桜

营业中

休息中

今日去元朗幫一個小朋友補習，工作前先醫肚。經過一間日式小店，主打外賣生意，店鋪細細但五藏俱全，手卷款式更加非常豐富。我超鐘意食三文魚，見到當然唔可以放過。厚切三文魚腩拼上蟹柳和青瓜，好適合夏天食呀入口魚香重魚油高，三文魚厚切口感好豐富，紫菜保持脆口，飯粒微暖有咬口。另外多叫一款熱食試試。炸軟殼蟹拼蟹柳拼蟹籽。軟殼蟹脆卜卜入口唔會有油溢味，炸粉夠薄入口好香口，大大一隻好霸氣蟹籽脆卜卜增加飯粒口感，最愛軟殼蟹的鮮味和蟹香。

今日同男朋友番元朗探乾媽媽，其實是我地一個團隊的中姐姐。一直都好羨慕佢住元朗，可以有好多好好美食餐廳，今日探佢之前，經過一間日式外賣店，叫左2款食物試試。海膽拼赤海蝦手卷。海膽濃濃咸香海水味，帶啲清甜，好新鮮，海膽綿密食到最底都仲有海膽，好足料。紫菜微脆好讚賞，好驚食到軟腍腍既紫菜飯粒煙煙韌韌有咬口，唔會好腍。男朋友有啲餓，食左一個魚生飯。三文魚拼帶子拼三文魚籽和海蝦。刺身厚切入口鮮甜，最驚喜是帶子，入口爽嫩好鮮，三文魚籽脆卜卜，一咬爆出鮮甜味道。驚喜日式小店。

網上介紹，openrice呢度食評又唔錯，特登過黎試手卷……點知期望愈大失望愈大……叫左個鰻魚手卷一黎到，嘩，啲鰻魚咩事，燶到咁，燶到唔講都唔知係鰻魚黎！算啦都黎到咪試下囉，一咬落去，紫菜唔夠脆，冇鰻魚味，連鰻魚汁都冇落，唔軟滑，亦都食唔出佢燒完之後既香脆感……冇鰻魚油脂香味，仲要有骨……至於啲壽司飯放得太多，同餸既比例唔一致，醋落得太多感覺太酸，定佢只落左醋喺啲飯度，冇用壽司醋？可能期望愈大失望愈大，如果經過開可以試下，特登黎就唔值得，去元氣食個鰻魚手卷都係一樣價錢，整體黎講元氣好過佢！2星係因為佢都幾飽肚

試食餐廳：桜（元朗又新街35號地下7B號舖）　　　　　好包（元朗西菁街2號興旺樓地下1C號舖）美味指數：$28炸軟殼蟹手卷（6.5/10）　　　　　$35香蒜椒鹽無骨雞翼包（7.5/10）－難得來元朗玩，小女子又怎會只吃午餐便罷休，一於繼續發掘元朗的美食！元朗比較特別，小食店並不像東大街般聚在一起，而是散落在各條平凡的大街上，食客們要細心留意才能發現。首先吸引小女子眼球的是手卷店，它的手卷價錢合理，有多達四十九種款式供應。小女子決定一試店長推介的炸軟殼蟹手卷，軟殼蟹是即叫即炸的，故十分新鮮、鬆脆，不會像超市般，軟殼蟹因雪藏過久而變得硬身。熱騰騰的軟殼蟹沾上沙律醬，再包上冰凍的飯卷，冰火交融，不用再沾豉油已十分惹味！

連續兩日在外工作，非常熱非常辛苦，今天的晚餐真不想再吃熱辣辣的東西了。放工回到元朗想起這店有外賣的刺身飯，於是便來試試。7點多店外都有不少人在排隊等待外賣，我看刺身飯選擇有4-5款，就選了 "三色魚丼" ($58)。比起刺身飯，手卷的種類卻是非常多，我估計至少有30款。我看到她們有相片展示外賣手卷，紫菜和飯是用膠袋隔開，那麼我外賣回家吃紫菜都不會變軟，於是便多點了一個三文魚腩手卷 ($26)。等了十分鐘左右，便拿了外賣回家慢慢品嚐。三色魚丼賣相非常漂亮~ 除了三款不同的三文魚，中間還有牛油果及魚籽！非常豐富！味道方面，三款三文魚都非常鮮味，火炙三文魚熟了一點，但質感算是不錯~ 另外兩款三文魚刺身碎份量亦多，五十多元的確超值！三文魚腩手卷亦很足料，有三大片三文魚腩，很鮮味。這樣的價錢有如此高質素，難怪經常都排長龍。有機會一定會再試其他手卷！

今個Weekend又來到元朗探望朋友的BB，上次來探望BB的時候已經是今年3月份，令次看到的已經不再是一個嬌小可愛、經常睡覺的BB，而是表情多多、精靈調皮的BB了，實在是非常好玩可愛，就這樣，說時慢那時快，不經不覺間便到了晚上8時了… 『嘩，已經8時了，是時候去食晚飯囉…』Step大聲叫嚷著。 『好的，我們一起去吃晚飯吧，那麼你們想吃甚麼？元朗就是一個美食天堂。』朋友笑著說。 『想吃日本菜啊，有沒有介紹？』Step問朋友。 『現在這個時間去吃日本菜的話，現在每間餐廳都會是排著長隊的人龍；Umm…如果你們不介意站著吃的話，我有一間美味又抵食的外賣刺身壽司店，我和我老公經常買外賣呢！！』朋友跟Step和娘子說。 近日天氣炎氣，間中還有大驟雨，但有美味的日本刺身壽司，就算是站在店前吃Step也沒有所謂，朋友所講的外賣刺身店的名稱為『櫻』。 ------------------------------ ~地點位置~ 櫻位於元朗又新街35號7B鋪，如果乘搭巴士的話，可以在又新街巴士站落車，由元朗青山公路元朗段轉入又新街大約步行3分鐘即可到達；如果由元朗西鐵站步行過來的話，距離會較遠，步行時間大

同朋友經過呢間位於元朗的「桜」手卷專門店，見到好多手卷圖片，正值肚餓之際，俾啲圖片吸引左，就叫咗兩個手卷試吓。見到自助點餐紙有50多款手卷選擇，點完餐就俾錢等食手卷，唔夠5分鐘，已經有得食手卷了，首先就係「海膽拼飛魚籽手卷」，見到海膽同埋飛魚籽就快滿瀉了，所以即刻試咗一啖，就咁食一啖海膽已經好清甜，唔使點豉油Wasabi都好正，加埋飛魚籽咬落去嘅爽爽口感，冇得頂！之後就係「帶子拼海膽手卷」，帶子好大隻，而且海膽又是滿滿的，食落口海膽有溶化嘅口感，帶子又有爽口嘅口感，而且兩者都非常新鮮鮮甜，必食。之後我哋叫咗一杯「泰國直送椰子波」嘅飲品，賣相非常特別，原來係用椰子肉包住啲椰子汁，又可以食又可以飲，而且椰子汁清清地好鮮甜，爽。除咗手卷、刺身之外，仲有丼飯賣，牆上面仲有實物圖片可以參考，多款選擇，所以去到元朗，呢間手卷專門店必食之選。

作為元朗人，又新街真係陪住自己長大。想起往時學生時期，連正餐都不吃就愛到小食店隨隨便便逛一圈也可食得肚仔滿滿。今日難得放假，當然走一轉去覓食店面有個超巨大POSTER貼曬各種手卷的圖片、價錢，等大家知道每款手卷有咩材料，同埋對比一下實物是否相符 店內有提供三文魚、帆立貝、螺肉、海膽、魚籽、丼飯...三十蚊就可以買到肥美新鮮的三文魚返屋企加料喜歡三文魚同甜蝦的我就點左1號，果然同幅相一模一樣。兩件肥美又厚的二文魚，雪藏味一點都無，魚的油脂味非常香，再加上超級辣既Wasabi汁，味道就更加出。旁邊的三條粉嫩的甜蝦，非常精緻，一口就滑入口腔裡。壽司飯一點都唔凍冰冰，仲加左醋入去，非常醒胃，辣辣酸酸的味道。叫一個就當然唔夠喉啦 反正叫左兩個手卷就費事拎來拎去，都係新鮮即食啦~~店內就剛好有個企位、高檯俾我地店內品嚐。甚至，提供埋豉油、辣豉油、Wasabi或Wasabi汁俾我地調配。喜歡食攻鼻又辣既朋友，就一定要試下Wasabi汁啦

好耐冇去過元朗 見有時間行下街 行得耐。搵食先 原來元朗又新街有不少食店 一個人都唔想食咁多野 簡單點，又有特式。又唔貴，又好味 看見桜手卷店 店子不大 簡單又日式裝潢 但有不少人門外排隊購票。所以買一份試下。雖然店子細細 但手卷款式超過50 款手卷外。廚櫃仲有不少刺身盛及各式丼本身不太肚餓 所以選簡單又特色的手卷食帶子拼赤海蝦手卷因為愛食赤蝦之餘。亦看下材料是否新鮮最初以為一般日式外賣壽司小店。整好手卷後，用包裝袋包好。原來師父即叫即整。有點意外。而且用上餐紙巾包著手卷比較衛生及方便進食。抵讚。職員捧出來時。有點意外兩者肉質鮮明帶有光澤感。帶子size 是大大粒。厚肉。加上少許醬料。啖啖鮮味。再配上赤蝦。蝦肉帶鮮甜及爽身。吃下滋味悠長。因為赤蝦水準有意外驚喜。再食多份。赤蝦拼三文魚手卷。同樣赤蝦。配上鮮橙厚肉三文魚赤蝦回味之餘。厚身三文魚。沒有根口位置。食落嫩滑美味。加入爽口赤蝦。混入其中。食材好。令味道層次豐富。其實兩款壽司味道好像差不多自己比較愛帶子拼赤蝦手卷。而且店內仲有其他美食， 但今日一個人吃得好滿足。所以下次同朋友一齊可以試得更多美食。

今次入到元朗試吓一間叫做「桜」手卷專門店，一落車已經見到鋪頭門面有一大塊壁報板，上面有差不多50種唔同配搭嘅手卷實物圖片，見到啲手卷圖片非常吸引，所以我哋每人就揀咗兩款手卷嚟食。餐廳提供自助落單order手卷，當然我梗係離不開揀我至愛嘅海膽呀，見到啲海膽咁新鮮，呈現鮮黃色，所以就揀咗「吞拿魚蓉拼海膽手卷」同埋「三文魚拼帶子手卷」，一次過滿足晒我四個願望，哈哈。「吞拿魚蓉拼海膽手卷」賣相非常吸引，而且仲有自助醬油吧比客人加豉油同埋Wasabi落去手卷食。而用嚟包住手卷嘅紫菜好硬身，海膽同埋吞拿魚蓉鋪滿晒係手卷上面，非常足料，食落去有好鮮甜嘅味道，其實可以唔使點豉油同Wasabi都好好食。另外「三文魚拼帶子手卷」賣相都唔差，見到三文魚嘅條紋非常平均，連埋帶子食好爽口，加上紫菜嘅脆口感覺，一啖已經有唔同嘅口感，正！而我個朋友就揀咗「海膽拼飛魚籽手卷」同埋「帶子拼海膽手卷」，佢都話呢兩個手卷非常新鮮同好味呀！除此之外，見到冷藏食物櫃入面，除咗有唔同嘅餐前小吃，海膽等等嘅食物外，見到放喺最底下有一杯好似裝住個白色氣球嘅飲品，原來係傳說中「泰國直送嘅椰子波」，之前見過網上都有介紹過呢款飲品，而且我

剛搬進元朗居住在附近覓食，行到又新街見一間壽司舖，門口有些人在等！喜歡美食的我當然不會放過，便上前看看。見這店手卷款式很多，好吸引呀！價錢亦不算貴：最平$14、最貴$54。 選了火炙牛油赤海蝦。海蝦很彈牙，很爽口，火炙過很香！飯微暖又柔軟，好味yummy！ 另外還吃了三文魚子海膽手卷。魚子同海膽好新鮮！沒有腥味！估唔到外賣店都有這麼好的海膽！除了外賣其實還可以堂食，雖然只得一張小吧枱。對我這些掃街一族，必選！ 這店除了手卷款式多之外還有三文魚帶子蝦及海膽刺身，椰子波榴槤杯等的選擇。可以試試外賣，回家開大食會，又簡單方便！

好耐都無出黎元朗啦～今日出黎元朗行下街👀發現左一間食手卷既店👅我好鍾意食日本野 見到門口都好多人係度等緊，我都忍唔住等埋一份。等緊個陣睇下啲手卷價錢，又唔算貴，十幾蚊都有。唔經唔覺，排下排下終於到我啦，我當然要試下海膽，海膽係我至愛😋😋最后我點左一個海膽拼甜蝦手卷同埋海膽拼赤海蝦手卷。海膽拼甜蝦手卷～好好味海膽同甜蝦都好新鮮啲飯都軟綿綿10000個like!~ 下一個海膽拼赤海蝦手卷😝海膽就唔洗講啦，鮮甜美味，赤海蝦啖啖肉 👍🏻其實依度都可以堂食，有個少少位置可以堂食 ⋯但我見人多數都係外賣👀下次經過依度都可以外賣返去食。下次仲可以試下佢既丼飯同三文魚！咁大件三文魚只係賣百幾蚊，值得推介。

做完野係元朗周圍行，本來諗搭西鐵走，跟住突然見到呢間手卷店.之前係朋友度都有聽過，今日咁岩見到就走左入去試下。一入去可能我地都比較遲，所以唔洗等已經可以即買。 海膽吞拿魚蓉手卷根據餐廳職員講呢個海膽吞拿魚蓉手卷舖頭都幾多人叫嘅手卷，我地好好彩咁岩餐廳咁夜仲有海膽，我地今晚就有口福食到!海膽入口夠晒嫩滑，一啲都唔會乾，夠晒新鮮，而且紫菜又夠晒脆，餐廳果然係即叫即整，一啲都無花假。海膽三文魚籽手卷 三文魚籽最重要嘅一點係入口要夠咸香!餐廳呢個海膽三文魚籽手卷除左海膽入口夠晒滑配埋咸味十足嘅三文魚籽，兩者真係好配合，而且成個手卷份量亦都好足唔會太小，真係好值得一試。二個人各自食一個手卷都食到好滿足，真係又平又飽肚!

一直都知道元朗又新街有好多好嘢食，今日突然想清清地食咗個日本手卷。呢一間野激發我寫食評，因為一間平平無奇嘅手卷店竟然有驚喜。鋪面比較狹窄主要做外賣生意，有超過50款嘅手卷俾你揀。今日想食海膽同埋甜蝦，所以揀咗一個海膽拼三文魚籽手卷同帶子拼甜蝦手卷，而朋友就選了其他兩款。呢度嘅手卷都係即叫即整，用紙剔一剔，師傅不消5分鐘就幫我整好咗兩個手卷。廚房裏面大概有四個師傅，每個看起來都經驗豐富，他們對衛生的要求很高，每個人也帶了頭巾工作。讓我先說一說海膽拼三文魚籽手卷的味道，三文魚籽每一粒也脆卜卜，而且滿滿的，差點把手卷咬一口後，魚籽便飛掉到在地上。海膽亦非常新鮮，不會像其他日本料理店一樣，海膽沒有什麼味道，但這裏的海膽有些微的鮮甜味，而且入口有即溶的感覺，令人感到很幸福，只是輕輕點了日本豉油口感更加出眾。另外的帶子拼甜蝦手卷，兩者的顏色也是白白的，整件事看起來很清新。帶子大大粒，口感濃郁柔軟，不會很硬身，像放了很久不新鮮的刺身。至於甜蝦雖然不是真的很甜，但卻有種脫俗的感覺，吃完後口內不會有蝦肉的殘留物，滑滑的，令人回味。短短20分鐘就把兩個手卷吃光，美好的時光真短暫呢！

嗌咗鰻魚手卷同埋火炙牛油三文魚手卷。鰻魚手卷有四片鰻魚，份量好足，食嘅時候好驚佢跌落黎！配菜有幾條切得幼細的青瓜絲，平衡鰻魚的甜味。鰻魚有少少被燒過嘅味，將鰻魚嘅鮮味逼出來，正！入口重係暖暖地，即燒即食，好新鮮呀！火炙牛油三文魚手卷有三片三文魚，三文魚邊有少許燒焦嘅痕跡。一入口已經食到濃濃嘅牛油味，好香呀！入口重係熱架！好新鮮！值得一讚嘅係佢嘅手卷紫菜係新鮮脆口。我覺得好神奇嘅係佢個手卷係用紙巾包住，成日好驚紫菜會痴係個紙巾度，神奇地竟然冇。食嘅時候因為係企喺度食，成日好驚啲飯會跌晒出黎，好彩d飯夠「痴」，唔會散開晒。見到枱面放咗調味料，有一款叫做勁辣Wasabi，好奇嘅我點左兩滴試下，真係辣過平時食開果d！建議唔好一次滴太多，逐d逐d黎啦。本身唔知道佢係外賣店，去到見到冇得坐有啲sad，因為拎住好多重嘢。不過值得一讚嘅係店員服務態度好好，好有笑容。啲手卷質素好好。如果可以比多幾張枱或者幾張高木櫈會更好！