桃園制作粥麵餐廳 (迎海薈) (已結業)

放假都好充实，一早做咗好多家务，安座家中等女朋友起身，等阵一齐落去沙田行街，带佢去拣佢嘅圣诞礼物，见佢瞓到好冧唔骚扰佢等佢自然醒，我之后好快手做多少少公司野，佢都依然唔起身，原来佢有啲发烧，第一时间打电话约时间睇医生先，同佢睇完医生去附近食少少野先至食药，如果唔系会胃痛，病人最好系食粥，上次喺桃园食嘅粥非常好食，又要带佢去试吓，虽然而家应该冇咩胃口，瑶柱蚝豉猪骨粥，一碗粥好重份量，好香浓嘅蚝豉味，粥细软绵绵，套餐中包括一碟炒面，我劲钟意食