松記糖水店

营业中

休息中

路德圍，一向都是食野集中地，咩都有得食，又可以泊車，咁我今晚兩個人就去食糖水啦。去到松記，好多人排隊，不過唔係等好耐就有位啦！成間舖坐滿晒客人，但係就得兩個樓面，見到佢地都辛苦，所以都無話催落單。之後我地就點左個榴槤雪山，一個芒果芋圓仙草凍，同一個芒果班戟。芒果班戟就當然係最快到啦，班戟皮都好有口感，而且裡面芒果肉都好豐富，好滿意。之後到榴槤雪山，雪糕非常硬，完全咬唔到，但係下面果d豆腐爽都幾好味，算係合格啦。到芒果芋圓仙草凍啦，芋圓好硬，新鮮芒果肉，仙草凍都可以，但係感覺上花奶就唔係好夠啦，有少少乾。食完就快快讓返張枱啦，會再幫襯e間平糖水店。

晚上8點幾9點黎到無乜人，見有 d 新野就試試，我叫紫薯仙草凍時，店員話有奶，我就話咁走奶，佢就話走左奶就係食原味，無乜甜味，真係得？我就話無問題，然後再叫埋芒果 pancake+芒果雪糕，同埋 Summer 跟兩球曲奇味。超快就黎，5分鐘都唔洗上齊，可能因為真係太少客，客量同以前全盛時期差別好大芒果 pancake 加埋 d cream 非常好味。最後，紫薯仙草凍都係有奶可能太擔心我頂唔順食原味？紫薯球非常有紫薯味，而且好 smooth 而芋圓同埋地瓜圓都出味，好真材實料，唔會硬，質地偏淋少少的。仙草好有動感，唔苦，幾好。Summer 一直係我每次來既必點之選，因為覺得性價比高，又有雪糕，又有生果同埋珠珠之類。曲奇雪糕無變過，一樣咁好味。生果樣樣都好甜，一樣咁鮮味。珠珠軟硬感剛好，一樣咁夾味。美中不足黑白配，兩枝野疏風。埋單一共 $89 , 都幾抵食的。有機會下次再黎試下其他。

元朗嘅糖水店真係多不勝數，見這一間到11-12點都有幾台客，所以就入去試下，這間店都很多中式糖水，睇到餐牌，見到有好多種湯圓可以揀，我就點左椰汁紫米露加紫米奶黃湯圓，這兩個配搭加埋不錯👍🏻

今晚路經荃灣，幫屋企人叫平時食開嘅幻彩明珠，點左五碗奶另上，攞到返屋企諗住一家人開心有甜品食，未落奶小朋友已經覺得涼粉味道怪怪，跟住我自己果碗落埋奶就出事，成碗嘢結撻撻，啲奶撞埋啲汁有陣怪味，完全唔食得。我對深水埗總店無懷疑，但呢間荃灣分店真係無下次同要奉勸大家無謂嘥錢食，我食咗一半就掉，過一陣就開始肚痛當清腸胃。見到咁多負評確實水準出左問題，希望佢哋會有改善又或者結業留俾其他有心經營者去做，買外賣無得投訴只可以喺度分享慘痛經歷～

同朋友係荃灣食完晚飯，又覺得時間好早，決定去食下糖水繼續傾下計門口好光猛，入面都好乾淨，坐位亦都幾寬落，方便多人聚會我地幾個叫左一個價值$78嘅蜜瓜配曲奇雪糕碗（唔係成日有嫁今次好好彩）蜜瓜下面有荔枝味嘅jelly同荔枝味嘅珍珠，豐富左成個甜品嘅層次。正啊！而我自己叫左個紫薯涼粉，紫薯一球勁大個，味又濃，紫薯控可一試。仲有幾幾粒嘅芋圓同地瓜圓，煙煙韌韌咁，好食，亦都十分之飽。可以加奶嘅，但係我冇加，試過朋友個個，加左係好食啲嘅

Gathering完左之後，路德圍松記幾乎係每次下場必去嘅地方。每晚九點鐘，就會見到松記對出逼滿哂等食糖水嘅人，今次我地等左大約20分鐘，終於入到～除左好出名嘅棉棉冰之外，其實松記啲中式糖水都幾正，今次我地就一齊養生，叫左楊枝甘露、中式湯丸同埋熱紫米露。落單好快就有，食過嘅人都知道，如果志在一班人吹水就千其唔好咁快食完，因為一食完，就會有人黎收左你個碗，意味住你唔可以繼續坐，因為出面長期都有好多人排隊等緊

荃灣松記糖水舖我知道圖片只供參考， 但係無諗到真係只供參考，個糖水嚟到，我都唔認得佢🤔🤔先講個刨冰畀人鋸咗個頭得番一半， 芒果呈現鮮黃色， 酸到不行，食完絕對係盲公都會開眼🙄味道麻麻地，同深水埗總店差天共地，食完只有不爽感覺劣評，另外其實糖水唔夠凍如果作為落腳點都還可以，但如果想食糖水，咁既質素我勸大家都係慳返好過😅😅加上間店嘅樓面只有一個侍應，由收銀、落單、執枱、抹枱、送餐都係得一個樓面負責，真係做死人🙄

荃灣路德圍真的是美食飲品集中地，越夜越精彩❤小丁之前已經介紹過這裡是米線店跟台式飲品店的集中地，而今次介紹的是這裡的甜品街少少的區域已經有4間甜品店，每當入夜都會見倒一街擠滿等位的人群。而當中最多人光顧的便是松記了雜果芋圓紫米露好豐富，有三色瓜、奇異果同芒果，仲加左珍珠，口感豐富西瓜汁太甜了，應該加了不少糖水…西瓜肉不多好一般總括來說，價錢唔貴，所以品質算唔錯

在荃灣食完晚飯， 因和朋友太好傾， 所以要再搵地方落腳坐一會 行下行下 去了路德圍的松記糖水， 松記糖水是港式老字號的糖水， 今日過來懷緬一番雖然份量好似縮咗水， 但味道還是不錯的， 食完再打包了一碗糖水給老公食

荃灣除了超抵食豆腐花，不要忘記還有松記糖水呀！數學題，十一萬租要賣三元豆腐花多少碗才能回本？今次去松記，以前食得唔少，而家再幫襯下。紫薯芋圓仙草凍 ($27)睇相紫色實在相當吸引，但係食落有啲失望。個份量其實算小，糖水望落就好乾身。食左第一啖，就覺得個紫薯好乾，之後都接受到。得仙草係正常，芋圓有咬口，但是乾無味。食這款仙草凍，越食越唔想食。雪糕紫米露 ($23)好簡單味美的糖水，沒有太多可挑剔和贊的地方。以前覺得係唔錯，不知是否食得多了不同的糖水，感覺現在松記是退步了。

自從搬離荃灣後都好少夜晚返回荃灣區，今晚在汀九接了兒子後一家三人都想重回舊地，差不多11點，最好選擇之一當然是食甜品了;荃灣路德圍是食肆集中地，甜品及小食店超過20間以上，之後有幾次都想試松記，但有好多次都有太多人排隊而放棄，今晚剛好唔需要排隊，便立即入去試下。餐牌都有幾版，有時選擇太多亦未必好，我地都要花8分鐘以上才可以決定食什麼，而侍應太少，再等了幾分鐘才有時間落單，前後都可能有15分鐘，阻慢了返枱數量而影響生意。我地點了朱古力雪糕咖啡木糠布甸、椰汁喳渣及芒果曲奇雪糕黃金酥，其實在新派甜品店都好少有傳統的甜品，所以我老婆堅持要試下喳渣，食落無什麼特別，但價錢只係$18，真係唔算貴。朱古力雪糕咖啡木糠布甸整體可以接受，但下層的木糠布甸太硬太干，如何不是有雪糕在上面而一起食，單純計木糠布甸唔合格。芒果曲奇雪糕黃金酥亦係一般水平，黃金酥面十分鬆脆，我期望黃金酥內會有少少料，但完全無餡料而材料太薄，感覺有D空虛唔實在，芒果看落唔新鮮及後加了一D糖。但3個人埋單只係$78，價錢貼地及親民，老實講又唔可以要求太高，因為同樣的甜店在紅磡區可能要$100才可以落樓。我地食完都好似未夠，立即去旁邊再

在香港，如要提議飯後節目，食糖水必定是最佳選擇，糖水舖開到成行成市而位於荃灣嘅松記糖水舖，真是由細食到大，不論有多少人排隊，亦都會值得等待每次必點的都是summer，由$21食到$28物價上漲是必然的事，唯一不變的是食材、份量及那份人情味自選雙球雪糕，新鮮生果在底，芒果汁加椰汁，再配上大大粒西米，最後令Summer生色不少，必定是那兩條旺旺黑白配黑白配配上芒果汁，又是另外一番享受松記不斷推出新的糖水選擇，但千萬不要令summer淘汰!

松記糖水都食左好多年，不過不失，勝在方便，平時都係叫summer丫，幻彩明珠。不久之前推左芋圓系列，第一次嘅印象唔錯架，雖然比起出名食芋圓個啲店仲有距離，但頂住個芋圓癮都接受到！今次食就好失望，可能夜晚黎，店員唔夠，客人又太多，做唔切，啲芋圓硬 ！珍珠更硬！安慰嘅係芒果是甜的。

維尼b訓著左，如果坐車回家，例牌落車就醒，決定搵個地方hea下，等佢訓陣再起程。好耐無去過食糖水，入左松記，有芋圓仙草系統，當然試下，點左最消暑既西瓜芋圓仙草凍！都有5大粒西瓜，西瓜唔算好甜，但都合格！配料有珍珠，仙草、紅研、芋圓；珍珠和芋圓夠煙un，但不會難咬難食，份量都幾多，可惜仙草得個甜字，無仙草味！$40，不過不失啦！

個檸檬芝士木糠布甸偏酸 （不過小編接受到🤪）有d似檸檬芝士夾心餅個味 可惜冇想像中咁有驚喜 個芒果布甸有大大舊芒果肉😍🥭足料！楊枝甘露配芒果雪糕正常水準 而椰汁紫米露小編會鍾意上次個個多啲 因為杰身d~ 總括而言，呢度係一個好適合朋友吹水嘅地方😝-The lemon cheese pudding tastes sour (for me, it is acceptable) It tastes like the cream of the lemon biscuits. Honestly speaking, it is not very surprising... The mango pudding is good! It is served with large pieces of mango! The traditonal HK dessert Mango pomelo sago is up to standard. The glutinous rice with coconut milk is not bad, but I like the last one more as it i