李圓圓 (駱駝漆大廈) (已結業)

去唔到台灣旅行，飲番兩杯珍珠奶茶解解癮就係呢段時間最大的安慰。要飲就當然飲台灣 過江龍李圓圓在台灣淡水紅透半邊天見佢喺觀塘駱駝漆大廈有分店，我就默默地拿出荷包買番兩杯珍珠奶茶頂癮。黑糖珍珠鮮奶2.0看著店員從大鍋裏把黑糖珍珠緩緩的 放入杯中， 那帶暖的就知道非常對版。 每粒都充滿黑糖味, 帶有q勁又不會過林， 配搭超濃的鮮奶 ， 喝起來奶味十足， 而且比正常版本多了30%奶味, 正正就是台灣的味道。黑糖珍珠鮮奶紅茶紅茶香氣十足, 醇厚滋味盡在口裡徘徊。 比單單珍珠鮮奶 多了芳香的茶味， 下午茶時間喝一口， 倦惱盡消。

🔸黑糖珍珠鮮奶2.0 $33🔸黑糖珍珠鮮奶紅茶 2.0 $33-最近越開越多嘅手搖飲品店，其實小妹一直都冇咩特別有想試嘅欲望，直至見到呢間良心手搖店，用嘅竟然係鮮奶，而唔係普遍其他店用嘅奶粉開水，真係好吸引到我！咁啱觀塘同葵芳都開咗新分店，而喺觀塘返工嘅小妹當然要即刻拜會吓啦！李圓圓除咗使用鮮牛奶之外，menu大部分都係圍繞住黑糖、鮮奶、冬瓜茶嘅配搭，咁專門咁去做呢幾樣野一定係專家啊。店內有排行榜介紹返最熱門嘅top 5飲品，又係選擇困難症患者嘅福音啊！我當然要試試排行No.1嘅黑糖珍珠鮮奶2.0啦！所謂2.0即係加厚奶嘅比例30%，香滑嘅奶配埋以古法熬煮嘅濃郁黑糖，真係完美嘅配搭啊！而另一杯係排No.3嘅鮮奶紅茶就係比No.1嘅多一層茶味，而且會解渴多少少，都非常好味啊！下次去葵廣掃街，一定要再去葵芳分店飲多次先得！🤤

某日放工後去左李圓圓係觀塘新開既分店，當然要返杯招牌No.1既黑糖珍珠鮮奶2.0嘆下啦，之前都係其他分店買過泥飲，今次新店出品依然有水準..飲過好多間飲品店既黑糖珍奶，呢間既黑糖珍奶絕對係我既top 3，珍珠軟得來又煙韌，口感剛剛好，黑糖好出色，甜度係我心頭好，而且係即叫即做，即場炒黑糖珍珠，所以，杯裡面既黑糖同珍珠都會係熱，而且好香，倒凍鮮奶落去，冰火交融，黑糖既濃、珍珠既軟，鮮奶既滑，一個字：掂！..鍾意飲黑糖珍奶既朋友，如果你未試過呢間，絕對覺得你要來試下🥳 一定唔會失望！

李圓圓暫時係我最鍾意飲嘅台式飲品🥰💛今日去開朋友屋企, 經過見到又買左杯😝原來官塘都開左新店🤩. 黑糖珍珠鮮奶2.0 . $33完美比例真心無得輸😍飲落唔會好甜, 奶味濃郁, d珍珠買完食落仲熱嘅又好有咬口, 非常煙韌彈牙😙推介: 🌟🌟🌟🌟🌟(最高5星)

上次試完招牌，今次試下其他組合黑糖同冬瓜味應該都夾～本身無額外加糖，所以都係黑糖既甜味黎，唔算太甜同埋佢少冰真係較得岩岩好，拎上手真係得番少少，味道唔會沖淡好多～～冬瓜味夠濃，同黑糖味好夾～～可惜d 珍珠今次無甘QQ 彈牙咬幾下就無左尚珍珠，第一次食李圓圓既珍珠真係好有驚喜，但今次可能煮珍珠有d 失手無甘煙韌彈牙，黑糖味都仍然重既～李圓圓d 茶底偏淡身，反而配冬瓜茶係好飲d~~希望珍珠水準下次試可以keep 番啦

今日經過觀塘駱駝漆大廈 天氣咁熱行到好口渴 於是見到一間珍珠奶茶舖頭 上網睇仲要係黃店💛 梗係要買一杯支持下我係第一次飲 見到有五個推介 黎得李圓圓梗係要試下佢啲黑糖珍珠 今次我就試咗第二位黑糖珍珠鮮奶本身我都係到諗要黑糖珍珠鮮奶定係黑糖珍珠鮮奶2.0 我估最大分別就係黑糖珍珠鮮奶2.0有多30%鮮奶 相信一定會更滑更好味 不過我地怕太飽 所以只係叫左普通黑糖珍珠鮮奶結果都無令我失望 店員好細心提我要先將飲筒將黑糖珍珠同鮮奶攪勻 我最鍾意就算係黑糖珍珠但係都唔會好甜 因為出邊有好多餐廳都係有種死甜味道 李圓圓珍珠煙煙un un 每一粒都有好濃的黑糖味道 不過李圓圓的珍珠係比較軟身 唔同出面一般食到既珍珠 我個人都好鍾意

呢間舖頭係台灣咁出名相信都唔使我特別介紹🙈 最近佢係觀塘開左分店呀‼️ 一眾觀塘既打工仔有口福啦😆 我好日都唔出觀塘 難得黎到緊係要試下啦 嗌左杯黑糖珍珠鮮奶2.0 即係比平時既多30%奶🥛 奶味好重我鐘意 整體唔會過甜👍🏻 珍珠煙韌彈牙 量又多真係好抵飲😆 大家快d去試下啦😋

個人嚟講都幾鍾意飲珍珠奶茶，耐唔耐就會茶癮發作😆據聞過江龍【李圓圓】都唔錯，今次終於有機會試到喇🤤【黑糖珍珠鮮奶紅茶】用黑糖煮到入晒味嘅珍珠入口煙煙韌韌，帶少少甜味，好好食呀‼️🤩茶底因為用咗鮮奶，感覺上無咁heavy🥰紅茶茶味都好出，整體唔錯👍🏼仲可以揀【減糖】，完全符合晒個人口味呀💯😋原本係老X堂忠實fan屎嘅我要變心喇🤣下次有機會要試埋其他款式先至得😋

今次都是free的試飲，因為係ig玩遊戲，好慶幸被kol抽中可以免費換1杯飲品。間店就係地面好易搵，見到好似係新開，招牌都用紅紙貼住，餐牌上的飲品都是20幾至30幾蚊，我就選左34蚊左右呢款《黑糖珍珠奶綠》，呢個價已經係最貴的價，所以其實呢間店真係唔算好貴，我覺得仲係平民的新選擇。我就外賣回家，選左少甜，飲落真係覺得好飲，茶香，飲落滑身順口，飲完一啖接一啖。啲珍珠好好味，食落煙煙韌韌又有些彈牙，但比一般珍珠軟身一些，帶微甜。感覺少甜比一般的手調飲品健康啲，呢款係有機會亦會再回購的一款飲品!2位男店員都服務態度好。

觀塘依個位開過好多台飲店今次新開既李圓圓，好少係行街熱點見到但見到openrice 見到食評都大讚佢既黑糖珍珠我地成班同事就決定一試十杯已經包送貨，當然我地係附近啦一拎到上手，冰係以碎冰形式，基本上已經好討喜～～唔會好似其他甘大大粒冰，有排溶而且變相減左份量黑糖珍珠黑糖味好重，而且口感勁彈牙QQ真係好好食，好過咩咩堂好多，連珍咩丹都完勝過因為個黑糖味連埋個口感都係完美，可惜眉係個鮮奶底奶味真係唔算重，有同事飲2.0 即係加多30%奶都係無咩奶味又有同事飲奶茶。。但都係奶同茶味都唔出所以計珍珠比夠5 粒都得，可惜個底真係唔掂如果改善埋，真係贏哂啦

除咗一芳 sharetea 天仁，第一次搵新嘅觀塘台式飲品店，圓圓應該岀名黑糖，有大部分人都係買黑糖，而我對黑糖麻麻，所以揀咗杯大路嘢，紅茶鮮奶 半糖 少冰，注意佢無少糖揀，只得半糖揀，一杯24元，size 比其他台式飲品店細，所以我覺得偏貴，外表奶茶顏色跟茶餐廳近似，入口不是茶餐廳的口感，茶底一般，感覺上茶葉數量用得唔夠，有加水嘅感覺，沒有茶香加茶味普通到不能再普通，正正常常，唔會再飲嘅系列，大家都係揀返黑糖。