桜

营业中

休息中

元朗真的是個好多野食及正野食的地方, 其實已經晚上同友人吃飽飯的我, 行過見到有好些人在這間做外賣似的壽司店等食, 就好奇心驅使下就看有什麼好吃的. 見到有好多好多不同的手卷, 見到人Order 完在立食時好似幾正, 我那位為食之女友就問我食唔食 (雖然女友及某人話唔飽去食啦 ==) 好, 我就叫了這個同友人share 來吃, 加拿大海膽手卷 (HKD42), 首先紫菜好脆好香, 一點也沒有被飯的濕氣甚至放過久而出現的韌而腍掉的現象；而這個加拿大海膽更是非常鮮美而甘濃，入口慢慢溶化，連手卷的飯一起一啖啖的吃，絕對滋味。 而這個炸軟殼蟹手卷(HKD28), 即叫即炸, 因為一咬, 差點被燙到, 而且軟殼蟹用上的粉醬薄薄一層, 香鬆炸脆之餘都不會太過成口漿粉, 正呀 (不過如果可以再大隻一點就更好啦~) 而他們的調味料也是細心想過, 因為連Wasabi 都是半液體狀, 方便擠出來於手卷的飯及含料之間, 而且看出不是普通的wasabi, 是自家磨 (不是一包包擠出來膏狀的那種…) 元朗果然是覓食的好地方, 細小的店充滿驚喜細心.

今日去左元朗有間家庭式的餐廳吃個午飯，轉角有間日式手卷專門店，聽人說這間手卷店質素很高，就買兩卷試試。手卷款式有好多，款款都好精美，賣相好吸引！小小窗口送上食物。厚切三文魚腩手卷。三文魚腩大大件，厚身入口魚香好重油脂都好高，魚肉入口肥美豐富，長長的三文魚腩，吃到最後都食到。另一款是海膽拼赤海蝦。海膽綿密入口鮮甜鮮嫩，飯粒中間都食到海膽，份量相當豐富。赤海蝦爽嫩彈牙，蝦肉彈口甜甜的，加上辣醬油味道更加滋味。

今日去左元朗行街，行過經過見到有人排隊買野食，原來日式手卷店，我都趁熱鬧買兩卷試試。門口好吸引，日式手卷款式仲非常多。有我最愛既赤海蝦手卷。赤海蝦手卷加牛油果。我好鐘意食牛油果，特登加左赤海蝦大大件燒得香口爽嫩，入口彈牙鮮甜，帶陣陣牛油香味，牛油果好清甜，飯粒濕潤。厚切三文魚腩手卷。三文魚腩厚厚的，魚油高魚香濃，豐富一件口感極佳，加上秘製辣醬油，辣辣的更是帶出三文魚的魚脂香，紫菜易咬，最鐘意飯粒夠哂咬口。

還記得小時候掃街，其實好簡單，魚蛋燒賣，已經好滿足。時至今日，掃街依然是很多人的興趣，但掃街的食物已經演變了不少，其中一樣新寵兒就是手卷。自己是手卷愛好者，貪佢大件夾抵食，但平時只會在餐廳才點手卷，總是覺得在街上吃有點格格不入。但眼見以掃街形式出現的手卷店越開越多，總要找個機會體驗下。今天來到出名的又新街搵食，這裡一向是元朗的搵食天堂，一段時間沒來，依然十分熱鬧，還發現這裡多了一家手卷店。晚上七時多，排隊買的人已經絡繹不絕。大大個牌介紹有咩手卷揀，選擇豐富，而且全部手卷即叫即做。火炙牛油三文魚手卷 $24牛油加上火炙令三文魚表面看上來很吸引，同時又散發著陣陣火炙香。飯的份量都不少，令手卷看上去飽滿，而且紫菜還是脆口的，這個即使是餐廳也未必完全做到。旁邊的自助區已經有wasabi同豉油，可按個人喜好加入。加拿大海膽手卷 $42這個加拿大海膽手卷應該算是豪華級，作為海膽迷的我必點。本身已經有大量海膽鋪滿，不像平時吃到的"就住就住"，即使吃到接近中間位置仍有海膽。海膽味道唔差，沒腥味，以掃街形式加上$42的平價，絕對收貨。想不到在街上吃手卷可以同樣有餐廳吃的感覺。除了質素唔錯，wasabi同

平日甚少去元朗, 因為對於我來講真是較遠, 早前因為工作關係, 入咗去元朗, 難得入來, 見到一間叫桜手卷食店, 順便食少少嘢先走. 我是被門口的手卷圖片所吸引住, 一眼見到多達五十款的手卷, 真是令人眼花撩亂, 不知怎樣選擇. 我先點了我最愛的軟殼蟹手卷. 這個是即點即整, 所以要稍等一下. 店外放了一張高枱, 方便客人食野. 枱上還放了各款各樣的醬汁, 客人可以因應自己的喜愛而加入醬汁. 炸軟殼蟹手卷. 上枱是香味撲鼻. 紫菜還帶點脆口. 軟殼蟹都算大件. 外層帶點脆身, 內裡軟身, 唔會覺得太乾和硬, 味道調教不錯, 不用加任何醬汁. 再來一客熟蝦手卷. 蝦肉幾彈牙, 蝦肉也有不少. 這個手卷相對較淡口, 我就混入豉油和芥末一齊食, 多重口感. 這裡除了手卷, 還有丼和小食選擇.

剛打完波，有點肚餓， 想食少少野，行過元朗食街又新街，見到間壽司鋪，對住個公園食手卷，可以一試。咁多款食邊款好呢？我㨂左帶子海膽手卷。 海膽好新鮮， 金黃色的，好像芒果雪糕。帶子就一般般，下次可以只叫海膽手卷。朋友揀左鰻魚手卷， 佢話鰻魚燒得好味道，鰻魚汁夠濃， 但如果可以有多一塊會更好。旁邊放左Washabi, 液體的wasabi 放便放入手卷中，好貼心。 食呢個wasabi 已經辣到上腦，鼻涕都流埋出來。朋友有勇氣試埋勁辣wasabi, 佩服佩服。壽司製作的時間差不多五分鐘左右，所以不用等很久就可以食到新鮮弄好的手卷了！滿分為10分(1分最低，10分最高)食物：8環境：8衛生：8服務：8價錢：8舒適度：8總分：8

今天跟朋友來到元朗郊遊，玩到很晚，肚子都餓了，決定去掃一掃街。 又新街出名多小食店，我們吃完燒賣意猶未盡，再行前少少發現新開了一間手卷店。 這間店名叫桜，好有櫻花的感覺，右手面放滿了各類手卷的價格，圖片清晰又夠大，好容易就能找到想吃的。手卷價錢$14-54都有，價格都好親民，隨意揀選了2款來吃。 點餐以自助形式，寫在點餐紙上，先付款後叫號碼取食物，旁邊還有枱子供客人即場食用，枱上有各款醬油及wasabi可自己添加。 厚切三文魚腩手卷 $34三文魚真的超厚切，而且油脂分佈均勻，入口啖啖肉，魚腩好豐富非常新鮮，食到中間都仲有三文魚，可見份量特多。 帶子拼海膽手卷 $48滿滿既海膽，見到都令人好開心，海膽入口鮮味十足，帶子好大粒好鮮甜。紫菜帶脆脆的口感，而壽司飯味道不錯，酸甜度剛好，飯粒柔軟，但一定要快點吃記，否則紫菜好快變腍。超豐富的手卷，吃完兩個已經飽了。

喜歡吃手卷的朋友，我誠意推介大家到這家桜手卷品嚐一下這家的手卷。這家店舖有總共超過四十款以上的口味，款式很多，多到眼花撩亂，很難選擇。另外，地理位置亦非常方便，這家店鋪位於元朗很出名的X記甜品旁邊，非常容易找到店舖的位置所在。再者，這家店鋪員工服務態度亦不錯，點餐的速度，點餐後不到5分鐘已經能夠品嚐這家店舖的美食，非常有效率！👍🏻👍🏻👍🏻😎因為我自己本身很喜歡吃三文魚🍣同甜蝦，所以這次挑選了三文魚腩手卷🍣和火炙牛油赤海蝦手卷。三文魚腩手卷肉質十分鮮甜😋👍🏻，沒有任何魚腥味道，另外，三文魚腩非常厚身，非常有口感，十分彈牙。所以，如果怕吃到魚腥味魚生的朋友不妨一試，相信你地試完這家店的手卷後必定對魚生另眼相看，食過翻尋味！😍😍。另外，火炙牛油赤海蝦手卷亦值得一試，海蝦十分新鮮甜美，配上火炙既香味，十分惹味。如果喜歡重口味既朋友，亦可添加由店舖製成既醬油，有辣有唔辣，任君選擇！🤣🤣

某日, 行過路過, 見有間立食的 手卷店, 反正口痕痕, 亦見沒有人排隊, 價錢又平到笑, 於是便幫襯 ....Menu ~吞拿魚蓉手卷 $ 24 : 手卷是即點即製的, 紫菜夠脆身, 壽司飯有適當的醋味, 餡料吞拿魚蓉打得算是綿滑, 而且份量也多, 加適量的豉油, 就是好吃 ~海膽拼赤海蝦手卷 $ 46 : 赤海蝦爽口彈牙又鮮味, 海膽味道甘甜, 有海膽原有的味道而不苦, 兩者拼起來作為手卷的餡, 味道是剛柔兼備, 口感和味道皆相當有趣, 以這個價錢來說, 就算是相當不錯了 ~小店人手不多, 吃完手卷之後, 記緊幫忙把手卷架放回櫃面給工作人員 ~這間舖頭除了手卷之外, 還有刺身和一些飲品買的, 或許下次會買來一試 ~本篇完 ~

經過呢條街發覺好多人等緊，身為手卷愛好者既我又點會唔試呢！係係云云嘅選擇入邊我揀左呑拿魚海膽手卷同厚切三文魚腩手卷。呢間鋪頭好細心，除咗用紙巾包住手卷嘅尾部，仲會連埋手卷架一齊送上。拎咗手卷之後，即刻去隔離嘅枱仔嗰度落豉油，除咗有普通嘅Wasabi同豉油之外，仲有辣豉油同勁辣豉油。為咗試吓海膽嘅真正味道，直接狠狠地咬左落呑拿魚手卷度，第一個感覺係海膽十分之鮮甜，海膽大大塊加上呑拿魚每一啖簡直係雙重享受。之後就到厚切三文魚腩手卷，係相都可以見到，三文魚係真厚切，咬落去成個口都有種脂香，之後好辣既我就加左勁辣wasabi，都唔係想像中咁接受唔到，鐘意食辣既人一定一要試試。另外，見到牆上貼左幾張丼飯既相，下次決定要黎試一試。

放假冇野做，一於同朋友悠悠閒閒入元朗搵野食同hea下啦。去到元朗其中好出名既又新街，依道附近無論小食同餐廳都多到令人花多眼亂，行經過依間手卷店，見外面有少少人排緊隊，再望下個menu，好多選擇呀，而且價錢公道口痕痕又想食返件。咁多款真係好難揀，最後就揀左最鐘意既加拿大海膽手卷。等左一陣就有得食啦，就咁望上去真係鋪滿左好多海膽，絕不欺場！海膽果然鮮甜，因為依款係加拿大海膽，比起韓國或者其他地方既肥美，雖然份量望上去唔會有滿瀉既感覺，但佢每粒海膽都好大粒，海膽味夠濃，而且仲會好creamy。食完最上面d海膽，以為下面淨係得返壽司飯，但原來佢中間都有放到海膽，好細心，成個手卷都有濃濃既海膽味！然後食完晚飯，再經過依間鋪，因為太回味無窮！都係想試多次，但又因為太飽既關係，咁就決定嗌外賣遲d食。本身諗住encore海膽，但都決定試下新野，就嗌左個三文魚蟹子。但返到屋企太飽，放到第二日午餐先食 一打開手卷就見到佢中間都鋪左蟹子同三文魚，等你唔會食到中間得返d飯咩味都冇，果然真材實料！雖然食材隔左一日，但都仲保持到新鮮，紫菜都保持到好脆！三文魚加埋蟹子好有口感，佢用既蟹子都係比較大粒飽滿，咬落好爽口

同友人放工走左過黎元朗，去左出名多野食的又新街食晚餐。其實本身食左野，想離開元朗之時，經過呢間手卷店，好多人排緊隊同等緊於是同友人即使好飽，都想試一試！這是桜 手卷店的店鋪超多款選擇，差不多有50款。而且價錢跟一般的手卷店差不多，都是大概$14 - $50最貴的是海膽三文魚籽手卷$54。當然ORDER了海膽手卷！海膽量超多，鋪滿左成個手卷，一粒飯都見唔到。海膽鮮味十足！而且海膽顏色好鮮艷！最驚喜係中間！食下食下，估唔到中間都有海膽！坊間其他的手卷店只會鋪在表面。桜   手卷令我十分喜出望外！於是………忍唔住叫多左個手卷外賣！外賣叫左 帶子拼海膽手卷$42。PACKAGE 也不錯，有一個膠盒裝起，不會壓爛！真係超足料！$42超值！第2天早上食，紫菜也沒有’淋’！而且帶子及海膽也很鮮味！怪不得這麼多人排隊也要吃！以我暫時吃過的手卷店來說，真係超值而且十分推薦！

​ 今次是想推薦平日在下班或午飯時間上光顧的手卷店。 這裏的位置在又新街，距離元朗大棠路輕鐵站也比較近， 附近有不同的餐廳食肆，這間手卷店在比較當眼的位置， 第一次的食客很容易找到！ 呢到手卷款式都有好多，現在每日放工經過都在挑選新的口味試試， 火灸的基本都嘗光了(賣相和味道較吸引)， 而且最重要的是這𥚃賣的手卷特別便宜， 在這個價錢下食到如此出色的手卷也是一個驚喜！ 火炙三文魚腩手卷 呢到燒既火灸三文魚特別惹味，見到幾個食客都點左呢個， 所以就點個試下，而且份量真的好多(比起其他手卷店只有一塊)，直程啖啖都係肉！ 帶子拼甜蝦手卷 兩款都是我最喜歡的刺身，本身以為除左份量多無咩特別， 食落去先感受到它的鮮甜，兩份比例剛剛好，所以唔會有邊種搶左味道。 當然呢到除了手卷都有其他刺身賣，例如海膽，飛魚籽等， 這幾適合買翻去開飯加料，或者當係小食， 很多元朗附近上班族下班就會在這裡外賣回家。 然後當然是一些刺身丼或鰻魚丼！在晚上甚至會有人買完在外面吃 (順帶提一下，這裏亦有桌子和調味料提供，食客可選擇在這裏堂食！) 桜 地址：元朗又新街35號地下7B號舖

表妹正正是元朗街坊，假日我們總會約出來吃吃喝喝，今次由表妹的女兒帶我們去嚐新潮的元朗本地小店美食。一條「 又新街 」直落，左右兩旁都集結不少食肆，沿路延伸的數條橫街亦是食肆林立，日與夜都可以賣不同。 要數出在「 又新街 」及附近出名的食肆，B 仔涼粉、天鴻燒鵝、亞玉豆腐花、雞粥、其奧花生糖 ...... 這完全在元朗人心中是耳熟能詳。 *☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ*☻;:*♥+ゞ 桜有五十多款手卷出售，單是手卷的照片已可令店門面繽紛不少；驟眼看過，售價最貴的是 $ 54 的 海膽三文魚籽手卷，最便宜的是 $ 14 的 螺肉手卷、甜蛋手卷、炸三文魚皮手卷、蟹柳手卷。這兒並非單賣手卷，店主動動腦筋左右配搭也可弄出 丼飯 及 刺身 來賣。 更難得是這裏竟然有泰國直送的 椰子波 及 天然椰子水 出售，椰子波即是已經去掉所有皮的椰青，直接用飲管把椰子波內裏的椰青水啜掉後便可直接把椰肉吃掉，滑嘟嘟的 ~ 我們每人各點一個手卷來吃，因為表妹的女兒說一個手卷應該有半碗飯的份量，可以外帶也

元朗區總是給我很多回憶，每個角落每個地方都仍想著「您」；【您】可能是舊或新的一個。人生中每個人都會經歷過「悲.歡.離.合」永遠一開始是甜蜜，但日子久了的確需要磨合.體諒而長久地走下去。近期身邊的總是有些戀愛的經歷而煩惱，其實只要從『心』出發用心去對待，「她」是會感受得到。突然在我腦海中又響起張敬軒的歌曲-櫻花樹下《桜》花正開有時限，你能否捉緊嗎？正所謂:「熱情會冷卻」，錯過了就無得回頭吧！經過又新街想起很多與『您』的點點滴滴，有時候食物不需要是名貴，只要與您身邊的那個同吃便是最好的。 本夜相約一位久違的友人，我倆相識了近十年我想已洞悉對方的性格，完全毫不保留去表達心中所想，無所不談我深信這是一種「緣份」。「緣」來身邊總是有人留意「您」的一切，我想應該要學懂感恩人家對您好並不是必然的。 地方不大的《桜》只有立食在此，但卻滿佈人流可見吸引力。單看門外大型紙板，色彩繽紛的手卷進入眼廉完全不知如何入手？不過友人一早洞悉我的喜好，海膽永遠是我的喜好之物。我倆每人單點了一客手卷為晚飯前揭開序幕，是有期待過的。三文魚併吞拿魚蓉手卷 $32一直吃壽司或是手卷，個人都比較偏好三文魚。三文魚的肥美而且營養