梨泰院

营业中

休息中

收工去屯門練箭前又去屯市food count食飯，呢間梨泰院聽個名都知係食韓國野，之前食過一次個泡菜豬肉湯飯就覺得普普通通，無寫到食評，今日第二次食就寫返個感想啦。餐牌都擺晒出黎，價錢黎講就比較進取d，一般既韓菜小食都有。安東燉牛肋條配飯套餐原價88蚊，跟餐加20蚊有飲品，海帶湯同泡菜，先講講主菜，實物同圖片真係差好遠呢，所謂牛肋條只係d牛腩仔，細細粒，有d仲有少少韌，質地就一般，牛肉湯就幾甜幾好飲，好過跟套餐果碗海帶湯，配菜有2大舊紅蘿蔔同白蘿蔔，紅蘿蔔ok，白蘿蔔就有1舊比較生，好硬，1舊就正常，白飯用珍珠米軟硬度適中，講埋套餐跟既野，泡菜算幾好食，唔會好酸少少辣，海帶湯就一般，飲品就限左指定3款，揀左個蘆薈汽水幾得意。總括食左2次既感想，食物就一般般未叫好差，但價錢略高d，性價比較低，口痕係呢個food count想食下韓國野都可以試下。