權發小廚

营业中

休息中

今天買兩餸飯，一個比较后生女人，紮孖辮，態度非常惡劣，自己聽错order，仲要鬧番轉頭，话我“買野大晒咩“。我唔係買野大晒，都唔係比你出氣。買一歺飯買到一肚氣，做生意請D甘嘅員工真悲哀，又唔你無其他選擇，一定唔會再幫襯佢。唔係同佢有仇，萍水相逢，点解我要寫出黎，就係遇上呢D冇品嘅食店，連员工都全冇服務態度。差差評，冇下次。

自從疫情之後，很多市民都陷入失業潮所以香港就多了很多兩餸飯店舖掘起讓很多收入不充裕的市民都可以用親民價格吃上飯，而且菜式還有很多種！兩餸飯 $38 / 三餸飯 $48目前香港的兩餸飯林立，可是食物質素參差不齊，聽說有些店的飯菜根本不能吃進口🤮這家的味道不錯，我點的菜式只有蒸水蛋沒味道其他都過關有原條魚供應(原條魚當兩餸計算)，聽聞黑醋骨是招牌可以試試看🫶🏻如果不想在家煮飯，這家店也是一個好選擇！不過晚上會出現人龍可能需要排隊喔

店員服務態度非常惡劣😡😡😡😡😡😡明明係要椒鹽蝦+生炒骨 望住佢比錯椒鹽豬扒同佢講返我係要蝦 但係佢就極惡咁鬧我話係我講錯 佢冇聽錯 然後我都係好聲好氣同佢講話係你聽錯啦 佢就話自己冇可能聽錯 仲鬧我話個個都好似你咁 一個二個都係咁咁我米好辛苦 我都係黎買個飯姐 唔係黎受你氣 加上明明係你錯 自己做錯野仲唔應 仲惡到鬧返啲客轉頭 實在太離譜 食物味道的確係唔錯嘅 價錢都好合理 但係呀姐個態度真係嚇死人🥵 油麻地仲有好多好野食大家可以考慮一下其他

無論份量還是質素都比之前差！本身三餸飯都係阿姐分多定分少，但真係越來越少餸，賣相越來越醜，有時菜已經變黃！依家可以堂食，少咗人買三餸飯，佢就做得越來越差！真係要搵過另一間食～

最近係油麻地經過一間多人排隊既三餸飯，由門口望入去個玻璃，超多餸可以揀，上網睇返原來係兩餸飯既hermes🤣所以叫屋企人唔洗煮餸，外賣回家。淨餸$48.🥢秘製黑醋骨黑醋骨個汁酸酸甜甜，好開胃，好岩配飯。肉質唔錯，啖啖肉，舊骨唔算大，而且外皮脆，內裏肉嫩，又唔會成口肥膏。超級推介👍🏻👍🏻🥢招牌生炒骨生炒骨外皮唔厚粉，食落口啖啖肉，骨都比較細，而且食落唔會成口粉或者成口油。醬汁方面比較酸，又係送飯一流既好餸🤣🥢香辣乾鍋雞雞肉同蓮藕都炒得乾身，唔會成碟個底都係辣油。雞肉因為比較乾，所以比較柴。蓮藕脆口，有少量木耳。但整體黎講，好香辣味但食落口就唔太辣🤤🥢豉椒鵝腸鵝腸炒到有好香鍋氣味，唔會太咸😝😝🥢豉汁蒸䱽魚好抵食，1盒入面有2隻䱽魚。但係豉汁味道比較淡，我個人唔太中意😢🥢椒鹽海生蝦椒鹽味香，而且蝦殻軟，可以連埋個殻食，岩晒我依d懶人🙈🙈評分：味道：⭐️⭐️⭐️️⭐️環境：⭐️⭐️⭐️整體：⭐️⭐️⭐️⭐️————————————————————————📌權發小廚📍油麻地彌敦道513號泰和商業大樓地舖📍西灣河成安街33號柏匯地下8號舖

今日出左旺角區，一心係要支持💪🏻兩餸飯，但我宗旨係見到長龍調頭走，經過多間兩餸飯店舖都排左長人龍，行到權發居然見到無人排隊😱，咁就二話不說去比錢，我同朋友都心多多💓💓，咁就大家都買3餸（$48）。我選左個咖哩薯仔雞、泰式豬扒同埋欖菜肉鬆四季豆；個咖哩雞以為無驚喜，點知比預期中好食，肉鬆四季豆就勁好味，餸飯一流，反而個泰式豬扒我真係食唔到咩味🧐，呢個下次可以out🙅🏻‍♀️。朋友選左權發名物～黑醋骨🍖、麻辣蓮藕同埋椒鹽蝦🦐；黑醋骨我個人覺得名大於實😑，椒鹽蝦可以連殼食方便我呢D懶人😂、而麻辣蓮藕係最，辣度平均。由於見到幾十款菜式放在眼前🤩，我地開心過頭都唔記得左叫少飯，一定食唔曬😣，但我地無浪費，每盒留起一半飯聽日炒埋佢食。雖然權發已經加左價，兩餸飯由$36加到$38，但因為真仲平過自己煮，所以我都會繼續幫襯

兩餸款式多，味道ok,本來是不錯的選擇，可惜夾餸員工作態度超差，明明叫的是那兩個餸，弄錯了還屈你說錯！我後面排隊的人，聽到了，叫她工作集中d！本來她自己沒聽清，就黑面說我明明是叫這兩個餸！慢點說要什麼，就好不耐煩！我心想你以為我好欺負嗎？我說話強硬起來，說你自己聽錯，那女中年女人才有點怕，態度才軟下來，心想老細請著這樣的員工，真係祝佢好運？我決定以後不會光顧這個店！不知所喟！免得排隊買外賣還要受氣！

早幾日去咗拜訪呢間經常排長龍嘅兩餸飯，原來已經加價加到$38，好似都算偏貴😅選擇確實好多👍有幸試到招牌之一嘅黑醋骨，肉質唔錯，但係醬汁太稠🙈菜心炒牛肉都係正常水準，還好😅個人認為唔需要再咁樣排隊去食😅😅

近日，喺電視經常見到報道呢一間餐廳嘅兩餸飯，終於決定去會一會佢。暫時試過兩次都覺得OK，平日夜晚排隊會耐少少，要買咗飛先排隊，等大概15分鐘，星期六日只需要等5分鐘，不過黑醋骨就未必成日有，如果撞正到自己賣晒，就要企喺側邊等一陣。個人認為買淨餸$45點都抵過兩餸飯，因為兩餸飯嘅份量係少啲嘅，返屋企煲啲白飯就可以食得。黑醋骨真係唔係浪得虛明，個甜酸度啱啱好，舊骨煙煙韌韌，送飯一流。之前仲試過咕嚕肉，擺咗好耐都仲好脆，不過係比較細粒啲嘅骨嚟嘅，唔係大嚿嗰隻，但係都幾好。至於鵝腸，唔知係咪擺耐左，我覺得好似落多咗芡汁，太過稠。西蘭花炒蝦球都整得好好食，啲蝦好爽口彈牙，大大隻，西蘭花新鮮，係翠綠色嘅。至於炒蜆性價比都幾高， $45一大盒，真係仲想點呀，如果呢三盒野喺大排檔食起碼要五六百蚊埋單。全家人都食得好滿足，可能會變成嚟緊嘅飯堂，大暑好熱，完全唔想煮飯，真心推介。

這家店舖專門售賣兩餸飯盒，有十多款式的餸菜，餸菜是以玻璃隔開，清潔衛生，廚房位在舖位內，近距離烹調，即煮即賣。兩餸飯每盒36元，例湯每碗5元。西蘭花蝦仁，西蘭花新鮮，蝦肉彈牙，這款菜式是用水烚，味道清淡。黑醋骨，肉外層少少脆，內層少少軟，酸醋味濃。例湯材料頗多，有粟米、雪耳和木瓜，湯味道正常。

中午行經這間人氣飯店，買了兩份兩餸飯回家和家人品嚐。今天排隊的人不算多，付款後拿著單據跟著人們排隊取飯。從外面透過玻璃窗望進去，只見一盆一盆的餸菜齊齊整整的擺放好，款式真的十分多，一邊排隊一邊想著要那款菜式，花多眼亂，很多菜式都想吃，奈何兩盒飯只能選四個菜。本想吃店子出名的咕嚕肉，還未輪到我已賣完，要等下一轉才有了，只好選別的。最後選了下面四款，味道都不錯。紅酒燴牛腩，這款法式名菜，竟然可以在盒飯嚐到，真是高級餸，平民價。牛腩炆得淋滑，配上洋蔥，紅蘿蔔，醬汁豐富，但不會太鹹，牛腩大大件，口感很好。魚香茄子，茄子走油但不覺肥膩，每件都軟軟綿，入口容易，肉碎均衡佈滿於茄子內，雖然吃不出魚香但醬汁惹味。雲耳勝瓜炒鮮魷，清清淡淡的夏日家常菜，雲耳勝瓜爽口，鮮魷還界了花，可見廚師的心機。粟米魚柳，魚柳件頭大，粉漿適中，外脆內軟，拿回家吃時，魚柳仍是熱的，伴著蛋花的粟米汁，一道很好的下飯菜。總體來說，四款菜式我都滿意，四個餸中有三個都有醬汁，但味道都不太鹹，吃完不會感到口渴。白飯的質量也很好，軟熟好吃，值得再惠顧。

黑醋骨人人讚好。咖哩雞入味，蝦殼脆到吞落肚。其他都水準中上。最普通算係粟米魚柳。450蚊，10個餸。呢個價錢，超值。6人食（4男2女）。其中4人無食飯先可以清哂d餸。

因為電視推介，又見到呢間鋪長期排相長龍，好奇心驅使之下，就去試一次，但因為間鋪座位唔多，所以外賣左返屋企食，今次叫咗兩個三餸飯，加兩個凍飲，夾埋只係$100 ，真係平到爆，本來對兩餸飯冇乜期望，但點知佢個個餸都好好食喎，難怪成日大排長龍😋😋😋

今日出開去油麻地行街，行完街經過呢間店，就係出左名嘅兩餸飯食店，真係任何時候都排長龍今日見未到黃金時段，又唔係好多人排隊，既然今日噤啱經過又未試過，就買兩個飯返屋企同屋企人試試見店內掛左好多餸菜名，但真實情況就冇噤多款實物，不過都有最出名嗰幾款，就點呢幾款睇吓有冇講錯秘製黑醋骨：大大舊，啖啖肉，外皮脆，內裏肉腍，黑醋甜甜酸酸，味道好濃好傑，好開胃，送飯一流西蘭花蝦球：西蘭花有一兩舊老身d，有d老身嘅菜頭都切埋落去蝦球大大隻，爽囗彈牙可惜蝦球得兩隻豉椒豬肚大腸：豬肚和大腸非常入味，而且唔硬好腍，惹味可囗話梅豬手：入囗酸酸尾尾，豬手美味腍滑食完結論係味道唔差，款式多變，唯一係餸嘅份量好似差左少少

前排大家都咁熱愛兩餸飯, 經電視報導完既 "權發小廚" 更好聽聞要排個幾鐘先買到!😔 今日咁啱行過, 又見無咩人, 即刻買嚟試下先!😏買左兩盒兩餸! 🥘黑醋骨 (聽聞好出名)- 肉嫩汁濃, 酸酸甜甜啖啖骨係好食, 送飯一流!👍🏻🥘咕嚕肉- 唔難食, 但都唔係叫好食, 普普通通, 味道一般, 但唔會再想買😂🥘西蘭花蝦仁- 蝦仁好大隻, 爽口彈牙, 味道正常!🥘豉椒味菜豬肚大腸- 味濃, 豬肚大腸無臭味, 爽口, 好食既!整體唔錯, 但又未去到好值得話要排好耐先食!🤣 唔駛排就可以一試咁囉!