果子｜海南雞飯·喇沙摻摻 外賣專門店

营业中

休息中

📍果子外賣店　海南雞飯喇沙摻摻親民外賣之選！懶人必食！周末放假唔想煮飯，二話不說叫外賣😀果子無骨海南雞飯皮爽肉嫩不特止，食落口唔會成口油淋淋；三色醬都好夾飯雞👍🏻🐓香煎雞扒喇沙摻摻塊雞扒大大塊又厚肉！性價比勁高！最欣賞嘅地方莫過於個喇沙湯底，超級惹味又唔會辣到嗆口，同時亦都唔會好鹹。而右面加米粉嘅配搭，亦都幾新奇得意，一次過試咗兩種唔同嘅口感。🐟香辣魚餅魚餅煙韌彈牙，配埋泰式甜酸醬冇得彈 ！魚餅入邊嘅香蔥超級香，味道幾有層次！🦑粟米墨魚餅墨魚餅就更加彈牙，咬落去仲會有粟米粒，口感豐富！

星期日唔想自己煮，買外賣就最方便，呢間位於奧運站附近既星馬外賣小店，款式多樣化，即叫即整。食物方面：慢煮咖哩牛坑腩飯：以慢煮方式烹調，牛坑腩及薯仔炆得特別腍同入味；咖哩很香濃、辣度適中。海南雞喇沙-摻摻：星馬菜又點少得海南雞，啖啖雞肉好嫩滑，仲去晒骨，配埋甜豉油、薑蓉和白醋，令味道更上一層樓。喇沙個汁面層有橙黃辣油，椰香味重，豆卜同魚蛋吸收晒個汁既精華，仲有半隻烚蛋，夠晒飽肚。呢度既摻摻係混合左油麵和米粉，好正宗。小店仲好貼心將湯同麵分開上，抵讚。沙嗲牛肉串燒：燒得恰到好處，牛肉有咬口，沙嗲醬好惹味，仲有淡淡花生醬香氣。白雲酸辣鳳爪：無骨、口感爽脆，酸酸辣辣，好食到唔停得口。總結，食物美味，效率高，價錢合理，下次經過都會再幫襯。

大角咀都不失為一個隱世美食深藏地方簡唔中就會搵到唔錯既小店果子位於大角咀民居之間，地理位置非常方便街坊街里黎買個外賣果子無骨海南雞飯（油飯） $40滑嫩既海南雞飯有齊三色醬汁，最香係黑醬油👍🏻油飯係香噴噴既香油, 絕對唔係黃薑粉飯跟飯有配冬瓜薏米湯，雞湯味非常濃郁店主應該用左整雞飯既雞殼煲呢個湯雞飯配雞湯好正呀海鮮喇沙摻掺 $54材料豐富既海鮮喇沙摻摻，有好多蜆同大蝦椰汁味較重既喇沙湯底摻摻有米線又有油麵，一次過有兩種感受可惜係大蝦無去腸, 蜆都有沙絲網春卷(2件） $12香辣魚餅（2件）$12位於民居確實係方便，平時黎買個lunch或者收工買個dinner都係又快又簡單又好味大角咀既街坊不防黎試下

新發現屋企附近嘅抵食之選經過成日都覺得啲飯好平 40幾起 啱曬我呢啲懶得煮晚飯嘅懶人🤩食後感：抵食大份 味道都唔錯👍🏻.🐈🎀 ᴛᴀsᴛᴇ: ★★★★☆ ᴠᴀʟᴜᴇ ᴡᴏʀᴛʜ: ★★★★☆.▪️南乳雞翼拼香茅豬排飯 $45▫️帆立貝喇沙摻摻 $65▪️香辣魚餅 $12▫️沙嗲串燒(牛) $20.雙拼但係香茅豬排有7-8舊+2隻雞翼 份量好足 味道都好入味 唔會好鞋😋.喇沙摻摻配料有3舊帆立貝、3粒魚蛋、豆卜、蜆等 有米粉同油麵 材料豐富 味道香濃.另外沙嗲都好有驚喜 好惹味可口 啲肉大大舊🤤.📍果子｜海南雞飯·喇沙摻摻 外賣專門店🐾大角咀海庭道16號富榮花園二期4座地下E號舖💸$142/2people.❝ ☺︎ ғᴏʟʟᴏᴡ ᴜs @ragdoll.kjai ғᴏʀ ᴍᴏʀᴇʀᴀɢᴅᴏʟʟ ᴅᴀɪʟʏ𓃠⸝⸝꙳ • ғᴏᴏᴅɪᴇ𓌉◯𓇋 ‎‎‎• ʟɪғᴇsᴛʏʟᴇ⋆♬︎ • ᴛʀᴀᴠᴇʟ*⋆✈︎ ❞

呢間叫果子嘅海南雞飯舖，比佢嘅價錢吸引！全日都係40元，晚餐食勁抵，有埋湯，同白飯或油飯選擇，我揀左油雞，海南雞冇骨，而且好嫩滑，好味道，3種醬汁都好好，真係抵食又好味！另外點左香茅豬扒喇沙摻摻，好好食啊！！佢嘅喇沙湯底好好食，摻摻即係油面同米粉，吸晒d汁好食，仲有隻蛋嘅，香茅豬扒好入味，配埋喇沙食一流，雖然呢個比海南雞飯貴，不過都好好食，係用心同，多料嘅！點多份豬頸肉，大大份，配埋酸辣醬，更加惹味！整體滿足，服務都好，感覺又乾淨衛生，價錢最吸引！味道當然都好好，吾錯！！

午餐時間都不停有人黎落order 就知道呢間餐廳唔會令我失望叫咗兩個主食同兩個小食落單到攞餐時間都只不過係大約8分鐘左右 好有效率🥳抵讚👍🏻👍🏻海鮮喇沙摻摻$54叻沙湯底唔係好creamy嗰隻 但都夠椰汁味食食下碗湯都覺得幾辣🤣nice!啲餸就有鮮蝦 硯 魚蛋 豆卜 芽菜 同半隻烚蛋啲蝦食得出係新鮮蝦 所以凍咗就唔好味啦🙈仲保存左正宗嘅喇沙湯麵有粗幼面幾大碗 好飽肚 好正😋👍🏻果子無骨海南雞飯+$5轉油飯要去大大碗油飯 海南雞份量幾多每塊都保證有雞皮🤣 仲配返晒三個海南雞飯嘅醬跟飯仲有個冬瓜湯 個湯好入味 好好飲🥰超抵食👐🏻👍🏻香煎豬頸肉$28呢個價錢買到既小食 本來以為會得好少 估唔到份量又幾多😻👍🏻沙嗲牛肉串燒兩串 $20沙嗲醬幾多料 牛肉幾煙韌如果牛肉味再出 啲就會好啲啦🤣

現在疫情，多了點外賣，今天也不例外。今天在位於旺角富榮花園的小店—-果子買外賣，回家跟老公一起享用。餐牌果子海南雞飯海南雞的份量適中，雞件的質地嫩滑，有雞味。雞皮又不會太肥，沾上特製的海南雞醬汁，很有風味。而油飯亦很香噴噴，這個價錢有這個質素的海南雞飯吃，的確超值。豬頸肉喇沙喇沙湯底味道濃郁，陣陣椰香，配上半油麵和半米粉，口感層次更豐富。豬頸肉亦很新鮮，肉質彈牙，值得推介。酸辣鳳瓜泰式鳳爪夠晒酸辣，很開胃的，又入味，一份有六隻，吃得非常滿足！粟米墨魚餅 墨魚餅煎得很香口，墨魚質地彈牙，亦很新鮮，沒有腥味，配上粒粒粟米粒，令口感層次更豐富，鹹中帶甜。下次可以再encore ！

上星期六上完堂行過大角咀呢間外賣小店，見價錢幾抵咁，又不斷有人叫外賣，所以我都趁熱鬧去買少少野食返🐢做午餐。個飯既送既湯都幾大碗，我怕倒瀉，所以飲左先返🐢 。個湯好夠熱，無死咸，飲完都無中味精毒，不錯。12蚊兩件粟米墨魚餅，賣相不錯，又係熱辣辣。帶到返🐢食，凍左都唔難食，粟米幾清甜，又有粒粒墨魚增加口感。16蚊6件白雲酸辣鳳爪，酸辣度適中，d軟骨夠軟，可以成舊吞落肚。無骨海南文昌雞飯好大盒，夠兩個女仔食，文昌雞雞味真係重d，不過就無一般海南雞咁滑，但都唔算鞋口，只係肉質較結實，無骨食得好方便，啖啖肉。個油飯有淡淡雞油香，但唔會話好油膩。雖然小店不大，但都有幾多選擇，而且效率好高，唔洗10分鐘就有外賣拎。

今日晏晝去大角咀搵朋友臨走就諗著買外賣返屋企 同屋企人食富榮花園呢邊好多嘢食但係呢個喇沙招牌就吸引咗我再睇下個餐牌，價錢都好相宜！佢嘅喇沙仲係攞獎之作，所以我一定要試！最後我就嗌咗一個粉、一個飯、兩個小食！海南雞配油飯 (仲送雞湯）D 雞好肥美！好嫩！夠滑！油飯都好香！呢個價錢仲有雞湯送！好抵海鮮喇沙摻摻 呢個超超超推介！好香好重椰味！ (真係做到佢個大招牌所講嘅微辣，椰香！）好味到我差唔多飲哂d 湯😂(出邊有啲喇沙係得個辣味，但係佢嘅椰味真係好重！）d 蝦都大隻魚蛋都好彈牙！配角都好出色！香煎豬頸肉 雖然20幾蚊，但份量都好足，肥瘦好啱啱好 香脆吉列蝦炸得恰到好處，炸粉份量都適中總結，呢間餐廳真係比到我驚喜！又抵食，又好味！ 值得推介❤️

朋友介紹我哩間海南雞飯好味，今次難得嚟到大角咀，順手買埋外賣返去比屋企人食呢度好近去油麻地站嘅小巴站，一落車就見到門口已經有大大個Menu寫低有咩揀一人餐都好抵食我叫左：👍🏻果子海南雞飯+雞湯呢個飯餐只係$40，仲包湯，真係好抵。飯底係油飯，原本以為油飯好油比較好heavy，唔會覺得greasy ，好味過普通白飯，配埋新鮮同埋滑嫩嘅海南雞肉，好好胃口，好快就K.O.完成個飯。個餐仲送埋個雞湯，雖然張相好似冇咩料，不過入面其實有啲瓜，雞湯味道淡淡地，正常味道。👍🏻海鮮喇沙呢個喇沙真係要大大力咁讚，價錢同海南雞飯一樣咁抵，盛惠$54，料方便我覺得都好足，有蜆、丸蝦、蛋、豆卜等，仲有啲芽菜。個湯底好正，甜甜地，我清晒成碗湯😎😎小食方面嗌咗沙嗲牛肉串燒同埋白雲酸辣鳳爪。個沙嗲醬濃，上面仲有好多花生粒😎串燒得幾香。串燒仲可以揀雞/豬肉白雲鳯爪一定要叫 📣📣📣好味過泰式鳳爪🙌不會太辣，好惹味💓💓仲有大量drinks可供選擇叫左咁多野食都只係$130，超抵食，哩間外賣店一定要bookmark😎😎

今日下午去左朋友家，走時係巴士站附近買埋外賣回家，呢間海南雞飯舖都幾正，又平又好食！我嗌左個海南雞飯配埋湯係油飯都係40元，全日同價，真係超值，d雞好滑，份量都多，而且三種醬料都好味，正呀！！另外我老公要面，佢就食左帆立貝喇沙摻摻，是油面同米粉2種面的，喇沙湯底香濃美味，吾算辣，好惹味，同埋除左好多粒帆立貝外，仲有蜆，蛋，魚蛋，芽菜等其他配料，口感豐富，外賣是分湯的，吾怕回到家d面淋晒。點了2小食， 南乳雞翼同埋豬頸肉，雞翼香口南乳咸香又吸引， 豬頸肉好抵食，記得28蚊，有成大盒，香脆又嫩滑，好味！全部先百多元，又好食，份量又多，抵食。

今日去大角嘴澳海城入貨，因為記得之前朋友介紹富榮花園有間海南雞不錯，價格又平民…於是今日順路去試吓🥰 果子外賣店｜海南雞飯·喇沙摻摻 是一間外賣小店，食物選擇也不少⋯⋯無骨海南雞跟湯$40，份量不少，無骨海南雞件肉質鮮嫩，而且肥瘦適中！$40扺！ 海鮮喇唦摻摻$53，有2隻鮮🦐，4隻蜆，半隻雞蛋，3粒魚蛋，豆卜等…. 湯是另上，所以外賣不怕😜 喇唦湯底濃郁又惹味☺️串燒牛$20有2串，牛肉質不鞋口，醬汁好惹味！

富榮花園有好多食雞嘅鋪頭，當中有一間評分好高嘅外賣小店，我當然要一試究竟啦。招牌已經大大隻寫住 海南雞飯同喇沙摻摻，可見佢地對自己招牌產品信心十足!🐥海南雞飯$40有交易，下午茶仲有平啲，相當抵食。摻摻都好多網站推介。我叫咗🐥無骨海南文昌雞飯，🍜豬扒喇沙摻摻，南乳雞翼2隻同埋雞沙爹2串，埋單都係$137，價錢十分公道。首先當然要試海南雞啦，唔好睇海南雞外表平平無奇，但食落雞肉嫩滑但唔肥膩，已經去骨可以放心大啖享受。雞肉味濃，無論配上薑蓉、醬油、辣醬都唔會被蓋過，反而相得益章。油飯亦有油香咸味，如果粒粒分明會更加好。隨飯奉上雞湯實左太抵了。🍜豬扒喇沙摻摻一開看到赤紅濃湯以為好辣嚇到了。誰知一試入口的不是辣而是濃濃的🦐蝦味和椰香，喇沙加上魚蛋豆卜十分美味。反而擔心的辣道只有微辣，適合我呢啲怕辣嘅人，好辣嘅朋友相信要加辣了。🌶🌶🌶油麵同米粉分隔奉上，食時再加到湯，唔怕太淋，兩者一陰一陽口感層次豐富，掛上喇沙湯不知不覺間已經食完。香茅豬扒味道唔錯，豬扒軟淋而味美。南乳雞翼🍖外層有南乳味，再經過煎香外皮十分脆。沙爹雞串上鋪滿了花生碎，食落醬汁甜加上花生香。🍗性價比非常高的一餐，附近街坊十分幸福，

今日又嚟附近屋苑做嘢，之前食過呢間餐廳嘅海南雞飯，覺得好味道，今次又嚟做野特意試埋佢個喇沙，同樣係好好食！而家疫情犀利，買咗呢間外賣店嘅食物，之後就去附近公園食。之前試過海南雞配油飯再加左串燒：海南雞非常嫩滑，雞皮Q彈有少少啫喱口感，雞肉味濃而且份量十足，無骨又食得方便，油飯比白飯更香口，好好味！ 重點係個價錢真係好抵，讚！$20 加左2串沙嗲牛肉串燒，個沙嗲醬好有驚喜，估佢唔到咁好味，沙嗲同花生醬味互相輝映，絕對係高質素沙嗲醬牛肉唔會鞋口，真係後悔只係叫左2串！今次要左香茅豬扒喇沙摻摻加薯絲蝦，救命，又係勁好味！相比下喇沙更令我難忘，畢竟喇沙唔係咁易整得好味個湯底。 呢到喇沙湯底好有層次，唔會單一，又唔會太辣太咸或太油，仲有跟左豆卜同白魚蛋，正宗得佢呀，真係好鐘意！香茅豬扒醃同煎得香口，又夠大塊啖啖肉，好食！薯絲蝦炸得夠香脆，一絲絲薯絲好有口感，呢餐真係太令人滿意！

以前係太和食過一間星馬菜，印象幾好👍🏻早排問返朋友先知原來果間叫果子，係區內都好出名。😎然後竟然俾我發現九龍區原來都有果子！不過只係得外賣，無堂食。😢今日有機會去大角咀，決定買個外賣返屋企回味一下先😋😋😋係奧海城後面一直行，過咗個巴士總站就到。雖然淨係做外賣，但舖面都唔細。餐牌就無本家咁豐富，不過好食同我想食嘅都有齊😋有飯有小食有飲品都係$54，真係好羨慕附近啲街坊😭學生仲有九折，真係抵到爛啊原來仲有同OpenRice合作，叫咗餐先睇到，唯有留返下次再用🥲認真推薦佢個無骨海南雞！！雞味好清爽，唔會太肥，啖啖肉，真係好好味🤤佢啲雞唔會好肥，厚肉但超級滑！👍🏻👍🏻👍🏻另外仲叫咗個撈麵，原來係撈呢隻油麵，都幾特別👍🏻👍🏻👍🏻仲叫咗個無骨鳳爪，成餐都無骨真係爽😎