桃園制作粥麵餐廳 (海趣坊) (已結業)

屯門人想睇海景，除左黃金海岸仲可以去邊？隨著黃金海岸越黎越少人，店舖，活動。屯門碼頭都係另外一個好選擇！又屯門市中心出發也是10幾分鐘的事情，交通十分方便，另外都有碼頭可以來往大澳、澳門。。單一般來到屯門碼頭也是在啟豐園用膳，直到有日想食【翠華】就發現【海翠坊】消費滿$200就可以停車🅿️，比起啟豐園就著數了。今日就同屋企人黎到海趣坊既桃園制作粥麵餐廳食早餐，原本都係打算食翠華既，不過俾佢既各種燈光吸引，加上門口既餐牌十分多，所以就過去望一望。一開始經過以為係台式餐廳，因為佢叫【桃園】制作粥麵餐廳😂點知原來唔止台式，選擇好多，感覺有D似百分百，每個早餐都幾豐富：粉麵類、西式早餐、中式炒麵，連粽、粥都有。平時熱愛早餐既我最鍾意食粉麵，而最常見既配搭就係【雪菜肉絲、炒蛋火腿、多士】但係面對餐廳多種選擇，其實有D複雜，因為同類型的東西不斷出現係唔同既餐裡面。於是我就叫左呢份啦味道：炸魚外脆內軟，肉質新鮮，頗滑，非常大件，好食又抵食！炒蛋濃滑，但是火腿、蛋同埋焗豆都係凍既，所以都幾影響評分架。走既時候有渣車既朋友就算食唔夠都可以搵番員工睇下有無單呀😊

今日嚟咗 屯門海趣坊嘅桃園食早餐, 餐廳門面以舊式餐廳為主題。呢度嘅早餐種類有好多, 有 茶餐廳式嘅 有半西式嘅 亦都有粉麵類。中式早餐方便有粥 有炒麵有腸粉等等嘅配搭 香港式嘅就有 雞蛋餐肉火腿腸配一隻雞蛋嗰一類。今日我食咗一個雞扒炒炒蛋 配火腿做早餐, 食物嘅擺碟係靚嘅, 用咗一隻 長型嘅碟擺放曬成份早餐, 早餐配嘅茄汁豆亦都已另外一個碟仔裝住上, 望落去感覺唔錯。味道方便, 好過一般快餐式嘅餐廳, 但係就唔算得上 十分好食。 但係整體上服務人員質素都唔錯,而且個餐加五蚊仲可以做埋一碗迷你嘅通粉,一定食得飽。比較要留意這一點係 呢度係星期六日食早餐係要排隊先有位嘅, 對於一啲趕住去食趕住走嘅朋友仔嚟講 就唔係好啱啦。

待應生只顧與相識的食客談天，不招待其他客人，我叫了杯熱飲品水吧已經冲好，二十分鐘後要客人催促待應生才去將飲品送上給客人。結果將熱飲變凍飲。食物質素沒有驚喜，環境不錯。

因為要户外做野，所以想食過正早餐出發，所以揀左新開既呢間試下，之前開張好多人，今日早上去到唔洗等就坐底左。 叫左個魚柳早餐，咩都拼啲，另加個通粉跟餐大概40蚊（張通粉相塊豬扒係媽媽比）。味道好好，魚柳熱又夠脆，蛋好soft creamy, 茄汁豆就涷冰冰咁上，通粉個人覺得應該加，因為加5蚊跟餐就有，味道都幾好，通粉夠熱同咬口十足。男士都食得飽既早餐

總覺得KFC越來越少...連屯碼這間都沒了轉了一間裝修懷舊的桃園試一下吧坐下後選食物，每個飯或麵如果配飲品半價想叫利賓立沽清了，我要了凍朱古力飲品不過不失，我的味道正常唯一是他們真的做到"真正少冰"老爸的出位咖哩牛腩撈麵不知道怎樣出位有沒有發現少了什麼？就是菜上了很久都沒餐具...我再問店員才由另一個桌拿一兜餐具味道是有點辣，牛腩就不夠稔，阿爸老人家覺得可以再稔點我的梅菜炒飯也來了，味道適中炒得也夠乾身我還是喜歡KFC能留下來....

成日聽倒d人講話呢間餐廳好難食，今日冇意間嚟左呢度下午茶，叫左個「 溫泉蛋焗咖哩牛腩飯」， 朋友叫咗個「公司三文治」，兩杯飲品係咁多。「溫泉蛋焗咖哩牛腩飯」有驚喜，因為屯門碼頭附近，係冇牛腩好食嘅，而佢啲牛腩的確整得好淋，味道唔會太鹹，牛味亦好鮮味， 配合溫泉蛋加小小芝士焗飯，呢個配搭亦恰到好處。而公司三文治呢，識煎蛋同午餐肉嘅都應該唔會難食，不過要都讚下佢，切完上碟冇散晒，因為平時好多餐廳上碟後都散晒咁嚟。埋單$102，唔算太貴，又唔算太平，可以接受。

成班人懶得諗食乜野，有個就話見到商場開左間新嘅茶餐廳，所以就去左試下啦 。佢有茶記同大排檔嘅野食，幾多元化。蜜桃咕嚕肉 ，就算沾咗醬汁 ，個皮都仲係脆嘅 ，肉質都幾嫩 ，不過蜜桃得一兩舊但係成碟都係咕嚕肉，幾好。呢個避風塘艇家炒麵， 其實只係普通豉油皇炒麵加咗海鮮，再加平時避風塘嘅調味料去炒。雖然配搭新鮮，但似系辣嘅豉油王炒麵，比較普通。豬頸肉炒通菜，份量夠，同大排檔炒嗰啲差唔多，幾好。水煮魚食落冇乜味，要自己加啲鹽先叫有返啲味，得魚係幾嫩嘅，下面全部都芽菜青瓜黎，麻麻地。蔥香雞煲幾好食，都幾香，不過份量少啲。蠔仔泡飯都有幾隻比較大嘅蠔仔，不過個湯鮮啲會正啲，但係都唔錯。呢度紅豆冰入邊嘅紅豆，係個皮仲係有少少硬但係個心軟曬嗰，有咬感，沖得好飲。

今朝陪百厭仔食埋早餐先開工, 又係近近地喺海趣坊搵食. 見新開嘅桃園制作唔使等位, 仲有大把位任揀 (上星期仲要等位架) 就入去試下.沙爹牛肉公仔麵+腸仔一條--沙爹牛肉夠林唔韌,  但沙爹味唔夠. 條腸仔好難食, 唔知點解質感好林又無味, 唔通烚熟而且烚得太耐?煎雞扒米線+半焗流心蛋--煎雞扒好咸, 米線ok, 半焗流心蛋原來即係太陽蛋最掂係飲品--奶茶濃滑 無苦澀味, 朱古力夠濃埋單$60.00呢間嘅早餐唔算平, 味道亦一般, 唔會再嚟食早餐, 睇下有無機會試午/晚餐啦!

樓下新開張，長期排長龍。上星期六中午買左魚片頭面比老公做外賣（間店冇河粉賣的，本來想食河），因為好多客話要等20分鐘，20分鐘後去拎，點知佢話冇晒生面，所以比左伊面我，有點兒吹漲，咁基本嘅都賣晒，仲開張了2天。但老公食完話魚片頭幾好食第二日，繼續試新野，今次堂食下午茶。這次點了酸辣魚片頭米線，酸辣味一般，米線正常，但魚片頭確實幾好食。茶餐連飲品好似$36-40左右先生點了炒飯，都幾好大碟，仲幾食添間野味道確實不錯，價錢唔算平，但新開好多人，明顯有d甩碌。

呢間舖，新開張，試吓個早餐師傅教落，呢間餐廳嘅食物質素，可以响沙嗲牛肉上面反影個餐牌選擇唔多，叫咗個 沙嗲牛米 加 餐肉 加 蒜蓉厚多士（聽人哋話塊多士好好味）食物好快到，好似唔洗整即刻拎出嚟老實講多士係夠熱＆鬆脆但冇蒜香味，似食齋多士（要加$3）沙嗲牛米沙嗲汁好小，質素一般，冇沙嗲味牛肉奄到霖晒，冇牛肉味米粉質素一般湯底冇乜特別塊餐肉都可以 夠厚 杯奶茶 普通嘢 味道一般，茶味唔夠（涷飲加$3）總括：$35 價錢味道一般，餸小，選擇小