李圓圓 (駱駝漆大廈) (已結業)

今日同事萬歲下午茶, 揀左李圓圓, 無錯又係李圓圓!! 早兩個星期先飲左一次,咁快又要再encore, 因為佢嘅黑糖珍珠真係好好好好食! 今次試左另一款飲品: 黑糖珍珠冬瓜鮮奶 $30一如以往, 鮮製嘅黑糖珍珠, 入口感覺仲係暖暖地, 珍珠非常入味, 而入味嘅同時依然能夠保持珍珠嘅咬口, 勁Q彈! 真係冇得輸呀!! 而冬瓜鮮奶味道清甜, 飲到淡淡冬瓜味, 意想不到地都幾夾, 不過相比起黑糖珍珠鮮奶就會再甜多D (佢係固定甜度, 所以冇得揀少甜) 李圓圓俾嘅珍珠絕冇手軟, 我飲晒D鮮奶都仲有珍珠剩~~ 食晒佢都幾飽下🤣P.S. 細心加分位: 外賣紙袋底下有硬卡紙墊住, 拎返公司都唔會倒瀉哂

近年開左好多台飲店, 但要數最好食既黑糖珍珠, 李圓圓一定係排頭幾位!! 係觀塘駱駝漆大廈呢間分店都幾好生意, 次次經過都見到人買黎飲店舖門外有塊易拉架教你正確飲法, 係用飲筒攪勻5-6圈, 令底部黑糖蜜化開, 千其唔好上下搖晃, 否則會令碎冰融化速度加快而影響珍珠口感~ 黑糖珍珠鮮奶2.0🧋 $332.0即係牛奶比普通版再多30% 而冰同糖都係固定左無得改一拎上手摸到珍珠仲係暖笠笠黑糖珍珠黑糖味好出, 而且珍珠煙韌彈牙, 好好𡁻鮮奶奶味都算濃郁, 連埋珍珠一齊食都幾夾, 飲到啖啖既黑糖味, 非常好飲如果鍾意食黑糖珍珠既你一定要試下李圓圓喇!

👍🏻黑糖珍珠鮮奶2.0奶量增加左30%，同時間飲品嘅甜度同冰量已經固定左（少咗冰㗎啦)第一下拎上手，杯底已經係暖，飲落去珍珠吸哂上黎，好好咬，口感好均一（好多人飲黑糖珍珠鮮奶會先攪拌一下，但係我鍾意頭幾啖飲完味），飲落去珍珠味道絕對唔係假甜！另外要稱讚一下餐廳小冰之餘仲用左碎冰，唔會咁容易溝淡咗成杯黑糖鮮奶嘅味道，同時間珍珠亦都唔會變到好硬(真係好聰明嘅配搭）👍🏻👍🏻等候嘅時候，望住職員不停人手攪拌啲黑糖珍珠，而且一路都heat住，唔會只係把珍珠浸落黑糖水裏面！

記得岩岩興飲黑糖珍珠鮮奶個時成條街都開到成行成市 行幾步就有一間間間都話自己係台灣過江龍😅但真係聽過唔少人話李圓圓係no.1不過佢分店唔算多隔咗咁耐 今次終於有機會試.黑糖珍珠鮮奶2.0 $33.今次揀咗人氣第一嘅2.02.0原來係鮮奶增加咗30%不過坦白講我就飲唔出鮮奶有特別地多😂😂重有個鮮奶唔算係好濃郁但係！黑糖珍珠係真係幾出色黑糖味濃 唔會係一味死甜珍珠亦都入曬味 唔會係得外層有黑糖味口感都好煙銀 但有少少煮得冧得滯🤭整體 都好好飲 會回頭！

👯‍♀️身邊嘅朋友成日推薦李圓圓，指佢地嘅黑糖珍珠鮮奶好正🤩！戒咗珍珠一排的我，終於嚟試一試佢真偽！🤤店員會教你飲前，先攪拌5-6圈，令黑糖同鮮奶融合一齊。🔸黑糖珍珠鮮奶2.0 ($) 8/10暖暖的黑糖再嚟喺凍凍地嘅鮮奶🥛，配上黑糖Q彈珍珠，真喺令人想一啖接一啖咁飲😍不愧喺黑糖珍珠鮮奶界嘅龍頭大哥🐲！

吃晚飯前去周圍睇有咩吃，見到果間不時有人介紹既李圓圓，就打算吃飽黎買杯試下。選購時，職員連說2次想游說加$3，即$33 叫我轉黑糖珍珠2.0 係全鮮奶。不想太膩 無轉到。好高興地買左杯$30 普通熱既黑糖奶茶 返屋企飲。可惜... 一飲落去 淡而無味既黑糖珍珠奶茶...真係好失望。奶茶味道好淡唔甜... 叫既係正常味， 再飲多次都係好淡... 真係唔惦！ 但珍珠係ok既 有黑糖味、彈牙的。真的 相較起xx 堂，黑糖味唔夠濃，真係好失色。唔怪得之行左2轉... 都唔見有人幫襯🥺😥

成日都叫自己飲小d甜野 飲得多會冇益 仲要會變肥 但唯獨李圓圓真係好難忍  估唔到駱駝漆大廈開左 難逃1肥平時d出面黑糖珍珠鮮奶飲落真係唔夠香濃 普普通通 是但飲係冇問題但而家唔可以成日飲 就要精挑細選  李圓圓真係最愛黑糖香濃 珍珠煙韌 加埋鮮奶真係不得了另外黑糖珍珠奶昔 又係正 牛奶味十分濃 不過似沙冰多過奶昔 太凍 久唔久半年飲一次先可以

身為黑糖珍珠鮮奶既愛好者經常會試唔同店舖既黑糖珍珠鮮奶成日聽啲人話李圓圓好出色咁我就去試下黑糖珍珠鮮奶2.0 奶味好重好香濃好出色飲過一次之後真係番唔到轉頭 想日日飲🥲一入口啲珍珠煙韌到不得了 個甜度都岩岩好唔會話好甜 呢個價錢飲到杯咁高質素既野飲好難得所以有人問起黑糖珍珠鮮奶邊到好飲我會答人地首選係李圓圓🧋👏🏻👏🏻👏🏻☝🏻另外都有試過佢個黑糖珍珠鮮奶紅茶我好怕飲到啲奶茶好似溝水咁 但李圓圓絕對高質唔會話淡口冇味 反而好香茶味 所以佢既紅茶亦都係一個唔錯既選擇🤩

⚠️💛🧡⛑🚃香港美食➡️觀塘一直都聽說李圓圓的珍珠奶茶很好飲，終於試到一次了，當我問及冰度和甜度可否調整，店員專業耐心地為我講解，很加分🧋黑糖珍珠鮮奶2.0 $33冰量固定是少冰，甜度也固定了，因為當中只有黑糖而不會再加糖漿，甜度剛好，珍珠又軟又煙韌，黑糖味很香濃，用上牛奶味道很有奶味

唔知有無人同小編一樣疑惑 到底咩係2.0🤣同店員傾計下先知道原來2.0係代表多咗30%鮮奶 一飲之下先發覺原來奶味重啲係咁正架!比正常版本更加滑口 唔怪得店員咁力推喇～至於黑糖珍珠比較煙韌 唔會太甜但小編覺得珍珠份量太多喇 次次都飲剩好多所以之後每次都會叫店員少珍珠

《終於飲到台灣李圓圓🧋！！》以前成日去台灣淡水見到李圓圓都成日叫，終於係香港見到喇，緊係要叫返杯！！🇹🇼 🧋 黑糖珍珠冬瓜鮮奶 $30李圓圓嘅黑糖珍珠維持一貫水準，即炒珍珠充滿黑糖香味，口感彈牙有咬口。今次特登叫冬瓜鮮奶試試，帶比我不一樣嘅珍奶體驗，入口初時係黑糖香味及後會轉為陣陣冬瓜清香同清甜，配搭上彈牙珍珠，無論口感同甜道嘅層次更豐富👅叫完先見到好多人試佢黑糖珍珠奶昔！！唔知係咪都係咁正㗎呢～

／李圓圓／觀塘／對於黑糖珍珠又愛又恨，雖然好飲，但唔係間間都做得好飲，算幾易中伏。有啲就太甜，有啲就奶似水咁淡｜黑糖珍珠鮮奶｜$30｜李圓圓嘅黑糖珍珠鮮奶係合格以上，黑糖味同奶味都調得恰好，珍珠咬口唔會淋曬，價錢適中。有位年輕女員工服務態度唔錯，會問你需唔需要幫手插埋飲管

作為黑糖鮮奶愛好者，每次見到一間未試過嘅茶飲新店，我都會去試下，飲過咁多間，無論XX堂定係XX堂，都及不上佢，唯一一間不斷翻炒都係keep到高質素。李圓圓絕對係我目前飲過最好飲嘅黑糖珍珠鮮奶😋要飲當然就飲佢2.0版本，多30%鮮奶，黑糖夠香，唔洗死甜，會有少少焦香味，再配上香滑嘅鮮奶，一個字正！最重要係啲珍珠煙韌得黎，咬每啖都滲出淡淡嘅黑糖味，係真·黑糖珍珠👍🏻而且不同於其他舖頭嘅黑糖珍珠鮮奶，其他舖頭全部固定糖度冰塊，呢到雖然都係固定左，但黑糖珍珠鮮奶不只係得凍飲，仲可以可以選擇暖同熱飲🥰

包裝好得意,凍飲熱飲一齊拎都無問題!而已可以再回收,實用又環保♻️早排天氣勁凍❄️❄️叫左一杯熱♨️既黑糖珍珠鮮奶綠茶2.0飲落口淡淡苿莉花香味,清清甜甜,珍珠好粉燸Q彈,咬落軟綿綿好好o趙!‼️好味指數 7/10‼️推介指數8/10另一杯係凍既黑糖珍珠鮮奶2.0,鮮奶濃厚又順滑,配埋一粒粒黑糖珍珠,飲到停唔到口呀!!😋😋😋‼️好味指數9/10‼️推介指數9/10🍽 李圓圓 Bubble Lee📌 觀塘開源道62號駱駝漆大廈1座地下A2號舖（港鐵觀塘站 B1 出口, 步行約4分鐘）☎️ 63886778⏰ 星期一至日 11:30 - 21:00

好鍾意飲李圓圓，去過佐敦，葵涌，旺角，長沙灣定荔枝角同觀塘，觀塘分店個戴眼鏡收錢既女人態度好差，我入到去企左係收銀前成分鐘，佢知有人仲繼續寫label, 都唔問客要咩，咁我就開口「唔該」，佢竟然係嘆氣😫啲語氣仲要唔好... 由落單到嗌號碼都係差！講完態度，再講珍珠奶茶... 呢間分店啲奶係淡啲。琴日係葵涌飲完，就發覺今日觀塘既係淡之前幫同事買過幾次珍奶，其呢個女人啲態度都係麻麻地，可以講係唔好果隻，但今次仲要嘆氣，真係O嘴。。。