桃園麵家茶餐廳 (已結業)

Lunch通常不想食甘飽.因為多數夜晚會食得豐富的,而今日同事叫我出去食飯，先行左十幾分鐘求其搵間茶記食，今日星期四，我叫左佢mean 上的常餐，雞翼魯肉蛋飯，個汁好多，而且個冬菇都好大隻，超餸飯，不過杯熱零水特別苦，放棄唔飲而我同事食個豬扒鴨胸肉蛋飯，因為佢純粹想食個鴨胸肉所以先叫呢個飯個扒照燒汁味道冇物特別，而杯檸茶反而好過檸水，有個蛋食比較有益下,不過以普通茶餐廳來講算幾好！總結：上菜快，以港島區價錢算合理！

中午一時，人很多，門口排晒隊，之前試過食蒜萁雞扒配餐肉腸蛋意粉，$45連熱飲，意粉太林，雞扒冇乜味，個汁okay, 整體okay，唔難食，但未至於好好食。但忘記影相！今天試下個海南雞飯，$51連熱飲，d鷄嫩滑少骨，算好味，但d飯一pat pat 太棉，而且飯食落去濕濕地，怪怪地，唔好食且不夠香，但個黑豉油和蒜蓉醬汁好味，成碟點哂！飯分量不算大碟，食完唔多飽肚。始終係灣仔區，人太多，環境迫夾，想食完快d走人，唯一勝在食物種類選擇多！

想在灣仔吃個平民晚餐。估不到, 桃園又坐得幾舒服, 至少侍應對你很禮貌, 也不會趕住要你走。感覺任坐唔嬲。食物都不錯!秘製咖哩焗牛腩飯秘製咖哩焗牛腩飯老實講, 有驚喜。估唔到牛腩咁林....微辣的咖哩, 辣度剛好, 加上足料啖啖肉的, 又林又入味的牛腩, 配焗得乾身又香口的黃油飯, 呢個焗飯絕對值得一試!芝士焗鮮菌忌廉雞扒飯忌廉加芝士, 卻不會太漏, 都好多野菌和雞扒, 又是足料, 雞扒依然嫩滑。個人喜歡呢個多D~每日都有不同的餐~食完第一次, 兩個飯都好食, 而且平民, 扺食, 會有第二次!

1月5日中午去桃園食午餐，見他们請了弱勢人士做伙記，十分欣赏他们的做法，因為弱勢社群可以做派傳單以外的工作，令他们更有尊嚴，十分好。今天再去吃午餐不見了那位人士，應该是轉去厨房後勤工作吧！那更好！ 说回他们的食物，套餐(包碟頭飯十湯十凍飲$50，算0K，味道也是不錯呢！

每到LUNCH都好令我頭痛😫，一黎四圍都多人、等位又耐，二黎價錢唔平。由於12月洗多左，今個月要回一回氣，所以係Budget有限既情況下，就揀左呢間茶餐廳呢度除左有每日精選午餐之外，另外仲有全日套餐既焗飯/麵、常餐、粉麵餐、拉麵、港式扒餐、台式燥肉等，選擇多總有一款岩心水，價錢由$35~$50，灣仔合理價朋友點左個最多人點既至尊海南雞飯 $48+2轉凍飲 我就點左個超級三色焗飯(鮮茄豬扒+葡式西蘭花+白汁雞扒) $49超級三色焗飯(鮮茄豬扒+葡式西蘭花+白汁雞扒) $49雖然係焗飯，但其實只係等左5分鐘左右就上枱，芝士已經上左少少色同拉到絲😍飯底係黃油炒飯底，飯炒得岩岩好，一粒粒有咬口三色汁入面最好味係白汁😋，用我中意既磨菇忌廉汁煮成，所以忌廉味重D，有別於其他茶餐廳用既無味忌廉汁葡式西蘭花煮到好淋，無哂蔬菜應有既爽脆，葡汁味亦夠，只係看到，吃不到😑鮮茄汁食落似真蕃茄煮成，偏酸；不過雞扒就唔太好食，雞腥味重且鞋….😣仲有個缺點係汁太少，撈唔到飯至尊海南雞飯 $48好既海南雞係浸熟左之後，就要即浸冰水  等D雞皮更彈牙，同埋要有”雞啫喱”而呢度個海南雞就有唔少”雞啫喱”~~雞皮好好味呀!

灣仔高質茶記都有唔少, 今日我想食海南雞就去左桃園, 佢位置都算易搵!桃園出名招牌海南雞飯, 油飯味道剛剛好, 唔會太油但有少少硬, 好香口!到試食D雞啦, 真係好滑漏, 因為佢出名冇骨既, 啖啖肉真係大快人心! 午飯時間呢間餐廳有好多選擇又唔使等位添, 所以食LUNCH來講都算方便快手! 海南雞飯有幾送條菜同配三種醬汁，鼓油、薑蓉和辣醬，仲有一碗湯送埋！$50 蚊有野飲, 算係好唔錯啦!食大X樂又要排隊又要等位, 呢度至少CC 服服坐佐有得食LOR!

咁咁啱路過既時候係下午茶，而且之前食過唔差，就諗住再食多次啦。問題來啦。可能我比較矮，又坐得比較入，就叫左好耐都冇人過黎落單，途中有個人見到我，仲揮左揮手，咁我以為佢之後會過來，但係冇。最終要另外一個男人過黎執檯既時候先成功落單。 不過呢個唔係好嚴重姐都係差唔多七八分鐘姐，咁可能四五點既時候佢地忙先會見唔到啦。但落左單之後就開始不滿啦，咁我朋友叫左一口西多加薯條，點知佢將張單扔到我地張檯既時候就冇多薯條得返西多冇左薯條，咁我就同個阿姨講返，佢又叫埋之前個男人過黎，個男人就話咩佢落單既時候明明聽到我地淨係叫左西多，又話我地指錯。佢地嘈完之後就話，加返$4落去算。呢個都唔算太嬲，人誰無過呢。但係之後個阿姨將個西多大力扔到我地檯面，仲要係距離我地最遠個個位，又扮到好忙咁即刻轉身，對唔住都冇講聲就係佢唔啱啦。我之前好聲好氣，又唔該前唔該後咁請你地更正張單，但係你地又係度嘈，又將碟西多扔過黎，就係你地得寸進尺啦。就算d野既好食，但有咁既態度都食唔落啦。而且係我地差唔多走既時候，有個男人坐左係我地前面，佢都係叫左好多次，等左好耐，都冇人過黎落單。下午茶時段，四點幾，人又唔多，落個單都唔會浪費你好耐

除左晚餐，Lunch time 都係覓食既好時機！今日又去左試新餐廳....聽同事講呢間茶餐廳出名食咖哩 同 海南雞飯，咁就要去試試～午餐時間要等位🙈 入座後叫左是日午餐精選： 咖哩吉列豬排飯 同埋 招牌海南雞飯（$43） 塊豬扒好大塊，但d 炸粉好硬，感覺會好熱氣☺️ 但個咖哩汁好香，配埋薯仔，送飯一流。海南雞飯 （$48）D 雞係去左骨 （除左半隻雞翼），雞皮爽滑，雞肉除左雞胸位有d"諧"，其餘都ok。但.....失望既係佢d飯好硬，感覺食完會胃痛🙈

剛剛完左annual dinner，幾個同事中左現金獎就夾份請幾餐下午餐，今日係第一餐，就叫左公司對面既桃園試。其實有好多選擇，但我都係選擇我既例牌：西多士加薯條。 西多係一口西多，唔係咁細粒嫁咋！ 一口一定食唔到，共有四粒，呢度係點糖漿，而係煉奶，覺得唔係咁甜薯條係曲型薯條，但就幾淋吓，同有啲“神”，唔係咁熟咁。杯飲品最令我滿意，我叫左杯玄米綠茶啫喱冰，我問可以的話要走甜，點知真係唔甜，仲好清爽，加埋芒果啫喱，滿有口感，正！同事的小拼盤，有咖哩魚蛋，蟹餅同餃子

Needed something quick for brunch and this was the perfect place. Had the 'Taiwanese style' rice bowl and was happy with the choice. English menu also available and there's something for everyone.

這間食店坐落灣仔電車路，那邊有很多不同食店，普遍都係食快飯為主，但如果食快飯，我又覺得幾貴，可能佢的目標顧客是寫字樓的員工吧😛今日一個人在灣仔，趕出九龍，所以見到這間有下午茶餐，就試一試，估唔到都幾好。我點了茶餐的米線餐，這裡有很多唔同款式的茶餐，其實都係因為份量細，所以平價，如果大家平日想食某些菜式，但又覺得太貴，可以在下午茶時段試一試。以下是本人今次點的餐：這個餐包飲品，我加一蚊轉凍綠茶，都算抵。其實份量真係唔多，但因我只想找些東西打個底，所以都唔太介意，酸辣度唔夠，不過材料都算新鮮。那杯凍綠茶就真係要加分，佢的味道和美心那些一樣，這個已經抵回票價，因為我就係喜歡綠茶唔太甜，比較易入口。

早餐D醒神一拖三 叫了沙爹牛意雙蛋蒜蓉包，沙爹味濃牛肉唔老，意粉多!厚包!估唔到杯凍央咁大杯奶味濃吉列魚柳腿蛋多士，件魚柳粉少唔會炸過龍。細食既都有其他選擇，蕃茄火腿肉醬通粉，茄味濃sharp醒sharp醒平價之選有菠蘿油餐，烘熱有誠意，牛油冰凍，加埋熱飲17蚊，抵!

由於工作地點都是一人工作，所以叫附近茶記已變成習慣，而呢度更是我飯堂來的。首先午餐要食的是熱門之一海南雞飯。雞肉滑漏漏啖啖肉，有雞味冇雪藏味，而且雞件數很多大大舊的。隨餐跟的是雞油飯，味道香濃，可惜飯質煮得偏硬，個人來講有小小扣分。下午茶呢，首選就係蜜糖雞翼配粒粒配多，加上椰汁啫喱冰。雞翼炸得卜卜脆沾上甜絲絲蜜糖，簡直味覺的刺激。而粒粒西多內都是夾着軟軟甜甜的吉士醬，真係正到秘！最後飲埋個椰冰啫喱冰，清甜清新，完美！

早餐叫左麥皮，黎到既係一個細碗麥皮，同餐牌上既一般通粉大碗差好遠，中哂伏。商品說明條例呀…點可以差咁遠，擺明搵人笨實……同阿姐理論，阿姐態度好差，話不嬲都係細碗，蝦人第一次黎食唔知就賴野…麥皮用正常通粉既碗是常識吧，不如你d 通粉都用細碗裝俾人食，話一向都係咁…麥皮咁cheap都要呃人份量，劣評！

午飯時間路過見到呢間餐廳有好多選擇又唔使等位添，當然即時入坐啦，叫左個海南雞飯連飲品成為46蚊，碟飯賣相都OK，不過只有一種汁料，黃色既飯唔油，應該唔係黃油飯，都幾好味，雞夠滑但無乜雞味！平時食海南雞飯有幾條菜及三種醬汁，鼓油、薑蓉和辣醬，而且仲有一碗湯添！