柴夫人魚館

营业中

休息中

今日黎到柴夫人魚館，係尖沙嘴都幾方便，個名幾搞笑。前菜叫左個涼拌海蜇，有唔少海蜇，配埋青瓜都幾好食。主食叫左招牌豆花鱸魚，再加金菇同薯粉。魚片好多，每件大大舊有口感，嫩滑無骨。本身個煲有薯仔片，都幾好食。成個煲都好飽，份量又多。辣度方面我地叫左小辣，開頭ok後面就越食越辣，不過整體都唔油。佢招牌好似有煲仔飯，聞到幾香不過太飽了食唔落。仲有免費雪糕食，可以自己jit。餐廳係感覺國內feel，正宗烤魚。

呢排真係好忙，放工好想搵啲好嘢食， relax吓。今日特登約埋女朋友嚟尖沙咀撐枱腳，尖沙咀係人都知好多好嘢食，但係今晚就想搵啲特別，又真係好食唔係要就住食咁。喺街度行過見到呢間好搶眼嘅餐廳，寫豆花魚，第一次聽，見唔少人，價錢又唔貴，又唔係平時食開嘅酸菜魚，即管試吓。我哋叫咗一份豆花魚，首先上碟唔會好似烤魚咁成炸辣椒同蠟油，見到豆花，識落有少少似豆腐花，啲魚係鱸魚，有魚味又滑，幾啱餸飯或者粉面。除此之外，我哋仲叫咗好幾樣小食，例如紅糖滋粑，外脆內軟又唔會太甜除咗食物，店員態度都唔錯，食嘅過程都幾舒服。以後會考慮再幫襯。

今日試間尖沙咀既新店柴夫人魚館，見到佢地lunch都好多人食我地一人叫左一個煲仔飯同埋小食，lunch都有煲仔飯食真係好正豉汁排骨煲仔飯 $87上碟好香，排骨份量多，舊舊都有d骨既，咁先最好食，夠咬口，飯粒分明好香，仲有脆脆既飯焦豬手煲仔飯 $56未試過豬手都可以配煲仔飯，佢既油香湛哂入個飯度，零舍好食，豬手都整得好入味小酥肉 $58新鮮炸起夠哂脆口，份量都好多，肉質嫩滑啖啖肉紅油海蜇 $58呢個海蜇勁好食，辣度剛剛好，同平時食到既口感係唔同既，值得一試

朋友食過話好好食，所以今次約喺尖沙咀食飯，就一齊去食呢間豆花魚，睇介紹佢嘅豆花係富順豆花，係嫩豆花嘅一種，但又無咁容易散開我地嚟得比較早，6點前就到，所以仲係午餐menu，用午餐價錢食到晚餐😍用QR code落單，我地叫左招牌豆花驢魚同一堆配菜，既然豆花咁特別，令我都充滿期待！招牌豆花鱸魚送到，果然色香味俱全，我地叫左少辣。豆花滑得嚟唔易散，所以後面又叫左一碟，湯底少少辣，有豆香味，調味唔似大陸咁濃味，反而更貼合香港人口味！朋友話佢上次嚟食酸菜魚都勁好食，酸酸地好開胃。而鱸魚都好嫩滑同大大片，份量亦好多！湯底芽菜，榨菜、香酥豆（我估係）之類前菜呢份小青瓜好開胃，酸酸辣辣，比豆花魚辣少少，青瓜爽口又入味，我地2個女仔食到一塊都無剩！為左睇下豆花係咩樣，我地叫左多一碟，好滑又好食！女士養顏之選😝海帶食落其實好多塊，牛栢葉好爽口牛肉片切得好靚，記得唔好碌太耐。牛肉丸咬開有牛肉汁，如果唔係食到就飽，否則一定叫多碟😍仲叫左咸檸七，好飲又唔會太甜太鹹總括嚟講，呢間餐廳性價比好高，豆花魚好食，豆花難逢敵手，而大部分配菜都係$12或$26，喺尖沙咀嚟講真係好良心，店員態度都勁好，有心照顧每位僱客需要

假日同朋友行經尖沙咀金馬倫道發現有間柴夫人魚館主打豆花魚,  係四川菜中, 酸菜魚就食得多, 豆花魚就真係未試過, 咁就要去試下啦 !餐廳面積不大, 人流都幾旺。豆花魚可自選辣度。招牌豆花鱸魚     $218/鍋鱸魚份量多, 魚肉鮮嫩, 配上唔少豆花係湯面, 賣相豐富吸引, 豆花軟綿嫩滑, 同魚片一樣咁滑溜, 而配料有大量土豆片, 芽菜, 黃豆等等. 辣度相比酸菜魚較温和, 但亦都可以自行選擇大中小辣去迎合自己的口味。一試已令我大愛!!另外可以追加火鍋配料,配牛肉片   加$26/份: 牛肉片鮮嫩肉滑配牛百葉   加$26/份: 牛百葉爽口彈牙配牛肉丸   加$26/份(6粒): 牛肉丸新鮮彈牙, 多汁香甜。鴨血   加$12/份: 彈滑鴨血最佳配辣味湯底。蝦仁粉絲煲 $118/份(配2杯自磨豆漿)大大煲, 數隻蝦仁隻隻爽口彈牙, 粉絲份量仲好多添, 粉絲索滿蝦仁鮮味, 入口惹味, 加上仲有2杯新鮮豆漿送,  非常抵食。麻辣拌魚皮     $49/份魚皮非常爽口, 麻辣味十足, 入口無幾耐就可以感受到麻辣的衝擊力有幾強勁。黃金大餅     $29/份新鮮熱辣, 切開幾件後都仍然咁大件

呢間菜館喺尖沙咀熱鬧嘅社區，晚上有唔少顧客幫襯，其中佢嘅招牌菜比較有特色，所以吸引我同朋友決定入去試一試。餐廳環境裝修新淨，以醒目嘅紅色做主調，座位及地板都非常乾淨。而侍應服務殷勤，而且快速安排座位及上菜，用餐體驗令人非常舒適。餐廳主打豆花與及煲仔飯，而且有唔同嘅餸菜可以選擇，無論係一人或者多人食都有唔同適合嘅菜式可以揀。首先揀咗個招牌豆花鱸魚，呢個特色在之前冇喺其他餐廳試過，所以點來試一試。點餐嘅時候可以自由選擇大中小辣，當日點咗正常辣度。豆花魚會用爐喺枱面熱住，當日魚肉份量非常之多，而且片片無骨，魚肉滑溜，非常好食。而且，點上其他配菜，豆花魚湯底可以用嚟打邊爐，當日點了豬腩片。另一餐廳推介嘅菜式喺香港煲仔飯，當日就點咗一個炆鴨煲仔飯，令人驚喜嘅地方係煲仔飯真係做到有好多飯焦嘅效果，而且飯焦十分脆。配合埋煲仔飯嘅豉油，味道十分好。另外，比餐牌吸引咗，點咗鐵板蒜蓉蝦。上菜嘅時候果然不負所望，蒜蓉蝦每隻非常之大，而且份量多。蒜蓉配合蝦嘅味道香氣四溢，令人回味無窮。大家嚟到呢間餐廳一定要嗌。最後，嗌多個爆漿糍粑做甜品。糍粑大到外脆內軟，而且有流心嘅效果，糯米粉十分煙靭，而且甜味適中，喺食完

朋友想食豆花魚，於是去了尖沙咀金馬倫道27號東輝大廈地舖～柴夫人漁館，港鐵尖沙咀B2出口，步行約4至5分鐘。店內裝修新穎，座位寬敞清潔，牆上掛了多張相是這店的招牌菜。菜譜豐富，多款豆花魚、鮑魚雞煲、港式煲仔飯、還有多款小食和配菜等。蕃茄豆花魚$198擺盤精美，上枱時熱騰騰，鍋內有蕃茄、薯片、豆芽、鮮魚、湯底濃香蕃茄味，豆花非常滑嫩，入口即溶，薄切魚肉鮮嫩可口，且份量十足，吸入蕃茄濃味，更覺鮮甜可口。紅油海蜇$58海蜇爽口彈牙，非常入味，配上青瓜絲、紫洋蔥絲、芝麻、香草和小許麻辣更覺惹味，好食到不能停口。紅薯粉$16火鍋必點食材，吸入湯底精華味道，紅薯粉嫩滑有嚼口，好食又抵食。凍咸檸7$26、自磨豆漿$6咸檸味濃配上七喜，是飲品的絕配。自家製的豆漿，豆味香濃，甜度剛好，為這美味晚膳劃上完美句號。免費軟雪糕餐廳為客人免費提供雪糕，剛吃完熱騰騰的食物，吃杯軟雪糕，使口腔舒服又完滿。

呢間餐廳喺舖租幾貴嘅尖沙咀嚟講，價錢都幾平民！今日同咗屋企人嚟呢度食嘢！1. 番茄豆花魚：番茄的酸甜味與豆花的柔軟口感和魚肉的鮮嫩相輔相成，而且沙巴魚片口感彈牙！食完夜晚都冇口渴，覺得應該冇咩味精！嗰啲豆腐花原來大有來頭，將多種香料和中草藥按一定的比例配方，運用于富順豆花蘸水的配制中！2.烏冬係冇酸味嗰種烏冬，不錯！3. 牛肉餅：竟然個皮有啲似手抓餅，有豐富的牛肉，香！多汁！4. 咸寧七：夠晒鹹！5. 生蠔都幾鮮蛋餃嗰個皮好似真係真材實料嘅蛋，冇好多粉！入邊餡料係豬肉為主牛肉片：切成薄片的牛肉，因為醃咗佢，所以超級滑，我哋叫咗兩碟，好難得係經過烹調後都可以保持了鮮嫩多汁的口感。6. 鲈魚：鲈魚是一種淡水魚，其肉質鮮嫩細膩，味道鮮美！冇骨好正！7. 牛腱肥牛片：這是一種由牛腱肉製成的薄片肉片。牛腱肉味濃厚唔算好多肥！8. 半隻雞超級大份量，而且同啲湯底好夾！9. 豉油時蔬：有啲麻油香味添！而且菜心都冇咩渣！

周五晚，我約了舊同學榮少在尖沙咀共享晚餐。到了店，首先是豆花海鮮鍋~$328，這道菜以豐富的海鮮和豆花為主要材料，裡面配有鮑魚、蝦、蟹、象拔蚌和薯仔等，每一口都充滿了海鮮的鮮味。豆花的質地細軟，口感滑嫩，麻辣香料與海鮮相得益彰。整體而言，這道豆花海鮮鍋是一道物超所值的美味佳餚。接下來是黃金蔬菜餅$36，這道菜以蔬菜和脆皮炸餅為主要材料。餅皮金黃酥脆，內裡的蔬菜鮮嫩多汁。每一口咬下去都能感受到蔬菜的天然甜味和餅皮的香脆口感。這道菜是一道營養豐富又美味可口的小吃。第三道是香煎薄餅~$28，薄餅口感酥脆，外皮金黃，內裡鬆軟，非常適合與朋友共享。我們點了兩杯凍檸樂，每杯$28，檸樂的味道酸甜可口。這款飲品與前面的菜品搭配得很好，為整餐帶來了更多的口感層次。店內還有自助雪糕給免費客人享用雪糕筒。真的渡過了一個愉快及滿足的晚餐。

今天走進了這家柴夫人魚館店家首推的是他們招牌的豆花魚，客人可以自己選擇辣度，我們一行人選擇了小辣，另外還加了牛肉，豬血，粉絲蝦煲，和叫了幾款飲料。吃辣的沒有飲料就不爽了，原先的粉絲蝦煲是有自家豆漿送的，我們另外叫咗個涼粉爽，和汽水😎豆花魚嘅配菜有好多，拎咗上嚟之後滾多一陣間就已經可以食，我哋將自己加嘅配菜加埋落去，成個煲又更加豐富。牛肉好好食，我哋食完之後叫多咗一碟再食。豬血嘅份量比預期嘅多，差啲就食唔晒🤪粉絲蝦煲真係好大份，粉絲朔晒蝦味，而且仲加咗蒜蓉，唔覺唔覺就食多咗。啲蝦上面嗰陣係未熟嘅，要靠個煲整熟佢之後先可以食。本身想試買佢舖頭入邊嘅自家雪糕機，但真係太飽食唔落，唯有留返下一次。

星期五晚上去左食烤魚！尖沙咀小有名氣嘅柴夫人魚館，離遠已經見到個燈牌，非常好認。我地叫左呢到個招牌 - 豆花魚蕃茄豆花魚 巴沙魚塊 無骨，適合鐘意大大啖食嘅人士。份量2-3人，配菜有豆花，芽菜，薯仔，蕃茄等配料非常足，食到底都仲有唔少配料。巴沙魚塊厚身，肉質嫰滑，無骨，加上冇骨，食落更覺得魚肉滑溜。蕃茄湯底濃郁，味道唔會過重，蓋左魚嘅味道。隨住時間個湯滾得越耐，配菜吸哂蕃茄湯底湯汁，爽脆芽菜，軟腍薯仔片，咬落充滿蕃茄濃湯味，好食！而招牌豆花軟綿，食落口唔會散，吸埋湯汁更好味。鐘意豆花嘅人士一定要試下。外加配菜 生菜 牛肉片。生菜新鮮，鐘意爽脆定熟透嘅生菜都隨意調配，配上蕃茄濃湯，特別清新開胃。牛肉片嫰滑，都有鮮牛味，味道唔錯。小食 蔬菜大餅，食落幾有驚喜，外皮有d似煎堆外皮，脆但有軟糯口感。內饀麵包，鬆軟，口感不俗。加上大量芝麻，香氣十足。自磨豆漿 冇外加糖，值得一讚，非常新鮮，解渴降溫，配熱辣辣嘅食物一流。食飽都仲有任食雪糕，隨意到門口旁嘅雪糕機自製。

內地過江龍餐廳雖然食物質素一向有保證，但畢竟香港租貴成本高，價錢通常唔平。最近聽朋友介紹位於尖沙嘴嘅「柴夫人魚館」係少有嘅超抵食過江龍，一於去試下！呢間餐廳交通四通八達，鋪面乾淨企理，坐得舒服。叫得「魚館」，原來呢度主打豆花魚鍋。除此之外，呢度都可以點啲特色小食、或者煲仔飯。當晚我同另外三個朋友試左以下嘅菜式：梅菜扣肉煲仔飯：份量頗大，啲扣肉煮得好入味，夠曬肥美！值得一讚係梅菜唔會太鹹，$56一兜可以話係相當抵食！蝦仁粉絲煲：啲蝦都幾爽口彈牙，粉絲索曬啲蝦嘅鮮味，所以好正！番茄豆花魚：我打邊爐一向鍾意食蕃茄湯底，貪佢夠開胃。呢度嘅魚塊好滑，同啲豆花好夾。食完魚仲可以加其他配料。我地試左肥牛同牛丸，兩款都唔錯！糍粑：好怕食啲太甜嘅糍粑，好彩呢度嘅紅糖夾心唔會太甜，而且外層炸得好鬆脆！鹹檸七：估唔到呢間過江龍有得飲香港特色飲品，梗係要叫杯過下癮啦！

見之前公司班港漂為食同事好鍾意介紹啲內地過江龍餐廳都好出色，今次就試埋呢間位於尖沙嘴嘅「柴夫人魚館」啦！餐廳好近地鐵站，交通方便。雖然鋪面唔算好大，但都坐得幾舒服。睇番個menu，呢度除左有主打嘅豆花魚鍋之外，亦有啲特色小食同埋煲仔飯。我地一行四人都幾擦得，所以咩都叫左少少黎試下。以下係當晚我地叫嘅食物：「梅菜扣肉煲仔飯」：見只係$56以為好細份，點知店員攞到上黎係頗大份量嘅，淨係扣肉都有五六舊！啲扣肉好入味，口感唔會鞋。梅菜嘅味道亦唔會太鹹，可以話係相當出色嘅一煲飯！「蝦仁粉絲煲」：賣相一流，而且香氣撲鼻！啲蝦都幾新鮮，配埋粉絲一齊食好正！「番茄豆花魚」：朋友怕辣唔敢叫辣湯底，原本我個人對呢個番茄湯底無咩期望，點知出奇地好味道！啲蕃茄味好開胃，而且唔會過酸。值得一讚係魚肉份量好多，而且好滑、唔腥！富順豆花嘅豆味十足，同番茄湯底亦好夾！「爆漿糍粑」：炸得金黃香脆，裡面嘅紅糖唔會太甜。正！「豆漿」：豆味十足，甜度啱啱好！解膩一流！臨走先見到原來有雪糕免費，不過太飽啦，下次再試！

收工經過見到呢間舖頭，好似開張咗冇耐，見門面好靚，有個燈牌寫免費有雪糕食，所以就好想入去試吓一坐低個店員就好好心機咁介紹有咩佢哋嘅招牌菜，聽佢哋講，就嗌咗一個招牌豆花鱸魚，再配埋其他小食一齊打邊爐咁原來間舖頭係用Gas明火爐，唔係用電磁爐，呢個有個好處就係個溫度好平均地高，唔會好似電磁爐咁又慢又唔穩定！上菜啦！個鱸魚好大碟，就算係半條都已經夠兩個人食我哋仲唔知衰，再叫多半份鱸魚個味道係好惹味，個魚好滑好彈牙，重點係個豆腐花，個店員上菜嘅時候都有講個豆花係佢哋舖頭自己整，佢唔係出面街邊食嗰啲豆腐花，而係有少少似蛋白好滑香，配埋嗰個辣辣地嘅湯底味道，真係好一流，估唔到原來咁夾本身個煲入面都有啲土豆片芽菜同埋黃豆，我仲另外加咗海帶紅薯粉果d，食到好飽飽個店員收碟嗰陣仲問我哋仲使唔使加嘢食食到捧住個肚都係講緊三百幾蚊兩位，抵過其他大型連鎖店！本身仲話諗住食個雪糕，飽到食唔到下次再來要試下雪糕呀加上地方有好就腳，係厚福街後面，要約埋啲朋友一齊嚟再食丫

見到佢招牌喺度花魚嗰陣，其實我都唔係好想像到咩係豆花魚。唔食得辣嘅我就揀咗個蕃茄底嘅豆花魚試下🤩我哋另外加咗錢轉咗做沙巴魚。原來豆花佢既唔係豆腐花，又唔係平時打邊爐嘅嗰啲凍豆腐。睇咗個解釋之後先知佢係豆腐花未結實嘅時候嘅一個狀態。豆花佢滲咗蕃茄嘅酸甜，食落都幾滑，唔會好結實。但係佢又唔似豆腐花，咁一掂就散，幾得意。個煲都有返咁上下份量，確實兩至三個人食都完全冇問題。而且佢嘅配料極多，又有切咗片嘅薯仔、蕃茄、豆芽。當然唔可以少得主角就係一堆魚片。如果咁都唔夠嘅話，其實仲可以另外加配料，我哋想豐富啲嘅煲，所以就加咗鮑魚。鮑魚上嚟嘅時候唔細隻，有少少出乎意料之外，幾驚喜。另外我哋仲加咗一碟肥牛🤭🤭食完飯傾咗一輪計之後我哋仲去咗佢店裏便嘅雪糕機整咗杯雪糕食，佢嘅雪糕會比較似乳酪質地，我同朋友都幾鍾意🍦