李圓圓 (駱駝漆大廈) (已結業)

家兄本身話試一啖結果係咁飲🤷‍♂️- 黑糖珍珠冬瓜檸檬 $28佢有凍溫熱俾你揀 我揀左溫 即係整到暖暖地 未去到好熱個隻 幾好唔洗太熱難入口 又唔想冬天飲咁凍 而味道就有好香甜嘅冬瓜茶味 再帶少少檸檬茶個種酸味 珍珠咬落煙煙韌韌 整體真係幾fresh 未試過嘅家兄就算好飽 飲左一啖都係咁飲😂Overall 推介指數：4.5/5以前飲過佢個黑糖珍奶都好好飲 睇黎水準keep得幾好 下次經過再試第二樣先

尋日食完飯係觀塘行，行行下見到李圓圓，勾起我去台灣旅行嘅回憶。見到勁多人排隊，多到我等咗好耐先影到張冇人嘅門面相。都幾多選擇，最後我買咗杯暖嘅黑糖珍珠鮮奶2.0 ($33) 飲下，佢地用明治鮮奶勁好飲。尋日係觀塘食完午餐之後要去新蒲崗食下午茶。係觀塘買完嘢飲之後有一個半鐘，買咗呢杯嘢飲可以一路行一路飲，感覺冇咁肥又慳咗十蚊。講返杯嘢飲先，所謂嘅2.0就做多咗30%嘅牛奶，適合我呢啲愛奶之人。我唔太中意凍飲，我叫咗暖嘅都幾夠熱，如果熱可能會太熱。啲珍珠黑糖味濃郁，用明火火爐古法熬煮兩個鐘。而且佢哋嘅珍珠比較軟同煙韌，咬落個牙骹都好舒服。啲奶太好飲我未行到一半就飲曬，撈勻咗之後都唔會太甜。

李圓圓係香港唯一使用明火嘅黑糖珍珠專門店，佢哋會用火爐將黑糖珍珠熬煮兩小時！聽落已經非常吸引，所以我今日就去咗試試。天氣咁凍，最啱飲熱野，我買咗熱黑糖珍珠鮮奶2.0。原來買熱飲就睇唔到佢好靚嘅黑糖紋路🤣🤣，如果大家想打卡嘅可以買翻暖或凍飲！佢有個正確飲法，就係飲之前用飲管攪五至六個圈，千祈唔好上下搖晃～2.0版本同普通版本嘅分別就係2.0會比普通黑糖珍珠鮮奶多咗30%鮮奶！所以成杯嘢飲落去鮮奶味非常濃郁。黑糖珍珠嘅size偏大，有好濃嘅黑糖味。現場仲可以見住店員喺個鑊到「不」啲珍珠出嚟！珍珠煙韌彈牙，黑糖味越咬越出，非常好味。天氣咁凍，有提供熱嘅黑糖珍珠鮮奶真係好正，飲完成個人暖晒！

依家有好多台式飲品店，開到成街都係，李圓圓係最近好hit嘅飲品店，平時都好多人去買同排隊。黑糖珍珠鮮奶2.0係No 1好賣嘅飲品，平時黑糖珍珠鮮奶就飲得比較多，但整得好飲就唔多，雖然佢嘅份量唔太多，但唔會怕飲唔曬就放棄食物，而且啖啖飲落都好幸福。佢可以揀凍、暖同熱，今次就揀左暖，特別係凍嘅時候就好正，唔洗怕凍親或者太熱飲唔到，暖暖地飲落都唔會差過凍飲。佢嘅黑糖味勁濃，而珍珠好煙韌同彈牙，奶味都好濃，因為佢2.0係指鮮奶加多左30%。

李圓圓喺觀塘開咗新分店，一於去試吓！第一個感覺就係覺得啲黑糖掛杯超靚😻。落單後，就見到店員係個鍋到「不」啲珍珠出嚟，所以攞上手杯底會熱辣辣～再配上鮮牛奶，一杯黑糖珍珠鮮奶就完成啦！黑糖漿同鮮牛奶嘅比例恰到好處，唔會太甜😋。黑糖味好濃，珍珠亦都好煙韌。飲品好高質！

未飲過圓圓之前就飲開天仁茗茶既，但試過圓圓之後就返唔到轉頭啦李圓圓最出色既係佢既黑糖珍珠，亦係佢既主打！飲過幾間分店既珍珠，質素都一致地好！佢嘅黑糖係清甜，甜而不膩，而且仲有微暖珍珠彈牙有口感，唔會太軟或太硬暫時係香港本地食過最出色既珍珠！茉莉茶底清新，茶味濃而唔會苦，配黑糖珍珠就啱啱好我每次去都只係叫茉香黑糖珍珠半糖少冰，因為實在飲唔厭最抵讚既係佢啲飲品價錢合理，平均只需20幾蚊一杯，cp值真係好高！

終於試到李圓圓喇🤩🌟黑糖珍珠鮮奶2.0賣相已經勁吸引😍飲落更加係要讚👍🏻👍🏻👍🏻拎上手杯底珍珠係微暖 用店教既正確方式用飲管攪左五至六個圈 🌪一飲落去黑糖味勁濃🤩珍珠好煙韌好有咬口💯🙏🏻💯甜度係固定不過飲落又唔會太甜👍🏻2.0即係鮮奶加多左30%🥛所以奶味係勁濃厚 好正🤤🤤🤤呢間真係一試就中意 ‼️‼️‼️‼️睇黎黎緊又會係甘飲🤣🤣下次想試埋佢地既冬瓜鮮檸檬🤩

成日食完lunch都口痕想飲杯嘢 行過見到佢啲嘢飲都幾吸引 咁就試吓黑糖珍珠鮮奶2.0 $33 同其他台式飲品店嘅分別都唔係好大 珍珠煮得啱啱好 唔會太淋 不過記得叫少甜 因為就咁飲晒成杯真係好甜 同好膩見到冬瓜茶都唔錯 下次再試下

知道【李圓圓】好受歡迎，一直都未有機會試下佢，點知駱駝漆又開左新分店，仲要幾近我，《黑糖珍珠鮮奶紅茶 $30》本身想揀黑糖珍珠鮮奶2.0，不過見到紅茶版又心思思想試下，要左半糖少冰，飲落好滑，有奶味之餘又飲到少少茶味，有啲似加左牛奶既英式紅茶。之前都見到呢度會比爆多珍珠，口感煙韌，唔會太多糖漿/死甜，而且佢地既飲品Size比平常細啲，份量對我黎講係岩岩好。《冬瓜鮮檸檬 $22》平時都幾中意飲冬瓜茶，甜甜地又清涼解渴，有時仲會加啲寒天。呢度既冬瓜鮮檸檬亦係人氣之選，唔需要選擇糖度，因爲會用返本身冬瓜的甜度，咁就可以避免好似飲糖水咁甜。清新的冬瓜味同微酸的檸檬可以講係絕配，特別岩曬食飽飯又唔想飲奶茶既人~

滿心期待，但只能說一般，沒有特別好喝，同等價錢其他品牌或多或少都會有點記憶點，除了珍珠確實唔錯，但個茶底奶味唔夠重，總體來說不太符合我個人口味，個人還是比較看中奶茶是否好喝為主，偏向珍珠為輔的喝法，評論清一色好評。。。有點迷

平時唔鍾意飲黑糖珍珠係因為覺得佢太甜，但係飲過李圓圓之後發現原來黑糖珍珠都可以係好好味。觀塘呢間分店係算新開，lunchtime都唔係好多人唔使排隊就可以買嘢飲。No.1黑糖珍珠鮮奶2.0 (HKD33)呢個2.0本身就已經係多奶小冰，所以唔需要另外特別叫少甜少冰。而且我覺得李圓圓嘅黑糖珍珠本身就唔係好甜，加上又食落非常之有焦香味嘅黑糖。所以佢應該係暫時數一數二最好食嘅黑糖珍珠。不過如果唔係好鍾意飲鮮奶嘅人，就建議唔好揀2.0，因為的確係非常之濃，揀返普通就可以😋

觀塘分店開咗之後第一次嚟試啲珍珠一如既往好彈牙煙韌黑糖味嘅焦糖香係冇第二間黑糖珍珠可以比得上而今次飲嘅黑糖珍珠鮮奶綠茶，佢嘅綠茶係茉莉茶底鍾意飲茉莉茶嘅一定要試吓

突然好想飲珍奶，見有得外賣就叫左呢間，外賣送到都仲keep到質素，讚呀！1.黑糖珍珠鮮奶紅茶2.0 2.黑糖珍珠鮮奶2.0 .味道 ★ ★ ★ ★ ☆紅茶個款甜度剛好，我揀左正常糖正常冰。珍珠好Q彈、煙韌，好食！黑糖、紅茶、奶味都有👍🏼珍珠鮮個款就比較甜，但奶味重，都好飲！.服務 ★ ★ ★ ★ ☆ 外賣送貨，好快到👍🏼.價錢 ★ ★ ★ ★ ☆ 呢個價錢呢個質素，抵！

請大力懲罰李圓圓💛見咁多人推薦，之前又係蘋果賣廣告就決定試下～黑糖珍珠的確係幾煙韌，而且黑糖味夠晒香🤤份量都好慷慨，飲晒啲奶都仲有珍珠淨～唯一嘅缺點係冇得揀甜度同冰度(´･_･`)所以飲落有少少甜～不過都係接受到嘅🥰（不過我哋都係更加鍾意珍煮丹嘅黑糖珍珠厚鮮奶🤣）.黑糖珍珠鮮奶2.0 $33———不專業評分💯食物指數🍴: 💛💛💛💛🤍環境指數⛱: 🚫抵食指數🤑: 💛💛💛🤍🤍推薦指數👾: 💛💛💛💛🤍———📍李圓圓 Bubble Lee旺角旺角道30-36號寶安大廈地下E2號舖佐敦庇利金街38號地下荔枝角長沙灣道883號億利工業中心地下6-A2號舖觀塘開源道62號駱駝漆大廈1座地下A2號舖葵芳葵富路7號葵涌廣場2樓C78號舖@bubbleleehk———👉🏼 #ewhk旺角 #ewhk佐敦 #ewhk荔枝角 #ewhk觀塘 #ewhk葵芳 #ewhk手搖 #ewhk黃店 #ewhk葵廣掃黃系列💛#旺角美食 #旺角黃店 #葵芳美食 #葵芳黃店 #黃店 #黃色經濟圈 #黃店推介 #黃店地圖 #美食推介 #吃貨 #食好西 #相機食先 #香港美食 #美食日記 #一路食一路post #hkfood #

李圓圓係觀塘開咗分店除咗普通黑糖珍珠鮮奶仲有好得意嘅黑糖珍珠鮮奶2.0 ( ˙◊︎˙ )疫情期間比較少買呢啲嘢飲 所以都好耐冇飲黑糖珍珠鮮奶呢個黑糖珍珠鮮奶2.0真係好令人滿足奶味好香濃又唔會kum咗黑糖味之前飲黑糖珍珠鮮奶成日遇到嘅問題就係一係剩係得奶味 一係就得黑糖嘅甜呢杯將兩種味道平衡得好好珍珠夠唔夠煙韌同埋會唔會個心硬咗都係好影響黑糖珍珠鮮奶嘅好味程度佢嘅珍珠好煙韌好好咬 珍珠本身已經有甜味 就算我帶咗返屋企唔係即飲都冇變淋𓏲𓏱𓏭𓏭黑糖珍珠鮮奶2.0 $33