果子｜海南雞飯·喇沙摻摻 外賣專門店

营业中

休息中

今日星期日🌞，阿女學校有活動，我就準時十二點去接佢放學，阿女話著住件校服👩‍🎓話唔想出街食，我話咁不如買外賣返屋企食，阿女話同學成日都去間叫果子嘅鋪頭買嘢食😮，我心諗妳啲同學鍾意將糖當飯食咁奇怪㗎咩🤔？啊，原來果子店係食海南鷄同喇沙嘅😂😂😂。呢間鋪頭只做外賣，咁就啱哂啦🤣，最後我同阿女外賣咗1飯1麵同理2個小食。果子無骨海南雞飯 $40隨海南鷄飯附送嘅鷄湯🍲真係無得頂，非常清甜😋，入面仲有啲冬瓜粒，今日咁熱🥵，消暑一流☺️。海南鷄飯啲鷄不但因為無骨所以啖啖肉😍，而且鷄肉嫩滑有鷄味🥰，鷄皮本身亦非常爽口，一啲都唔油膩👍。油飯非常之香，而且粒粒分明，十分好食😋。附飯仲附送3種醬汁(甜豉油，薑蓉和辣汁)非常貼心🥰。帆立貝喇沙摻摻 $65首先要讚下佢地嘅摻摻同湯係分開裝嘅👏，返到屋企食都唔會腍哂，讚👍。喇沙湯底有椰香味🥥而且味道非常濃郁，有微辣🌶，湯底真心唔錯😋。3️⃣大粒帆立貝都係鮮甜嘅🥰，再加上唔少出色嘅配料 -- 魚蛋非常爽口彈牙🥰；蜆肉鮮甜無沙😋；豆腐卜就吸收哂湯嘅精華，非常好食😋。話明係摻摻，當然麵底係由米粉和油麵混合而成，兩者口感豐富😊，而且軟硬度適中，超讚呀👍。沙嗲牛串燒 $20

做完運動行經富榮花園，比呢間外賣店出邊嘅小人龍吸引咗停低睇吓。佢只做外賣生意，主打賣海南雞同喇沙，當然仲有其他飯類同小食等左5分鐘外賣就攞到手！海南雞飯梗係要試吓！海南雞啖啖肉無骨，肉質幾嫩滑，雞皮同肉之間仲有層啫喱！油飯幾香海南雞飯仲配埋一個湯，入邊有少少冬瓜粒。整體來講幾清爽，冇乜味精當然都要試吓我最愛嘅喇沙！今次叫左海鮮喇沙摻摻。首先主動分湯呢樣要讚下先，麵底因此而keep到爽口。海鮮包括蝦，蜆同魚蛋。配料就有豆卜，芽菜同雞蛋。蝦幾鮮甜爽口。蜆無沙。湯底唔算辣但都幾惹味，又唔會過油。仲叫咗個豬同牛嘅串燒。沙嗲汁偏甜，有好多花生碎粒喺入邊增添香味同口感，個人嚟講都幾鍾意😂豬同牛燒得幾香，亦都保持咗少少肉汁，唔會嚡口成餐飯都幾實惠，而且質素唔差，可以再食🤭

之前見有朋友推介過富榮花園二期地下呢間「果子」外賣專門店，今日趁嚟開呢頭，專登過嚟買外賣。店舖主打海南雞飯同喇沙摻摻，另外亦有幾款湯米、撈麵、小食同飲品等可供選擇。揀咗盒果子海南雞飯、香煎豬頸肉喇沙摻摻，另外再加咗兩款小食。果子海南雞飯 ($40)  海南雞飯可選配白飯或油飯，另外隨飯更會奉雞湯一碗。碗雞湯味道唔錯，入口清甜不膩。雞肉肥瘦均勻，肉嫩又汁豐，咬下啖啖肉，一點也不嚡口，以三色醬佐吃，更添美味。油飯水準亦不俗，每粒都飽吸油香👍至於另一客香煎豬頸肉喇沙摻摻 ($52)  亦非常抵食，睇下幾大碗，份量十足，而且店員好細心，將麵同湯分開盛載。湯底香味獨特，輕滲微辣，細嚐更帶陣陣椰香，惹味非常。麵有油麵和米粉，油麵滑嘟嘟，米粉盡吸湯汁，配埋雞蛋同湯內嘅豆卜一齊食，層次感十足！豬頸肉亦唔失禮，肉爽帶油香，Juicy 味美。至於小食方面就選了馬鈴薯炸蝦卷 ($16) 同 嗲牛肉串燒 ($20)。蝦卷外層嘅薯絲炸得好香脆，蝦肉彈牙有口感；串燒嘅火候亦控制得相當好，牛肉有咬口又唔韌，配埋面頭嘅沙嗲汁食，好滋味。

今晚收工仲要有zoom online lesson 決定買外賣返屋企食快靚正攪掂。然後就決定試吓屋企附近吹間海南雞喇沙外賣專門店。🕖7點左右到達目的地，門口己經有幾個人等緊外賣。環境整齊清潔。 📃餐牌有摻摻、飯、撈麵、預食。另有半/一隻海南雞單買選擇。外賣餐廳黎講，款式算幾多。趕時間太心急，我都睇漏左另一個menu仲有馬來西亞肉骨茶飯、油酥餅同其他小食✨海南雞喇沙摻摻 - 外賣有分湯唔會整淋晒啲麵，雞既份量多，湯底濃仲有兩粒魚旦係入面。✨南乳雞翼拼香茅豬扒飯 - 份量又係大大份，好味又飽肚。 ✨沙嗲牛肉串 - 沙嗲汁好多，岩重口味人士。✨森巴通菜 - 份量多，甜甜地都幾好食。整體感覺不錯👍🏻價錢合理，份量多，快靚正之選。

本身唔太熟呢區，而google map或者有少少誤差，店舖實際位置係喺海富商場對面，奧運站出到地面，沿住海泓道行先啱。帆立貝喇沙摻摻 $65喇沙湯底唔錯，味道香濃，有少少椰香，帆立貝丶蜆丶魚旦丶豆卜丶芽菜，油麵加米粉，份量好足。果子無骨海南雞飯 $40可揀白飯或油飯，配冬瓜粒雞湯馬鈴薯炸蝦卷 $16賣相幾好，味道亦都唔錯，薯絲包圍住炸蝦，薯味幾突出。沙嗲牛串燒 $20重花生味嘅沙嗲醬

今日去咗大角咀探完朋友有少少夜，就決定係佢樓下買斬料外賣比屋企人！朋友知道我屋企兩位老人家都鐘意食海南雞就介紹咗果子比我。舖頭光猛乾淨，唔少街坊都嚟買外賣。果子無骨海南雞飯（$40）以餐廳名稱命名嘅海南雞飯，口感滑嫩，雞皮爽口，仲要係無骨，油飯粒粒分明又香，兩老食得好開心。呢個價錢，份量唔少仲送一碗雞湯，超抵！香煎豬頸肉撈麵（$40）有成十幾塊豬頸肉，煎到外皮香脆，配料仲有豆卜同青瓜絲，非常豐富！不過撈油麵口味較淡，如果可以加埋辣就好啦！沙嗲牛肉串燒 、雞肉串燒 （$40/4串）叫完再個主食，我又口痕想再叫串燒食，串燒唔算大條，已預先醃製好入味，咬落淡淡咖哩味，沙嗲醬有粒花生碎好咬口，味道香濃。其實見到其他客人叫炸物都幾吸引，有機會要食下！

屋企附近，開咗間專做外賣嘅海南雞飯，喇沙餐廳，今日收工諗住唔煮飯，即刻去買來試吓。果子 海南雞飯喇沙摻摻外賣專門店。白雲酸辣鳳爪 $16 六件，作為開胃前菜酸辣鳳爪真係一流，味道酸酸甜甜食落去又有口感，最正就係有少少辣味好啱我胃口。沙嗲豬肉串燒兩串 $20，豬肉串配沙嗲汁真係一流，豬肉味道香濃配上沙嗲汁調味，味道好有層次。果子海南雞飯 跟雞湯 油飯38元，今日肚餓，叫咗餐廳多飯價錢都係一樣，海南雞嘅份量都多，望落去都幾吸引，用料十足，入口雞味香濃，最正就係做到雞皮有點爽滑，雞肉仲要嫩滑多肉汁，再試吓個雞油飯真係冇得頂，陣陣油香，真係食到停唔到口。估唔到個雞湯都幾鮮甜，完全中和返雞嘅油分，呢個配搭真係啱啱好。海鮮喇沙摻摻 53元，喇沙材料非常豐富，大蝦，雞蛋，蜆，最貼心就係喇沙同湯分開上，返到屋企啲面都唔會淋曬，蝦肉味道鮮甜爽口，喇沙少少香辣味，每條麵都吸收到湯嘅香味。真係好好食，尤其是個豆腐卜又香又辣。呢間餐廳雖然只做外賣，但係都係用心製作，而且性價比好高，一定會再幫襯。

自從上次屋企人中秋節買左勇記海南雞之後就好想試下海南雞同喇沙，今日放假去完果欄買生果順便係附近買埋外賣返屋企食，見到openrice都幾多好評，一於試下佢地既海南雞飯同喇沙先~🌟果子無骨海南雞飯 ($38)呢個海南雞飯送埋雞湯都係$38真係超抵，平時去買兩餸飯都係差唔多價錢，雞湯好清甜，加入冬瓜一齊煲特別消暑，油飯都好好食，粒粒分明口感清爽不油膩，海南雞皮嫩滑好似食緊啫喱咁，肉質亦好鮮嫩多汁，性價比超高🌟海鮮喇沙摻摻 ($53)海南雞飯咁出色要試埋佢地既喇沙摻摻，海鮮控當然要揀返個海鮮喇沙摻摻啦，有大蝦同大蜆做配料，摻摻有齊油麵同米粉，兩者口感好豐富，配埋香甜微辣既喇沙湯，最貼心既係佢地湯同麵分開，拎到返屋企都唔怕浸到淋哂，一定要食埋佢地個豆卜，吸收哂湯底既精華，超正🌟小食: 絲綢春卷 口痕叫多款小食同菜返屋企過口癮，絲綢春卷即叫即炸夠哂香口，拎到返屋企都仲好脆，超正😄🌟森巴通菜食左咁多款主食揀返個菜先，呢個森巴通菜份量都幾多，甜甜地辣辣地既醬加落通菜一齊炒好惹味👍🏻👍🏻👍🏻

同事住喺大角咀富榮花園，佢話附近有間平、靚、正嘅果子外賣店，主打海南雞飯·喇沙摻摻，抵食又好味。今日放假專程過嚟買返屋企試吓！果子海南雞飯跟雞湯，雞肉細滑且有雞味，配有三色醬可提升味道，油飯質軟硬適中，吃時滲出濃香的雞油香氣。雞湯色清澈透亮，味道清甜可口。牛肉喇沙摻摻，牛肉鮮嫩，份量亦不少，配料還有芽菜、魚片、豆卜、蛋。叻沙湯底濃郁並帶有椰香味，摻摻即油麵和米粉混合在一起，令口感倍增。白雲酸辣鳳爪酸甜中帶辣，十分醒胃。沙嗲牛肉串燒，牛味的濃郁與沙嗲醬可為絕配。

今日經過奧海城行到富榮花園附近見到呢間專賣海南雞飯既舖頭，試左一試野食都幾多元，除咗海南雞飯（$38）之外仲有喇沙（$48起）價錢唔算好貴可以接受。我地叫咗一個飯同一個麵再加兩個小食飯就叫招牌海南雞飯（海南雞飯）$38雞的份量適中，配有不同醬料三種都好好味油飯粒粒分明，小小乾海南雞飯正常水準,性價比高麵就叫咗海鮮喇沙摻摻（海鮮喇沙摻摻）$53特別推介海鮮喇沙摻摻，有好足料的海鮮🦞有兩隻海蝦，蜆，魚蛋，豆腐卜，雞蛋由油面及米粉組成嘅好特別！油面和米粉的配搭，一粗一幼，兩種麵條夾埋一齊食好特別小食叫咗一個南乳雞翼 $16 2隻馬鈴薯炸蝦卷兩隻南乳雞翼剪得幾脆口，但南乳可以再濃小小推介大家食馬鈴薯炸蝦卷，厚厚既薯仔絲包住隻炸蝦🍤，味道一流呢間外賣店都唔錯，可以再encore! 我諗下次要叫肉骨茶飯同咖喱餅推介菜式：海鮮喇沙摻摻海南雞馬鈴薯炸蝦卷#外賣店#性價比#海南雞#喇沙

是日中秋，朋友都要回家做節，唔駛做節嘅我地，兩小口子買外賣返屋企撐枱腳都唔錯，經過呢間海南雞飯外賣店，價錢幾親民就一於試下。一人餐有主食、小食及飲品，都只係$52，可以話相當抵食。果子海南雞飯 :呢度主打海南雞飯，又點可以唔叫？海南雞份量都算多，雞肉肥美嫩滑，無骨下食落啖啖肉，油飯可以轉白飯，感覺健康d，怕肥嘅太太就唔駛就住食啦。海鮮喇沙摻摻 :呢度嘅另一主打，賣相呈橙黃色，喇沙湯底濃郁，散發出陣陣椰奶香味，入口微辣，非常惹味；海鮮有蝦及蜆，餐廳仲非常細心將湯及麵分開，咁就唔使驚拎到返屋企d麵浸到淋晒啦。無骨白雲酸辣鳳爪 :無骨鳳爪可以話係我最愛小食之一，入口酸酸辣辣，非常開胃，唔駛吐骨食得好方便，6件真係唔係好夠喉。森巴通菜 :通菜炒得入味，好夠火喉，食落味道微辣，口感爽脆，唔會太油膩。

今日去奧運探朋友隻貓喺附近行下睇下有咩買上去，費時拎兩梳蕉啦行行下，見到呢間果子外賣店. 海南雞飯·喇沙摻摻，果名好特別門面好光鮮，裝修企理！ 店舖一如其名，係一間外賣店 ，我估係專賣海南雞卦所以我就好快揸定主意叫咗1. 南乳雞翼拼香茅豬扒飯2. 海南雞喇沙摻摻3. 沙嗲牛肉串燒4. 沙嗲豬肉串燒 店員好有禮貌，所有食物即叫即製，我一落完order, 廚房就立刻開始製作不過我都係等咗十分鐘左右，唔算好耐，同埋舖頭都大大地有等候位又有冷氣，一啲都唔介意要等！喺等候期間，見到有其他客黎拎外賣，話本身電話落咗單，我聽到就即刻影到店舖電話！遲啲如果趕時間既，可以落定單先1. 南乳雞翼拼香茅豬扒飯好足料了呀！仲有隻煎蛋🍳，仲要係我最鐘意既燶邊蛋香茅豬扒好入味仲好大塊 南乳雞翼好重南乳味！好正大家一定要試下2. 海南雞喇沙摻摻我係買外賣既，店員好細心有把麵食同湯分開，抵讚！海南雞真係好滑好好味😋湯底好濃好重喇沙味配料方面有芽菜，豆卜同魚蛋，無記錯既話，有三個半粒的白魚蛋，三粒豆卜，大食既話都絕對夠食！3. 沙嗲牛肉串燒 兩串4. 沙嗲豬肉串燒 兩串沙嗲串燒就淨係可以用一個字黎形容呢間店舖真係好味又

這間店舖位於大角咀，多年之前在大埔已經吃過印象深刻。這店只限外賣沒有堂食，同樣主打海南雞和喇沙，但價錢卻非常便宜，＄50不用竟可買到一個海南雞飯？長者和學生更有9折優惠。海南雞飯回家後打開海南雞飯，份量足夠，油飯甘香，粒粒分明，雞皮又薄又爽，由於沒有多餘脂肪，我覺得連皮食都沒有罪惡感。雞肉嫩滑，而外賣竟然如此有心，附送三款調味料有甜豉油，薑蓉，辣汁，有在餐廳用膳的質素。更加碗清湯，非常滿足。海鮮喇沙摻摻湯和材料分開，沒有因為分開放而額外收費。海鮮喇沙摻摻材料好豐富，有大蝦，蜆肉，蛋，魚片同豆卜，摻摻是混合了油麵和米粉一起煮的，我特別喜歡這個因為口感豐富。另外湯底濃郁，魚片頭彈牙，海鮮新鮮。沙嗲豬肉串沙嗲豬肉串燒，豬肉不乾，沙嗲醬汁香濃，好惹味。粟米墨魚餅煎得香口，點上醬汁更惹味。特別欣賞定價便宜但保持食物質素，如果其他地方都開外賣店便好了。

大角咀美食數不完，價錢親民又餐廳種類多選擇。今次要介紹的是「果子」外賣專門店，推介的當然是門面已寫的海南雞飯和喇沙摻摻。食物的種類多，有海南雞飯、喇沙摻摻、湯米、撈麵和小食。持有長者卡和中小學生證可享有九折。旁邊有一個飲品櫃，有汽水、水、茶和豆漿等。果子海南雞飯 配油飯＋雞湯 ＄38價錢勁親民，份量多。海南雞夠滑嫩，不油膩。香煎豬頸肉喇沙摻摻＄52湯底和麵是分開的，麵有油麵和米粉，湯底味道濃郁，帶有椰香微辣。豬頸肉煎得很香，外皮煎得脆口，還有豆卜和雞蛋。馬鈴薯炸蝦卷（2件)＄16把馬鈴薯切成條狀包住蝦，滿特別。辣醬另上的。沙爹牛肉串燒（2串） ＄20醬汁惹味，微辣。

🦐🥓🍜🍛🐂🍜香煎豬頸肉喇沙摻摻 $52本身就好鍾意食喇沙，湯底好濃好香好好味🤤🤤真係太啱我胃口！喇沙配摻摻先係王道，一啖有兩種口感，油麵同米粉混合兩溝。一啖麵兩啖湯咁食實在太正🤤食唔停口，我朋友話我唔分比佢🤣🐂🍛慢煮咖哩牛坑腩飯 $50 (好似係新出餐牌，推廣期有9折🤤)好好食，牛腩分量好足！每一嚿牛腩都好林好滑嫩仲好大舊！真心足料抵食！仲有薯仔🥔都大嚿，係煎香過嘅，又好入味，可以配埋飯食，兩款主食強力推薦比大家。🫓咖喱油酥餅 $248小塊配兩個小杯咖喱，不過我地攞左黎配咖喱飯個咖喱🐖香煎豬頸肉 $28起碼有10幾舊 每一舊都好焦香、好惹味，建議送飯🤣仲有配埋醬汁可以沾就唔會好乾 🍜最後兩個人都食到勁飽，幾乎食唔晒🤤😌 下次想再去試埋個肉骨茶🤩。總結而言呢個價錢真係幾抵食，特別係襯新餐牌優惠，大家真係可以快啲去食！