李卓敏基本醫學大樓小食店 (已結業)

上次返 u , 已係成年前, 今日有堂要上, 一早上到黎, 食個早餐先開波喇!其實係一定要飲杯啡, 否則上堂釣魚呢只係基本的牛治+ 啡;全都係即叫即整 即食的, 多士脆, 咸牛熱, 但又未整到塊多士淋, 仲想點?職員全都好友善.食完, 攞埋個啡邊行邊飲.叫了少甜, 又真係o岩o岩好.4餅就降臨仲要返黎上堂, 真係好感覺到 "歲月如歌" 的威力呢....

十一月二十八日 (星期六)今日和幾位同事回中大懷緬過去,並找了攝影師"老公仔"幫手!影了很大靚相呢!接近尾聲,大家都覺有點餓,決定吃聞名中大的檸檬批我以前讀書常吃的,但老公仔倒是第一次檸檬批是這裡親手造的,而且售價便宜,一直很受各中大校友的喜愛很富檸檬味,而且不覺膩尤其是那脆皮,更值得一吃再吃而蛋糕仔則是我以前的至愛早餐之選再翻叮,蛋糕質地鬆軟,很甜的味道...很值得一試呢!

終於吃了傳說中的Lemon Pie. 可能是我不好彩吧, 我吃過之後感到它其實並沒有甚麼特別呢. 冰冰凍凍, 配搭一些碎冰的內涵, 就是lemon的味道很造作, 感到失望....但若以價格來說, 算是很很便宜呢. 若然在一些屋村內售賣, 必能吸引很多小朋友來光顧.

這兒的檸檬批真係幾好食！好似蛋糕咁，summer食仲好食！好似係$5一個，她會在雪櫃拿出來的！真係幾好食嫁！值得一試！佢這裡都有其他野食，好似係糖水

平常比較少來這裏吃早餐，其實這裏的早餐很不錯，只差一杯餐茶。最愛這裏的牛扒餐，牛扒、煎蛋、薯餅、多士，配熱飲，味道不錯啊。這個牛扒餐，在那一canteen (早餐時段) 吃不到啊。一日之計在於晨，一個美味的早餐，一個美好的開始！

早前看飲食男女, 勾起了我對檸檬批的思念. 唸書的時候, 沒有這麼多精美的餅店, 或許也負担不來. 要吃一精緻的餅食, 實不容易. 但這裡的檸檬批, 就令我可以便宜的價錢, 嘗到有水準的餅食. 檸檬批有好香的檸檬味, 微微帶點酸. 我諗當中加了檸檬皮, 以增香味. 而底部是脆脆的. 已忘記了是什麼, 我諗係時候再溫故知新.

Med Can 地方細，午飯時間都幾多人不過一兩個人去都好易搭到枱通常有一系列飯款唔變，例如豬扒飯，牛扒飯，雞脾飯間唔中有特別d 既，例如羊脾飯，帶子炸蟹鉗飯等等大部分都係十幾蚊以快餐店黎講，食物質素算ok通常叫埋多飯都夠飽加三蚊有例湯，大碗又夠味雞脾飯有近半隻碟咁大隻既雞脾，只係$16.5鍾意雞脾既可以一試Med Can 下午茶時間，出名有檸檬批系列，味道普通，但特別在於口感，入口即溶員工效率都幾高，做野快手老闆幾好人，好時會撩d 客講野，見到你食完冇紙巾會俾張你，又會問下你夠唔夠飽，唔夠可以幫你加飯加餸，不過就要好彩佢行埋黎你身邊先有咁好服務

基本上都同意以上的comment, Med Can 的早餐是不錯的不過我個人鐘意食F餐多d (見圖)不過講到午餐,有得選擇都盡量唔食Med Can.平又唔係,　又唔好味,　又逼,　貪過隱咪…最多係買只係星期一有賣的羅宋湯,呢樣就真係足料好味。

如果來過CUHK本部一帶，或者係度讀過，我相信都一定食過MED CAN飯。MED CAN的早餐不錯，勝在又快又平，味道都算OK。首選早餐H，雞絲通好!午飯，每日都有不同的飯，有中有英式，價錢由$15-20不等。可以免費轉意粉。其實通常我覺得好味的都是$16.5貨色，例於一個好開胃的芥末汁(+唔記得好似係雞絲)。飯堂安排，一碟飯加一勻送便成，你可以話無誠意，不過真係好有效率。可以要多飯，包飽。同埋，係中大食飯，我覺得MED CAN都算OK，有時D菜都好新鮮~MED CAN的老板 (唔知係咪)成日企係度睇住我地食飯，試過有人食淨好多，佢伸手摸摸D飯，暗道D飯太乾和硬，都算有心。好食的東西還有牛扒包，咖啡批(我覺得檸檬批無咁好食)，XX酥(下午才有)。通常MED CAN都係出檸檬批，其他味(CHOCO，STRAWVBERRY，COFFEE) 真係好RARE，而且唔好彩遲去就會賣晒。MED CAN雖然面積不大，但係吞吐量好大。一餐真係唔洗20MIN完成。適合趕時間的人。