松記糖水店

营业中

休息中

松記糖水我幫襯左十幾年，由初初只有長沙灣同佐敦有分店，幫襯到現在開左咁多間分店就證明係水準有返咁上下同款式嶄新今日同男友在荃灣吃完lunch就黎到呢度食糖水基本上黎松記我一定食幻彩明珠，因為真係平靚正，同埋好多水果又唔會好甜，對甜品一般嘅我就最適合幻彩明珠走涼粉少奶，由十幾年前＄14食到而家＄23一碗，水準依然keep到，但係硬係覺得份量少過以前，以前真係好大碗架！好似食極都仲有，食完勁飽男友就食呢款，有西米水果同曲奇雪糕佢表示美味總結: 因為價錢公道，甜品款式多所以會再幫襯，下次會試吓其他甜品

質素太差，差到冇朋友！！近年食松記糖水，連鎖店式嘅質素都係每況愈下，毫無改善嘅跡象，但估唔到今晚嘅質素停差成咁！！今晚本來有其他糖水鋪選擇，點知行吓行吓，屋企人都係入返松記。我哋都好喜歡食台式糖水，特別係芋圓，而附近都有兩間做得非常出色，所以喺呢度見佢講自家製手工芋圓，忽然有一點心動想試吓，點知就鑄成大錯！我哋分別叫咗芒果芋圓仙草凍和紫薯芋圓仙草凍，佢張海報仲煞有介事寫明係特盛芋圓量，點知。。。令我馬上再出現一個念頭：同自己再講一次，以後千其千其千其唔好再去松記！！！首先，所謂自家製嘅手工芋圓，完全煮得唔過心，毫無黏韌嘅口感，只係死死實實；仲要講到係特盛嘅份量，大家睇下張相數下究竟有幾多粒？？至於喺台式糖水最常見嘅紅豆配料，連一d紅豆蓉嘅感覺都冇，只係好似用糖水將紅豆烚熟左掠乾水，一粒粒散收收。啲黑珍珠都係，完全冇黑糖漿，所以都係一粒粒散收收。至於碗底嘅仙草凍，份量真係少得可憐！！加埋兩塊芒果，每一樣應有嘅配料都齊全，但完全係貌合神離，只係將獨立嘅配料放埋落一個碗，賣相非常求其！相當醜樣！同海報設計圖片出入相當大！而且每種食材都冇連結，即係同你分開將每樣材料擺落個口吞落肚冇分別！！結論

松記糖水由深水埗總店開始食起，雖然價錢一直提升，質素又唔係一直改進，但係一諗起糖水舖，心目中嘅第一，一定係松記，因為有好多回憶。七夕嘅時候，好想食湯圓，經過滿x，見到個湯圓要40幾蚊。我只係想簡簡單單食碗湯圓！嘩！會唔會太誇張，所以都係行遠啲返去松記。價錢平一節，仲有六款選擇，一碗可以食到六種味道。真係太幸福啦，湯圓佢即叫即製，每粒味道都各有特色。而佢個糖水亦都煮得唔太甜。價錢平靚正，所以對得起呢個價錢，性價比高。

擺脫summer，試新東西！好吧！來一個紫薯，嗯，是萬惡的，港女至愛的。這是這麼一團紫薯、一堆碎冰 及 紅豆？圓。不打緊，紫薯是天生麗質，一入口，中伏，無味既⋯⋯試紅豆？圓，有點咬勁，不錯👌此時冰都開始溶，味道就更淡了⋯⋯西米露普普通通⋯⋯下一次，都是愛summer。

呢頭一連幾間糖水鋪，上次入左第一間，認真伏，今次去到呢間都幾多人幫襯，印象中我自己都曾經喺深水埗店食過，唔係好食，但都未至於太差。荃灣店簡直不堪入目，其實附近有冇正正常常幾好食嘅糖水店架…嗚嗚…黎親都唔知食左啲乜落肚…週日晚上，呢間最多客，咁啱有人埋單，我地有個位坐。糖水就唔係貴，幾十蚊，原來佢地而家做埋碟頭飯。記得有人介紹過（推介）呢度嘅芋圓，一於試下。唔試仲有少少幻想，一試真係心諗，點解要俾機會佢。紫薯芋圓乜乜：紫薯蓉又乾又硬…顏色偏深色，但冇乜味道。最慘係個芋圓…唔知係我唔好彩定點啦，因為見有人話煙韌，我呢幾粒真係硬到冇朋友，芋圓、地瓜圓空有色澤，食落又硬又實，雪得太耐所致啦，連糖水味都冇。紅豆都係罐頭野，冇乜特別。仙草份量多，但唔好食，多有乜用…冇仙草味，成碗野冇味…旁邊一大舊碎冰係裝飾？好伏呀大佬。唔知其他糖水會唔會正常啲，總之芋圓真係唔建議。廿幾蚊食唔到康瑞質素，食到誠記質素我都收貨啦…點知仲難食過海記…哈哈。

行過荃灣想食個下午茶又想坐下, 咁岩見到松記, 想當年中學果陣1個summer都只係賣緊$17, 宜家已經加到$27 lu, 不過選擇就多左好多summer ($27):都等左成15分鐘先有得食, 一上枱果下其實都有d失望, 好似好空虛咁, 明明之前下面會有好多生果既感覺架嘛不過anyway, 咁多年黎味道都無咩變, 呢個年代$27 有2球雪球都算係咁!鮮雜果雙色綿綿冰($44):呢個比較貴, 試左芒果味綿綿冰, 呀姐就好似落單機器咁問我要要咩汁, 我地都唔知原來綿綿冰要配汁, 唔會好怪味架咩配料要左大西米同q果, standard野, 但個冰幾夠味!個底有少少生果既!overall黎講, 食完都無乜想再食既感覺, 點解中學個個禮拜食幾次都唔厭架呢

媽媽吃完烤雞後，就想吃碗糖水，於是去了荃灣那條糖水街，正常都是吃松記糖水店吧，感覺上比較有保證，怎料會大中伏。媽媽說她想補血，所以選吃了皇牌推介榴蓮 紫米露，不過吃了兩，三口，她便大數不是。榴槤不夠香甜，而且黑糯米淡而無味，稀到不得了，完全不知道吃甚麼。至於另一皇牌推介也是劣食來，涼粉沒有彈性也算，正常的滑溜感都沒有，媽媽說應該是不新鮮的緣故。那紫薯球原本以為是綿密甜美的紫薯泥，想不到是原個紫薯球，硬邦邦的啃它，極度失望，連少許工序也得過且過。芋圓零味道，橡筋般難咬，這絕對是於雪櫃裡雪藏過久所導致。弟弟說的芒果綿花冰比較正常，相對我們的，他問這松記糖水是否冒牌，質素如此差勁，我只好說真的要看分店會否花心思經營，否則就像這間那麼難吃。

回頭指數 🌘🌑🌑🌑🌑之前在紅磡吃過松記糖水，正正路路今天在荃灣見這一連三四家糖水舖，松記最多人真的是全場爆滿選擇兩個中式甜品一個是海底椰紫米露，另一個是紅豆沙賣相都正常第一口下去紫米露不算好喝，沒有紫米香，不會過甜，整體正常但是海底椰味道奇怪，首先沒有海底椰味而且爽口得很假攪拌完之後就開始覺得超甜朋友喝了兩口之後開始封喉，就停手了紅豆沙一看就覺得很稀而且！超級無敵究極甜！沒有紅豆味的甜！到底放了多少糖？！我真的喝了名副其實的「糖水」紅豆不棉，而且不像煮得很熟的很「有嚼頭」都爆開應該是因為攪碎過埋單人均20這個價位，應該有更好的選擇吧😂

松記糖水好出名，好耐之前係九龍城試過尋晚食完飯，諗住同老公去食完甜品先返屋企餐牌睇左好耐，最後我都係揀左榴連既甜品老公就食紫薯芋圓仙草凍芋圓有咬口不過仙草唔夠凍，忌廉奶無味，紫薯就真係成舊無乜味既蕃薯擺係到呢個甜品都算求其之作估唔到我果個仲失望我食左榴連刨冰成舊刨冰無味，忌廉奶無味榴連肉帶苦，榴連雪糕無果肉又唔滑，剩係似出面食果d平價雪糕咁呢個甜品收$48蚊真係一d都唔值好老實，呢間松記甜品真係唔會食第二次以前都唔係咁差

近來天氣好熱，熱到真係冇心機食正餐，不過就會好想食一碗好冰凍透心涼嘅糖水，真係諗起都會開胃今日叫咗一碗糖水-蘆薈世界(外賣)。 呢碗糖水係由大西米，蘆薈以及係一粒粒白色類似大菜糕質感嘅甜品再配上忌廉奶組成。由於佢成碗都係白色，變咗就外觀上唔係好colorful，唔算好吸引到人。但勝在佢嘅口感豐富，有蘆薈嘅爽，以及有大西米嘅彈牙。不過本甜品帶到返屋企嘅時候，忌廉奶已經全部沉底，變咗上層中層嘅甜品就會好乾身，我要自己係碗底撈起忌廉奶再淋上面，咁先至可以濕潤到面頭嘅蘆薈同埋大西米，睇嚟下次都要叫忌廉奶另上至得呢碗甜品唔係話十分美味，亦無帶比我好大嘅驚喜感，當然都唔係難食啦，所以決定評分為OK。

係荃灣食完lunch, 再食個糖水因為下午去既關係, 店舖有3份2既位都係吉既~唔似平時夜晚咁要等位! 正!冇來一排, 佢又加左價... 叫返平時食開既SUMMER, 因為想食生果同雪糕之前食都係$25, 而家要$27喇味道就同之前食開既冇乜分別都係咁啦!奇異果都係咁酸 XD友人叫左個「雪曲哈囉」, 從來都未食過, 唔肯定係咪新出, 不過對我地黎講係新嘗試睇相好似都幾豐富咁, 又有雪糕食, 所以就叫左點知一來到, 好似有D伏伏地咁碗糖水真係乜都有!! 又涼粉, 又芝麻珍珠, 又紅豆, 又薏米又花生...最奇怪係有粟米!!!落單個陣佢問要唔要奶, 但送到黎唔止加左奶仲有少少........芒果汁???D酸味同碗野完全唔夾.....D料又9唔搭8咁....都唔知自己食緊乜....可能佢想出一款新式得來又有少少傳統既甜品啦...不過我地完全唔buy呢款野!! 絕對冇下次~!! 結論係: 以後都係叫返平時食開既穩陣野算!

第一次見到咁的外賣,叫左五個外賣,三個芒果西米露(一個要奶)加二個幻彩明珠平日都返屋企好開心便食今次簡直一打開係O咀到呆左....一個係無芒果汁的芒果西米露,一個係得少少完全無芒果味的芒果西米露,一個係得奶味無芒果味的芒果西米露而二個幻彩明珠平日都見到滿滿的芒果汁,今次得少少少少.......一邊食得完全FEEL唔到芒果味最好笑打番去荃灣的松記,個女的問職員有否加芒果汁是否忘了,佢D職員話加左....加左的話樓下那些係咩野嚟????仲話芒果成本貴,所以落少少便算,話下次拎番D相佢睇,佢會為我加番多D我認為少左的芒果汁,好好笑喎,明明係你地話芒果貴所以落少少或唔落,但講到好似我好高要求,而你地做足左!!!!!!!!!簡直係離譜!!!!!!!估唔到越做越差,但要用芒果貴嚟話番我!!!我佩服你地,咁做外賣都得!!!!

飯後甜品是不少得的😂七個人食到咁飽都仲話要食糖水，好彩大家都仲識話叫四份黎share😂唔知點解大家都好想食榴槤，所以叫左兩份榴槤金磚。呢個季節嘅榴槤出乎意料之外嘅甜，食落有少少似加左香料既甜。不過佢都好大方俾咗好多榴槤蓉落去，咁嘅價錢真係抵到爛👍雪糕就普通，無咩太大特別。

與三五知己去左荃灣共聚晚餐，食完晚飯之後，仲係唔夠喉，仲有好多永遠傾唔完嘅話題，於是就去左路德圍嘅一間糖水舖繼續我地欲斷難斷嘅話題。呢間糖水舖，每次去，每次都大排長龍，雖然係咁，都無阻我地對呢間糖水店嘅熱情。邊傾邊等，原來都已經等左半個鐘，終於都到我地號碼，可以舒舒服服咁坐係度慢慢食慢慢傾。今次叫左4個甜品。家鄉糖不甩唔會做到太淋，口感軟熟綠茶奶黃湯圓做到皮薄餡多，推介！楊枝甘露我覺得都算叫多料，叫做每啖都有果肉，同埋唔會太水。Summer哈！我覺得個雪糕最好味，另外啲水果唔會太酸食下傾下，唔經唔覺又一小時，開心嘅時光真係過得特別快，不過天下無不散之筵席，期待下次再來。

跟朋友食飯，不就是明明都已經飽到頭頂了也要繼續下一輪。在荃灣食完拉麵不就應該好好的食一個松記。如果不要排隊的話就要早點去咯～其實我每一次都是食榴蓮東西，但我被鄰座的甜點吸引著了。超級香的椰味呢！！！ 然後就可以選兩種自己想食的兩種口味湯丸，我選了芝麻跟奶黃。不錯的～椰肉就沒什麼了，但味道很好！還是熱騰騰的。心心眼朋友叫了榴蓮啦～仍舊好食，仍舊出色。其實我都好喜歡食他的榴蓮PANCAKE，真心飽。就下次吧