松記糖水店

营业中

休息中

好耐冇食松記仲記得第一次食松記係個同事介紹幻彩明珠同summer係必食細細個覺得食糖水好奢侈當出嚟做嘢我覺得可以自己食一碗糖水好幸福 揀咗綠茶同埋芒果雪糕 同配料質素都冇變生果夠清甜好滿足

活在記憶中……係好定壞？🤔記得第一次食松記係喺深水埗，當時好少周圍去食野，覺得好好味，今日嚟荃灣見倒松記好想尋回記憶所以即刻走咗入去。糖水嚟講舖都唔算細，但檯擺得好密。以前幾錢真係唔記得，因為有人請嘅😅，而家睇返單價都唔算貴，大多廿幾蚊，因為其他嘅物價真係太高。點咗個海底椰紫米露23蚊，加6蚊有8粒芋圓, 芋圓有蕃薯有芋頭味嘅，偏硬，唔夠煙韌。另order 榴槤pancake , 28蚊 share，堂食都用膠盒實在非常唔環保🙈，榴槤都幾足料💗，不過香味差少少（當然有人覺得係臭味🤣）.時間嚟到8點，全埸滿座，出面仲有人龍超誇張，講真其實又唔係話好好食，不過有啲情懷同唔貴咁囉🤣

我第一次寫食評，真係忍唔住，未食過咁差的甜品，西米露和綠豆沙，百份百肯定是溝水的，西米露糖水底真係希到水一樣，一點椰奶香都冇，綠豆沙仲差直頭是溝水翻熱就算，完全沒有誠意，吃了兩啖就走人，真心講請都唔會再去

今日食評有✍🏻 Openrice✅松記@荃灣西試食指數⭐️⭐店舖衛生⭐️⭐️⭐️侍應態度⭐️⭐⭐((每項5⭐️為滿分)) ·一向正評較多的松記今晚令我有啲失望😣我哋點了1️⃣熱紅豆沙加紫薯球⭐️⭐️/5首先紅豆沙唔夠熱食過好多次紫薯球今次有啲難食未到帶苦說不出的感覺好失望2️⃣鮮雜果杯杯冰加紅豆⭐️⭐️/5雜果合格👌🏻杯杯冰本身有紅豆但我哋另外再加叫紅豆份量太少啲冰雪得太硬等於咬冰唔係粒粒冰食到牙痛3️⃣檸檬木糠布甸加朱古力雪糕球⭐️⭐️⭐️/5其他舖頭嘅木糠布甸擺得好靚係個碟上面呢個係膠杯上太hea·2人3點$99·599Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

今日食評有✍🏻 松記@荃灣西試食指數⭐️⭐️⭐⭐店舖衛生⭐️⭐️⭐⭐侍應態度⭐️⭐⭐️⭐((每項5⭐️為滿分)) ·以前食松記食開一兩間一係銅鑼灣一係元朗原來每一間松記都有佢哋嘅特色甜品製作方式亦都有唔同有見及此我哋盡量試食全港九新界嘅松記🤤·今日嚟到荃灣西第一次食呢一間店嘅甜品都係點平時食開嘅嘢1️⃣芝麻糊紅豆沙配紫薯球(+9) ⭐️⭐️⭐⭐/5芝麻糊遮蓋晒紅豆沙嘅味道食緊嘅時候就好似芝麻糊加紅豆如果佢可以做到分開左右鴛鴦色咁上碟就更加完美芝麻糊係好味嘅，唔太甜，亦冇粉醬口感每一次我都會加配紫薯球🤤·2️⃣雜果杯杯冰配紅豆（+5）⭐️⭐️⭐⭐/5佢一出嚟我就覺得個賣相好吸引喇🍧杯杯冰嘅形狀好靚可惜雪得太實食嘅時候唔太方便紅豆雜果鋪底🍉🥝整個結構好似冰和水果分開咗兩層水果唔太新鮮今次紅豆量就比另一間店舖多，加分👍🏻·2人74好抵食的甜品店👍🏻·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

忍無可忍，20幾蚊食個紅豆豆腐花雖然唔係特別貴，但唔使咁hea下？帶老人家去食期望食碗熱辣辣嘅紅豆沙，點知成碗都係水，再加少少豆腐花俾你，搞到我老婆一路不希望不啲紅豆沙食，都食唔到佢幾粒豆 好貴咩d紅豆？真係好嬲 啱啱睇其他人啲食評原來都食到咁水嘅嘢，本身諗住投訴阿婆話算啦，真係陰公好似飲水咁 然後我嗰個就叫咗紅豆沙豆腐花加芋圓，痴線啲豆腐花完全冇味紅豆沙都係得幾粒戶縣仲要勁難食勁厚粉點解可以咁差之前食嘅重既都唔係咁差

是日做冬,唔算好晚,6點左右就去買糖水番去食,叫左個紅豆沙+豆腐花+芋圓WHAT THE..................咩料...成碗都係水..希到呀媽都唔認得..你問..紅豆沙呢? 係最底呀! 而且唔係沙呀. 係紅豆渣!!仲要未起晒沙...豆腐就係你見到既咁啦....芋圓有幾粒 湯圓2粒...要乜味無乜味...傳統既都花生芝麻都無...局住要個抹茶奶黃囉...成碗有4分1係紅豆渣 4分1都無係豆腐花 其仔都係水.....唔知食緊乜 好差好差. 好難食...SUMMERSUMMER

今日 我和朋友9:30pm去食糖水照舊非常多人在松記門口等待 ～ 等食糖水我們拎了78號飛,預計都要在門口等半個鐘或以上等了40分鐘,我哋發現店員叫緊91號飛之後又見到有人Walk-in 都入到鋪我哋入鋪頭詢問店員店員唔理我哋 (有客要比錢 佢要收錢～)以及店員回應我們的態度極差真心嬲嬲地,我哋一直企係松記門口無離開過,亦聽唔到有叫過「78號」,好明顯係Skip咗我哋店員給我感覺喺好似我哋遲出現喺我哋問題,但問題係你哋無叫過最最最重要態度勁差🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽我們叫了「熱補腦合桃糊」、「琉璃之戀」熱補腦合桃糊：唔係糊,食落好明顯溝咗水琉璃之戀：生果有西瓜&香蕉,芒果汁&花奶唔夠(食到最尾 無汁係無味)CP值🌟20%

見好耐無食糖水打算買碗番屋企嘆下啦，一打開，唔敢相信我隻眼睛！呢碗應該係楊枝甘露？定楊枝甘露冰？有無搞錯，成碗結晒冰都唔知食唔食得！本身都唔預佢話要好好食，但連碗野結成冰都照拎比客？？打去設訴仲照所當然問我想點？我仲可以點，都番左屋企，唔通為左碗野再番去咩，再加上都唔想再食佢既野🤦🏻‍♀️🤦🏻‍♀️奉勸大家真係唔好再去呢間野，其他分店可能ok既，但荃灣呢間真係好差！！Blacklist！！

松記真係由細食到大，就算結咗婚搬咗嚟荃灣住，依然解唔時要去路德圍食返個summer！早幾日有啲秋意，點知今日又好好太陽，溫度又升返，食完晚飯就一個人散步去路德圍，順便再食一個至愛summer: 芒果、朱古力雙球，多奶，就係我一貫嘅配搭！ 味道幾唔錯（當然你唔會係超好味），但廿幾蚊食到咁嘅質素，仲想點？因為就算我去啲40-50蚊嘅糖水鋪，質素都係差唔多...🤣Btw, 松記附近嘅糖水舖都做唔住，當松記仲係排哂隊，隔離都係拍烏蠅，其實都幾難做...

記得第一次幫襯松記係中學時期嘅事，同學仔個個都食幻彩明珠。仲記得當年都係十幾二十蚊一碗，依家物價舖租咁貴，我都唔記得幾錢喇。去松記，都係食返幻彩明珠同SUMMER。其他野……真係咪試……望見係正常，但一食落口，真係好伏……芋圓，外觀正常，但咬落好似未煮熟咁。舊紫薯，我唔知點形容，好乾同冇味。個人覺得最好食係仙草、紅豆同個糖水。整體黎講碗糖水真係好唔掂，對於松記，幾時開始變到咁難食……唔知依家啲分店係特許經營還是同一個老闆。講真松記真係越做越差，係我唔好彩啦，每次食都比上一次差。今次呢碗芋圓希望係師父當日手勢失水準啦。

好似幾時黎松記都要排隊，不過荃灣確實冇幾多間糖水鋪做得好，松記算唔錯。呢度基本上都可以滿足到大部份人嘅甜品需要，呢次食左榴槤紫米露、楊枝甘露，冇得輸。姐姐態度亦都好好，上次漏左野都有幫我keep起，讚！

在荃灣廣場,跟朋友看完電影, 吃完午餐,就過來吃甜品.這個甜品 裏面有 芋圓 ,珍珠 ,蜜瓜,菠蘿,西瓜 ,還有椰汁，底部仙草很好吃.芋圓的話,不是太q彈.另外要了一個沙冰.

由讀書時期開始已經好鍾意飯局之後一大班friend去食松記咁多年黎佢既味道都冇變 都keep住咁好味 而且仲依然咁抵食 不禁令我說出一句：松記呀松記 點解食極都唔厭ga！你永遠係我心目中既第一位！

熱腐竹雞蛋糖水雞蛋其實我本身好鍾意食松記糖水我平時夏天會食幻彩明珠但冬天想暖身就食下雞蛋糖水其實佢糖水好足料 入面重有薏米 白果 唔太甜男朋友就叫左個椰汁紫米露普普通通啦 18蚊都唔要求得咁多😂😂