桃園制作粥麵餐廳 (海趣坊) (已結業)

要同呀哥自己搞店Lunch, 於是四圍行下， 午餐時間見道道都多人，拎左飛，睇下Menu等左幾分鐘就有位！香煎雞扒蒜蓉汁，飯都幾多，蒜蓉汁惹味即磨熱咖啡，係去過幾個唔同餐廳飲開既味道！幾好！人均$50 都算不錯呀！

星期日呀媽罷工食咩好呢落街行黎行去見到桃園製作仲有位wor咁咪入去坐低囉呢間店開舖初期我去過食早餐講真印象唔多好因為隻炒蛋唔知係咪落左好多牛油食落好油膩但今次呢餐晚飯令我改觀曬打算以後冇飯開就落黎攪掂餐廳都算闊落唔會坐得太迫有大圓枱有卡位有普通位坐低就拿拿聲叫野食叫左個胡椒豬肚雞煲同埋梅菜扣肉再加兩個白飯個雞煲雖然平平地但都幾有睇頭本來見咁平應該係就咁用石鍋上就算點知佢係一個爐咁點著火上慢慢食都唔會食到凍曬個煲幾足料好多雞黑椒味煮得好突出好濃郁然後個扣肉一上枱已經香噴噴咁望落d肉同脂肪都算層次分明色水唔錯雖然望落有d肥膩但可能佢炆左好耐一咬落去d脂肪已經溶左係口入邊絕對唔覺得油膩兩碗飯都好靚下因為入邊撈左d黑色藜麥落去即時感覺高級左有機會會再落黎食🙊🙊

早餐份量多，價錢親民，質素尚可，好難差。但晚餐小菜得個樣，唔好食。豬手好鞋口，啲配料生勾勾就咁就咁放落去，小菜又無鑊氣，全部都係用個醬汁搭救。總之成件事比你但感覺係好求其咁整。另外，搵侍應係一件好辛苦嘅事，分工好差。

桃園係附近街坊經常幫襯的餐廳，因地方夠大、座位又多，最重要係食物嘅味道調較得幾好，份量都好多。所以好抵食架！早餐、午餐、下午茶、晚餐嘅種類都好多，中式西式都有，就咁睇餐牌嘅相，賣相已經好吸引，估唔到實物都唔會令人失望！早餐叫咗個香煎豬扒餐，再加$6多個通粉比小朋友食，份量絕對夠晒食！豬扒味道調較得啱啱好，又唔會「鞋」，仲有個蒜蓉包，超正！雖然呢個火腿通粉只係加$6，但都唔遜色，小朋友都話好好食！總括黎講，抵食！

睇到啲食評都偏向麻麻地，但我食落唔差喎，我通常食雞扒餐加個腿通，份量夠，雞扒醃得ok, 可以配餐肉炒蛋，加茄汁豆同厚多士，其實係茄汁豆爭少少啫，杯奶茶亦可以接受，最緊要夠多位坐，星期日都唔使點等位

住在餐廳附近，週末有時會來這裡嘆早餐，喜歡這裡的早餐多元化，中式粥麵，西式排類炒蛋或港式粉面一應俱全。我一般點豬排麵搭配半焗流心蛋，有時會加三元追加蒜蓉多士，多士鬆軟，蒜蓉夠味。服務方面要增加人手了，經常看不到，聽不到顧客呼叫，有時就算看到，也無暇照顧。

和家人暢遊澳門後，落船即往對面的海趣坊商場覓食醫肚。看到這間甚有大集團式設計的茶餐廳，就來試一下和其他集團的有何分別吧。家人負責發辦，點了2味小菜。第一道是餐廳新推出的八珍豆腐煲。起初以為豆腐煲會是一個全素煲，但不然，除了豆腐，原來尚有鮮魷、蝦仁、豬潤等其他配角。視覺上非常豐富。小菜炒得夠穫氣，每樣食材都頗能掛汁。筆者認為主角豆腐煮得最為入味，全索入了醬汁，每一口都很juicy，頗為味美。但略嫌豬潤煮得不夠腍身，入口有點韌。第二道是常見的家常菜：蒸滑雞。除了菜名上註明的蟲草花和雲耳，還用了洋蔥墊底。筆者孤漏寡聞，第一次見識到洋蔥蒸雞，吃下去感覺頗清新。另外也下了姜絲為雞件去腥。雞件肉質也頗為滑身，頗有雞味。每個小菜是不包白飯的，需要另加20元配藜麥飯和燉湯。還好加配的燉湯沒有令人失望。原盅燉湯上枱，裡面有茶樹菇、蟲草花、瘦肉等湯料，真材實料。喝下一口湯也非常有家的味道，但略嫌湯水有一點過油。雖然燉湯份量頗多，味道也不錯，但筆者認為本身已是七八十元的小菜還要再加二十元才能成為套餐，價錢有點略貴，感覺不太划算。

早兩日經過見到佢話有羊腩煲，見天氣凍凍地就去試下啦！叫左個羊腩煲同雞煲，兩個都唔跟飯既所以單叫左兩個飯。先講羊腩煲，羊肉係有羊味既，不過就食唔到五香味喇，至於羊肉份量大約左6小舊左右，個煲底稀左d，整體味道唔濃郁，唔推介。到雞煲喇，煲底唔稀喇，味道都可以的，但好多碎骨..根本上每啖都有d碎骨..口感很差勁、唔推介。然後食到尾聲，見佢餐牌推介「爆脆」既三件響鈴，講到咁吸引就試下佢啦..點知黎到，中伏..無論賣相、味道定口感..無樣得....仲要$12！？認真：唔好試呀！後尾見到有人叫雲吞皮好似好吸引，又試下佢啦！個樣真係幾吸引，不過一送到後佢既賣相..d沙律醬完全唔知佢想點..食既時候沙律醬都太多囉，有點阻住。加上一揸上手..唉..油到爆...食完係油到唔舒服架...唔推介..唔好比佢個樣呃左呀.....三個人食完離開餐廳，有種中伏的感覺..問心好少評咁低分，不過認真難食...真難食呀...抱歉😢但有點要讚的是，員工服務態度很好！

呢間餐廳嘅服務態度好， 但係佢啲嘢食質素好一般， 嗰日食咗個海南雞飯 ，其實海南雞飯好難整得難食㗎... 偏偏就喺呢間野度食到...... 佢個公司三文治好食嘅，但係小菜同埋飯類真係有待改善！

晚飯去桃園食小菜，每款價錢約六十幾蚊，兩人點了。。。薑葱爆雞煲-上菜時，煲變了淺鍋，份量少，洋葱墊了厚底，雞件多雞胸肉，肉質鞋口，唔滑兼無味，完全無薑葱爆的味道，差。蘭花炒魚柳-呢款菜式成日在不同餐廳酒樓吃過，從未食過呢間咁差，西蘭花嘗算無問題，但魚柳極之唔掂，預佐係雪藏貨式，但人家也可炒得嫩滑，但佢居然咁薄件都可炒到柴皮，我真係唔知佢用邊款魚可整得咁差。特價炒蜆-呢度菜無問題，特價菜式，份量算可以，味道亦不過不失。每人加了8蚊白飯，算大碗。下次去番隔離稻香或去兆禧小廚算了，今次中伏了，無下次

食個豐富早餐，叫左雪菜肉絲米粉加流心蛋($29)加多件牛油蒜蓉多士($3)雪菜肉絲一般般無雪菜香氣😓不過不失反而多士唔錯幾香蒜蓉味，加埋流心蛋的蛋汁❤️幾好食👍🏻環境方面，座位幾寛敞幾乾淨。整體來說不錯～

第一次食呢間桃園制作餐廳的晚餐，比想像中好很多。 超大塊的鹹魚肉餅，底下鋪一層生菜，食落冇咁多油。 肉餅兩面煎得又香又脆，十分香口😋😋 肉餅吾係夾雜好多肥肉，岩哂我呢d 吾中意食肥肉既人，食落仲好有驚喜tim‼️ 肉餅有魷魚粒，香香既鹹魚味，仲有馬蹄增加口感。一個人食太多， 兩個人食就岩岩好啦， 因為個肉餅真係勁大塊勁厚😂咖哩牛腩飯的咖哩又香又濃，完全足料👍🏻👍🏻加$20 有飯和湯， 真係超級抵食😆👍🏻

話說之前同百厭仔兩個嚟食過, 真係麻麻地. 今朝兩公婆打算食埋早餐先返工, 老豆唔信邪, 就陪佢去試多次.溏心皮蛋瘦肉粥+咸肉糉 $32.00--個粥出奇地好食, 唔會太咸, 無咩味精, 杰度適中, 起碼唔係落粉漿. 皮蛋份量都幾多, 唔錯! 咸肉糉就唔多掂, 非常"削" 但味道都OK.雪菜肉絲米+煎蛋+熱奶茶 $28.00--米粉係新竹米粉, 入口尚算煙韌, 湯底都係頗咸, 煎蛋無咩特別. 奶茶夠滑無苦澀味.埋單$60.00總括來說:  西式早餐粉麵嘅湯底, 食幾次幾次都頗咸 (包括下午茶) 應該係同一煲湯. 嚟呢度食早餐, 食粥餐性價比會比較高.

今晚黎到屯門碼頭搵女人們食飯，隨性既我地行入商場亂搵間餐廳就開餐嚕。雖然係亂行既，但又唔伏喎！我地六個女人就嗌左六個餸六個飯六杯野飲，係有少少大食既😂😂每個餸都唔會太少，六個人分住食都幾夠飽～唔好以為唔係大餐廳個水煮魚就hea 做喎，真係幾辣下😂🙈個潮式蠔仔肉碎泡飯雖然唔係超多蠔仔，不過都好夠鮮味～我地嗌左個特色野，叫做「奶茶紅豆冰冰」，呢杯野就真係有啲甜，可以唔洗試呢杯，嗌返「經典原味紅豆冰冰」就好好啦！

由呢間分店開張起幫襯早、晚餐，一直覺得不過不失，但員工服務態度就一般般，不知道是公司待遇不好還是個人問題？平時早上一星期至少兩、三日買外賣，相安無事，但今朝去買早餐另加多士一份（平時都如此買的配搭)，今日居然唔俾加，話公司出左通告，因為咁嘅配搭冇錢賺喎！唔使加錢咩？要額外加錢架，不如賣$60一份早餐咪賺盡囉不過……第一：你又未到咁嘅服務評級及水準；第二：早餐食物配搭死板，不能改。口味因人而異，又冇強行加添或配貴價食材，快餐集團都可以改啦，你要行高格調睇下點？