李卓敏基本醫學大樓小食店 (已結業)

一知道med can月尾要執就即刻衝咗去買檸檬批😭雖然味道方面真係唔算得上好食但呢間係小妹最鍾意嘅can🥺尤其是係佢嘅是但，性價比超級高！🍋 檸檬批 $13.5 上面有層薄薄嘅cream中間就係檸檬批，會話似食緊冰條正常嚟講底部應該有少量粟米片但我哋買咗四份得一個有...而且檸檬味唔出，純粹食回憶！⭐️ CP值：🐘🐘🐘⭐️ 打卡able：🐘🐘⭐️ 舒適度：🐘🐘🐘⭐️ 再食指數：🐘🐘（5 星為滿分）

中大Med can做埋4月就結業了，繼NA Can紅豆冰芝士火腿卷後，又一中大名物要消失了😢 2點零去到仲有雙餸飯食，見網上話有$30 ‘是旦飯’ ，當然要一試！ 是旦飯緣於兩餸飯，學生揀唔到咩餸，就話是旦，由職員揀比佢，就變成大雜燴。同埋聽聞手寫餐牌好難睇，午飯時間又多人排隊，趕急之下又揀唔切，又變成是旦了🤣Med can除左2餸飯出面，更多為人知係檸檬批！檸檬批我比較鍾意食玻璃屋的，比較似蛋糕creamy啲，但玻璃屋已經轉左幾手，一早無啦左。 而Med can檸檬批就比較似雪葩冰雪感重，又係另一個口味。問職員仲有無檸檬批？佢話無啦。再問賣曬？佢話無人手整😫😫😫有啲野今日食唔到，可能就真係無下次架啦😣😣😣中大某啲餐廳確實係不斷轉手，但無諗過一啲開得耐啲餐廳都會陸續離開，會唔會好快又有下一間呢😔老字號嘅餐廳是回憶呀！ 不捨不捨還須捨😞同場加映蘭苑五層西多，但願美好之物能長存！

🍋🍋🍋🍋🍋中大都有唔少出名嘅野食，檸檬批都算數一數二出名🍋，我對上一次食檸檬批好似都差唔多成十年前，讀書人時期🤓。今日入到嚟主要其實唔係想食檸檬批，純粹做完正經野想搏一搏睇下仲有冇得食，去到見仲要，發現而家係$13.8，當年食好似幾蚊舊🤣，出賣年紀🤭。職員拎出嚟個檸檬批上面仲有層冰，個雪櫃真係幾勁，上面有層cream ，而個底就有d麥片，個批食落係青檸味，底d 麥片其實就麻麻地🤣，當係食個回憶都可以嘅，但就唔會專登為咗佢入嚟🤪

檸檬批🍋檸檬批凍冰冰，有濃厚既檸檬味，口感十分特別，似冰條，上面一層薄薄既cream，每次返中大都會想食燒雞髀🍗齋睇雞髀外皮色水咁靚就知道一定好好味！食落勁juicy勁滿足！med can食物睇落雖然頹，但係每次返去都一定會想回味。記得走既之後老闆娘仲話：得閒多啲返黎呀～呢份人情味就已經足夠！聽聞呢度雙送飯都好好味，但係我地今日返去之前其實已經食左午飯，所以就真係冇肚食，下次返去一定會要試下先！

去到中大想食得飽又好食？是旦飯真係大家嘅好選擇！！是旦飯入面乜餸都有：雞翼、菜、肉、炸蟹鉗……真係乜都有！好似食緊omakase咁，不過係飯嘅version！啲餸仲要味道唔錯，又唔會好鹹，又唔會好重味精咁！都幾正！下面嘅飯仲要幾多，不過上面餸嘅量都好多！一路食飯，都可以一路食都餸！好正！同同學溫完書坐喺餐廳後面啲枱度食，真係幾正㗎！去得中大真係唔可以錯過咁正嘅飯！！結論：其實一啲都唔是旦。抵食指數：

有傳檸檬批每日3點開賣，難得嚟到med can 食tea，好好彩咁食到佢嘅名物檸檬批🍋🍰✨檸檬批 🤍0.5/5🌩友人comment: 震驚我味蕾👅💥🌩整體嚟講係一個好完整嘅檸檬批，唔止有cream topping仲有餅底，配上天藍色碟仲有種清新嘅感覺😇🌩第一次食刨冰質感嘅檸檬批少驚喜✨味道上雖然雪味過濃❄淡淡嘅檸檬味令到成個批唔會過酸🍋🌩仲有一點幾特別嘅係，批頂有層呈泡沫狀嘅cream💭雖然比較淡同埋唔match個批，連埋cream食完全令到個批再上一個層次⚡️🌩餅底第一啖以為食錯左紙皮，認真睇先發現係可食用嘅粟米片(🤭😌Ps都唔建議浪費食物，有興趣一嚐檸檬批嘅可以帶多幾個朋友share

Med Can 雙餸飯絕對係個個中大人都食過既，以前係med can嗌雙餸飯總係會企係度諗勁耐，應該揀咩餸好，宜家就好la！有得嗌“是旦”，咁樣med can哥哥就會幫你每樣執啲🤩唔洗諗到頭痕，又可以試到多啲唔同野食🤤  1⃣️是旦飯（$29）Med Can 哥哥好細心咁問左我地食唔食菜🥬然後就開始夾啲餸落黎，好大方比得好多，多到連個蓋都襟唔埋🙈  入面有豆角南瓜齋，份量好多，有啲冬菇、秀珍菇、南瓜，感覺好健康😌之後仲有蜜糖雞槌，面頭燒得甜甜地，入面肉質仲好滑！椒鹽雞中翼就唔係好食到椒鹽味，不過面頭層皮係幾脆而且雞肉唔會太乾。另外仲有好幾舊焗叉燒！同出面食到既叉燒有啲唔同，蜜汁味冇咁重，不過好厚肉😍最後仲有塊酥炸魚餅，整得幾彈牙，而且食落見到入面係有啲八爪魚肉，正👍  我仲攞左朋友啲芝士汁薯仔豬頸肉食，一樣份量比得好慷慨，芝士汁味道唔算濃，但係食落係幾香😌另外仲試左一舊金沙骨，啲肉煮得好入味，而且肉質唔會太淋😍朋友仲比左啲燒雞扒我試，雞扒層皮微焦、香脆，入面既肉仲keep 到好juicy！呢個真係有驚喜！  食完呢個是旦飯之後真係會翻唔到轉頭，我諗我以後都唔會再係度諗雙餸飯揀乜好，係咪都嗌

弱弱咁講一句 雖然已經讀緊year3 但係除咗玩ocamp食過med can 從來都冇去過🤣今次特登番去食個lunch😆太耐冇食 原來佢唔只有兩餸同三餸揀 仲多咗個是但飯😍係Med Can哥哥Omakase😎同佢講話我第一次食 佢勁慷慨 每樣都夾咗啲比我試🤤多到有啲唔好意思 個盒閂唔埋 真係食餸都飽🤫.MedCan「是但」飯🍱 $29真係夾咗勁多餸 每款都有😚唔知點解有兩粒花生同冬菇 花生又燜得幾腍 冬菇都幾好入味🥜豆角南瓜齋 味道比較清淡都唔錯 南瓜好清甜 仲有啲秀珍菇🎃椒鹽雞中翼 食落冇乜椒鹽味 不過應該係炸過 表皮好脆好香口🧂蜜糖雞鎚 成隻雞鎚coat滿咗蜜糖 甜甜地好好食 個皮焦焦地🍗金沙骨肥瘦適中 輕鬆骨肉分離 但係都有少少乾同鞋口 不過味道唔錯😚酥炸魚塊 雖然佢係炸嘅 但係食落唔算好油 口感好爽口彈牙 好似墨魚丸咁😝當然唔少得呢到嘅焗叉燒 真係每一塊都好厚肉 佢仲要夾咗兩大塊比我 食肉獸必嗌呢個‼️不過我自己就麻麻 佢係偏瘦嘅叉燒 雖然係好健康 但係真係好鞋好乾身 唔夠嫩滑🥺

Med Can全名係「李卓敏基本醫學大樓小食店」，但相信無人會叫全名😂 雖然sem 1都係網上教學，而家就睇住食物相感受住校園氣氛先啦！btw to all the中大新鮮人sss，中大歡迎你呀😝 😋 煎腸粉 $唔記得都好耐之前食，所以唔記得價錢，但都係10蚊前後㗎啦喺大學canteen可以有幾貴😗 問過身邊好多中大嘅朋友都話無食過medcan煎腸粉，但煎腸粉喺小編心目中嘅地位真係拍得住檸檬批😈 Medcan有蒸腸粉同煎腸粉食，蒸腸粉就真係nothing special，煎過真係差好遠！！條腸粉煎香咗又唔燶，加埋腸粉入面有啲蔥花同蝦米，再加埋自己亂咁jit嘅混醬，真係超惹味！畢業之後都無再食過咁好食嘅煎腸粉😕 其實一講medcan大家都多數會講佢嘅Omakase同檸檬批，Omakase n餸飯好多中大人都食過，小編就試過2點幾落堂去食，因為太多餸淨低所以medcan哥哥畀咗5個餸我（後悔無影低）🤪 而檸檬批呢⋯⋯小編year 1去食嗰陣仲係7蚊（暴露年齡系列），雖然好出名但總覺得有啲搵笨，中間好似綿綿冰咁，底嘅粟米片雪到淋咗好難咬，最大鑊係雖然喺雪櫃拎出嚟，但總覺得唔係好夠凍，加埋面嗰

今日過來中文大學搵朋友，傾完嘢之後朋友帶我來呢度食檸檬批，聽講喺好受好多人讚賞嘅檸檬批，食落之後發現完全驚喜到，唔係我想像中嘅檸檬tart嘅味，呢個質感好鬆軟，由雪櫃拎出來就好似食雪糕咁，好滑好清新，好好食！一塊先幾蚊，好抵食。

兩個三餸飯（外賣）我和朋友共叫了漢堡牛肉， 天婦羅炸蝦，雲耳蒸雞，炸雞翼。味道在中大而言是十分好，價錢是$36.5，不算太昂貴。所以經常排長龍，很難得沒有人排隊。推介。

小pin緊係星期六先返嚟食😙—————————————————🔹OMAKASE 雙餸 ($27.5) ..話說我企咗係個牌前勁耐，阿姐忍唔住話：你直接睇餸啦唔好睇牌！咁人哋企係medcan哥哥面前選擇困難吖嘛！最後就緊係叫「是旦」算啦，med can omakase！🥳🥳🥳🥳.💁🏻‍♂️med can哥哥之選 : 匈牙利蕃茄牛坑腩//蜜糖雞腿//鎮江骨//香茅雞翼 .蕃茄蛋牛肉片//蜜糖雞腿//鎮江骨//章魚餅.蜜糖雞腿好嫩滑！香茅雞翼大大隻，仲要炸得好香！鎮江骨好入味！酸酸甜甜好滋味！但偏油同好難咬啲肉～牛腩一真係medcan長勝之選！有蕃茄、蘿蔔薯仔、啲汁又好撈飯🤪牛筋炆到好似啫喱，咬落仲要漿住個口！蕃茄蛋個汁好食但個肉落得太多鬆肉粉🤣章魚餅好似魚蛋咁，幾彈牙！.唔洗排半個鐘先有得食真係心情都好d🥰

今日要返中大做功課，於是早餐在中大解決，med can 星期六開，星期日唔開，檸檬批早餐時段未有。早餐選擇多款式，A至K餐都有，中式西式都包括在內。五香肉丁面，配多士，火腿，腸，太陽蛋。值得一讚是太陽蛋，有蛋皇流出，以前蛋皇係過老，蛋皇全熟，今次流心蛋多士唔趣，凍，麻麻地，變相係面包一片，火腿同腸都正常，我無意中發現面條係香港品牌，值得支持凍咖啡好飲，正！有水準！另一款係茄汁豆，蛋，齋火腿，多士。只是覺得茄汁豆份量超少熱杏霜，淡淡地，味道淡執碗碟工人服務態度好，保持乾淨。以小店運作，我支持！

學生最緊要就係要食得實惠 而medcan嘅質素簡直係第一日日嘅款式都一樣所以其實唔使點揀 但係一去到lunchtime真係好多人排😭 排到落煲底啊啊啊啊😱話說上次我落完堂排咗九個字先買到飯🙈🙈🙈但係極力推薦佢嘅匈牙利牛腩亦即係茄汁牛腩入面牛腩煮得好冧，蘿蔔都好入味🤤仲有金沙骨同埋蜜汁雞槌 甜甜地好好食😍仲有叉燒都好好食呀 大大嚿啱曬學生哥啦 而家年年都加咗價而家28個半啦 但係唔緊要啦～ 佢個水平一樣爭果一蚊幾好又點話啫

🍚好耐無食medcan喇，其實暑sem少人先係食medcan嘅好時機，又唔洗排隊，連啲姐姐阿叔都和善啲🤣其實雙餸個哥哥長期都好好人haha————————————————————🔹外賣雙餸($27.5)今次揀咗蕃茄炒蛋同好少出現嘅鎮江排骨😍蕃茄炒蛋就仲係老味道，送飯一流😳鎮江骨食得出有落八角去煮，同我爺爺煮嘅味道有啲相似，有啲瑞士汁味嘅錯覺🙈而且份量好多，有四大舊🤤其實medcan食餸都飽，但每次見佢已經畢好咗啲飯，又唔好意思請佢少飯🥺不過medcan啲飯真係好治癒😹係咪得我咁覺得😌————————————————————