栢檔極品海南雞飯

营业中

休息中

老豆最鍾意呢間店嘅海南雞飯，我地會特登搭小巴跨區過來幫襯，店仔細細環境乾淨，可容納約30人座位有限，慶幸每次到來不用等太久就有位。栢檔極品海南雞飯套餐 ($65)來過無數次每次都係必點海南雞飯。海南雞做得好出色，雞肉好嫩滑而且去埋骨食起來好方便，雞皮好有色澤無咩油脂，沾上三小碟醬(甜豉油、甜酸辣醬、薑蔥蓉)好開胃美味，油飯不錯有味，我也喜歡啲飯撈埋薑蔥蓉食。碟醬可任添，完全滿足到我醬怪。海南雞飯($53)加多($12)轉套餐抵，有菜有湯非常健康。湯係青紅蘿蔔粟米南瓜瘦肉湯，湯水好有料富質感，味道好豐富，無味精食起上來好健康。肉骨茶配白飯 ($53)肉骨茶好大碗湯，一上枱就聞到好香藥材味，排骨煮得淋入味，豆卜好索湯味，湯不算濃易入口，無味精添加，滋潤補身不錯的選擇。

This place used to be decent for chicken rice, but I was very disappointed with my visit today.(1) The chicken was way too greasy, the rice passed the test though.(2) The food was probably loaded with far too much MSG -- I was very thirsty after the meal.(3) The waiting staff were standing around and talking extremely loud, to the extent that it was very annoying...Think this chain is off my list going forward.

海南雞飯變白切雞飯🤣— — — — — — — — — — — — —栢檔去骨海南雞飯地址:九龍灣牛頭角道77號淘大商場一期地下G107號舖— — — — — — — — — — — — —細食嘅我成日都鐘意食下午茶set當晚餐,今次當然都唔例外😆 雖然係下午茶set但雞嘅份量一啲都唔少!.🔹迷你栢檔極品海南雞飯 $35(轉雞胸去皮,轉白飯,雞另上)味道:🔅🔅🔅雞胸唔會乾柴非常嫩滑,juicy但唔會油同鹹,皮去得好乾淨😏白飯偏黏唔夠粒粒分明同埋無咩飯香😢試左一啖油飯,雞油味好香而飯粒都硬身啲！不過對我黎講真係太油了....健康指數:🔅🔅🔅🔅呢個分係base on我嘅叫法😂我仲要多左碟菜(全走)！.賣相:🔅🔅🔅

一般下午茶餐，都很受師奶門歡迎，雖然份量比午餐少，但價錢實惠很多，對於食量比較小，又好似我一樣百無聊賴的師奶而言，確實是慳錢策略，很多店舖兩點鐘已經開始下午茶時段，中午放工，逛逛街便到了兩點，今日選了淘大商場內的栢檔海南雞飯，點了下午茶餐的迷你栢檔極品海南雞飯，加配一個例湯，合共HK$43。雖然是下午茶餐，但份量足夠有餘，雞的賣相很好，皮爽肉滑但有點肥，配上鼓油、辣醬、薑蓉更加好味，油飯有點淡，不夠香，例湯很足料，香濃之中帶少許清甜，稱不上什麼極品，覺得還不錯。

昨晚唔想煮飯,問個衰佬想食d乜,佢話不如例牌! 我話:例牌即係乜呀?佢話去食海南雞啊! 食黎食去,性價比最高,又最好食既,都係樓下間柏檔海南雞!呵....又好喎!佢果度d set幾好,有湯有菜又有飯! 今次照舊叫左海南雞飯同圓蹄飯!海南雞飯,今次d雞好靚位啊!雞皮好嫩滑,配埋d蔥蓉/黑醬油/辣醬,好惹味! 雞肉幾嫩滑,而且無骨,好yummy!圓蹄飯呢,我最鐘意d皮,又入味! 骨膠原好正,不過就啖啖肉好邪惡!食埋碟油菜，呢餐就就好飽飽la!

係附近看著日式餐廳的餐牌，見這店內人數比日式的為多，朋友又想食海南雞，二話不說入去坐下了。坐位不算舒適，但一人餐只係$62，晚餐來說好經濟，包湯/飲品及生菜，點了海南雞同肉骨茶2個餐。海南雞夠嫩滑，油飯較黏身，味道ok。肉骨茶的配菜豆腐卜比肉骨多好多...還加入有淮山，紀子同黑棗，藥材味濃，但味道一般...

老公話想去買波鞋，於是我哋起身就諗住去九龍灣淘大商場買波鞋，皆因有張七折卡，咁就不如喺埋嗰度食午餐啦，既然黎到九龍灣，就去一啲唔係連鎖店嘅餐廳食啦，見到呢間拍檔海南雞飯，好似幾好味，我哋就入去坐低左啦，價錢一啲都唔貴，我哋叫咗兩個一人餐，老公要海南雞飯，我就要海南雞加喇沙，一人餐有一碟油菜，一杯嘢飲或者老火靚湯，等左幾分鐘，有嘢食啦，喇沙好有水準，係指油面加米粉兩溝，豆卜同芽菜仔都好入味啊！海南雞好滑，三個醬汁之中我最鍾意橙色嗰個，酸酸地辣辣地，好開胃呀！大滿足的一頓午餐！

和太太1830去食飯. 慢一步都無位坐。店內全是人客。座位不是太舒適也是預期。上菜速度好快！！ 我們叫了2個一人餐！海南雞，煎肉餅。散叫好似比叫一個二人餐掋食。（全店也是叫一人餐）雞肉品質合格，無骨，好滑！有3種醬汁！！肉餅好大件，算厚身！但都有相同的3種醬汁。 就有d奇怪。 ？飯……我們選了油飯。但飯身太淋……冇雞油香味。但好大碗！ 飲品種類有7-8種。我們飲湯！！！以這價格和份量，上菜速度……可以有70分！！！！！！！！

海南雞飯👍🏼 咁岩要去淘大商場買野💸，又有d肚餓，就決定睇下有咩食，食完先返屋企。 經過見到呢間都幾多人，侍應姐姐又好禮貌咁介紹，於是就入黎試下😛。 Order左一人海南雞飯餐🍱，有一碟海南雞，一碟油菜，一碗油飯同湯。 當你響茶餐廳食碗粉麵都$40既時候，$62有碟唔”鞋”既雞，碗湯又足料無味精，飯又香又大碗，菜又新鮮。已經不能再要求咁多了👍🏼😂！

呢間店既海南雞飯真係好好食，中意食海南雞真係唔可以錯過。佢係淘大商場既底層，望入去好似好細好up dup，但其實食物質素非常唔錯，而且無論咩時間食，menu都係統一，只係大概50蚊咋！！首先講講海南雞，係去骨既，色澤好好，而且非常之滑，呢間店仲好細心預備左三款醬俾大家，甜鼓油，辣醬，同埋薑蓉，薑蓉既薑磨到好細，好易入口，因為本人唔大中意食太大舊既薑。另外，佢既油飯都非常好食，好有味而且好黃，岀面有d油飯雖然叫油飯，但個味就同白飯完全無分別，但呢間就一定唔會令人失望。

九龍灣淘大最出名多餐廳，所以每次到附近「搵食」都超苦惱，至少要全部逛一趟才決定到去哪間覓食～不過這幾天吃了太多油膩的賀年食品，最後決定吃點清淡的～去栢檔食海南雞😋——————————🔹肉骨茶 配白飯 $50📍4/5本身很喜歡喝中藥湯，補身又好喝！這個肉骨茶正合我意，藥材味很濃很香，還有排骨和豆卜，排骨煮的軟嫩，一咬就分開；豆卜完美吸收了肉骨茶的湯汁精華，配上白飯一起吃，真的超正😍🤤這個價錢有湯有肉有飯，CP值超高！🔸極品海南雞喇沙 配湯及菜 $62 📍 3.5/5這個一人套餐除了主菜喇沙，還附湯和菜，份量大到足夠兩人分享。耳聞這家最出名的是海南雞，果然！海南雞的雞皮好香、肉質嫩滑，搭配三種不同的醬，味道超豐富😋其中以甜甜的黑醬油最對味，與微鹹的雞肉一起吃，超夾！相反叻沙麵比較失色，香氣不足之餘，味道偏淡不夠味。湯汁略嫌太少，花生碎就好多，吃到一半簡直變撈麵😅不過，麵量好多，超飽肚～

嗌咗個迷你飯🙄雖則平d姐都唔洗俾咁多皮我下話 得丁屎咁多肉我仲加咗10蚊雞轉雞脾😭😭😭公平咩？d雞係幾滑既 d醬又真係幾好食既但係個雞油香飯點解冇雞油香得隻色架🖕🏻呢間野不了 唔會再食 嬲咗😤仲話自己極品 ！

今晚又係約左女朋友出街，去到附近搵左間海南雞食。其實香港好多賣海南雞飯既餐廳，要做到出名真係一D都唔易。今次我地就試左黎間「栢檔極品海南雞飯」。入到就一定要叫下雞先啦，為左想試多樣餸女朋友就叫左元蹄飯。間野選擇唔多，得幾樣野揀，講真如果佢係做到海南雞超級好食，其實真係可以淨賣海南雞都唔洗驚無生意，但係可惜唔係。首先緊係講講個海南雞先啦，碟雞好滑好嫩，係差左d味道唔係好足夠，配醬油麻麻地，紅色戈碟野唔係心目中酸酸辣辣，正常點d酸辣醬先開胃。之後到講元蹄啦，隻元蹄炆得好淋唔會硬，可惜味道就淡左些少，齊體黎講都係好一般般。但係最後都有做得出色既地方，而出色嘅地方就係佢嘅雞油飯。佢既味唔係一般好揸流攤戈種得d油，碗飯本身帶帶少少雞味，仲見到有d紅蒜乾令到碗飯好香，相對比出面一般海南雞飯有誠意總括來講這間鋪頭種類選擇很少，海南雞也是一般，只有雞油飯做得比較出色，同埋所有飯都可以轉到雞油飯。不過無咩特別下次都唔會再幫親

其實我已經聽過呢間餐廳好耐，但一直未有機會試。今日行開呢頭，所以諗都唔諗，就入左去啦！我同朋友分別點左佢地嘅皇牌海南雞飯，同埋肉骨茶，以依家嘅市道嚟講，佢嘅價錢都算平㗎啦，不過都係要睇埋個份量同質素，先再下定論。佢哋嘅座位係好迫，地方小，經常被侍應同客人撞背脊，真係一個唔小心分分鐘倒啲嘢落嚟都好容易。等左10分鐘左右，我同朋友嘅客飯都到左海南雞飯肉骨茶客飯先講海南雞，我點左油飯油飯味道正正常常，唔太油，口感唔差。但啲雞就...一放低我就見到好多雞毛無清乾淨，望見真係好核突另外雞雖然滑，但係極多肥油，可以食落口嘅肉真係好少...而肉骨茶，第一啖梗係要飲個湯頭啦，嗯，無味嘅，第二啖，真係無味個喎。再睇下入面有咩餸：三粒新擺入去煮嘅豆卜+兩粒浸到黑曬嘅舊豆卜+幾粒龍眼肉+三件排骨+好多湯渣（包括好多碎濕濕嘅瘦肉粒）真係為左填飽肚先食埋佢，....P.S. 最後臨走前真係俾個侍應阿姐淋水喺我對腳...今次真係好既唔靈，醜既靈

朋友約了在九龍灣吃飯和派囍帖。作為九龍灣地膽的她，介紹我在這間餐廳食飯，說這間的海南雞飯很出名和好吃。和她相約在餐廳門口等，她比我先到，並先拿好籌。我到達的時候，我們等了5分鐘就可以入座了。她推介我吃一人套餐（$62），套餐包一個中湯（或飲品）、菜、海南雞飯（或其他主菜）和 雞油飯（或白飯）。我們每人叫了一個一人套餐，大約等了10分鐘就上菜。湯是南瓜湯，很清甜，沒有添加味精，喝完不口乾。菜是唐生菜，加了一點蠔油在碟邊。主角海南雞飯的肉質很滑，配了三種不同的醬，我最喜歡還是普通的甜醬油！雞油飯很不錯，不會太膩，感覺剛好。