁長龍，其實呢個價錢真心係抵嘅仲要彌敦道喎上OpenRice睇佢推介係黑醋骨同埋大蝦西蘭花，我就嗌咗呢兩味餸老公竟然嗌咗涼瓜排骨同埋蘿蔔牛腩佢竟然叫咗啲咁普通嘅嘢😂不過我都覺得佢個涼瓜做得幾好唔苦味道係甘嗰隻我最欣賞當然係黑醋骨啦，因為我係一個好鍾意食醋嘅人雖然返到屋企係凍咗少少，不過都無損佢嘅味道大蝦西蘭花嘅嗰隻大蝦係好爽口👍🏻我覺得性價比嚟講係非常之好食好好食不過如果要我排七個字我又唔係幾想喎😂老公話唔使排隊可以encore，要排隊冇下次😂　

平日路過，實在太多人，不值排隊。復活節人少了，排隊一試。款式算多，但好似假期中午比平日少一點款式。假期人少一點，不用排隊付款，付款俊排隊點餸。剛剛黑酣骨賣完，要等多10分鐘，不然排5分鐘已經可以選餸。黑酣骨酸酸好惹味，汁開胃。鵝腸份量幾多，乾淨。但太乾淨變成沒有鵝脂的美味口感，豉椒不夠惹味，豬扒平平無奇，扣肉惹味但肉質不夠肥，比較鞋口，口感不好。整體來講，$36兩餸一般 ，可以再試姑魯肉和豬手，看起來幾好。不用自己飪，飯餸份量也算合理，價錢可以接受，但若要排長龍，不值。雖然我們時間可能不值錢，但附近還有其他選擇。但$36比連鎖快餐店或一般茶餐廳好。可以一試，假期或平日早點買，少些人排隊。

近排興兩餸飯 周圍都越開越多咁多間入面 權發可以叫做最出名嘅其中之一🔥今日黎到油麻地呢間買晚飯 已經排晒長龍 去到街尾轉角位 起碼排45分鐘佢啲選擇係幾多嘅～有魚有肉有菜有蝦 不過好似冇雞？我哋三個人食 叫咗一個三餸飯 ($45) 一個兩餸飯 ($36) 再另外散叫兩餸 ($45)▶️秘製黑醋骨✅呢個係必食之選👍🏻黑醋汁係店自己調出黎 因為基本上個個都叫 所以好快賣晒 咁好彩買到啱啱新鮮炒好嘅一盤😍肉質超級腍 完全唔韌 外皮有啲脆個汁食落遍甜 黑醋味幾出 加上夠桀身 用黎配飯一流🔥▶️椒鹽排骨✅呢個係炸過嘅 所以外皮超級香脆 灑上椒鹽粉 即係味精😂夠晒惹味個人覺得就咁食有啲太鹹 所以一定要餸飯食肉幾大舊幾腍👍🏻做到外脆內軟口感值得一試！▶️西蘭花大蝦球✅啲蝦超巨型🦐並非蝦仁 西蘭花都特別大舊🥦咬落好清脆 食落新鮮 似足酒樓水準蝦球咬落勁爽口彈牙😋只可惜因為成本 一份餸只得兩隻蝦球 要好好珍惜▶️粟米魚柳❌‘Show me your love’例排菜食 應該冇問題啦🐟點知食落就有反差🤭魚柳外面層粉太過厚 魚本身唔多 之後因為佢太多汁 啲洋係透明黏黏地而冇味嗰隻 搞到個皮好淋 完全唔脆另外有粟米粒

油麻地人氣雙餸飯記錄 呢間權發小廚真係勁出名 長期勁多人排隊 吸引咗我去試試 到底伏唔伏？.呢日大概夜晚19:30去到 勁多人 首先要買左飛先排隊Keep住有40-50人排緊 大概要排15分鐘2餸$36 3餸$45 今日叫左2盒3餸.望落份量都唔算多 3餸先啱啱好裝滿一盒如果叫2餸 可能會有好多空位1️⃣生炒骨 👍🏻外層好脆身 👎🏻成粒都係骨 冇咩肉👎🏻偏細粒 主要淨係食到層粉調味好有小炒feel 重甜既醬汁2️⃣黑醋骨 同樣有小炒feel 重甜有黑醋香👍🏻咬落啖啖肉 香甜好餸飯3️⃣泰式豬扒 豬扒肉質好軟霖用左泰式辣醬feel 都係重甜嘅醬汁😖但連食3個重甜既餸 有少少甜到落喉嚨啶😖每次食餸都會有 我想飲水 我要加飯既感覺感覺佢地係調味方面 唔夠平衡連我呢位接受重甜人士 都頂唔住4️⃣蝦仁炒西蘭花 呢個勁高質👍🏻蝦仁勁大粒 同彈牙 西蘭花都爽口5️⃣魚香茄子 呢個都高質 明顯食到鹹魚粒6️⃣牛肉蕃茄炒蛋 本來想叫蕃茄炒蛋 點知叫咗呢個👎🏻味道算係好伏 好怪既味 有小小羅宋湯feel我只係想要個普通嘅 住家味蕃茄炒蛋佢竟然咁都做唔到 加牛肉 有少少做多咗嘅感覺.整體 伏又伏唔哂 但話佢差又唔係感覺唔值 咁多人

今晚唔想煮飯專登收工行過黎呢邊，買左4個淨餸返屋企食，時間大約4點幾，依然不乏排隊嘅人龍，不過同食飯時間相比，人龍已算短眼見非常多款，一時三刻真係選擇困難，又驚阻住下一位，於是見人揀乜我又揀，實無死最後揀左黑醋骨，菜心炒牛肉雙拼西蘭花蝦仁同埋咸蛋肉餅同埋魚香茄子返到屋企因為太肚餓，相都無影就直接開餐，最令我驚豔就係黑醋骨，酸酸甜甜非常開胃，調味岩岩好餸飯一流，炒菜有鑊氣，肉餅亦好味唯一令我失望係魚香茄子，反而令我跌眼鏡，茄子比較油，而且調味麻麻.眼見大廚兼老闆不停炒，為左客人有一餐好味嘅飯餸辛苦曬

權發小廚🍚🥢📍 油麻地彌敦道513號泰和商業大樓地舖░░░░░░░░░░░░░░░░░░░░░░░░新冠疫情第五波， 疫情嚴峻，市道淡靜🙃，個個打工仔又要排隊做檢測，又要放無薪假，有d餐廳酒樓什至停業😮‍💨。今日小編介紹呢間，係日日都起碼十幾廿人排隊既兩餸頭鋪頭▶️權發小廚。權發酒家，相信好多人都有聽過， 由疫情時候，佢地既酒家結業後，轉型開主打既兩餸飯，吸引左唔少人去幫襯，日賣過千個飯盒。🌟兩餸飯/ $36。 三餸飯/ $45小編叫左兩個三餸飯試下，果然味道唔錯😋👍🏻好大盒，一個女仔唔會食得晒一個飯盒，可以叫佢少飯。有30款餸菜可選。認真講一句， 真係平過自己煮，而家買菜都唔平，鋪頭仲有大量菜以供選擇🙈整體推介指數：❤️❤️❤️❤️🤍░░░░░░░░░░░░░░░░░░░░░░░░

權發小廚我之前都有幫襯過，不過係西灣河嗰間，至於油麻地新開呢間，我就係第一次幫襯，一去到買飯嗰陣時，感覺真係超多人，人群塞爆店舖門口，插針難入，所以要去權發買飯真係要預早D時間，盡量避免喺晚上嘅6點打後去買，因為真係要輪後好長嘅時間。本店嘅黑醋骨，我聽到好多人講，話好好食，醬汁酸甜好味，我當日去到買咗一盒兩餸飯，叫咗豉椒鵝腸同甜椒豬扒，我個人覺得豉椒鵝腸係最好食，味道夠哂濃好送飯，白飯有米香味，粒粒分明，開飯熱點！

🍚 貼地兩餸飯❣️疫情嚴峻，百物騰價，經濟蕭條，外賣或許已成為香港人生活中的一部份。正因如此，兩餸飯店愈開愈多，殺出一條新血路，成為逆市救星🌟 。兩餸飯店的質素當然會有所參差，今天介紹一間貼地的兩餸飯店舖，性價比超高，味道亦不錯，早前更有電視台採訪呢！聽聞權發小廚每天都大排長龍，星期五晚接近18:30已有眾多排隊買飯的顧客，兩餸飯$36/盒，三餸飯$45/盒，小菜（最多可選兩款） $45/盒，店舖分兩條隊，一條購票，另一條取飯。購票後便可排隊等候選取飯盒。購票後大概排了15分鐘，終於可以選取喜愛的餸菜了。排隊其間看着店員不停地一盤一盤補給餸菜，新鮮熱辣。當中最受歡迎的有生炒骨、黑醋骨、豉椒炒鵝腸、麻婆豆腐等、蝦仁炒西蘭花、魚香茄子等。🍚 先說說白飯，份量十足，足兩飯碗，是絲苗米，軟硬適中。🔸蝦仁炒西蘭花 🦐🥦兩顆大蝦仁，是大顆的！而且蝦肉結實，西蘭花份量亦塞滿了一整格，味道不錯。🔸話梅豬手 🐷甜甜酸酸的豬手大概有4件，炆得入味。🔸涼瓜魚柳 🐟魚柳的粉漿不會太厚，以豉椒涼瓜汁配搭，是家常小菜的大熱之選。🔸豉椒炒鵝腸 🦢由於家人愛吃鵝腸，所以其中兩盒都點了鵝腸，鵝腸沒有太多肥油，洗得乾淨，而

近排經過油麻地，都見到權發小廚成日排長龍，見佢D兩餸飯價錢又唔係特別平，點解⋯今日終於去試吓，人龍已經排咗兩條，先要自己俾錢買票然後再排，我今日試咗個兩餸$45，另外加多一個羊腩$78，兩餸我要咗西蘭花蝦球，D蝦真係好大隻，而且隻隻都好爽身，絕對係新鮮貨，而西蘭西返到屋企，仲好爽脆一D都冇 over cook 到！而另一餸係甜酸排骨，呢個真係好味到停唔口，炸醬好好味又唔太厚，而我特別喜歡佢個汁，送飯真係一流⋯最後一個羊腩，$78應該係全場最貴，但味道又係物有所值，羊腩有十幾舊，支竹都有好多，佢個汁又係要迫我食多碗飯之作⋯我已經諗緊聽要再試邊個餸啦⋯😅😅😅

又係我兩餸飯試食專員出場喇😆今次想同大家介紹返位於彌敦道513號嘅權發（油麻地站C出口往太子方向步行約3分鐘）。價錢嚟講一定唔係最抵食，但以性價比計就唔錯，因為佢有🐟有🦐，甚至連炒蜆都有，真係四十幾蚊都可以食到個海鮮餐😋餸菜款式亦非常多，就算連炒蛋都用蠔仔炒，可見同其他兩餸飯比真係特別好多。我今晚揀咗糖醋骨同埋就試吓佢個蠔仔炒蛋。味道方面，先講糖醋骨，甜酸味合宜，醬汁收得剛好掛上骨頭，絕對係呢度三大首選之一（另外兩樣我會揀炒蜆同埋豉汁蒸🐟）。至於蠔仔炒蛋，蛋炒得唔太實，有汁得嚟又唔太散，唔太鹹，但唔好在蠔仔有少少腥味同食到少少蛋殼。我自己就另加5蚊配咗個例湯，今晚係菜乾豬骨湯，幾下火，天氣涼涼地飲，正！價錢方面，36蚊兩餸飯，45蚊三餸飯，冷熱飲品或湯另加5蚊。呢期另外仲有羊腩飯同羊腩煲，鍾意食羊嘅朋友，不妨試吓再報名食評俾大家知吧。

近排多咗好多兩餸飯嘅舖頭，呢間權發小廚日日都超級多人排隊買飯，平日去到五點幾已經排長龍到打蛇餅，真心冇誇張，見着佢啲小炒一盤一盤咁拎出嚟，咁多人買應該好新鮮！問咗店員每日最多人叫嘅係生炒骨，黑醋骨，仲有椒鹽蝦！(識問一定要問佢哋🤭想買嘅話記得去入邊收銀處買飛先，再排隊叫餸啊！兩餸飯$35，三餸飯$45，淨餸$45一盒，可以揀兩個餸！🍴招牌生炒骨 (7/10)等咗15分鐘先有嘅生炒骨，生炒骨炸咗，每舊都包滿酸甜醬，調味幾好食，但好似炸得太乾，肉質就一般，招牌嚟講有啲失望😂🍴⭐️黑醋骨 (8.5/10)冇諗過呢個幾好食，酸酸甜甜，調味啱啱好，排骨肉質幾好，個肉都彈牙，真心覺得呢個最好食！🍴⭐️川式回鍋肉 (8/10)雖然凍咗，回鍋肉同埋椰菜炒得好香辣，超級好送飯！🍴炸鯪魚球 (6/10)凍咗已經唔脆，鯪魚球真材實料，口感比較實心，偏硬咗少少，有純鯪魚肉嘅感覺，但有啲鞋口，一般般😂🍴椒鹽蝦 (3/10)雖然有好多隻蝦，但蝦肉係凍蝦，啲肉好梅，調味係正常嘅😂推薦指數: 7.5/10$45嘅價錢，餸菜都塞到好滿，比起一般茶餐廳小炒好食同抵食，起碼有兩個餸可以揀，小炒都好有鑊氣，建議大家叫炒嘅肉類比較