栢檔極品海南雞飯

营业中

休息中

星期六同朋友係淘大睇完戲, 打算吃完午餐再係商場Shopping, 因為係假期的關係, 好多食店都滿座, 係無得揀的情況下, 走進這間像快餐店的栢檔去骨海南雞飯o這間食店地方不大, 坐位少並且空間也少, 想舒適吃飯的不用考慮這裡, 相反想簡簡單單快脆吃個套餐, 這裡也是個不錯的選擇o我地點了一個二人套餐, 套餐包括半隻海南雞, 一碟自選小菜(只有三款供選擇), 一碟油菜, 兩碗飯及兩杯飲品或餐湯o去骨海南雞 : 啖啖肉, 雞皮爽口, 雞肉嫩滑, 不沾醬吃的話, 味道較為淡口, 跟飯有三種醬汁, 甜豉油, 薑蓉及酸甜辣醬, 本人建議酸甜辣醬, 跟海南雞最夾o黃油飯 : 不會油淋淋, 但缺少油香味, 飯的軟硬度適中, 並且夠熱o 餐湯 : 南瓜青紅蘿蔔湯, 味道清甜, 喝完也不會口乾o魚香肉餅 : 煎得夠香口, 帶有微微的鹹魚香味, 用來餸飯吃一流o當日的油菜是生菜, 不是太新鮮, 有點老o整體來說, 除了油菜之外, 其他菜式的味道是不錯的, 但以此價錢來吃快餐, 有點貴o

今日去開九龍灣，肚餓想食野，就決定去哩間食雞飯，記得之前食過好食，入到去，服務員都好禮貌既招呼我入去，散叫左個海南雞飯。一黎到，你一個碗，4件雞係隻上面，分別係一隻雞翼，一件雞胸，兩件雞脾肉，份量超少，油飯一舊舊，有d係硬，有d係爛，飯量都唔多，甜豉油唔知點解好稀，最後用左幾分鐘就食完埋單32蚊碗，無包飲品，價錢你話貴又唔係好貴，但4件雞加爛飯 32蚊就一定唔值，我寧願俾多d錢食多d雞，飯都唔會係爛

話說我去左呢度食飯,入到去冇人招呼都5緊要,自己行去counter 落單,過左一陣好快黎左個海南雞飯,咪住先我點既係肉餅飯喎!!叫5該又冇人理會,好..又自己行去counter 同佢講要肉餅飯5係要雞飯,究竟佢係聽5到定5識分?話人落錯單... 我再重新講1次我要肉餅飯5係要雞飯,你黎左雞飯!!食完想話叫個外賣杯拎走d野飲啦,等左好耐仲要拎錯熱飲杯..唉.. 想話食個飯都1波3折,仲要發生係3個不同既waiter身上, 最後埋單全部人都掛住傾計玩電話冇人理,陰公豬,老闆5係度就係甘既服務 !!

今晚在公司不想外出，找一些外賣apps試下。栢檔極品海南雞飯真係名不虛傳，就算外賣都保持都高水準。 這個雞脾部份另加HKD10，非常香滑，加上完全無骨，口感簡直一流！另外加了一個健康時菜 (一人用)，份量真係少左DD，不過HKD10就算係咁。

淘大美食林立，行過見到小小一間海南雞飯專門店，既然係專長做海南雞，定必質素唔錯掛！？下單後，店員會一份份棒到客人面前，賣相係唔錯既，油黃既海南雞，呈黃色既油飯，濃濃南瓜湯。一入口，雞食落無雞味，但尚算嫩滑，食海南雞醬汁都十分重要，中間呈橙色醬汁味道似泰式雞醬，bad,點蔥油果時感覺似食緊白切雞。油飯係最好食既，帶干蔥味及油香味，加返d分。以食快餐既心態食會比較好，暫時食過最平凡既海南雞飯。

啲員工咁差食乜都覺得好難食，吹我落單唔緊要，點解要比說話我聽呢！？5隻手指都數得曬咁多客，又唔係忙！你地嘅一句:妖，都未諗掂！我以後都唔會嚟呢間垃圾！做人點都要有品德是嗎？員工是個人，但態度巳經很影響工作的人原來都是這個！

大約下午四時多，和家人經過淘大看到想試一下特色海南雞，見座位幾多，但枱面都是之前客人走後還沒收的碗碟，職員很多，但都在吹水，我們坐低五分鐘都冇人理會，要我地講叫先有人攞餐牌過嚟，仲係態度好差，覺得我地打擾他們吹水!一行三人，看過餐牌分別點了海南雞餐,肉骨茶，元碲餐，當然還是要三推四請先有人過嚟落單。落完單，等了十五分鐘左右，海南雞餐先到，另兩碟菜也到(油菜好零碎，好似屋企擇出嚟掉棄部份) 。海南雞一般，只有四至五件，但肯定不是新鮮雞，因為食到雪味，油飯只有油味，冇香味；再送來就是元碲餐，一看整碟好零碎，四塊左右，最嚴重是皮比肉多，可以講根本冇肉，好難想像五十幾蚊只有幾塊皮的飯餐，這也是跟油飯；最後來了肉骨茶，是三個中比較好的，相比之下，這個比元碲多很多肉，湯料幾多，但湯味普通，沒有肉骨茶獨特的香味，只似一般豬肉湯。好老實，以這食物質素同服務態度根本不值這個價錢，可能有客人都係因為連鎖店帶動，但我哋就一定唔會再惠顧，根本是俾錢買難受，還有，當晚我和另一家人都肚瀉，心想就知道那衛生情況是怎樣吧，希望沒有其他客人也這樣吧！

聽聞栢檔既海南雞飯好正有一段時間今次終於有時間去試$45海南雞飯餐 雞同雞油飯分開上不得不讚雞肉質嫩滑  食落雞味十足同平時燒尾飯既油雞飯比簡直係另一層次配合雞油飯 啖啖雞油香  變肥仔都抵飯量十足夠晒飽如果2點去食有下午茶$ 29有交易 抵

今日雖然星期日，但2人枱只等了約15分鐘便有位了。今晚我們點了一份一人套餐及單點肉骨茶配白飯。套餐有三款主菜選擇，當中包括招牌海南雞飯，隨餐仲包括油菜及足料紅蘿蔔粟米南瓜瘦肉湯。跟住去圖吧！

星期五放工，兩公婆撐枱腳，去左依度食海南雞飯！之前同事曾經講過淘大有間餐廳的海南雞幾好食的，原來係指依間！我地入到去見到d人通常叫海南雞或者肉餅飯，我地都唔執輸，各叫一份！我先食個油飯，覺得硬左少少，雞油味可以再重d d。不過d雞肉滑，而且佢做到以前細過先成日見到既深黃色雞皮😋醬汁方面，個甜鼓油偏稀，唔夠味；泰式辣醬，ok; 薑蓉的蔥切得超微細，都幾香。叫餐仲有油菜送，飲凍檸檳都唔使加錢，不過淡左少少😆個肉餅煎得幾香，依隻肉餅因為要煎同切條，所以要加多d 其他材料將佢黏實d, 如果期待食啖啖肉既朋友就要食返傳統廣東菜的肉餅lu~

德福食野多人得很我只好在去gym之前, 睇戲之後到amoy覓食amoy雖小, 但餐廳算是十分之多其實完全吾知想食乜見到lee間野有得食肉骨茶,便走了進去一入去知"賴"野因為入面冷氣吾夠完全令我吾想食肉骨茶於是拎了menu, 望了2望在有點想吃油飯的情況下就叫左lee個海南雞反海南雞反一向是我在旺角新世紀廣場吾知食乜好而會去foodcourt食的一個飯果度的雞反, 我吃了至少3次...而這間的雞, 很好是去骨了沒錯,雞肉亦算是嫩滑, 油飯, 總覺得油味不足...醬油方面, 總覺得有點奇怪那個豉油跟我平常會用的豉油沒有什麼分別正宗的海南雞反不是應該配個甜豉油的嗎?辣醬也不夠辣, 薑蔥醬也不夠薑蔥味...大確也是可一不可再..吾會再去食了~

營養師同我講過一件豬頸肉好高卡路里, 我都係間唔中食一次囉 ! 唔過份既 ~同事介紹我食呢間豬頸肉, 不但份量大, 有肉味, 碗湯仲正, 所以今晚一個人食, 所以去試下先,淘大呢間店係好細, 座位都好迫, 一個人易有位. 一坐低職員己經好快比左杯水我了, 再睇下餐牌, 一個人餐都唔貴喎 !!最後當然叫左燒豬頸肉餐豬頸肉份量果然大, 燒到卜卜脆 ! 白飯可揀黃油飯, 當然揀左黃油飯啦 ! 飲品/湯, 同事就推介個湯, 問過職員, 佢地一直只有呢個湯 (南瓜湯)一個餐仲有油菜呀!! 食到好滿足 !燒豬頸肉, 雖然未至於同事講到咁正, 但都係85分呀 !! 每片唔會好鞋, 而且好軟腍腍, 所以一定會再去食既, 反而有驚喜係南瓜湯, 個湯無味精, 而南瓜煲到個皮都食得, 材料好多, 真心讚呀  !!

朋友，我當你一世朋友。朋友，是要見的，個人是十分讚同，今天亦都身體力行，在午飯時間搭車去搵朋友吃飯。今次去佐九龍灣淘大花園。個人對淘大花園既印象還是停留在沙士時期，只知道沙士時因為大廈結構的問題令這裡的居民過了難忘的一疫。事隔十多年，原來淘大已經大不如前，說的是正面的改變。大廈翻新了，變得漂亮。商場翻新了，變得人頭湧湧。商店多了，食店也多，今天我們便選擇了吃海南雞。走進淘大商場，穿過室內的商舖，到達商場的室外，再往彩虹方向走2分鐘，便來到了栢檔極品海南雞飯店的大門。食店比較小，只有3張4人枱，1張6人枱，和7-8個bar枱位。因為時值午飯時間，約1時，也要稍為等位。大約10分鐘後，店員便為我們安排座位了。打開餐牌，原來「栢檔」是連鎖店，在港已經開設了8間分店了，而它們也好像勝出了大大小小的比賽，這讓我對餐廳的食物加添了一點期待！細看餐牌, 除了主打的海南雞飯外, 他們也有肉骨茶, 元蹄飯, 豬頸肉飯, 和肉餅飯可供選擇。全部$45, 但不包飲品而佢地亦有套餐價, $57, 包湯/飲品, 再加一牒菜。價錢唔算爭得遠, 我地就order佐2個海南雞套餐啦2分鐘後, 套餐便送到了, 我們or

難得去淘大搵完玩具精品，之後約9點3左右去地面店搵野食，離遠一望到有海南雞，我同女友都即刻叮一聲：「太耐無食海南雞了，就D間!」，結果最後留下唔好印象。舖頭門口標明11點關門，9點3時間應該算尚早掛。入到去，叫左個2人餐，有半隻海南雞加一客小食、一碟油菜同埋加兩杯野飲或湯。小食原本叫豬頸肉，不過落單後話無，最後叫左魚香肉餅，無揀分蹄(後來知原來其實都無)。$155蚊，晚餐算OK日間同價就貴左D。雞到，點知原來無薑蓉(我唔知係咪平時食左10幾年係咪唔正宗)，得蔥油、豉油、酸辣汁。雞肥，全部皮都肥到死食唔到落肚。飲品檸檬茶薄到.....睇怕又係入唔夠貨.....要慳D使之後邊食，邊有人入黎就開始精彩，第一對情侶入黎坐我旁邊，都係叫二人餐，無晒油菜，個男仔問伙計可以轉乜，伙計答：可以轉杯飲品，個男仔話個餐本身有包飲品，唔想要多杯，可否問下可唔可以轉其他野食。伙計話唔得，只可以轉飲品，我聽到真係想笑出來，食品轉飲品我知唔奇，奇就奇在本身有飲品，係都要逼人轉多杯飲品，其實好唔合理。 結果對情侶就無食走左。之後第二對入黎，同樣，無菜只限轉飲品，無豬頸肉，仲要無埋肉骨茶，結果又係走左。乜都無，O個時

晚上去淘大睇戲順道去食晚飯經過附近,無錯又係呢間食肆今日唔點平日最愛,反而點了第二最愛:秘制肉骨茶套餐整個餐也只不過是HKD70不到十分抵食油飯好香,味道不錯,飯粒咬口煙韌油菜夠新鮮,配搭蠔油汁令菜鮮味更出秘制肉骨茶材料豐富有豆卜,藥材,肉排味道有點中藥材苦甘澀味,但不過太但個人認為湯不夠濃郁,有改善安間希望下次再來會有驚喜