東海酒家 (已結業)

由於今日相得得閒,就同媽媽去左青衣東海飲茶久仰東海既大名,諗住應該會唔錯!!點心方面都算合格既,但服務態度就........話就我同媽子都好鍾意食燉奶呀撞奶果D既咁東海就有晒以上兩歡!!!!見就真係心花怒花,食緊點心已經好期待咁點心紙係寫左要等半個鐘 咁我地都唔冇所謂但係 等左一半佢話燉奶已經冇晒 唉已經好失望不過唔緊要啦諗住仲有個撞奶可以試下丫嘛之後 我地等左好耐好耐好耐 佢地d員工係hea到爆炸 經常嗌佢地都會扮聽唔到即使你同佢係幾近都好試過曾經叫多一位阿姐 但佢服務態度好差 用左1大堆既理由推左我地話唔幫我地催最後搵左兩個都冇用-_-到我地話取消想埋單既時候終於都話黎而個樣係咁架囉根本就好似水咁 打傘d個碗係會瀉出黎 而最尾我地同經理講 佢態度惡劣亦話ed係正常wor 乜唔係應該 "瓊"左先係正常架咩 唉 so disappointed for that

接完機就諗住去食個晚飯，去到一坐低睇下個菜牌碟碟起碼$80...都ok啦...但係d送一黎到無論買相及味道都真係唔掂，又其係個南孔齋煲，條紅蘿蔔可以咁粗，又硬，冇菜及冇味！真係估唔到東海出品咁差！

好友放假到青衣黎…相約齊齊輕輕鬆嘆個午餐…為避開中午o既人潮…選擇近兩點先入座, 更可享有下午茶優惠時段, 點心收費由小點7元至特點23元不等…即時入座, 好幸運沿窗落地玻璃海景位剛好淨番一檯, 滿心歡喜啊~…人煙疏落左, 環境亦相對清靜…兩個人叫先後叫左七款咸甜點心…坐到差不多4:30pm清場先離座…hea個飽!! 哈!!蝦籽燒賣…肉鮮味結實, 肥瘦適中, 好味道!! 今次係賣相差D, 好似被搖完骰仔咁…四散到籠o既周邊, 好搞笑!!...潮州粉果…皮薄餡香且豐富, 不錯呢!鮮蝦賽螃蟹餃…創新o既搭配, 又幾好味喎!!...外型白滑, 裏頭o既蛋白口感有少少似豆腐…但又有蝦肉o既爽, 芫茜o既香, 不防試試啊!芥末沙律墨魚…哩款新口味就真係麻麻地, 仲要收近$50元!!!... 沾有厚厚o既甜味沙律醬, 要有超敏感o既味蕾先可以嚐到丁點日本芥末, 青瓜多過”主角”墨魚好多之外, 仲要係青瓜好味過墨魚!!!!...因為D墨魚條係完全無色無味無臭, 只係啃到件有沙律味o既”擦紙膠”!!...感覺都好可怕架!!...咖哩魷魚…味道ok, 及水平之作, 用好多芋頭粒墊底, 但芋頭同咖哩吾多夾

正所謂冬大過年, 一年一度做冬既日子一定要食餐好既. 因為怕人多, 所以早一星期做冬~是晚叫盡重口味之作, 評價如下:1. 片皮鴨2食 ($198 + $60)鴨片得有點過厚, 不過包鴨既春卷皮夠薄, 整體來說ok.第2食 = 炒鴨鬆. 鴨鬆炒得偏咸, 仲食得出落足美極既味道. 生菜略嫌俾得唔夠多, 攪到後尾o個d唔知點食好.... 2. 青瓜海蜇頭 ($60)收$60, 寫明係海蜇頭, 黎到竟然係普通海蜇 我真係第一次食咁長既"海蜇頭" 唔收貨~! 3. 羊腩煲 ($198)size比想像中大, 羊腩夠"淋", 為呢餐拿回不少分數.4. 生煲腊味飯. ($260)全晚精華所在. 本來我地4個人已經好飽, 打算將呢個打包返屋企. 點知試左第一啖之後停唔到口.每一粒飯都吸哂腊味既精華, 食落又暖又夠味. 而腊味係另碟上, 每一款都係靚野, 好好味. 連平時唔食腊肉既我都食左幾件~總括而言, 呢餐好壞參半, 不過見到爸爸媽媽食得好開心, 呢餐貴d都係抵.

昨天我約了兩位朋友去「東海」飲茶，就即時用上營養師所教的技巧，選取相對地熱量與油分較少的食物進食，也與有興趣修身或保持健康體重的你分享一下。去「飲茶」，主角是各式點心，但是熱門點心如春卷、咸水角、鳳爪、排骨、燒賣...全是油分多的致肥食物。所以第一個秘訣，就是要吃一點澱粉質「打底」。好選擇包括叉燒包或是燒味米粉。「東海」的叉燒包實在不錯，包不黏牙，叉燒的醬汁又好吃。另一方面，不要忘了吃「蔬菜」！灼菜心、灼生菜，只是說明要「全走」（走油走蠔油走豉油），就可以「抵飽」又達到纖維攝取量。我和友人精打細算，看到「東海」的鹽水灼時蔬HK$38，濃湯菜遠雲吞HK$48，就選擇了後者，多幾隻雲吞一起吃比較「抵」嘛。但是控制還控制，總有一些食物我是不宜食用但真的很想吃的，於是只好淺嚐即止。例如是這個「杏片炸蝦丸」，真的超好吃又香口！我乖乖的只吃了一個。加有青芥及蛋白醬的青瓜八爪魚也不宜多吃，因為蛋白醬的脂肪含量多啊。但是我也吃了一點試試看，這一道前菜爽爽的、辣辣的，很容易令人吃到不停口的，小心！終於在友人點「大閘蟹小籠包」時我就投降了，因為我怕海鮮會引發手部皮膚敏感，據說這個小籠包超好吃呀，希望朋友喜

首先抵讚o既,就係食物真係用料十足!我同阿媽仲有佢朋友叫o左幾個點心,首先有叫o既當然唔小得蝦餃同燒賣,鮮蝦菜苖餃,紅油抄手,鳳爪,鮮菇竹笙腸粉,奶黃包,薑茶湯圓.蝦餃,鮮蝦菜苖餃:用料十足,起碼食到o既唔會係外皮幾尺厚.鮮菇竹笙腸粉:第一次食,同想像中一樣,唔錯鳳爪:個xo醬幾香,食落有少少辣薑茶湯圓:薑茶唔會太辣,容易入口,湯圓未至於皮薄,不過食落口感都幾軟身其餘o既都唔錯.不過有樣野,就係食物再好都冇用,就係員工真係好有改善空間.事件1我被安排去一間類似細房入面坐,之後窗口位有人賣單,我想轉位,問個員工可唔可以安排一下,佢就好似有點不滿,佢話出面有人等緊,咁我就算,反正我都只係想問下事件2我行去洗手間途中,條路算幾逼下,有兩個員工咁o岩企係到,佢地兩個應該咁o岩傾緊計,有講有笑咁,我行過去個陣,其中一個唔小心踩到我,其實我心唸算吧,不過佢踩到我完全冇同我道歉o既意思,正常人踩到野都會望下,連望都唔望下,唔係我講o左句"你踩到我喎"我相信佢係唔會察覺,呢個係唔細心之處,之後o既道歉都唔太見得佢有誠意.事件3我之後想加單叫多個甜品,不過就想了解下有有d甜品係點樣回事,我媽個朋友叫個員

唔知係地點問題...定係真係貴左太多既問題無乜人食蟹餐以前係美麗華東海...成個場都係拆蟹的,好有氣氛..好壯觀!!琴晚轉左去青衣城, 成場我諗得4-5檯(每檯最多2-3人)拆蟹其他的是食普通晚飯, 或者是吉位!~至於食物, ok的, 同以往差不多d蟹感覺上唔算細, 好多膏,呢間既蟹粉小籠包好正, 好多汁!最好食係個烏冬, 年年最好食都係個烏冬,今年係用左蕃茄湯底,個湯好好味, 我差不多飲晒咁滯, 哈!個薑茶湯丸又係好好, 夠甜夠辣, 食完真係舒服晒.服務......可能係新開既關係, 服務唔係唔好,只係...佢地太急進囉呢頭食完一放低隻手, 果頭就即刻收碟.d蟹蟹佢先上一隻, 食完先上第二隻的不過個侍應上完一隻之後就剔左張單當上晒2隻之後個經理自己走去查番發覺係d侍應剔錯後就係我地隔離當面教訓個侍應...我會覺得...剔錯唔緊要,你要教訓都唔緊要,但唔好係我地隔離教訓囉, 好煩...好影響我地食野的.總括, $348真係太貴了!之前兩年都係$280一位........不過一年一度恨食就唯有食一次啦! 相片亦都唔upload了, 因為年年都差不多!

$348大閘蟹宴 茶芥及加一服務小脹全免鍾情於大閘蟹所以一年一度都會幫襯吓東海海都往年幫襯尖沙咀,見青衣城新開就去支持一下！大閘蟹宴有7道菜平時飲茶叫都要$25 一隻！蒜茸包比較"林",唔脆...係呢part差咗小小...唔知點解佢年年d蒜茸包都係"林"身,換過新整的都係"林"的仲有薑茶湯丸,夠辣驅寒！仍然會一年一次以行動去支持大閘蟹宴

睇完戲想飲茶茶…好耐冇試過等位飲茶…11點半左近開始輪號…期間負責叫號位知客o既派位方法又出現問題, 引起些少混亂…搞到足足12點半先有得坐低開飯…!!!!點心紙項目選擇都好豐富…周日點心當然索價亦最高…肚仔餓, 花多眼亂又不能太貪, 選擇最緊要”精”同”快”…!!!杏香炸蝦丸…一客三粒, 蝦肉豐厚, 雖未至於超爽彈牙, 但配合外層香脆o既杏仁片, 又別緻在中間注入些少咸蛋沙...好可口滋味呢!!...讚!!鳯爪排骨煲飯 ($60)…哩個飯簡直由細食到大都未厭過架!!...哩度雖則話用沙煲上, 但可能吾係特別有咩焦香?!…同蒸o既感覺分別不大…只係份量大左!!...飯粒夠企身有嚼頭, 鳯爪較軟身, 排骨肥瘦適中…兩者醃味亦出色…成煲飯食都一粒米都吾剩!!...嘻!!晶瑩蝦餃皇…哩餐唯一一個”頂點”!!...蒸籠一開, 東歪西倒的…扣印象分!!...普通大小一粒, 餡料吾見特別蝦大肉爽…冇叫人驚嘆!!...未達<皇>者風範!!潮州粉果…用料好豐富, 如果沙葛比例多D就更爽更好!!...沙嗲金錢肚…望落就好靚!...吾會醬糊糊的!!...下面放有芋頭粒...肚身已炆得夠腍但

見青衣城轉左好多食肆,特別去E間試下.... 點G, 換黎一肚氣 !!!等左5分鐘就有位, 入到房叫左少少點心 + 煲雞飯 ;首先, 雞飯係無味ge.... 好彩有碟豉油, 如果唔係都幾難哽 ! 仲要收 HKD60 ?跟住係最普通ge雞飽仔, 一夾就斷開兩節, 原來個底濕晒, 霉晒......山竹牛肉..... 成個碟底都係水..... 係水浸牛肉多d囉......蝦餃.... d皮厚到..... 唔想講 !最慘係一路食, 服務果位呀姐就係咁晌你檯邊行來行去.... 好想等你食完就執碟咁, ED我明, 話晒午飯時候.... 梗係想快D轉檯ge !但係真係忍唔到囉, 我地碟腸粉食淨一舊, 佢居然走黎問我地食完味, 隻手隨即伸落黎想lik走....? 我話, 我仲未食完wor....果位呀姐之後就响你身邊行來行去....arm arm 同屋企人講緊D嘢難食, 就見到後面檯口黑面黑咁叫埋單.....我地都G有D嘢, 跟住隔離台又叫埋單, 咁果位呀姐居然用好重ge語氣話"你地又埋單?" , 隔離台個位男士即係鬧番佢 "唔得咩 ?! "我地即係 o 晒嘴囉....可能比人鬧完, 果位呀姐有D嬲嬲

琴晚同左女友一家同另一個家庭既聚餐,共8位食左以下呢個唔知叫咩既餐,都好多野食:乳豬併燒排骨:乳豬不錯,皮夠脆,有少少肉汁,個排骨都可以的,係略縑乾左少少.翡翠鮮蝦仁蝦算爽口,但唔知點解會有炒馬蹄,味道有少許怪,但都ok.蒜子柱脯:呢道菜好似食年夜飯咁.....不過都ok的.金網南山卷:新口味,呢個都不錯,入面有豬肉,味道都算不錯,可能一試.雞絲翅:好足料.好多翅,好夠味.鮑魚扣花菇:呢個就一般,鮑魚冇咩味,但d冬茹好入味.清蒸老虎斑:魚味濃,肉質彈牙,蒸得剛好,好味.醬油脆皮雞:冇雞味,而且太乾了,呢個差左d.伊麵:呢個反而好好味,加左九黃落去更加有口感,味道唔丸濃,必食.壽包:一個拳頭咁大,係一個成年男姓既拳頭好堅,好夠熱,好足料,好多蓮蓉,而且有一隻鹹蛋黃,好似一個月餅既料,好好味,就算食唔落都一定要夾硬食.個場由於係新裝修,所以都幾靚,d小二都算有禮貌,可以一試.

同老爸慶生…選地點近又順道試試嚮商場新開幕冇耐o既<東海>啦!!...環境有富麗堂皇o既感覺…樓頂高…面向落地大玻璃窗…可觀隔岸風光…份外開揚!!...晚飯時段座無虛席熱鬧非常…六大兩小, 兩小只滿足於遊戲機同炸雞快餐!…那就簡單要半席<魚翅鮑魚宴>…八折價 $1,398 (茶芥全免, 包汔水或啤酒六罐)…上菜速度快, 服務員忙中亦未見亂陣腳…<前菜>鴻運乳豬件併燒骨…賣相一般, 食味亦只中規中矩; 齊齊整每款六件, 乳豬皮脆同下層脂肪幾肥膩, 有流到一口油o既感覺; 燒骨類似叉燒醬醃味, 骨多過肉而且肉質偏乾…<主菜>翡翠鮮蝦仁…蝦仁肉身厚亦算彈牙…配以蜜豆、馬碲粒同胡蘿蔔齊炒, 色澤亮麗亦加添鮮甜度…整體可以!發財蒜子柱脯…瑤柱脯夠圓潤厚大夠入味…發菜柔細生菜爽...芡汁豐富味濃...食味不俗!金網南山卷…用龍舟咁長o既窄身碟, 每邊放三件…鮮黃色金網感覺好”染料”, 以為係脆的, 其實係甜身帶D韌同黏牙…餡料有類似叉燒o既肉同蝦乾, 有糊糊杰o既醬…只係整色整水搞創意但又吾好味o既一道菜, 大家都吾多欣賞!!紅燒雞絲

7月1日放假在下午茶時段和家人去了新開不久的東海酒家飲茶因為假日關係, 除左無提供下午茶優惠外, 我仲要係門口等左差不多一個鐘先有坐.是次侍應安排我地坐係靠窗位, 風景唔錯. 感覺得好我地 4 個人點了 14款點心...平均都好好味. 只係價錢貴了點, 埋單要 4百蚊. 如果閒日可以再食尼個係葸花炸兩腸粉幾好味... 蝦餃和上素餃-- 蝦餃的皮很簿, 蝦很大粒.. 正焗叉燒包-- 幾特別, 唔錯魚肚-- 老豆話魚肚洗得唔清, 好似有少少味. (不過我無試唔知)特大壽桃切開見到有一大粒原隻蛋黃... 蓮蓉好好味.

太耐無上開飯，以至個ID都忘記左，但因為呢間野太難食，所以唔怕麻煩重新註冊個ID黎講下感受今日中午去飲茶，伊面，味太淡，食落無質感。同酒店個D爭太遠，煎蘿蔔糕，好粉，同樣無質感兼無蘿蔔味。叉燒包，好細D料超少，如果唔鐘意食饅頭就千企唔好叫叉燒包甜品（唔記得個名）完全比唔上其他酒樓的甜品咸水角，合格，唯一一款滿意的點心唔記得有無其他點心淨左好多，但又未食飽。買單2XX。我地周6去其他酒樓飲茶都系150到，食得好滿足。仲有D工作人員，好似未經過培訓相比以前美心的員工就好做得野。一定唔會再去

食呢餐前發生左少少事.差的去唔到食呢餐...唉!!青衣城的店轉變得好大..呢間店變了東海.在電話中.聽到...我都唔相信.....環境轉變了,第1個好處.是多了2人位......就係發生左少少事...我到場時食物...已吃了一半.......排骨飯60元....有點貴..幸好..份量大..飯粒粒分明..排骨亦算新鮮...60元都應該的...哈,我不知道呢2粒餃叫乜名,不過包得好靚.裏面是蝦夾住的菜...也算新鮮...另外.有一碟辣椒炒肉,一的都唔飽....埋單也要170元....貴