東湖海鮮酒家 (已結業)

乳豬: 皮脆, 肥肉厚 上湯焗大蝦: 蝦大隻但唔算新鮮, 有幾隻蝦頭甩&變黑, 伊麵底夠大份 泮水芹香雙蚌片: 似韌韌地既魷魚 富貴彩星翠玉環: OK, 個鹹蛋黃汁幾好味 瑤柱雞蓉燴燕窩: 有好大陣芫茜味, 好足料, 唔覺有燕窩 清蒸台灣大青斑: 條魚最好味, 新鮮&滑 益菌浸田園時蔬: 清清地幾好 東江沙薑海鹽雞: OK 香煎菜肉包: 味道幾好, 偏油 陳皮紅豆沙: 苦 , 應該係陳皮唔靚, 食左一啖冇再食 果盆: 西瓜+蜜瓜, 冇雪兼放係櫃枱面, 雖然有包保鮮紙, 但感覺唔太衛生 飲品: 有獅威啤酒、果粒橙汁、雪碧、Coke Light等選擇 餐牌講明$1098包茶介加一服務費及汽水啤酒, 但到埋單時加左兩碟餐前小食(花生)價錢, 佢地只係比得一碟, 到我地發現時侍應先講話半席都要計照計兩碟小食價錢, 兼且好悔氣咁話「入去攞返一碟比你地囉!」 , 最後$1140埋單, 出去食飯唔係計較果幾十蚊, 而係好唔喜歡被食肆當水魚, 不明不白咁加多錢上去!!

當銅鑼灣時代廣場一片擠擁，處處人龍的時候，到東湖晚餐樂得清靜。 不需等位，很快便會有侍應問要開一壺什麼茶。例牌叉燒，肥瘦各半，蜜味濃，味道不錯。佐飯不錯的!最近有優惠，98元+1元可以有雞和魚蝦蟹(選一)。魚蝦蟹是98元，+1元是雞 (即是一蚊雞)~這個餐十分划算，當然不容錯失! 選了大蝦，賣相是不美麗的 ，有點粗糙，幸好有內在美!味道出來都十分香口! 大大隻，飽肚!反而豉油雞嫩滑，做得很好，配合薑蔥汁，嘩，很美味! 值得推介!瑤柱豆苗($120)，有保障的菜式，豆苗的發揮可以很大。瑤柱豆苗($120)、蟹粉豆苗($198)、蒜蓉豆苗($80)等。豆苗有多款方式炒，最後選了瑤柱豆苗。瑤柱量不少，平均散佈在豆苗上，人人有份!豆苗新鮮有汁，入口有鮮味。燒鵝半隻，不推介 ，因為不新鮮，賣相不討好，沒有燒鵝出爐的香氣，而且沒有流出燒鵝油。清蒸花鷹，師傅控制火喉剛剛好，9成熟，不會太老。而且熱騰騰，令人心動!排骨臘腸煲仔飯 等了很久，要一催再催，可以依人數order，三人起計。排骨臘腸好味~煲仔飯種類繁多，令我意想不到!有鴨，窩蛋牛肉飯等10項，有誠意!糖水---紫米露，紫米有口感，椰汁香濃，

來到銅鑼灣搵食, 好多時似隻盲頭烏蠅咁, 因為選擇太多而自己在這裡開餐又甚少, 除了這裡的”老麥”又或者”漢堡皇帝”, 實在少得連自己都唔信, 今次約少女A飲茶也諗到無乜頭緒之下, 諗到差不多超過十年前來過的這間東湖海鮮酒家, 當年只係食過晚飯, 今次約正餐 - 午餐時間12:30雖然這裡有下午茶時間, 但我們都係揀番正餐, 一入到去感覺同以前(十多年前)好似無乜變過, 我們被安排到另一邊的一個房內, 原木色的牆身,茶芥每位8蚊, 大$24.8/中$20.5/小$13.5/特$26.8/頂$31/廚$33/ 味$33見有定點数是否表示貨真價實, 童叟無欺? 大酒樓的標準? 無論怎樣, 食咗至算,點心給人的感覺係好一般 (以現在的標準來說):-蝦餃餡料有蝦有筍豬肉不多, 算是合格香蔥煎簿撐, 看得出落香蔥唔均勻味道尚可但賣相就麻麻奶黃飽唔太甜, 飽質地亦普通腸粉皮厚餡少犯一般毛病鳳爪蒸至剛剛好沒有太淋身, 底的汁液沒有太漿糊, 花生亦入味蒸鯪魚球, 呢個最最唔掂, 一入口感覺到陳皮味令個味道見苦, 都係頭一趟有d咁嘅口味, 鯪魚我懷疑都無乜, 反而那強而有力的彈牙口感應該是鮫魚肉的功力,

nov 17, 12.............10大2小來食小b嘅100日宴............叫咗 :1) 叉燒-呢個喺小朋友喜歡嘅食物,因為個全包宴無,所以另外散叫1碟-甜蜜肉鬆,都算不俗2) 超凡魚翅石斑全包宴 (hk$2,088/ 12位)-為慶祝小b嘅100日生日,所以叫來1個全包宴,都幾抵食i) 上湯焗大蝦球伊麵底-賣相唔好,太多湯了-伊麵當然唔咬口啦-幸好d蝦球大隻,亦有些少鮮味-而翠玉瓜就可以增+整碟菜嘅爽口度ii) 鴻運乳豬全體-個皮又燒得幾脆喎-肉都嫩iii) 彩芹妙醬鴛鴦蚌-+咗辣椒,都小辣,故然惹味-蚌爽脆iv) 紅燒海味魚肚翅-當然唔好expect有咩翅可言啦-味道正常,幸好唔會好"杰"身,否則會好似飲緊豆粉糊咁v) 礦泉水浸時令菜-菠菜都清甜,軟滑身-每條幼小,唔喺老菠菜vi) 東湖1品脆皮雞-呢隻雞嘅黃油脂肪稍為多咗少少,但可接受-雞皮帶點脆-肉嫩滑vii) 清蒸台灣大青斑-呢個深得友人們讚賞-佢唔細條,但裡外都滑,很難得,所以估計應喺浸/淋熟,而非蒸熟-大條多肉,肉質有彈性viii) 蝦籽柚皮扣鵝掌-個柚皮喺我食到最差,啤水唔夠,入口很濕,最慘喺d水

從升降機內踏出, 有股喜悅在心頭, 環境、職員等等周遭設施基本上是沒有改變 剛好, 被編到的檯亦是位於充滿回憶的偏廰, 難到是好兆頭的徵兆坐下, 叫了壺茶味不錯, 喝後心曠神怡的龍井, 隨後, 點了幾款當時盛讚的點心, 心中盤旋著「點心還會是依舊的美味嗎?」無聊時, 讀讀餐牌： 「噢, 大中小點已不再是均一價錢」大點: $15.80 中點: $12.80 小點: $8.80一系列炸食物率先送到, 最喜出望外就是炸食物都是熱辣辣的 (可遇不可求) 食物用料質數並沒有退步, 蝦膠、墨魚肉膠打得Q彈、右下的海鮮沙律卷是件件都用不相同的餡料: 蝦、蟹柳、火腿, 什果沙律餡都沒有把炸皮弄濕今次的蝦餃皮可厚呢 幸好蝦球內餡鮮甜彈牙, 還有荀粒叉燒包是依舊的鬆軟, 蜜汁叉燒粒粒半肥瘦, 叉燒汁「爆」!雞絲腸粉蒸到失手, 中間未熟還有粉漿, 幸好經理話幫我取消它 (其實腸粉其他部分都唔差, 腸身軟綿唔似硬膠, 米味亦濃)鴛鴦燒賣是在彈牙豬肉蝦膠球上, 分別蓋上有菇味重兼實肉的花菇 及 大件雞球。牛肉球並非腍糍糍那款, 有咬囗兼無加麵糊, 吃不到梳打粉味是一讚, 牛肉球本身帶陳皮清香是二讚燒賣包含

全座珠城大廈有3間酒樓, 緊要用腦諗下點發圍, 結果得益者咪係我地食客囉~~ 除了點心八折外, 還送每人一款點心每人送一款送嘅火鴨粥, 好夠味！义燒餐包......輕到風都吹得起~~雞絲粉卷鴛鴦蒸燒賣即是乾蒸牛肉賣及魚蓉賣, 魚蓉唔腥, 牛肉重梳打味和風蝦多士, 我以為是全蝦, 原來是蝦膠, 麵包炸唔透, 但過癮的是蝦膠溝了少少哇沙比...最牛的一款...沙律脆雲吞, 無餡炸雲吞(皮)的上面冠上什果沙律送嘅大包......大過义燒餐包少少, 餡料唔完全又點叫「大包」?小籠包有汁花菇灌湯餃...有大陣菇嘅酸味炸鯪魚球...唔腥始終環境清靜咗好多, 嘆杯熱茶涼吓冷氣, 喺銅鑼灣嚟講係奢侈品

sep 10, 11...........8大1小人嚟dinner.............叫咗 :1) 燒味雙拼 (hk$98)-多謝$98,份量相當精緻-叉燒腍,1/2肥瘦,有蜜味,只喺size好細"舊",好似碎濕濕咁-而切雞據友人講都有些微雞味,已是很不錯了2) 菠蘿咕嚕肉 (hk$75)-唔多得,入口帶點粉,而且白醋嘅酸味有點搶喉3) 海參北菇鵝掌煲(hk$148)-d北菇都好大隻吓-海參比較少,鵝掌我就無試到喇,不過聽說炆得好腍吓4) 龍躉2味 ($338)i) 碧綠炒球-又喺好精緻嘅1碟-不過魚肉結實,有點魚味,有肉質,質素唔錯喎ii) 紅炆頭腩-都ok5) 油鹽水浸唐生菜-+咗d冬菜絲去吊吓味-可以-d油就好了-菜喺脆口的6) 上湯焗波士頓龍蝦-隻波士頓龍蝦都幾多肉架,而且都有鮮味,不錯-佢嘅伊麵都喺腍,喺1貫中式酒家嘅通病7) 臘味糯米飯 - 細 (hk$50)-老抽下得不夠,所以顏色唔夠深-有點"痴2"埋,唔喺1粒粒,所以唔會有咬口,但又未至於糊口-都ok的,唔難食-糯米飯,還是推灣仔嘅強x美食8) 鮑螺片北菇西生菜 (hk$98)-味道正常* 無諗過佢每碟嘅份量唔

中午探訪完朋友新居…幾個人就打算出街開飯…朋友仔想飲茶, 本來諗住去皇室堡試下<景逸軒>的…點知上到去話下午茶市已滿, 因晚間要接著做囍宴不再設輪號…肚仔餓又已兩點幾…冇乜頭緒, 蕩蕩見到<東湖>咁就上左黎…普通中式酒樓格局, 場面都好熱鬧, 尤幸仲有數張細檯, 可安排即時入座…周末下午茶大中小點一律$11.8, 茶錢每位收$8…手快快就點左10數款點心…特別推介的…豉汁蒸鳯爪…醬汁味佳夠濃, 鳯爪保持嚼勁, 吾會蒸到漿糊糊...讚!蝦膠玉子豆腐…蝦膠爽、玉子豆腐嫩滑滑…好味!!大路水平的…豉椒蒸排骨、咖哩蒸土魷(喜歡加有蘿蔔添!)、上海菜肉包、懷舊馬拉糕、紅桃壽包($10逐個計)都可以!!家鄉煎藕餅…一客三件, 做到掌心大o既圓薄片…外皮煎到脆身香口, 藕粒多少少更好!豬閏蒸燒賣…一客兩粒, 賣相就麻麻…吾多喜歡豬肝, 只試左下面粒燒賣, 基本係爽爽彈牙o既蝦丸咁...味道吾錯o既!!素菜蒸蝦蛟…白菜切粒仍保持鮮綠脆口有菜香, 加上爽口蝦肉, 餡料豐富夠滋味!...係個皮厚左少少較遜!!未算討好的…荔芋炸春卷…雖然都新鮮炸, 但外皮就吾多脆口, 可能塞

大S同小O要去維園拍廣告, 下午開工, 上午醫肚我地四條友好耐都無嚟飲茶, 這間東湖有我很多小時回憶而且很多人講起喺銅記飲茶, 多數都會講起這間......老實講, 食物品質無以前咁好, 但依然keep到食完唔口渴巳經喺難得, 重要係依然早茶的大,中,小點一律$9.80(旺區喎~), 早茶重可以飲到12:45pm。 佢地成日發明d特別點心, 例如試過秋葵外包着魚肉及紫菜去炸, 另外有苦瓜雷沙湯圓等而且這兒的龍井很清~現在每位奉送一粒點心, 今天是咸水角, 不過一人一粒, 太小家子吧~我多次見到陳寶珠和她的親朋戚友在這兒茶聚(下午茶時段), 有時也見過分別幾位甘草演員和家人在這兒吃飯呢(我只認得樣子而不知道他們的姓名)

Got a coupon of HKD50 and booked to visit this restaurant. They allowed you to use the cash coupon to redeem HKD50 for spending HKD250 or above.We ordered the following for the dinner:*a huge bowl of wintermelon pot / soup - each one got 4 - 5 bowls. The taste was good. *lobster with e-mian noodle with strong broth - this was pretty good too. *simple dish of vegetibleAfter all, it charged us HKD290 for the dinner.

是晚無煮飯，大家去了銅鑼灣珠城果間東湖食飯。本來係想去二樓鳳城架，點知升降機門一開，落晒閘連門口都出唔到，話裝修到四月尾先重開咁話喎。好，搭多兩層升降機，去四樓食東湖囉。裝修很是堂皇，服務都唔差，找張台坐下，叫了三樣東西：馬蹄蒸啄肉餅，紅酒燴牛尾煲，紅燒豆腐斑腩煲。第一碟送來的是一碟叉燒。下??????原來是送比我地食...又幾新奇喎，送叉燒比你食...不過唔好食，我媽話d肉霉既，我都覺，但就無咩怪味既，都係蜜汁叉燒咁上下味，只係d肉質確係好霉下遮。跟住就上斑腩煲了，眼見煲內有燒肉，斑腩，豆腐，唐生菜等配料，輪流夾黎食啦...燒肉，一食就知佢唔知用咩肉，果浸濃烈既豬臊味，小弟只在澳洲買超市裡面的免治豬肉才聞過，真係唔知點解香港都會有。再食斑腩，腥的，非常腥，用雪藏貨是預左你，但都辟一辟腥味才煮丫...小弟算係食得腥既人，換著我某d友人，應該已大嘔特嘔了... 好，到豆腐，酸的...有無搞錯...再到唐生菜，無得衰喇掛???一食落去，很有趙口。趙多兩趙，以，太有趙口了，根本唔係菜來的??一睇，係一塊痴住菜身既透明膠片，我頂..........到此大家已經無乜食飯既歡樂氣氛，再上既係牛尾煲

今晚約左一大班朋友一齊團年暨一年一度既行維園花市...早幾日去左book 位....超多都full booking or 要6.30前,8.30後...都未放工 or 太夜啦!! 唯一得lee 間可以時間好d...所以就book 左7.30!我之前係lee 邊返工成日都去lee 度飲茶lunch...覺得幾好食0家...價錢又ok晚餐就唔知得唔得啦!! 所以都驚d fds 唔滿意呢!!不過好彩...最後大家都幾滿意....今次算食得好豪0家啦!! 有雞,有斑,有翅,龍蝦,鮑魚仔等等...每人都係百幾蚊...咁當團年飯黎講算ok啦!!仲有水果盤,糖水送tim~1. 花膠湯: 特價$68 一大盅...我地叫左2盅...仲比埋d 湯渣你...都好好食,2. 鮑魚仔: 幫你清走晒d dirty 野...都ok啦~3. 雲吞大排翅: 又係特價$2xx 一煲....都幾好食丫...都見到d 翅...雲吞就麻麻地...4. 炸豆腐: 冇咩特別,d汁都冇味既5. 蟹肉扒豆苗: 熱辣辣幾好味,又多蟹粉6. 龍蝦伊麵: 味道幾好...but 得隻半既龍蝦仔...唔係龍蝦斬件上..好難分黎食7. 蒸斑: 唔

今日陪家姐去CWB攞d野...攞之前先去東湖飲番個下午茶。幸運地我地兩人去到時已經可以入座無需等位...最後，我倆叫了以下點心：豉油王抄麵：麵上的豉油色澤深厚，食落味道不錯，只可惜整得稍淋..如能夠爽些味道將會更好。生根湯鴨掌：鴨掌味道幾好..生根吸上湯汁食落非常可口。蘿蔔糕：失敗之作！完全冇蘿蔔味...粉多...一夾就散。叉燒包：叉燒餡料味道唔錯...ok!沙翁：灑上白糖的沙翁...咬落尚算軟熟，而且味道亦都不錯。

上次來飲茶, 發覺食物和服務的質素不錯, 埋單走時才看到大堂的長枱有相當多的食物賣相很吸引, 下回一定要試。今次原斑人馬再來, 二人組相約再在此吃午餐。首先剔了幾樣喜愛的點心:1.燒賣, 2.棉花雞, 3.燒BB鴿, 4.鳯尾蝦春捲(特價八元).在長枱熟食檔取了: 杞子雞腳湯, 豬皮蘿蔔魚旦湯. 燒賣: 大粒, 好味, 多汁, 很好, 八分.棉花雞: 雞的質素欠佳, 是雪貨, 味道差, 口感差, 墊底的魚肚郤甚佳, 吸滿汁水很好味, 八分.燒BB鴿實在太小個子, 雖然味道不錯, 但下次不會再叫了, 六分.鳯尾蝦春捲雖然特價, 郤不堪入口, 只見四隻蝦尾伸出半空, 一咬下去郤全部是粉, 一丁點蝦味也沒有, 免費也不要, 二分.杞子雞腳湯甚佳, 份量甚大, 湯底味道好, 雞腳腍滑, 八分.豬皮蘿蔔魚旦湯也很好, 阿姐把碗直裝至滿瀉, 份量多和味道好, 又腍又滑, 八分.這裡的服務也值得一讚, 侍應們都很勤快, 有笑容, 埋單的有禮貌.值得再來幫襯的店.

兩個人在銅鑼灣午餐, 這裡樓下的X城雖然食物是不錯, 價錢不太貴, 但怕見那裡黑口黑面的侍應大哥和大姐們, 要試試這裡.這裡的確比較X城旺場, 但很快找到位, 只見侍應們都比較有笑容和好服務, 怪不得在這隱蔽的地點也高朋滿座. 叫的點心共有:牛肉燒賣, 雞札, 汋通菜, 鮮蝦腸粉, 皮旦瘦肉粥, 豬潤燒賣, 燒BB乳鴿, 阿姐說酒樓附送兩粒燒賣.粥先來, 很杰, 味道不錯, 跟上一小碟薄脆, 很出奇地是沒有膉味的, 皮旦都煲溶了, 有很多廋肉絲, 七分.BB乳鴿真的很迷你, 味道OK, 十八元也沒甚麼要求了, 七分.豬潤燒賣的主角豬潤是過熟了, 不妙, 下面有兩顆肉丸, 有肉汁, 味道不錯, 七分.鮮蝦腸粉有三條, 只是普通料, 七分.汋通菜的份量很多, 但是甚麼也沒有, 阿姐才說跟著上腐乳, 果然五分鐘後到, 但是沒有油, 令菜都變得澀味. 四分. 雞札的份量超大和多料, 味道很好, 八分.牛肉燒賣郤麻麻地, 個子小和不爽口, 六分,送的兩粒燒賣郤甚佳, 大粒和爽口, 有肉汁, 跑贏添好運成條街, 八分.據觀察, 這裡的熟客很多, 和侍應都很熟落, 服務都很勤快, 不似樓下X城當人