李家 (埃華街)

营业中

休息中

｛食盡大角咀之韓式 — 李家 (埃華街)｝————————————————最近好耐都冇住韓國野啦，雖然個人唔好醬油蟹嗰啲生醃嘢，但都幾鍾意食韓式既粉麵菜式，以前食過荃灣既李家，佢地既炸雞都唔錯，但今次就想食下d冇咁熱氣既野啦！ 🔸 牛肉炒粉絲 $158 炒粉絲可以揀要牛肉定豬肉，個人覺得幾貼心，而佢炒得夠乾身唔會好油，味道都岩岩好唔會太咸，牛肉都落得夠多，超級大一碟，兩個人都食唔曬😂，如果胃口細，我估可以3個人share都仲得😆 🔸 芝士雞蛋卷 $128 以我平時係屋企整雞蛋卷既經驗。。。我相信呢到起碼落左8-10隻蛋😂，因為真係好巨型一條雞蛋卷，而我幾鍾意佢面頭既茄汁同芥末醬，令到口味更豐富，切開仲有拉絲芝士添！🤩 🔸 雪濃湯 $168 開頭飲落覺得唔係好濃味，但飲飲下又幾欣賞佢呢種清得黎唔油膩，帶有牛骨香既湯，睇得出佢俾既位的確係牛骨附近切出黎既肉，湯入面有d麵可以配住食，仲跟左一碗白碗可以當湯飯食，夠曬飽肚🤣Overall comment: 餐廳位置都闊落，以4人枱為主，因為食物份量偏大，幾岩一班朋友一齊食，咁就可以試多d唔同菜式啦！😆

好食炸雞小店之《李家》依家炸雞食店，有好多選擇，今日就去咗大角咀埃華街嘅李家，蜂蜜蒜蓉炸雞(無骨)：炸雞份量十足，外脆內軟，雞肉嫰滑，熱辣辣咬落口感亦都十足。 另外值得一齊嘅係，佢有好多唔同嘅味，可以雙拼，絕對適合喜歡食唔同味炸雞嘅朋友，燒五花腩肉：腩肉味重，燒得好香，肉汁香濃， 配料方面提供咗泡菜絲可以夾住嚟食，別有一番風味，泡菜餅：外形似pizza， 感覺唔算好辣， 主打少少辣嘅泡菜味，好大塊，相當唔錯，Apple Cider Rita 蘋果西打麗塔 + 檸檬梳打：兩杯嘢飲都適合打卡， apple cider加咗少少梳打，味道香甜，份量係有兩杯嘢飲咁多😅；檸檬梳打既檸檬同梳打味份量均衡，唔會有搶味嘅情況👍🏻，總結：坐得舒服，店員nicenice，炸雞同烤肉嘅味道都非常可口，唯一小小美中不足係背景音樂有少少大聲🙉

大角咀呢個地方都算多野食，今次我地黎到呢間食韓式炸雞比較出名既餐廳食飯，我都有一排冇食過炸雞啦，都幾期待今餐😛佢地每張枱都有一支水，同埋有紙巾提供，我地坐低無耐已經送上前菜既酸蘿蔔同埋沙律菜，用手食炸雞梗係要用紙巾啦，所以又要讚下呢個貼心服務👏🏻自選半半炸雞，佢地係必須統一兩款都一樣要無骨或者有骨‼️原味炸雞（有骨半隻）（$93） 我地想食無加其他調味既炸雞，所以就叫左個原味，雖然佢係原味，但都有配個辣醬比我地點黎食，佢個炸雞既肉好嫩滑，咬落去係有肉汁，半隻雞係勁大份，我地一人半隻跟本多到食唔曬🐥青辣椒蛋黃醬炸雞（有骨半隻）（$118）佢同原味雞都比較相似，唔同既係有d洋蔥係面，最重要就係個蛋黃醬，佢係另上既，而個蛋黃醬真係精髓黎，好好味，我每件都要點勁多黎食，好快比我食曬d醬😋芝士辣雞炒年糕（$178）呢個如果你係芝士控真係必點之選，底下既辣雞炒年糕就係韓式辣醬風味，面頭舖上勁大層既芝士，一野夾起d芝士連埋年糕同雞食，勁正，份量都係勁多，我認為夠4個人share都得，食呢個記得要咬爛先好吞，唔係d年糕同芝士消化唔到就唔好🧀辛拉麵（$58）主食我地就揀左辛辣麵，同我地平時自己煮既辛辣麵咁

一開始有沙律同酸蘿蔔做前菜，我哋叫咗半半炸雞，一半係無骨蜂蜜蒜蓉味，另一半係無骨粟米味，分別$118，$123蜂蜜同蒜蓉味好香，雞皮又脆口，肉質又嫩滑，份量都好大。粟米味仲配埋粟米同粟米片，多重粟米口味。再加埋炸魷魚鬚拼辣年糕湯套餐同蘋果西打麗塔同埋檸檬味嘅科羅拉麗塔，飽到食唔落。

好奈冇食韓國野啦，所以今晚講明要喺大角咀番工既朋友要揀間好食既韓國野黎食。朋友話有間lunchtime坐滿既韓國野好食，叫李家今晚我地早食dinner，我地係第一枱客。店員俾左張卡位大枱我地，夠大方我鐘意。睇睇menu，選擇唔少，應有盡有，炸雞、炒雞、湯飯、煎餅都齊。我地雖然有d熱氣，但都係抵受唔住韓式炸雞既魅力。最後決定叫蒜蓉蜜糖炸雞、泡菜魷魚煎餅同餃子年糕湯。前菜同配菜。椰菜絲、醃蘿蔔同泡菜泡菜夠酸夠辣，配咩野較岩味👍🏻椰菜絲切得夠幼，配左沙律醬。味道酸甜，醬汁口感意外地滑，唔知點整出黎呢。醃蘿蔔大大碟，唔肯定係前菜定跟炸雞既配菜。唔辣唔澀，酸甜適中，好岩我口味。餃子年糕湯食得韓國野，除左炸雞同煎餅，就係會想食番碗comfort food餃子年糕湯就係其中一樣好溫暖好comfort既野食，由其如果天氣凍，呢碗熱辣辣，又有年糕又有餃子既湯，真係會好warm佢地既年糕湯，份量又多，又保到溫，年糕軟滑煙韌，餃子口感岩岩好有胡椒香，好食。泡菜魷魚煎餅煎餅未食就睇到佢最大既特點，個特點就係最大。因為佢係我食過既泡菜煎餅入面最大既一塊大都唔止，佢既厚度亦都非一般。雖然食開薄身脆口d既泡菜煎餅，

“李家”應該是韓式炸雞界的始祖，很多年前已經聽過呢個名。🥢今日黎左大角咀埃華街分店，見餐廳menu 除左傳統韓式美食，仲有比較新穎的菜式，例如三色糯米腸，香辣鳳爪，煎粉紅腸仔餅。但我都係試下傳統韓式食物，叫了半半炸雞和海鮮炸醬麵。🥢海鮮炸醬麵非常大碟🤣三，四個人食都冇問題🤣海鮮配料多，有魷魚，蝦，豬肉，蜆肉，翠肉瓜。麵條Q韌，幾掛汁😋🥢半半炸雞可以一次試兩個口味😋原味同甜辣。另外仲有多種口味選擇，仲可以揀有骨無骨。原味超級香口脆身，甜辣醬惹味開胃，雞肉都幾嫩滑，好好食👍🏻🍹李家special rainbow soda 檸檬同西柚味，好得意個杯有餐廳名。幾大杯，清甜解渴。🌟總括嚟講，李家炸雞係不用懷疑的好食😋👍🏻下次可以再黎試下其他新穎菜式。

「李家」係香港算係元組級韓國炸雞🍗，係香港有多間分店而且仲可以屹立咁多年都知道佢嘅實力啦🤭😆今次嚟到位置大角咀嘅分店，店內裝潢簡潔樸實不花巧，一邊聽住👂kpop 一邊食住炸雞🍗真係一大享受😋打開餐牌淨係炸雞都有超過10款口味，仲可以自選不同嘅半半口味，仲可以揀有骨或無骨添🤭😋無骨雖然係啖啖肉，但小妹反而更喜歡有骨可以吮🤤😆粟米🌽炸雞🍗半半份量都相當驚人😳但睇到都開心到流哂口水🤤🤤炸雞同粟米都沾上甜甜嘅牛油🧈嘅調味粉，粟米🌽超級甜又唔會乾身，仲有脆脆粟米片，好似食薯片咁，炸雞一如既往超級高質，咬落去仲係好juicy ，肉汁噴發，外皮就非常脆身，咬落仲會卡滋卡滋咁😎🍻蜂蜜🍯蒜蓉炸雞🍗另一款叫咗有醬汁嘅，蜂蜜甜甜地加埋蒜蓉刺激嘅香氣十分配合👍🏻👍🏻雖然係醬汁炸雞🍗但都唔會影響炸雞本身嘅脆度，雞髀🍗肉質仲好嫩滑juicy ，食一件又點會夠喉🙈🙈雪濃湯雪濃湯雪白嘅湯頭非常吸引🤩一睇就知佢放咗幾多牛骨落去煮，飲落去好溫暖順口，冬天飲一定超級👍🏻👍🏻湯入面除咗有牛肉外仲有麵線😋😋就算跟餐仲有白飯，但都可以完全清盤🤓紅醋果汁🍹紅醋酸酸地可以😌平衡番炸雞嘅油膩感，而且果醋亦較其他果汁來得更健康😉

Happy Friday約friend出嚟啤一啤，最近真喺唔想食太多澱粉野，嚟李家炸雞邊食雞邊啤一啤。前菜有菜絲同酸蘿蔔。一杯stella＄68，再叫份炸雞＄178半半炸雞，一半原味一半甜辣味，炸雞個人喜好真喺一定要食有骨，可以選下啲味道。個原味炸雞感覺上好似有啲鹹鹹地嘅鹹蛋味咁，酥脆雞皮，內裏肉質嫩滑。甜辣炸雞個醬喺最正的，始終送啤酒一流。感覺上喺到啤一啤好過去酒吧。另外個泡菜煎餅＄138，一開頭以為喺只有泡菜，發現原來仲有魷魚的，加埋個特制酸甜汁，超開胃。

今天去了大角咀一間韓國炸鷄餐廳叫李家，裝修簡约，以啡色格調為主😁燒五花腩肉🐷$208+ 生菜🥬$25五花腩肉鮮嫩多汁，搭配上豐富的醬汁，用新鲜爽脆的生菜包住，口感豐富😛半半炸鷄🐔$178炸雞外酥內嫩，肉質鮮嫩，另一款搭配甜辣醬，十分開胃，刺激食慾😛炸鷄🐔加可樂$18🥤和啤酒🍺$45，簡直绝配😍整體得分: 4.5/5味道: 4.5/5環境: 4.5/5🎇李家 (埃華街)🎈大角咀埃華街75號地舖

晚市套餐韓式炒豬肉🐷$78佢哋嘅晚市套餐全部都好抵食，幾十蚊就有交易，包一碟大大碟嘅炒肉類🍖、一碗白飯🍚同埋 四款配菜🥬，炒豬肉味道非常惹味，絕對係白飯小偷！😋😋無骨蔥炸雞（半份）🐔$113半分無骨炸雞大約有六至八件，視乎大細，即叫即炸全部外皮都非常脆口，咬落熱辣辣仲可以保留到肉汁！🙌🏻🙌🏻海鮮蔥餅🍕$168海鮮配料都幾多，餅底唔會整得好油膩，三四個朋友一齊share一份係幾好嘅～泡菜湯（含豬肉及泡菜）🥣 $168泡菜湯比起其他餐廳嘅辣一啲，但係配菜就好多好豐富，酸酸辣辣咁，飲一碗超開胃🤤

李家都算係香港嘅元祖級韓式炸雞！👩🏻真係好鐘意佢哋嘅蜂蜜蒜蓉炸雞，一年都會食幾次。🍗半半炸雞✨蔥$113✨蜂蜜蒜蓉$118 佢哋炸雞嘅皮特別脆，直情係卜卜脆。無論幾大件都一樣juicy。蔥味係配酸味醬汁（類似醋）再加上大量大蔥絲。口味清爽，食完之後成個口都係大蔥嘅味道🤣。蜂蜜蒜蓉味道香甜誘人，雖然有好多蒜泥，但蒜蓉嘅香味唔算太濃，反而覺得同蜂蜜嘅甜味好平衡。🍲雪濃湯 $168味道溫和同幾清甜，比起其他地方食到嘅感覺冇咁厚重。牛肉片嘅份量幾多，最估唔到底下仲有好多麵條😳。其實仲有送白飯同泡菜🤭。

大角咀“李家”韓式炸雞,港鐵奧運站A1出口,行步約七分鐘非常方便，餐廳已橙色為主題，非常有韓國風味，座位闊落舒適燈光柔和，多種韓國菜可以選擇炸雞/鐵板燒/炒年糕/人蔘雞湯....甜辣炸雞$178全隻雞斬件炸得非常鬆脆，再加上韓式甜辣醬，甜甜辣辣非常好味.鐵板燒牛肉$178薄切肥牛用洋蔥椰菜冬菇韓式醬料爆炒後，放上熱辣辣鐵板上，食極都唔會凍.海鮮蔥餅$168用咗好多海鮮有蝦魷魚，仲有香蔥同椰菜，海鮮蔥餅非常大碟.餐廳除了分店多，是韓國人處理，背景播住韓國音樂幾有 Feel，食物份量大係唔錯嘅選擇.

今日嚟到大角咀呢間韓式炸雞鋪， 咁其實因為我同朋友未試過，所以我帶佢嚟試下，因為真係貪佢幾有韓風feel,同我哋鍾意食炸雞，咁就帶佢嚟食雞啦 ，講都無謂睇我食咗啲乜嘢。原味炸雞這道經典韓式炸雞無疑是李家的招牌之作。鮮嫩多汁的雞肉被酥脆金黃的外皮完美包裹,令人食欲大開。李家的炸雞在烹飪工藝上下足了功夫 - 炸至恰到好處,既保留了雞肉的原汁原味,又有外層酥脆的可口口感。搭配餐廳特製的醬料,增添了醇厚的韓式風味,令我回味無窮。鐵板燒豬肉鐵板燒豬肉是另一亮點。薄切的豬肉在高溫下迅速煎烤,保留了肉質的鮮嫩多汁感。豬肉本身的鮮甜滋味與餐廳獨特的醬料巧妙融合,激發出層次豐富的口感。特別是當將烤熟的豬肉沾上其他配料一起享用時,口感層次變得更加豐富多彩。煎粉紅腸仔餅這道別具創意的煎粉紅腸仔餅頗為亮眼。外層煎至酥脆金黃,內餡軟糯鮮美,粉紅色的腸仔散發出迷人的色澤。每一口都充滿了韓式風情,口感豐富多變。綜合以上三道主打菜品,可以看出李家在傳統韓式料理和創新變化上都下了功夫。

呢間餐廳成日都聽人講開，今日決定試一試，果然無失望，飽突突好滿足咁走自選半半炸雞- 甜辣 & 蜂蜜蒜茸味兩款味既炸雞都帶少少辣，較推薦蜂蜜蒜茸味，味道甜甜地帶淡淡蒜香味，炸雞外層炸到剛剛好，好脆好香口，淋上醬汁後，外層亦唔會淋左，雞肉肉質幾滑嫩，另外食炸雞通常都配有酸蘿蔔，非常清爽的口感讓炸雞一點都不油膩！海鮮炸醬麵呢個份量好足料巨型，大概都夠3-4人食，有不少海鮮如蝦、墨魚仔、魷魚等，炸醬麵麵質較幻較滑，非常之掛醬汁，炸醬內亦有不少肉塊薯仔，煮到好入味，整體唔錯～炸醬麵、炸雞、啤酒呢個組合真係超夾，韓國料理必食～～

餐廳向來以其炸雞聞名其韓國菜式出品同樣正宗座位位置都舒適 適合與朋友家人聚會⍢半半炸雞 $188半半炸雞包括原味及甜辣味而且份量也很足夠！！炸雞都炸得外脆內嫩 雞肉都相當嫩滑重點是不會有太重的油膩感 而甜辣口味的辣汁調配帶甜不會太辣 非常惹味蔘雞湯 $198湯底鮮甜 帶有淡淡蔘味原隻雞軟嫩鮮美 性價比挺高倒入白飯 吸盡湯底鮮味精華想吃得沒這麼清淡 可配上隨餐附上的泡菜會更加點綴其鮮味辛拉麵 $58以韓式鍋原個呈上 所以保持到溫度拉麵麵質煙煙韌韌 配上半熟蛋 一流～⧐𝙍𝙚𝙘𝙤𝙢𝙢𝙚𝙣𝙙𝙖𝙩𝙞𝙤𝙣：♡♡♡♡/5⧐李家📍大角咀埃華街75號地舖