李卓敏基本醫學大樓小食店 (已結業)

終於食到中大大名鼎鼎嘅檸檬批啦！！！Med can都算係中大入面幾高質嘅餐廳，三點三下午茶一定係黎呢度，平時lunch hour 太多人排隊，tea time趁人少少黎呢度食就最啱

說到中大名物中的名物，莫過於檸檬批。佢唔係大家認知中嗰隻lemon pie，底層係cornflakes粟米片餅底中間嗰層口感好似青檸雪花冰，面仲有一層薄薄的cream，每日3點開賣好快賣哂🤧.想當年中大啲中學生programme就試過玻璃屋檸檬批，ocamp cu hunt都一定有個task係食檸檬批，之前出左個story徵求中大美食advice，先發現原來好耐冇食過檸檬批，上次已經係year 1 嘅事😂嗰時仲會3點3放break就成班同學去medcan買外賣😇.上星期再去食，發覺好似同回憶中嘅味道有點出入？中間嗰層冰感太重，冇左入口即溶嘅質感，可能係雪櫃太凍？感覺上而家好似少左人去medcan食下午茶，對檸檬批都冇以前咁趨之若鶩，可能係因為質素冇以前咁好，可能係因為燥底呀叔退左休，都可能係因為而家食tea多左好多選擇吧🙈經過滄海桑田，物是價非，小編漸漸都唔再日日食早餐H同雞脾麵，幸好不變嘅，還有amy姐嘅親切笑容☺️..🔎#mkbowfoodies中大

初時入中大 個個都話medcan好好食一定要食🤣咁我就去試左一次 完全吾知有咩好食..依家終於知 因為中大其他canteen都好難食😟...次次lunch time總會見到條龍長到傻左 個個都買雙餸飯 咖哩雞皇配芝士豬頸肉好好食🤣雖然呢兩款餸好吾match 但係盒份夠大盒出面好難搵 早餐方面都好抵食 食得最多係魚柳多士炒蛋 同出面大家樂差吾多 但只需19蚊！出面邊有咁平😭熱奶茶都ok 好過中大其他canteen.... 最吾推介係檸檬批 吾係中大人吾好特登入黎食..一定失望 檸檬批吾係成日有 睇你好吾好彩 多數2-4點有 好快冇哂 檸檬批簡單黎講係一舊檸檬冰 仲有少少檸檬洗潔精味..服務方面吾洗講 medcan服務出名差 你遲講少少食咩都比人鬧 你講得吾夠大聲佢聽吾到又比人鬧哈哈 所以記得係收銀叫完野食 記住自己食咩野 因為張單冇寫的 去拎野食個到大聲嗌出黎就得架喇 記得要快！如果吾係姐姐又燥哂底哈哈

每星期都要返來上堂，識食一定係食Med can 既早餐！ $19 有牛扒 多士 薯餅同埋煎蛋，仲包一杯熱飲！ 薯餅很脆，係剛剛炸好的！ 不過煎蛋同埋牛扒就失色左d, 可能擺得太耐，都凍曬了！ 呢個價錢，係學生餐先食到！ 而且，餐廳人不算多，食早餐更舒適👍🏻👍🏻👍🏻👍🏻

《中大🏫 Med Can 下午茶☕️ | #中大 》平時都好少食本部既Med Can，大部分堂都係崇基上。今次因為上assembly，先有機會上本部，順便食個下午茶😂 真係時光飛逝，咁就final year🔸中大名物👉🏻 檸檬批🍋 | ~$12雖然係叫「批」，但其實係類似雪餅/雪糕既甜品😂 面頭有一層cream，中間係檸檬既雪餅，青檸味，少少酸酸地咁～ 最底係可可脆片。味道唔錯既，但冇講到咁神😂 主要吃的都是情懷🤣😆🔸奶醬多（同學叫的😂😆）

聽講med can既檸檬批好出名好好食，所以黎試下。但係比我想像中冇咁好食，首先原本以為係類似蘋果批咁係熱既，但原來係凍食既批，然後因爲雪得太凍，所以成個批太冰，冇乜檸檬味。

如果你是一個中大人，本部 Med Can 的凍檸檬批你應該不會陌生，甚至是你與中大學友的集體回憶。今日與到中大走了一轉，時間剛好下午三時，便排隊吃剛開售的凍檸檬批吧。排了十分鐘，見到收銀姐姐還是十年前的收銀姐姐，依舊火氣十足。立馬點了兩個凍檸檬批($12.5@)。其實，凍檸檬批就是忌廉、淡檸檬味的雪葩及粟米片。很好吃，說不上；但作為中大人的集體回憶，加上多分。吃著，還是懷念讀書時無憂無慮的happy tea time。吃到凍檸檬批，Achievement Unlocked! 我們吃到一半，已經售罄，足證凍檸檬批於中大的神級地位。

解锁中大网红冻柠檬批！下午三点开始供应，貌似六点多就关门了。冻柠檬批刚从冰箱里拿出来有些其貌不扬，不太有网红风采，但是味道还是不错的，口感酸酸的凉凉的。个人比较偏好这种口味，但同伴感觉太酸了些。不过五香肉丁面有些太草率了吧！面就是泡开的方便面哎。

剛好經過中大，就慕名來有名的med can吃檸檬批剛好是下午茶時間，也一併點下午茶的小食，點了滷水雞髀，魚柳包，熱奶茶滷水雞髀入味，平價之選，性價比高魚柳包很乾，魚柳很小塊反而係杯熱奶茶有驚喜！香濃，夠滑！吃完後便吃重點的檸檬批，有一點吃冰的感覺，像吃雪糕批似的底部是粟米片，口感幾特別未曾在外邊吃過這味道的檸檬批以每件＄9 的價錢吃到這個味道，難怪受中大生的喜愛吃完後走上天人合一亭照相下山後忍不住要encore多一件

如果有人問我，中大最好食既can 係邊間， 我會話好多人都會甘答: med can。通常講起med can，都會講起佢馳名既檸檬批，但實際上，佢既檸檬批並冇想像中甘好食。對我黎講，佢最好食既反而係烤雞飯。如果對雞肶有興趣既，我會推介食雞肶特別大隻雞肶飯。如果想平平地食，都有17蚊既煎蛋豬扒飯，依然可以飽肚。如果想食早餐既，份量十足既h餐就不得不試。但如果只想食一餐，又追求好味，烤雞飯是最佳選擇。烤雞飯既味道，我係出面從未食過，雞肉唔知點醃，有一點微辣同難以形容既香味，非常之惹味，我奉之為med can 最好食既飯。但佢唔係日日都有，都要睇下運氣。

今日同朋友踩單車上左中大，好多路都唔記得，每次番黎都覺唔同左，仲多左好多內地生，越黎越陌生既校園。每次番黎，我都會去MED CAN 食檸檬批，阿姐仲記得我，估唔到，本身話賣曬，見我難得返黎，唔知點樣變左兩件俾我同朋友。係唔係好好食? 我覺得係好特別同一種回憶，佢既底係粟米片，上面係清清地既青檸味，要好凍咁食，唔係會溶，外面的確係食唔到，就係呢種味道。中大咁多間CANTEEN 應該得呢間係無轉過手，無裝修過，連收銀姐姐都無變過。

中文大學乃本地最高學府中踏足次數最多的,只因三位honhon皆在中大裡先後修畢學士及碩士課程,今天一眾柴娃娃齊齊整整的又來中大拍畢業照,在天人合一及飯煲底乃必拍之中大景點拍照前,順理成章也在中大人稱為med can裡先行吃午飯和馳名檸檬批。有一段年資的med can沒有其他新學院裡的餐廳裡那麼有裝潢及漂亮景觀,如一般學生飯堂的簡單桌椅,先付款後取餐的快餐店流程,最吸引的除了雪櫃裡多盤檸檬批外,就是那脫離現實似的平到笑售價!!為了晚上的任食燒烤作準備,大家也沒有選又平又飽肚的頹飯,honhon們同選學生至愛五香肉丁麵或豬扒麵,每碗湯麵也加入一堆椰菜給學生均衡一下,好事好事。年紀可當場內學生娘親的月巴食客反而選了近年吃過最便宜的公司三文治($20),像外賣包裝的公司三文治以三層香軟方包相隔著幾款食味沒有大變化的食品:芝士、火腿、午餐肉、煎雞蛋,加上一點生菜絲及蕃茄,基本是一貫但不會抗拒的味道。只是我的公司三文治並不如同場出現的堂食版本般把麵包烘成多士,也不像我這份額外有膠袋包裝著,莫非這是其他學生要求的不烘外帶版本錯交給我???再為晚上BBQ打底,放棄奶茶咖啡而選了凍蜜糖柚子蜜($10.5

叉燒雙蛋飯。幾句食評：我一直尋找緊一碟好味的「佬」飯，我敢講，呢碟係我食過最好味的叉燒雙蛋飯！叉燒雖然唔係一般燒味叉燒，但此厚切叉燒肉嫩多汁，咬落去有密汁滲出，肉質及調味皆屬上等。兩隻荷包蛋一致的圓形，外相討好，蛋白厚，蛋黃七分熟，咬開仍有蛋黃流出，上等！一啖叉燒一啖白飯，一啖荷包蛋又一啖白飯，不知不覺三扒兩撥就食哂．．．．．．

我諗大家都一定聽過大名鼎鼎嘅MedCan檸檬批，但其他事物你地有知幾多？呢日嚟到中大做野，一路都未食lunch，所以做完之後就即刻走去medcan度食嗰下午茶。一路都覺得佢地幾平，呢次嘅五香肉丁公仔麵都淨係＄15.5， 加埋個檸檬批真係好飽。碗公仔麵啲五香肉丁都比得幾多，差唔多啖啖都可以有得食。麻麻辣辣嗰種麻麻地，同埋食完成碗之後都幾飽肚。再食埋個檸檬批，冰冰地加埋濃烈嘅檸檬香，好消暑！

之前見朋友每次去med can食下午茶都會叫水果沙律，令我一直都好好奇究竟佢有咩吸引力，於是今日就走去試下。$15蚊一份既水果沙律既份量都ok,食落去就知原來真係好好食!就咁望落去好似冇咩沙律醬，但食落就知係真材實料，酸酸甜甜既沙律醬大大刺激左我既食欲，而且眾多種既水果亦令我啖啖新鮮。係夏天最岩食就係呢d冰冰涼涼又開胃既野食!我諗話佢係全中大最好食既沙律都不為過!