梨泰院

营业中

休息中

收工去屯门练箭前又去屯市food count食饭，呢间梨泰院听个名都知系食韩国野，之前食过一次个泡菜猪肉汤饭就觉得普普通通，无写到食评，今日第二次食就写返个感想啦。餐牌都摆晒出黎，价钱黎讲就比较进取d，一般既韩菜小食都有。安东炖牛肋条配饭套餐原价88蚊，跟餐加20蚊有饮品，海带汤同泡菜，先讲讲主菜，实物同图片真系差好远呢，所谓牛肋条只系d牛腩仔，细细粒，有d仲有少少韧，质地就一般，牛肉汤就几甜几好饮，好过跟套餐果碗海带汤，配菜有2大旧红萝卜同白萝卜，红萝卜ok，白萝卜就有1旧比较生，好硬，1旧就正常，白饭用珍珠米软硬度适中，讲埋套餐跟既野，泡菜算几好食，唔会好酸少少辣，海带汤就一般，饮品就限左指定3款，拣左个芦荟汽水几得意。总括食左2次既感想，食物就一般般未叫好差，但价钱略高d，性价比较低，口痕系呢个food count想食下韩国野都可以试下。