桔梗 (已結業)

好出名嘅良心餐廳，經常都爆滿，都係咁啱因為有預約嘅人no show ，所以先有位，第一次嚟支持吓。第一樣叫嘅係最出名嘅 日本A4黑毛和牛三文治，全份HKD 148，有4件，亦都可以叫半份，2件 HKD 78。 麵包比想像中出色，脆而不硬，和牛就正常level。雞泡魚乾，用嚟傾偈閑聊做小食一流，點沙律醬再上一個層次。台灣牛肉麵，有兩碟小食，之後牛肉麵有兩舊牛肉同埋兩舊牛展，半隻糖心蛋，都唔錯。炸甜薯條，隔籬嗰個係酸梅沙律醬，同雞泡魚乾嘅沙律醬唔一樣，偏酸。佢應該係番薯條嚟，大大條熱辣辣好出色，就算唔點醬都好好食，推薦。仲叫咗杯咖啡，外貌同味道都一流，打卡之選。

約咗朋友喺旺角食飯，地段非常方便，而且店面非常寬敞，光鮮企理，坐得舒舒服服😄可以用APP自行點餐，極度方便~炸雞翼明太子芥末優格醬$68~醬汁酸甜，可以令人更加開胃，雞翼亦都啖啖肉，一口一啖，方便進食，皮脆內嫩，yummy😋桔梗和牛COMBO$158~和牛三文治非常精彩，兩邊麵包烘至非常香脆，夾着吉列和牛，脆上加脆，偏偏和牛又非常香軟，形成強烈對比，口感充滿刺激😆台灣牛肉麵(期間限定)$108~女生見到「期間限定」呢類型字眼一定會心心眼，品嚐既機會一閃即逝~牛肉夠哂入味，肉質嫩腍，湯底亦都無令我失望，非常濃郁~

次次經過桔梗都見到門口排曬隊，今次專登揀喺閒日嚟，終於有機會食到。scan qr code落單，餐牌選擇唔算多，但樣樣望落都好吸引。炸雞與五味醬　$88即叫即炸，新鮮熱辣好欣賞佢啲炸粉真係夠薄夠脆，入面嘅雞肉炸得啱啱好，又juicy又滑；五味醬酸酸甜甜咁，令人食慾大增。桔梗combo（日本A4黑毛和牛肉燥飯/溏心蛋＋日本A4黑毛和牛三文治(半份)）　$158跟餐嘅前菜都處理得好有誠意，特別鍾意個醃漬番茄仔，開胃清新。最期待嘅黑毛和牛三文治，份三文治都幾厚，嘴細嘅女士可能一啖咬唔曬烘到金黃色嘅麵包非常酥脆，就咁食塊包都好好食；牛柳煎到五成熟，入口嫩滑多汁，肉味濃郁；香脆嘅多士加軟嫩嘅牛柳，每一啖嘅口感同味道都非常豐富。肉燥飯就食得多，但黑毛和牛肉燥飯咁奢侈就第一次食肉粒口感軟腍，滷得非常入味，送飯一流焦糖牛角酥窩夫配雪糕　$78有驚喜！用牛角酥整成嘅窩夫，比一般嘅窩夫酥脆得多，食落有陣好香嘅牛油味同肉桂味再配埋奶茶雪糕同焦糖醬，好好味，好滿足

之前見佢咁出名 路過冇人排就入去試下係就係坐得幾闊落 但服務同食物真係唔得我落左單足足等左55分鐘先有野食講緊唔爆場嘅時候 重要只係一個普通肉燥飯 同一個吉列和牛加烏冬完全唔明點解可以整咁耐由2點等到3點 午餐都餓到變下午茶黎到嘅食物 個飯極之細 唔係一個成年人份量埋單要280 咁嘅質素真係完全唔值性價比極低 作為一間普通餐廳 真係唔值得欣賞真係唔會再黎

以文青風格著名，Lagom的姊妹店--桔梗餐廳以木系作為，樓高兩層，地方寬敞，而且窗邊滲着陽光，非常適合在這裡度過一個悠閒的下午。餐廳內有唔少植物，更有很多具文青風格的擺設，後面的書架為整間餐廳增加了不少書卷味。入座後可用QR code落單，午市餐單更有半價優惠，可惜只適用於12:00-2:00。比較奇怪的是電子餐廳上的菜色跟實體餐單有很大出入。A4黑毛和牛肉燥飯桔梗和牛COMBO包括日本A4黑毛和牛肉燥飯·糖心蛋和日本A4黑毛和牛三文治半份三文治烘得香脆，部分和牛帶有脂肪筋，但仍保持中間嫩滑感。焦糖牛角酥窩夫配雪糕牛角酥窩夫是韓國新興大熱Crossaint+waffle=Croffle焦糖不太甜，肉桂蘋果味清香，配上奶茶雪糕一冷一熱口感，值得推介。飲品方面是實身體餐廳上沒有的非洲寶石充滿果香，個人推薦熱飲較佳。值得加分的是餐廳播放的台灣或者香港歌曲都是song list上經常聽的曲目。

晚市開始堂食，即刻去慶祝下食好啲🥰🥰🥰所以去咗食😍😍和牛🐂壽喜燒雙人套餐😘手殘的我，開始果時有少少手足無措🤣好彩餐牌同職員有詳細講方法👍🏻👍🏻👍🏻日本A4黑毛和牛🐂睇到油花就勁心心眼😍，入口即溶🤤🤤澳洲M8和牛三角肉厚身少少同肉味濃啲啲，係另一種口感來的👍🏻我地再追加咗🤭薄片牛舌另外套餐仲有日本蘭王蛋，和牛加蛋汁一齊食更美味🥰野菜豆腐盤+白飯好豐富，食完肉再食埋咁大盤菜，邪惡感即刻無曬🤣🤣🤣留咗一半牛肉火鍋食，都係口感同味道一流😘😘無得輸👍🏻👍🏻👍🏻日本A4黑毛和牛三文治中間層和牛，又厚又嫩😆😆個麵包仲好鬆脆igable 之餘，仲好好味😋黑加侖威士忌梳打杯威士忌梳打好大杯，夠曬我地兩個人飲🤣桔梗地址: 旺角砵蘭街160號地下至2樓

太耐無同朋友行街食晚飯，朋友話想去呢間餐廳，所以便早啲去食晚飯，費事晏啲要等位。這間cafe的環境都不錯，座位與座位之間有一定距離，都幾舒適。.🍜台灣牛肉麵 $108我們選了這個期間限定的新菜式，湯底好濃郁，令到d牛肉麵吸收哂湯的味道，再加上牛肉的份量比一般的多，有成五至六片牛肉，而且牛味香濃又多淋，一點都不韌，仲有兩碟配菜。.🥩日本A4黑毛和牛三文治 (半份) $78香脆的多士夾著吉列黑毛和牛，餐廳還選用了熊本県生產的極上和牛，而且餐廳規定和牛要五成熟。和牛食落不會太生及多血，所以食開七成熟的朋友，都可以一試。和牛口感嫩滑，還有沙律醬配合，值得推介。.🥐焦糖牛角酥窩芙配雪糕 $78賣相好靚，打卡一流，牛角酥窩夫烘得外脆內軟，上面還淋上焦糖，混合和雪糕一起食，口感好豐富，仲有肉桂蘋果都幾好味。.🍑熱 •蜜桃綠綠 $15這個做緊限時優惠，好抵飲，味道帶甜甜的蜜桃味，很不錯。.☕️凍純粹拿鐵鮮奶咖啡 $38咖啡香濃，同鮮奶混合得剛剛好，口感順滑。

疫情下可做既事唔多，大多數香港人都會選擇去Cafe chill下~今日就黎左位於旺角一間好出名既Cafe, 係朗豪坊附近, 位置都幾方便!餐廳面積好大, 應該係香港去過最大面積既Cafe, 而且有2層 裝潢風格行簡約大自然風, 餐廳內有唔少既綠色植物~令人心曠神怡枱與枱之間有一定距離, 完全唔會覺得逼~可以好放心咁傾計唔驚比人聽到，減少尷尬情況出現 明太子鍋燒烏冬配吉列和牛賣相好吸引呢！食落都唔差，烏冬配料好豐富，麵質彈牙，湯底亦鮮甜濃郁主角吉列和牛都做得不錯，和牛好嫩滑且帶濃郁既牛香，適當既油脂感令到味覺更上一層樓焙茶芝士蛋糕＆Iced Latte食完個主菜就食埋個甜品啦～個焙茶芝士蛋糕賣相雖然唔太靚，不過味道搭救焙茶既味道清香唔會苦，蛋糕既質地亦好軟滑，芝士味濃郁Iced Latte都幾好飲，而且價錢不貴可惜我地想試既和牛三文治售罄，下次黎希望食到啦如果晚市開返都仲會想試埋好出名既壽喜燒呢！見到menu都好吸引~流晒口水總結而言，性價比不錯既Cafe，環境夠晒舒適，岩晒同三五之己黎傾下計享受一個舒服既假日

星期日真係邊間餐廳都爆晒場。好彩經過呢廢，餐廳夠大，因為有2層，座位好多，所以好快就有位。一入門口，就見到個好大嘅水吧位。位置開揚，望落好舒服。全部餐點都係用QR code 自行落單。午市限定嘅餐單都唔少，指定時間仲有半價優惠添。除咗午餐，仲有單點小食、甜品飲品方面有好多選擇，咖啡、查、Soda、奶昔都有特別嘅餐單仲有燒烤、和牛丼等等最後唔少得嘅當然係日整酒啦。叫左個照燒吉列炒烏冬。份量剛剛好係一人份，不過2個人share 2個餐點嘅話，份量都無問題。味道偏濃少少，一上檯就聞到濃濃嘅照燒汁，食落唔錯。至於配搭方面，雜菜同烏冬嘅比例係50:50，如果烏冬多少少可能口感會更好。明太子鍋烏冬配吉列和牛：炸得剛剛好，火喉到位，外脆內軟👍🏻值得一讚

每次星期六都會係旺角學西班牙文，雖然旺角多餐廳，但是旦行入一間好易中伏，所以平時諗唔到食乜既時候我都會去桔梗🤣雖然lunch menu 唔多，但桔梗既和牛肉燥飯超好食🥺強烈推薦大家點，我帶過朋友，屋企人食三次佢地都大讚和牛肉燥飯($88)比起平時食既肉燥飯明顯比高質，料多飯少，女仔食既應該已經夠飽😆另一個主食我同朋友要左明太子烏冬配炸吉列和牛($168)一樣都好食，金黃色脆皮既吉列和牛炸得鮮嫩，內裡酥香鬆化，不錯不錯

呢間系旺角嘅日式crossover台式cafe地方闊落食物質素都唔錯👍🏻👍🏻照燒豬頸肉炒烏冬🐷烏冬炒得好有鑊氣 豬頸肉應該用左日本🇯🇵味淋來醃 食落甜甜地A4黑毛和牛肉燥飯推介🤩🤩肉燥飯用日本和牛來整果然唔同啲食得出好重牛味 加埋溏心蛋食一流 好送飯個飯用左珍珠米 好有咬口九十毫升的拿鐵☕️咖啡味香濃 拉花好精緻飲落有啲nuts味 唔錯！.📌 桔梗 (#旺角)#旺角美食 砵蘭街160號地下至2樓-#hkig #hkigfood #hkfoodblogger #hkfoodie #食好西 #香港美食 #香港 #相機食先 #hkiger #852 #hkfoodlover #hkfood #hkfoodstagram #hkfoodporn #米線 #홍콩맛집 #香港打卡 #alldaybreakfasthk

之前經過旺角見到呢間有兩層既復古文青cafe📚☕️，已經好想去，所以都bookmark左好耐🤩🤩今日晏晝終於同朋友黎試下🥹一入到黎空間感勁大，地方都好寬敞，位置都好多，樓底好高，完全冇壓迫感，感覺坐好耐hea一陣都唔會好阻住人🤣🤣而裝修都用左木系傢俬，非常有文青風～～🥩明太子鍋燒烏冬配炸吉列和牛 $168因為太鍾意食明太子既野🙈🙈一見到就即刻叫左🥰黎到真係一啲都唔會令你失望，明太子份量好足，唔會太咸都唔會太辣，同烏冬一齊食十分之好食😋而吉列牛外脆內軟，雖然望落有啲血淋淋，但並唔會覺得腥😙🍰伯爵茶豆腐提拉米蘇 $58伯爵茶味好香濃突出，雖然豆腐味唔太出，但並唔會被搶哂成個味道，依然好清香😍而且蛋糕十分鬆軟，岩哂晏晝做下午茶，係輕小依之選🤩🤩

今日去呢間餐廳好有人氣，同朋友聚會真心唔錯，空間感夠大，座位同座位之間闊落，坐得舒服。桔梗和牛COMBOCombo 包含肉燥飯一碗 同埋和牛三文治半份日本A4黑毛和牛肉燥飯 溏心蛋個人推介呢個和牛肉燥飯，唔單止啲肉燥香料好入味，仲食到和牛既肉香，唔會話俾香料搶風頭，加上珍珠米嘅飯香味，好食！溏心蛋就不過不失。日本A4黑毛和牛三文治半份呢碟和牛三文治上枱就好吸引，見到曬和牛既雪花油脂，即刻打個卡先。佢和牛口感好軟，而個多士煎到脆卜卜甜甜地，口感外脆內軟。 另外再配上少少嘅沙律，幾refreshing 。Dirty 係好飲既dirty 😍 唔單止影相靚，仲好飲，味道唔會酸，有豆香味。不過影相就要快啲，好快就會沉底呢～ Iced Caffe Latte呢杯就不過不失，味道都okay 。

餐牌跟電話餐牌有唔同資料，舉手問服務員，睇到都唔理，舉咗差唔多5分鐘，都未問完就走。到成功點午餐，三份唔同時間到，最後嗰份超過35分鐘先到，如果係繁忙時間就算，成間舖頭坐唔夠一半，都唔知佢哋做乜😠😠😠

聽朋友講呢間cafe食物高質，環境舒適，今日係旺角行街經過就入咗去食，餐廳有兩層，門口走簡約風，入面有唔少打卡位。餐廳主打係牛肉，我哋點左明太子鍋燒烏冬配炸吉列和牛。見期間限定幾特別，就點埋炸雞與芝士歐姆蛋配咖哩醬。明太子鍋燒烏冬配炸吉列和牛炸吉列和牛表面炸得金黃，外脆內軟，五成熟牛肉咬落非常軟身，肉質鮮嫩，食得出係高級牛肉，不愧為熊本縣生產嘅極上和牛。明太子比想像中多，糖心蛋煮得恰到好處，烏冬爽身滑口，仲有好多配料，最得意嘅心型魚蛋好睇又好食。炸雞與芝士歐姆蛋配咖哩醬Daily special比想像中豐富，除左炸雞同芝士歐姆蛋外，仲有新鮮嘅蔬菜沙律，以及烤得金黃嘅麵包多士。炸雞雖然外表平凡，但食落好有驚喜，因為炸嘅火喉控制得非常好，表皮粉漿簿而脆，而入面嘅雞肉肉汁仍然鎖住，唔會炸得過老。歐姆蛋亦係高質，蛋煎得香滑，入面中間啖啖芝士拉絲，配合秘製紅酒巧克力咖喱醬汁，成件事完全冇違和感。總括而言，餐廳食物質素髙，環境舒適，下次有機會會再去。