東記私房菜午間小叙

营业中

休息中

食過呢間嘅lunch覺得幾正，就即刻約齊人去試試佢嘅晚市私房菜~ 個menu係我哋自己揀菜色嘅，揀完佢就報價$880/pax.，雖然揀咗唔少海鮮菜色，但個價錢其實都幾進取😂 最搞笑係當日去到得知「炭燒蜜汁叉燒」無貨，但佢都照收我哋原價，亦冇補過另一樣菜俾我哋，呢個處理手法真係幾扣分☹☹嘢食方面又同我上次午市食過嘅水準差好遠，整體嚟講係好失望☹☹ 不過好彩佢嘅服務態度幾好，環境又寬敞舒適，成班friend都玩得幾開心嘅😂😂┈┈┈┈┈┈┈┈┈┈┈┈┈┈┈┈┈┈┈我哋嗰日預訂咗： ▪️『阮仔龍蝦湯飯』 - 龍蝦好大隻，好新鮮，肉質爽彈 ▪️『鹹檸蒸蘇格蘭蟶子』 - 蟶子蒸得過咗火，有啲韌😐 ▪️『鳳梨山渣咕嚕肉』 - 啲豬肉應該冇醃過，完全冇味，食落皮肉分離感重😩 ▪️『清湯大根鮮坑腩』 - 明明之前lunch食過好好食，今次上反而差咗好多，啲牛腩又碎又肥，完全食唔到本身坑腩應有嘅層次🙁 ▪️『椒鹽南非鮑魚』 - 普通 ▪️『羔蟹蒸肉餅』 - 肉食餅好散，又係冇乜味🙁 ▪️『四季蜜汁煎金蠔』 - 煎得幾好，成餐飯最好食😂 ▪️『炒豆苗』 - 普通

性價比極差，話計人頭數，但黎到啲野食，每個人一件都唔會夠分，咁點計人頭？啲野食死咸，又放到凍冰冰放拎出黎上菜速度極慢，不可一不可再食完仲唔飽肚，私房菜黎講佢係勁難食

第一次寫食評。7人聚餐，極有驚喜。食入門級780晚餐。醉鮑魚打響頭炮，極諗入味，酒香四溢。咸蛋王花竹蝦邪惡惹味。大根牛腩清甜回甘。滷水拼盤極大堆頭。花雕蛋白蒸花蟹，花雕亳不手軟。椰汁蛋白露，唔嘗甜嘅我都食咗2碗。東哥用心製作，回味無窮。佢得閒會出嚟招呼客人，非常好傾。免開瓶費，啱晒酒鬼。

久違了的聚會，七個朋友約埋一齊去呢度試吓，之前嚟過食午飯感覺非常好，於是乎約埋三五知己嚟試吓晚飯私房菜，之前同老闆東哥溝通好寫好菜單，結果全晚食得好開心，冇乜話有邊樣唔好食首先係吃醉鮑魚，鮑魚夠淋，可以再入味一些更好，整體上唔錯，再嚟蝦多士，新鮮熱辣，出乎意料的驚喜，滷水拼盤極度入味，陳皮蒜蓉蒸龍躉魚非常新鮮，而且好夠味道，招牌清湯新鮮牛腩，牛腩肉味鮮甜夠淋，湯夠濃郁，而且蘿蔔非常入味👍，行汁燉白肺湯足料，最後的單尾豉油王炒麵，非常出色，好飽的時候都感覺好味😋😋全晚的味道都沒有什麼問題，每款都好好味，特別一題係分量十足，食完之後三個家庭每人都可以包走外賣，第二日晚上都唔使煮飯🤣🤣🤣，遇到星期一晚剛剛人唔多，地方清淨，老闆東哥非常健談！整體來說，一個極度推薦好去處！

午餐又來東記私房菜探東哥，試吓新出的粟米石斑飯(其實係龍𧄌），出嚟時賣相出色已經有驚喜，食落仲要超級新鮮，炸粉超脆，魚肉新鮮好味，同粟米汁分開上，睇得出店主有要求，不會令魚的鬆脆外皮淋左，整體水準好出色，價錢不算平，但用料上乘，用心製作，絕對值得推介！

東記私房菜，好耐好耐已經想嚟試下，但由於疫情關係，很難約到很多人同枱食飯，最近佢哋開咗午間小敍，一個人可以嚟試吓，非常開心！老闆東哥非常健談，佢好好人，整體同事都非常有禮貌，結果幫襯咗佢一個午餐，同佢傾開佢嘅招牌清湯牛腩，佢二話不說入去廚房切幾舊請我食，呢份熱誠，除咗食物好味人情味已經冇得輸！結果食咗之後，再打包外賣回家！🤣🤣希望呢類有心整好食物的小店，繼續努力，可以等我哋多啲地方去食飯，終希望有一次可以試吓佢夜晚的私房菜，約齊人嗎！😋😋😋

一般坑腩麵都比牛腩麵貴就眾所周知，但呢道既坑腩麵食完一定唔覺得貴，簡直係扺食！因坑腩肉質嫰滑，口感鬆軟而有咬口，牛肉味會慢慢慘至全口腔，肥瘦比例剛剛好，食到每層肉的新鮮肉汁。每次食粉麵都好，碗麵一放落黎，我就會聞一聞，繼而立即飲啖湯。呢碗麵聞一聞就好精神，新鮮香蔥及芹菜香味由熱湯帶出撲鼻而來，不得不立即拎起匙羹飲啖湯，不得了！夠熱，湯清而鮮甜，一Ｄ油膩感都無，再連埋香蔥芹菜夾注麵，麵質彈牙，雖然麵條粗但絕不死實實，仲好有麵香味。再試埋舊蘿蔔，蘿蔔絕不失禮，清甜夠入味。食下麵，食下坑腩，食下蘿蔔，試左好幾啖，嗒真原味之後，最後忍唔住都要試埋旁邊的辣椒油（其實我一早想試）因呢碟細細的辣椒油，色澤吸引，香噴噴。結果，加埋辣椒油，令成件事再升華，又香又夠辣又清甜又有牛肉味，不得了！當然，最後連湯都飲埋，清哂！大滿足！如果鍾意坑腩麵，一定要黎試試。