東園海鮮酒家 (已結業)

同男友一家去 "東園海鮮酒家" 做節...我地叫了半席 "濃情宴" & 加了 2 個菜...而這個套餐今晚係 last 一晚...整體上我覺得麻麻地. 只是以下餸菜比較好啲 鮮果大虾沙津 - 鮮果好新鮮, 大虾好鮮甜 鮑汁花孤扣花膠筒 - 花孤好大好厚肉, 花膠筒好有膠積感 響螺花膠大煲翅 - 唔杰, 好多響螺花膠...好好味炸子雞 - 炸得好香, 雞肉好肥美.冬草艇皇飯 - 味道 arm arm 好. 不過啲汁比較杰...可能接近做節. 好多人黎食飯, 所以佢地出菜好混亂

家人看中這裡的全包宴套餐，於是過來一試。這個餐原本有開邊蒸龍蝦、魚翅湯、翠玉瓜炒螺片、鹽焗雞、菠蘿西炒飯、千層糕同甜品，但經理告知其中三樣售罄，要改為芝士龍蝦伊麵、芝麻雞同荷葉飯。雖然他指該三道菜都比原本的貴，但一個餐改動如此大都真的有點誇張。先講各道菜的質素，龍蝦是改用了更好肉的波士頓龍蝦，這方面抵讚，但個芝士汁稀得像上湯，結果令整體感覺大打折扣。魚翅湯的獻做得不錯，但翅實在是少得可憐，眾人努力尋找方找到一片較完整的翅，其他都要等喝至碗底才找到一兩條散翅，這樣真的很不爽，根本和碗仔翅沒兩樣。那碟瓜就更失敗，竟然整碟炒燶了，不過我見不算嚴重，外觀仍算可以，於是就沒有退換。荷葉飯蒸得實在太水，好像吃糉一樣，而且只有排骨做餸，口感不佳。幸好其餘三味不俗，芝麻雞夠香夠脆、千層糕又熱又鬆軟、而紅豆沙和馬蹄爽都弄得好，所以才挽回一點分數。此酒家的位置有點隔涉，而且要上商廈樓上，但現場所見都有不少客路，主要是喝酒的工商食客。服務算不錯，侍應皆頗殷勤。至於價錢全包宴埋單每人百五元，也真的是明碼實價。不過相比之下，我比較喜歡他們附近的另一分店東園金閣。

星期日約親嬤嬤飲茶，佢都會話去東園，因為夠經濟，又好味。附近又有個好方便既停車場，好啱我地有老有嫩一齊食飯架。　點心如果唔一次過叫到成枱都係，續樣野黎其實好夠熱，而且味道唔錯。　燒乳鴿：正！　嬤嬤最欣賞既係雪山叉燒包。蒸既叉燒包因太硬佢已經食唔到，雪山叉燒包就啱啱好，夠軟。我地一家大細，連我平時唔鍾意食叉燒包既人都會encore。　翅撈飯：濕濕地既飯，容易入口，大人細路都好啱食。

佛跳牆：湯料以下價配料如雞腳及豬肉為主，上價配料如海蔘等則非常少。因$98一盅，不會有太大期望，味道清甜都OK了。榮哥骰仔叉燒：將叉燒切成骰仔模樣，所以叫骰仔叉燒。以「榮哥」作招來，質素理應不俗，可惜事與願違，味道唔係好得。香草雞：以香草醃製，味道都OK嘅。鵝肝和牛卷：牛味淡，連一般肥牛味道都及唔上，是不是和牛大家心中有數。而且，鵝肝味道亦極淡。吃完這碟菜覺得有點貨不對辦。大閘蟹：$48一隻，約四兩。蟹膏雖未至於溢出，但都算甘香可口。清蒸海斑：重量約一斤，味道新鮮，幾好味。海中蝦米餅：海中蝦以上湯烹調，放在炸脆的米粉餅上。中蝦殼不離身，唔係好新鮮。炸米粉餅亦唔係咁好食。

公司有個客同我地做節揀左係佢地左近既東園。因為我食飯時間有限佢地已經叫哂野，等我去到有得食。一去到我已經好開心，因為見到有BB鴿。嘩！好正 - 首先個皮好脆，夠熱，肉身好嫩有汁一D都唔乾，HK$16一隻，真係低到暈。　我地5個人食左7隻，真係當正係主菜。我地跟住重叫左HK$ 6.8蝦餃，肉地唔＂hai＂，又有少少汁所以唔乾，大大粒真係好低。其他點心都唔錯，我最鍾意既燒賣同山竹牛肉都好穏，不過我會推介個HK$ 6.8蝦餃。我自己其實已經好夠飽，不過因為其他4個係大漢所以唔係好夠佢地食就叫左個福建炒飯同干炒牛河。佢地讚個干炒牛河好好食，夠乾而且唔油膩，味道啱啱好唔會太咸或太淡。個福建炒飯都好好，比足料，D汁唔會太多搞到一pat pat。雖然我只係逗留左半個鐘，但係真係食完真係覺得又好食又低食。所以一定要係Open Rice到讚吓。今次好彩佢地一早訂左位，因為出邊好多人排隊等位。大家如果想去飲茶就記得打去訂定位啦。

今日心血來潮想食黃油蟹, 見$388一個人幾抵食,就試試佢.每人一隻足7襾蟹, 以黃油蟹來講唔算好大隻但都幾多油, 今日其實最想講個蟹粉趐,真係好正, 足料, 下次可以去淨食趐, 哈!

冬瓜盅：份量足夠六至七人吃，配料有豬肉、海參、冬菇等，都幾好食吖。切下來的冬瓜肉不少，可當一味瓜菜吃。蝦籽柚皮：柚皮炆得很腍，OK。清蒸海斑：重量約一斤，味道新鮮，肉質雖有些少韌，但以青斑來說都算滑嘅。蒸魚豉油做得不錯，用來撈飯吃也好味。蒜蓉粉絲蒸雪花蚌：雪花蚌好爽口，不過無乜味。芝麻雞：芝麻依附在薄薄的雞皮上，味道很香。雞肉味道亦都不錯，肉質嫩滑。紅豆沙：麻麻地喇！

成班波友係新依館睇完香港羽毛球公開賽，一行七人上東園食晚飯，地方不大，裝修唔錯，也不太擠迫，星期日也有很多特價菜色，我們點了下列餸菜： 芝士焗龍蝦一隻：約一斤多、剪開七件也不太小、很新鮮、芝士味較淡 魚湯浸十二蔬：普通、勝在真的有十二種瓜菜和菇類（連龍蝦特價 $150） 琵琶豆腐 $55：好味、嫩滑 魽魚扒煲 $48：色香味全 鹽煱雞半隻 $68：雞略小、味普通 檸汁脆鱔腩 $68：味唔錯、不過唔脆 菜乾豬肺湯 $88：好味、足料、有八至九碗白飯三碗 $27 飯後送免費甜品：紅豆沙和蕃薯糖水都好正，好似自己屋企煲嘅一樣連前菜茶介加一共 $648侍應招呼幾好，總括中上，食得過。

對東園的印象一直不錯，有人提議去東園午膳，我當然沒有異議。粵菜酒家，也有做一點川式食品，也即管試試其水準。點了口水雞和虎皮尖椒。口水雞雞肉嫩滑，麻辣味亦對辦，可是放得太多醋，酸之餘亦好搶喉，而墊地的黃瓜是切條，而不是手拍的，也吸收不了辣汁的精華；虎皮尖椒屬爽口，不過佢用辣椒油去煮就不太正宗。亦試了上海燻魚，是冷盤，甜甜地的，味道不錯，也不會太硬轟轟，好醒胃的一味，不過我始終不懂吃太多骨的魚。另外都叫了些點心，如叉燒飽、灌湯餃及XO醬炒腸粉。叉燒飽外皮幾鬆軟，不過味道差少少，如果蜜甜一點就對辦，但事實上也不是太差的；灌湯餃則是現在很多新做法浸湯餃，並不好，而且餡料是魚肚和冬菇等，奇奇怪怪咁；腸粉本身不錯，但XO醬唔夠。湯是芫茜魚片湯，幾清潤，芫茜味頗重，很快我就飲完一盅。食物有好有唔好，拉上補下，我覺得都可以收貨。

早茶有特價點心, 都幾抵!蝦餃超正! 好大粒, 差不多成個乒乓球咁! 好大粒!!香煎蘿蔔糕, 唔錯, 好有蘿蔔味, 再煎香D仲好!菜肉生煎飽, 好味! 好香, 個餡都幾好!仲叫咗2個盅頭蒸飯, 好耐未食過!呢個早茶都好滿意!

妹妹生日, 今次去東園食, 仲早前叫咗D唔同嘅嘢食!! 好開心!!! :>鹽焗雞....成個砂煲上, 好特別, 睇完先去切!炒五果........有脆瓜,百合,福果,栗子, 紅黃椒, 同腰果, 炒得好香口!梅菜蒸鯇魚.....係我嘅最愛大蝦沙律......好鮮味!!鮑汁鮑魚扣鵝掌.....好入味!粉葛鲮魚豬橫脷湯.........好足料!鮑汁干燒伊麵.....炒得好乾身好味!木瓜奶凍............係全晚最正架!!!今晚真係味味都好好味.............好開心!!!!!!

話咁快幾日新年假期又完結，在此我祝各位開工大吉，步步高陞。近幾年都有習慣，就係新年開工的第一天都會和一班舊同事出來吃頓晚飯，望新一年開工大吉，工作順順利利。搞手今年選了灣仔東園，正值我公司既旁邊，岩晒我。有搞手打點一切，時間、人物、菜色都已安排好晒，我只準時出席便可。新年流流，都係食酒樓現成的全包宴，方便快捷，又好意頭。打頭炮的例牌是乳豬，因今年市道不算太好，放棄了乳豬全體的套餐，改要平平地的大紅乳豬拼盤。乳豬雖不是全隻上，但水準依然好，皮脆卜卜，肉帶少許肥肉，夠鬆化。旁邊的海蜇彈牙爽口，確是一個很好的開始。第二味意頭餸是發財大好市，蠔鼓冬菇整整齊齊擺好，還有大堆頭的髮菜，望吃完呢味之後，股市大旺，發財大好市。說回食物，蠔鼓好香，冬菇大大隻，既爽口又有鮮味，髮菜也不會太糊口，整體配合理想。因我不吃蝦，鮮蝦仁呢味我不作評論。其後有珊瑚蚌花枝，兩者皆爽口味美，就連伴碟的西蘭花也是碧綠，爽口而不會過硬。每次食全包宴，翅當然唔少得。已預期今次既翅係唔會一梳一梳，只求有丁點碎翅食下，已經滿足。其實，這裡的雞絲翅都做得到位，肉絲良多，也吃到不少翅，味道濃郁，放少量醋吃，都可收貨。即使市場不佳，鮑片

今天約了別外一班朋友去飲茶，昨天己打電話去預訂座位，怎知去到後那帶位員要我們坐在樓上，樓上沒有什麼裝修，像員工的飯堂。今天點了流沙煎堆珍 -賣相亦很別緻像啤梨．但煎堆內的奶黃杰成一堆，不像平時是液體流動的，可能是巳經涷了。XO 醬煎蘿蔔糕 -用一個不知是否是用幼米粉炸成一個碟子盛著己煎的蘿蔔糕，賣相好，味道都算不錯。蝦餃皇很大粒，有汁又爽，很好口感。Bb乳鴨上桌時己凍，不像平日吃的熱辣辣，味道亦大打折扣。奶皇馬拉糕，還是一樣好味。臘米飯都不錯。鳳凰煎糯米雞，可能今次上桌時己涷，很難食。素菜粉包和雞扎，味道不錯。炸兩，凍冰冰，很難吃。其間多次將別人點的食物錯拿給到我們，今次叫了很少點心，又沒有叫飯麵，到結賬時，等了半小時才將餘款找回，因不知道他們今天的服務為什麼這樣的。

上星期同家人聚會, 去番上次去過嘅東園, 原來有大閘蟹 $48 (5兩), 都好平, 但係好多屋企人唔食, 下次去先試吓, 今次叫咗好多餸, **最好味係薑蔥炒肉蟹好正!**煎釀三寶都好好味, 好濃, 爺爺最鍾意, **清蒸虎班好滑, **上湯浸菜心, 菜心麻麻, 老DD**燒味拼盆, ok**腊味炒芥蘭, 正! 我鍾意腊味**腊味煲仔飯, D腊腸潤腸好好味, 食咗2碗, 大件事! **老笑平安, ok**沙拉骨, 幾香口大部份都算唔錯, 呢度變咗係屋企人食飯聚會首選!個經理居然記得我!

星期日成三點才去飲茶近近地去咗東園好彩遲去唔駛等位因為早去好多人我哋成十個人去叫咗好多點心食- 最好味係蝦餃皇,叫咗6籠,有18粒,必食,有汁又爽- 蘿白糕好有蘿白味,都幾大件,如果煎濃D仲正- 砂窩生煎包,好特別,個Waiter拿個黑色細細嘅窩我哋仲以為來錯, 原來裏面放咗 三隻生煎包,生煎包底放咗D蔥, 好香個皮好脆又唔油,只係饀小D- 鮮蝦腸都好, D蝦同蝦餃一樣咁爽- 燒賣都好大隻,唔錯- 蜜糖雞翼麻麻地,冇乜蜜糖味- 咸肉豉油王炒麵炒得好乾身,超水準- 上湯蒜子潺菜我好鍾意食,因為好滑,估唔倒有得叫- 芝麻雞好香好脆- 欖角蒸排骨幾特別唔錯- 鳳爪,雞扎.........其他不覺不失,水準都好高,仲有點心75折,好抵食.服務ok啦, 洗手間麻麻地