栢檔極品海南雞飯

营业中

休息中

這是本人的第一編食評，由於實在感到有需要向大家提醒一些環保意識，這間店是沒有堂食選擇，全部人買的食物都是會用發泡膠盒裝上，用發泡膠不是最大的問題所在，重點是餐廳用了過量的發泡膠盒來裝食物。我買了一個餐有雞、飯、湯和菜，結果餐廳總共給了我四個發泡膠盒，一看到的時候我還以為是給四個人的外買單。雞、飯和菜其實可以放在同一盒內，並不需要用三個發泡膠盒，特別是菜，因為其實總共只得幾條菜。我明白因為地方有限，餐廳只提供外賣打包，但亦由於這個原因，餐廳必須要反思他們的外賣包裝，因為每一個人的飯盒都用上四個發泡膠盒，這樣是十分不環保，大家同樣要理解發泡膠是不可以被分解或焚燒的，希望餐廳會考慮使用其他物料或提供堂食選擇。最後，食物質素其實不差，雞同飯也做得不錯，但基於環保原因，本人都不想再回去光顧了。

上次只買左半隻海南雞返屋企試，今晚決定試下佢其他野。今晚黎到依然排長龍，但今次無上次等咁耐，15分鐘就拎到。栢檔極品海南雞飯 $40 – 海南雞飯入面嘅海南雞份量相對小好多。海南雞雞皮薄薄，雞肉嫰滑，無骨啖啖肉。反之，飯雖則是油飯，但欠缺油香。3款醬油，每款俾左2小盒。其實雞肉份量咁小，一盒飯俾左6盒醬，未免有點浪費。滷水元蹄飯 $40 – 元蹄滷得好入味，亦煮得好淋，易咬。元蹄有骨膠原，所以食完有黏唇嘅感覺。元蹄是配白飯的，滷水汁撈飯，一流。

油塘每次有新餐廳開張都會好多人，見到新開的栢檔極品海南雞飯好多人買，一於試下。餐廳只有幾個位可以俾人坐下，大部分都係預人外賣返屋企食。因為只有一條隊，而且人手好似都唔多，晚餐買個時都要預等返15分鐘左右。其實個一人套餐係幾抵的，有主菜 + 湯 + 時菜 都係$50。原本想加$10轉雞脾，但收銀哥哥好好咁話個雞飯原本已經係有5件脾+3件胸+雞翼，所以最終冇加到。一人套餐 (極品海南雞飯 + 湯 + 時菜) - 湯同時菜真係一般，但個雞都幾滑下，而且有三個醬跟，鼓油同辣醬都唔錯，但薑茸就麻麻地啦。整體而言，食物都唔錯，雖然唔算最平靚正，但總算多一個選擇。

3月頭，油塘新開左間海南雞飯店，梗係唸住即刻去試新野啦。開張第一日夜晚7點幾去幫襯，點知店員話所有野售罄直至今日先有機會再試，6點幾已好多人買緊，而且海南雞飯餐個雞湯已沽清。所以今日試左隻雞先。因為好多人，所以都要等左20分鐘先有得拎。海南雞（半隻）$70 - 外賣海南雞用紙盒裝住，比起用膠袋好，夠環保呀盒入面有6小盒秘制醬料（薑蓉，甜豉油，甜辣汁）。海南雞除咗脾同翼之外，其他都去晒骨，食落啖啖肉，而且好滑，再加上佢地嘅醬料，好好食。下次試埋佢個無味精雞湯，應該會好好飲。