東方酒家 (已結業)

　　皮蛋肉碎粥 $5.8咸到以為點左咸蛋咸瘦肉粥，幸好粥水夠綿，料頭充足，間唔中食下都幾抒情。　　　臘味蒸蘿蔔糕 $8.8個名少左個「味」字，又唔夠霸氣，應該叫分子臘味味蒸蘿蔔糕。一上枱已經震攝人心，油水充足之餘，淨係食到臘味既油膱，但實體既臘味就一粒都見唔到，難度食緊分子料理？　　　鮮竹牛肉球(小) $10.8牛肉球本身無咩問題，仲幾嫩滑，不過配埋D疑似喼汁就真係正，淡中帶酸，苦得黎澀，簡直糟蹋左舊牛肉！　　　炸兩腸粉 $12.8份量幾對眼，腸粉都幾軟滑，但係炸兩林既，好彩D角落頭仲有少少脆。　　　鴛鴦燒賣皇(優) $13.6係我見識少，又一廂情願以為係傳統著黃色衫果款燒賣，點知黎到只係兩舊赤裸裸、肥騰騰既肉團，分別頂住舊冬菇同豬肚。咬落去肥瘦分明，即刻口甜舌滑，把口「啷」 過油。肚餓既朋友記得點呢樣點心，食一粒已經夠滯。　

大年初一我同屋企人去外母屋企拜年，去左一間係香港仔華貴邨既「東方酒家」飲下午茶，果到地方好靚，食品又好，好到無法形容，我肯定全香港酒樓食吾到咁正既野.............我叫左一籠薑汁雞包仔，個雞包仔夠薑多汁皮又吾痴牙！芝心蝦丸靚、彈牙！三星燒賣靚、好味！百花釀魚肚得、好食！碗仔翅廟街都食吾到咁靚！仲有好多點心食物好到講吾到咁多.................仲又下午茶特價。一句講曬，招呼好/食物靚/價錢抵食！

難得亞媽今日放假，不用湊孫，所以叫我和弟弟去東方酒家飲茶‧我們點了以下食物:牛柏葉: 牛柏葉沒有被細剪，所以夾起來"長瀨瀨"，十分不便。咬起來又不夠淋，但是味道則ok。燒賣: 味道普普通通‧生竹牛肉: 味道普普通通‧炒米粉: 米粉雖少，但是蘿蔔絲、椰菜、西芹和蔥卻十分多，吃起來感覺'索索聲'，都算ok。菜肉飽: 味道唔得。飽內沒有什麼菜，而且肉味也沒有，失敗之作。

昨晚同幾位朋友去食火鍋，食到一肚火! 7:40pm入席，湯底準時到，可惜，寫了點"食送"紙，一直都沒有食物送來，等了15分鐘，問了服務生話就到，再等多 20分鐘，仍沒有食物? 叫經理來，他的態度不知所謂，什麼是2分鐘後會把食物送到? 結果2分鐘後仍沒有食物? 隔離檯遲入席，就成檯有食物，這是怎樣解釋? 道歉又無? 經理一直叫我們慢慢食? 我的時間不是這樣給你浪費? 我們看到廚房裡的人不是工作，只顧吹水，客人不會理會你酒家的運作，作為經理，你是要去管理你的下屬，不是用差劣態度去服務你的客人。你不想做生意嗎? 食物質素不好，因為急凍的牛肉，出晒血水，看似已放了很久! 不敢吃~以後都不會再去食!

其實我識左老闆好耐, 知道老闆0係香港仔開左間分店, 難得去到香港仔, 梗係要去捧場la~ 一去到個就覺得裝修好靚 , 好光 , 好輝煌^^今試先黎試左幾個點心分別係 : 鳳爪 , 叉燒包 , 馬拉糕 , 薄撐, 燒肉油雞拼盆(老闆推薦) 鳳爪 : 好淋 , 好入味, 不過d 鳳爪顯得瘦d , 怕肥0既啱食唷 , 加上只係得少量花生墊底 , 好抵食ga!!! ★★★★☆叉燒包 : 真係可以講係包薄料多, 又冇乜肥肉 , 怕肥肉既啱食 馬拉糕 : 冇左舊果間既懷舊感覺, 不過呢個都好味, 好重蛋味同中間d奶皇味都好出 ,又夠大件, 都幾抵食ge ★★☆☆☆ 薄撐 : 好足料, 塊餅好厚肉,令口感好好 ★★★★☆燒肉油雞拼盆(老闆推薦) : 雞0既鹵水味好夠, 雞肉都好嫰, 連食雞胸都係滑lu lu, 食落又好肥美, 又多肉汁, 正! 燒肉浸住係d鹵水汁都仲係脆卜卜 , 肥瘦比例又啱啱好, 正正, 老闆果然冇介紹錯^^ ★★★★★