梨滿園韓國料理 (已結業)

忽然間想食炸雞, 同埋友係旺角搵左一間, 韓式炸雞放題.價錢好平, $128位, 韓國啤酒仲買2送1, 送抵.入到去, 2個人安排左個4人卡位, 好寬落, 舒適.炸雞有5種味, 薑蔥味, 甜辣味, 芝士味, 蜜糖味, 秘製將油味.我自己黎講, 最鐘意食甜辣味同蜜糖味. 甜辣有D酸酸甜甜, 好開胃, 食完一件想食第2件.另外個雞肉好滑, 一D都唔鞋. 另外有韓國啤酒飲, 真係正宗韓國啤酒. 順滑, 易入口, 女仔都岩飲

行開女人街，又見到開咗新嘢，叫梨滿園咁得意，一聽就知係韓國嘢😂😂，即刻被佢炸雞放題吸引咗！一坐底嗌咗五款雞各一款，先上咗六小砵等咗10分鐘左右五款炸雞都上埋😍有薑蔥 甜辣 芝士 蜜糖同秘製醬油！其實呢五款雞雖然放喺同一個碟上，但咩味打咩味其實一目了然😂😂😂我首先食咗芝士先 雖然唔係芝士醬，但淨係芝士粉都好夠味，仲辣辣地添！薑蔥我連埋蔥食，食完個嘴好臭但好正🥰甜辣真係有啲辣 要飲多兩啖茶，但甜甜地配埋都幾夾！蜜糖係我最鍾意嘅😝因為我嗜甜😝痴笠笠好惹味😛秘製醬汁都有啲辣 舊雞係深色啲，一定分得到 都幾好味！我地覆桌時都係每款嚟多一次😝因為真係其實款款都各有千秋，木每樣一件就啱啱好我地仲嗌多咗個牛肉石頭鍋飯，真係好大碗😱其實我地係見佢$58 咁抵先嗌嚟無淨係食雞咁dry，估唔到咁豐富！OMG 我地自行加醬拌，真係好多料，每人食到2-3 碗，好飽！例湯係蘿蔔湯，入面有白蘿蔔洋蔥同大量胡椒，食完勁暖胃！呢餐飯真係比到好多驚喜我😝下次再食韓國嘢又喺旺角一定會再嚟😝

一聽到可以任食炸雞，就立即衝去食，90分鐘任食五種口味炸雞。首先有平時韓式六小碟，味道正常。📍炸雞🔸非常香口🔸肉質鮮嫩🔸有不同部份。.📍薑蔥味🔸最特別最好食🔸必選🔸原來薑蔥同炸雞係好夾。.📍秘製醬油味🔸濃濃的韓式醬油味🔸都係必點之選.📍蜜糖味🔸味道正常🔸濃濃的香甜蜜糖.📍甜辣味🔸韓式的甜辣醬配上炸雞一絕。📍芝士味🔸本人認為可以不試，只是芝士粉。😋味道：7/10🙃回頭：7/10💰消費：$128

係網上見到呢間鋪有得任食炸雞，同埋係李家既炸雞，師傅好似幾抵同幾有水準咁，一於黎試下。佢入面都幾大，同埋有好多卡位，都坐得幾舒服。炸雞方面，我叫左醬油同芝士兩種口味，因為係即炸，所以都等左一陣，但無令我失望! 啲炸雞上到黎勁香，熱辣辣，個皮好薄好脆，一咬落去好多肉汁，尤其是醬油味，入面啲汁甜甜地，正!除此之外，我仲叫左個燉牛肉，我覺得呢個都係必食，佢炆得好稔，好容易就可以整走啲骨，同埋非常入味，好好送飯，佢啲羅白都炆得好稔，又無渣，啖啖滿足。叫一個細份已經有4 件牛同兩舊大羅白，同朋友share岩岩好!食炸雞點少得啤酒，叫左枝裝韓國啤，佢會比個雪凍左既杯你裝，保持冰凍，非常貼心

平時食開韓國料理除咗可以食到美味嘅肉外，其實仲有好多美食可以品嚐，今次就去左呢間韓式料理店開飯估唔到係度都有炸雞食真係有驚喜，又多一款特色美食選擇，而且仲有個任食炸雞套餐簡直超值，係口味方面都有五款咁多，有薑蔥、甜辣、芝士、蜜糖同秘製醬油味肯定食得滿足食得炸雞襯返杯啤酒一邊飲一邊食就最正，想食得開心D就一於點齊五款不同口味嘅炸雞一次過同時品嚐晒即叫即做保証食落夠晒香脆，等左一陣終於見到份量十足炸雞真係好吸引先食件香脆蜜糖炸雞夠晒惹味，外脆香甜之餘，又食到鮮嫩雞肉啖啖肉汁口感一流到另一款係秘製醬油炸雞味道特別香濃，炸雞吸收醬油精華食得份外滋味眨眼間食完一碟再來一輪真係滿足晒食慾，咁又食咗一餐超值美味韓式炸雞。

早幾年係韓國食過橋村炸雞之後🍗一直都想係香港發掘下好味既炸雞🐣今次係旺角試左呢間炸雞放題質素都幾唔錯🥢.一座低 店員會比客人選擇六款前菜🥦🥬🥒雖然唔算非常精緻 但都好開胃👍🏻又會推介炸雞必食既酸蘿蔔🥕.炸雞一共有5款口味✋🏻❇️薑蔥味🌶甜辣味🧀芝士味🍯蜜糖味🥢秘製醬油味薑蔥味& 秘製醬油味最特別最好味👍🏻😉鹹鹹甜甜好入味而且好順口多食幾件都會覺得好滋味😙Encore一定會揀呢兩款🤤芝士味係細個食既芝士波波味道👶🏻蜜糖&甜辣味係傳統炸雞口味不過不失🙌🏻.呢間炸雞係用上全隻雞去炸啖啖肉之餘雞脾部分超嫩滑😋炸漿都算薄脆 醬汁款款都好惹味食完炸雞貼心店員仲會送上足料綠豆沙清熱之餘解解油膩感🐥

行開旺角 見到呢間有炸雞放題 仲要唔貴 就即刻捉埋男朋友入去食一坐底先會上一碟有齊五隻味既炸雞 （包括蜜糖 甜辣 芝士 醬油 同埋薑蔥味）炸雞炸得岩岩好 好嫩滑 而且係即叫即炸 夠曬脆口 我同男朋友都最中意薑蔥味 蔥香再加淡淡既芥末味真係令人食唔停呀我地食到一半左右就encore左 之後仲encore左蜜糖同芝士味 雖然即叫即炸係要等d時間 但係只要提早10分鐘左右叫下一碟 90分鐘一定夠食到飽一飽同男朋友一共食左4大碟 飽到傻呀買單都只係$218 超抵食呀

食慾之秋，到左秋天就會更好胃口，今晚放工約左同事去食炸雞，配埋啤酒，好似韓劇主角咁，好好放鬆下。呢間梨滿園係旺角，見有90分鐘任食炸雞，價錢都好抵，先128蚊，就決定入去試試。發現佢炸雞味道都幾多種，總共有5種口味。首先甜辣味，感覺有少少似食緊糖醋排骨，帶少少辣味，加埋炸雞啖啖肉，好過癮。而蜜糖味同薑蔥味有少少相似，不過我就鐘意食蜜糖味，甜甜地加埋香脆表皮，夠曬滋味。至於秘製醬油就感覺雞肉滑身d，配埋特別醬油味相當唔錯。既然有炸雞，當然唔少得啤酒。我地兩個都叫左韓國啤酒，買2送1。而最用心係酒杯都有事先雪過，唔會因爲室溫影響啤酒溫度，飲落更爽快。最後，我地驚太熱氣就叫左養生人蔘雞湯，價錢估唔到咁平，而且份量都多，不過略嫌咸左少少，人蔘味再出d就更好，配飯都唔錯，不過我地食炸雞都已經飽飽地，就無加飯。總括黎講，性價比都高，呢個價錢任食炸雞真係食得過。

韓國炸雞出名就係人都知，香港依家都唔少炸雞店，不過價錢就普遍唔平。今次朋友推介旺角呢間食炸雞，仲係任食添～間舖都幾闊落，少少韓國feel～首先出場嘅係前菜，韓式醃蘿蔔、泡菜、大豆芽等等，好醒胃！第一時間試下d炸雞先啦～炸雞total五種口味，酸甜味、薑蔥味、蜜糖味、芝士味、秘製醬油味～我最推介嘅係蜜糖味，熱辣辣得黎唔會熱氣，外脆肉嫩～甜辣味都唔錯，少少辣少少甜好刺激味蕾～食完炸雞然後order一個海帶湯，食韓式料理點可以唔試海帶湯啊～海帶湯認真俾個like，海帶海鮮味濃冇味精，足料得黎好味！如果一大班fds食當然仲有其他選擇譬如烤肉等等，餐牌望落都幾吸引，或者下次再試下～

係旺角同朋友行完街搵地方食晚餐係旺角橫街之中有棟幾新淨既商廈叫deli2 原來裡面都有野食喎搵到呢間韓國料理既餐廳 睇menu原來係有炸雞放題架即刻好興奮 冇諗咁多 就食呢個啦而且睇價錢真係唔算貴喎炸雞放題係晚市先係$128仲有五款味 我地都好期待另外張menu就有啲晚餐本來諗住黎食韓國菜 所以都再點咗兩樣食先黎有六個前菜 都唔錯 仲可以任食先叫哂五款炸雞黎試下先有薑蔥味 甜辣味 芝士味 蜜糖味 秘制醬油味炸雞食落有微辣 好惹味食咗一轉之後 我地鍾意秘制醬油味同芝士味所以下轉再叫集中再食佢地特別醬油味個醬係有驚喜 唔會勁咸個隻 係咸咸地但帶點甜 好香好食主食方面 韓式炒粉絲粉絲炒完都一條條好分明 唔好散加埋椰菜食落好有口感 而且好鍾意佢炒粉絲個汁好甜又好入味食唔停口 係意料之外既好食韓式韭菜餅煎得好香脆 加埋韭菜味道更加有味香口 另外仲可以叫呢啲韓國罐裝飲品係韓國餐廳食野都必飲整體餐廳價錢好抵食 最估唔到除咗炸雞 連主食都咁好食 下次會黎試多啲主食

💁🏻‍♀️ 梨滿園韓國料理 (旺角) 🍴-炸雞🍗放題（$128）燒肉放題食就食得多，炸雞放題系香港就真係少見。呢間餐廳🍴絕對嘅炸雞迷嘅天堂，百幾蚊就可以瘋狂食五款炸雞，包括薑蔥味、甜辣味、秘製醬油味、芝士味同蜜糖味。炸雞外表唔單只香脆，入面仲好juicy有好多肉汁架～～炸雞🍗師傅來自韓國好出名嘅李氏炸雞，識食嘅記得加多罐啤酒🍻送炸雞，一定要試吓！水冷麵如果食炸雞想解膩不妨叫個水冷麵，唔似出面果啲淨係得舊冰，呢個水冷麵唔會凍到震，個湯好爽口，麵條夠勁道，高質！牛肋骨湯（$58）另一推介！個湯夠濃郁，仲有粉絲等配料，夠飽肚/📍 梨滿園韓國料理 (旺角)#旺角 通菜街1A-1L號威達商業大廈Deli2 1樓

任食5口味炸雞梨滿園韓國料理旺角通菜街1A-1L號威達商業大廈Deli2 1樓炸雞放題？！5款口味可以90 minutes 內任食，薑蔥味、甜辣味、、秘製醬油味、芝士味、蜜糖味！去擦餐飽先啦，每樣食一件都抵啦！真係令人心大心細，每口味都試，整體來講雞皮好脆唔會太油膩，唔驚食到一嘴油。肉好厚身大大件雞架，拿起來用手直接食先滋味。芝士味係係炸雞上灑了芝士粉，味道帶甜唔係太重芝士味，其實我自己鍾意重芝士鹹香多過偏甜薑蔥同醬油有點中菜風影子甜蜜味似去了bbq, 有層甜甜黏黏架蜜糖係雞皮面！甜醬就有點泰國醬架影子，又有韓式甜辣醬的記憶浮現出，不過醬落得好重手，有點滯.Ps上菜超慢，勉強只能點第2次怕唔夠飽？任食雞外散點其他menu 上食物都得架！不過價格唔包炸雞以外架食物，但食5-6件雞已飽上心口啦

之前就去過旺角的女人街吃飯公司吃飯，然後就看到旁邊的這一家韓式料理店，看到有一個優惠是$128 任食炸雞當時朋友就說，下一次我們可以試這一家，所以就出現了這一篇食評。$128 任食炸雞，還有五款口味可以選其實單點真的很不劃算，因為小份$98 大份$158, 但是任食才$128還有一些韓式料理可以點，價格也不貴點完餐就會送上六碟餐前小吃任食炸雞，一開始是不用點味道，因為第一盤一定是五個口味也有芝士味：芝士味尚可薑蔥味：最喜歡薑蔥味，因為夠哂重口味又很特別，想不到薑蔥配炸雞，會是一個好吃的效果甜辣味：辣味蓋過了甜味，但是我喜歡辣，所以我覺得OK蜜糖味：很像BBQ的感覺醬油味：這個也很好吃，那個醬油味很惹味，再加上炸炸的炸雞，不錯之後再點了一次：芝士味和醬油味韓式炒粉絲 $56這個炒粉絲是帶一點胡椒粉的味道，所以味道很足夠，很適合重口味的我韓式蔥餅 $38有朋友說粉醬太厚，但是我覺得很好，因為我喜歡吃厚實的口感而且蔥味再加上蛋香，很開胃！總結來說，性價比很高的小店，因為價格便宜和味道在水準之上。

夜晚同朋友去旺角食韓國菜，之前都同朋友黎過呢間餐廳都食炸雞放題，覺得好正，所以今日專登過黎食其他菜。有好多傳統既韓國菜式可以揀。韓國菜必有既免費前菜！我地今日就點左醬油蟹，呢個醬油蟹好大隻，同埋有埋蟹膏，將啲醬汁連埋蟹膏撈埋飯食真係好正，再食埋啲啖啖既蟹肉，正！我地仲點左呢個傳統韓式辣炒年糕，年糕食落去好煙韌，除左有年糕，仲有啲公仔麵同其他配料。呢個香煎辣泡菜餅都唔錯，好大份，同埋又唔會太辣。最後，仲有呢個好refreshing既水冷麵！

今日放工太肚餓，一心諗住黎旺角食個放題刷餐勁嘅，黎到之後聽朋友講，原來旺角有間韓國餐廳出左個90分鐘炸雞放題！既然係咁，我地唯有改變主意去食炸雞啦🤪就算係任食放題，佢既價錢都係超值，$128/位食到飽哂，仲有5款味道任君選擇，抵過就咁散叫好多呀😍😍當然都唔少得唔同種類既韓式飲品啦😆😆首先黎左個前菜，全部都醒神開胃飲品我地兩個都叫左無酒精既，兩杯都係唔算太甜，唔會搶左炸雞既味重頭戲既炸雞！5隻味入面特別喜歡蜜糖、芝士，佢地入味得黎又唔會話太重口味，食完都唔會覺得太漏，所以我地都encore左呢兩隻味最後叫左個海帶湯作結，驚喜既係竟然海帶湯入面都有雞！而且好足料好豐富！個湯上到黎仲滾緊，真係值得一讚🥳