果子｜海南雞飯·喇沙摻摻 外賣專門店

营业中

休息中

呢間海南雞飯外賣店係幾好食， 富榮花園旁邊，都好方便，其實都是朋友介紹又平又好食，今日經過去試。當然要叫佢出名嘅海南雞飯啦，， 全日都係38蚊仲跟湯，真係好鬼平！雞肉好滑，仲係油飯嚟，正丫，會再推介比人！之後仲嗌咗佢個南乳雞翼喇沙，50元，大大碟，味道出色！份量都好大碗！我大食朋友都話食到好飽！仲話好好食！之後仲有好多小食，我就要咗佢嘅喇沙串燒同埋南乳雞翼！！小食都是十幾廿蚊左右！呢間真係好超值丫！真係好味道丫！

今日去咗大角咀，探朋友睇bb， 點知傾到冇時間煮飯，就買外賣返屋企食啦 ！呢間外賣好似幾好咁， 好多人排隊，應該都幾好食嘅。想前睇下見到海南雞飯，晚餐都係38蚊！又係油飯同埋跟湯，好抵呀！之後我嗌多個海鮮喇沙畀我老公，返屋企慢慢食！返到去， 碗喇沙分咗湯，而且仲係熱辣辣嘅，一開蓋就見到好多海鮮，有好大隻架鮮蝦， 蜆同埋雞蛋，非常豐富，湯入面仲有豆卜，辣辣地好開胃好惹味好食！海南雞飯份量都好多，而且啲雞真係好嫩滑， 油飯好食， 醬料都好味，雞湯都出奇吾錯，有冬瓜同意米好清涼舒服！仲嗌左兩個小食，係通菜同埋墨魚餅， 通菜份量好多好味！整體價錢味道都吾錯，好食！

果子係大角咀開咗外賣店♥️比總店菜式少啲啲～但主打外賣，價錢就相對平啲😍我最中意食嘅海南雞飯40蚊都唔洗☺️仲好大份，真係好抵食！✪ 果子海南雞飯 跟雞湯 ⌫💲38外賣份量都好多。海南雞白滑，肉質好嫩，有一半胸肉一半脾肉。油飯味道好香而且唔油膩。✪ 海鮮喇沙摻摻 ⌫ 💲53外賣會分湯～喇沙湯底帶濃郁椰香同微微辣。米粉同油麵摻摻同湯汁一齊入口，感受到鮮美湯汁。海鮮有魚丸、豆卜、蛋、蜆、蝦，好足料好豐富。✪ 沙嗲豬肉串燒2串 ⌫ 💲20沙嗲醬好好味！食到粒粒花生，好香！豬肉燒得剛好，肉質唔會乾。✪ 白雲酸辣鳳爪（6件）⌫ 💲16鳳瓜已經去骨好方便。味道酸甜開胃。📍果子外賣店| 海南雞飯·喇沙摻摻旺角海庭道16號富榮花園二期4座地下E號舖

上星期等老公收工嘅時候，去咗奧海城附近行街，然後經過一間果子海南雞外賣店，見到佢價錢好似好抵，所以就走咗入去買咗啲外賣返屋企。果子海南雞飯其實個飯38蚊,份量好足料，雞肉大概10幾嚿，個油飯都幾好有，油香味重，飯度軟硬適中，雞肉好嫩滑，亦俾左隻雞翼，加上有齊三款食海南雞既醬汁，絕對超值。如果下次再買，我會選擇加$10轉做雞髀，因為個飯本身都係38蚊，就算加多$10都係40幾蚊，已經有海南雞髀飯，值得再encore豬頸肉喇沙掺掺幫老公買咗個豬頸肉喇沙掺掺，分量十足，勁多麵，湯底椰香味濃，辣度亦都唔會非常之辣，適合中意有少少刺激既人。豬頸肉都有7至8塊，男士想夠食。另外再叫左兩份小食沙嗲雞肉串燒沙嗲醬都俾得比較多，花生味濃，醬汁”傑”身粟米墨魚餅魚餅彈牙，細細塊易入口成餐飯都只係122,已經可以食到兩個人勁飽，性格比極高

今日第一次黎到奧運近大角咀呢頭，見到有間熟悉嘅餐廳名，好似係邊到食過😂諗真啲醒起原來係大埔有食過🍛依家仲入選埋熱門餐廳，怪唔得印象咁深刻啦🥘。既然係咁，一於就唔好煩啦🤪係到嗌2個外賣又搞掂今晚個晚餐啦🐔🐒果子海南雞白飯跟雞湯💰$38🐒海南雞喇沙摻摻💰$60$38就食到一個海南雞飯仲要連湯🍚抵到爆炸💥飯方面都有油飯可以揀而喇沙就揀左摻摻(油麵&米粉)，仲要湯底加辣🌶濃郁啲又辣啲份量方面真係好多🐥$38蚊真係好良心，仲要唔會下面放啲青瓜蘿蔔墊高佢。🐒粟米墨魚餅(2件)💰$12🐒沙嗲豬肉串燒(2串)💰$20小食見到咁抵都忍唔住嗌左2個😂墨魚餅都係同出面差唔多，但串燒有驚喜，因為個沙嗲幾濃郁，而且豬肉都好嫩🐷

大角嘴奧海城附近有間海南雞食，主要係做外賣，冇堂食位。主打海南雞飯同摻摻，所以一於試哂兩款。當然要叫番個果子海南雞油飯跟雞湯，海南雞既份量足夠，醬料都齊，$38呢個價錢抵食，雞都幾滑，飯都夠油香。個雞湯見到佢都有啲冬瓜料，都幾好味。帆立貝喇沙摻摻就好多配料，除咗有三大粒飯搭配之外，仲有好多配料，豆卜，魚蛋全部都唔係得一兩粒黎hea你，個湯底都好濃，夠哂味道但又唔會過咸。香辣魚餅就正正常常，佢仲配左啲泰式辣醬，絕配。沙嗲雞肉串燒，雖然拎到返屋企都唔錯但係都好好味，佢嘅沙嗲醬都幾足料，有花生粒同埋花生醬味，所以串燒係必嗌。果子海南雞油飯跟雞湯 $38帆立貝喇沙摻摻 $65香辣魚餅 $12沙嗲雞肉串燒 $20

🇸🇬【 果子外賣店｜海南雞飯·喇沙摻摻 】🇸🇬⋄ —————⧫♟⧫————— ⋄人氣星馬菜外賣店「果子」位於大角咀，主打各式經典喇沙、海南雞飯等，用料十足，味道正宗😍👍🏻⋄┄ ┄ ┄ ┄ ❖ ┄ ┄ ┄ ┄ ⋄🐔果子無骨海南雞飯🍚 （$38）配油飯送雞湯1碗海南雞皮爽肉嫩，而且冇骨，好正。🦐海鮮喇沙掺掺🌶（$53）可以加辣，蝦香湯頭濃郁，香料惹味芳香，滲出陣陣椰醬香甜，好好食。🦴白雲酸辣鳳爪🐓（$16/6件）🍢沙嗲牛串燒🐂（$20/2串）連串燒都冇揸流攤，沙嗲醬超濃超惹味！⋄┄ ┄ ┄ ┄ ❖ ┄ ┄ ┄ ┄ ⋄📍地址：大角咀海庭道16號富榮花園二期4座地下E號舖⋄⋄

之前食過呢間海南雞飯唔錯，今日又再幫襯，但就試佢嘅喇沙同香茅豬扒飯~~首先感覺就係外賣包裝唔錯，最怕D屋苑外賣餐廳包到求求其其又漏咁D，但呢間好企理，而且仲會湯同摻摻分開上，唔會浸淋晒，值得一讚。喇沙湯底見到色水已經覺得惹味，而且KEEP到熱度，米粉+油麵伴著香濃喇沙湯底，仲要加埋邪惡嘅豬頸肉，成件事加埋特別好味~香茅豬扒飯有跟隻煎蛋，豬扒多肉少骨，再撈埋蔥油，三扒兩撥就食晒個飯盒~加小小錢就有雞翼同墨魚餅兩款小食，同樣香口好味，幾抵食~

以前喺大埔食過，覺得相當唔錯，喺大角咀開新外賣店再去試試，完全keep到喺大埔門市嘅水準。雞肉夠滑又新鮮，冇雪味；油飯亦比其他同類型食店入味，醬汁都幾出色，份量合理

好耐都冇寫過食評~ 疫情關係多數都係食外賣多，呢間覺得幾抵食所以都忍唔住要寫返個食評!!!大家要留意返，呢間係專做外賣，冇位堂食㗎~外賣叫咗個海南雞飯同招牌海鮮喇沙米～喇沙外賣碗係會將湯同米分開，唔洗驚會浸到淋哂~果然係外賣專門店~海南雞飯都唔錯，但係2個要我揀嘅話我會推介喇沙米，湯底正！料都正！但係如果食得辣嘅人就記得要另外叫加辣～Recommendation rating (out of five):

有一段時間冇買外賣回家食啦，星期六行開奧海城，又到晚餐時間，於是上網揾附近東南亞餐廳解決晚餐😆 見到有間叫果子既食店，人氣幾高，我們就行了過去富榮花園買外賣回家食。行到果子門口，就見到有唔同的餐可供選擇餐牌上有飯類、有粉麵類、小食選擇都蠻多的，除左招牌嘅果子無骨海南雞飯外，仲有喇沙，配各種餸：海鮮、豬頸肉、香茅豬扒、雞翼、牛肉、帆立貝⋯⋯ 湯米飯、飯、撈麵都有…我叫咗冇耐之後，可能都到7點呢d晚餐時間，附近住宅的人，都落嚟嗌外賣，一下子店舖門口叫外賣同等外賣的人就多了，等咗15分鐘左右，就有得拎我們叫咗招牌菜，無骨海南雞飯跟油飯，海南雞係完全冇骨的，油雞整到一粒粒👍🏻海鮮喇沙摻摻有有兩隻蝦、四隻隻蜆、半隻蛋、喇沙麵係米粉同埋油面喇沙湯香濃，材料有豆卜、魚蛋😸😸仲加了少少小食沙嗲（ 牛）串燒 - 2 串沙嗲帶甜味、兩串唔夠喉😂白雲酸辣鳳爪 - 6件，酸酸辣辣好醒胃總體嚟講，今晚抵食又好味👍🏻👍🏻全單唔使$130兩個人食飽👏🏼👏🏼

今日去大角咀探朋友，探完朋友回程，巳經差不多晚飯時間，有啲肚餓，就決定買外賣回家吃，途經這間店舖，招牌寫上海南雞飯，喇沙，十分吸引，海南雞飯很久沒有吃，就買了一盒海南雞飯和香茅豬扒喇沙摻摻，串燒和辣的煎魚餅這間店舖只限外賣沒有堂食，打開盒海南雞飯，賣相不錯，吃一口油飯，油飯甘香，吃一口海南雞，雞皮帶點爽脆，雞肉嫩滑有雞味，份量也很多，仲有幾款調味料有甜豉油，薑蓉，辣汁。仲有個清湯，食飽飲完非常滿足香茅豬扒喇沙摻摻，豬扒肥瘦適中，入口鬆化，又帶有口感，配埋惹味嘅喇沙湯底，又唔會太辣，又大有椰香味，真係啱晒我，最後仲有豆卜索晒啲喇沙湯底精華，每條麵條都掛滿喇沙汁，，而且面嘅軟硬度適中，真不錯。點了沙嗲豬肉串燒兩串，豬肉新鮮，肉質嫩滑，再用竹籤串起，令客人容易食用燒到剛剛好，加上他們自己配製的沙嗲醬， 十分惹味這個香辣魚餅，用了很多香料，入口帶有少少微辣，也不錯。

果子外賣店｜海南雞飯·喇沙摻摻 大角咀海庭道16號富榮花園二期4座地下E號舖————————————————————————果子開左外賣店 果子 大角咀富榮花園近大馬路 外賣質素 試一試佢🧐奧海城 富榮花園一帶商場林立有陣時外賣反而仲方便拎返屋企食 唔使喺街上面同人迫又等位果子 大埔落腳估唔到佢進攻大角咀落完單之後 等大約5分鐘 拎得 走人😂番去慢慢嘆————————————————————————南乳雞翼併香茅豬扒飯 香茅豬扒撈麵

海南雞飯不少地方都要$5X一盒，但朋友介紹在大角咀富榮花園有間小店$38就食到仲有包湯飲，份量十足。這裡仲有不少馬來西亞食物選擇。最後就外賣咗一個飯加一個撈麵和2個小食共$108，等了不用10分鐘就可取回家吃。果子海南雞飯配雞湯$38仲可以轉油飯，海南雞都幾多而且幾嫩滑，醬汁薑油，甜豉油，辣油3款。飯的份量激多，應差不多有2碗飯， 差點都吃不完，再飲啖雞湯味道都不錯，幾清甜。香芧豬扒撈麵 $38，撈麵份量多到吃不完好大份，撈的甜豉油幾夾油麵，豬扒幾入味。小食 香辣魚餅2件$12，幾惹味不用醬汁味道都夠。沙嗲牛肉串燒2串$20，醬汁沙嗲味都幾濃郁，勁入味，下次要叫另一款雞肉和豬肉先。

今次黎咗大角咀呢間海南雞外賣店，外賣等一陣就拎到，唔洗等好耐👍🏻👍🏻👍🏻餐牌選擇唔少😋😋除咗有飯食、麵食，仲有唔同嘅東南亞小食可以揀~出示長者卡或者中小學生證仲有九折優惠添啊🤣🌈帆立貝喇沙摻摻 $65推薦👍🏻👍🏻👍🏻個喇沙湯底好好食，勁入味，成碗喇沙好足料，有兩款麵底，帆立貝好大粒，仲有好多粒蜆🤤🤤🤤🌈果子海南雞飯 跟雞湯 油飯 $38好抵食🤣🤣好平但係份量唔少，啲油飯好香，海南雞冇骨之餘雞肉好滑，仲有大大塊新鮮青瓜😚😚🌈沙嗲牛肉串燒 2串 $20沙嗲味好出，咬落幾juicy😋😋而且啲牛肉唔會好硬好難咬🌈馬鈴薯炸蝦卷 2件 $16幾有心思嘅小食😍😍馬鈴薯炸得好脆，包住隻炸蝦咬落好夾好好食！！💰💰兩個人total $139 冇加一✨外賣自取