梨花園韓國料理 (已結業)

琴晚同爸爸媽媽家姐去慶祝父親節揀左去梨花園食飯 因為爸爸之前係韓國做左好多年野 平時除左飲茶係佢最愛之外 korean food就係佢最愛估到禮拜六果到會幾多人..好彩我醒扒一早book左位一入到去...佢冇招呼我地...我老豆係咁嗌佢都冇彩我地...真係好不知所謂!!!!!好啦..坐低左,我老豆用韓文同佢落ｏｒｄｅｒ（正常一間正宗既韓國茶館　經理級點都會識聽小小韓文）大佬．．你唔識聽都算．．可唔可以唔好成日係到黑面同埋白鴿眼人地叫左薄牛肉　羊肉　五層肉　牛骨湯去到邊到都會食既五層肉真係好好味　薄牛肉就冇牛肋骨咁好食　因為唔捨得呀羊肉有ｓｏ味．．只屬一般般以上既食物黎齊果陣時　我發覺小左樣野　冇平時夾開既生菜同埋青蔥絲我爸爸問：點解冇生菜？細眼經理：你落ｏｒｄｅｒ咪有囉！我爸：唔係跟埋架咩細眼經理：總之我地呢到係冇得跟啦．要嗌先有我問：咁果ｄ青蔥絲呢？細眼經理：都係要嗌先有黎左個生菜之後．．成家條氣都好唔順．．比錢你賺　你ｄ態度堅係好不知所謂仲未黎個青蔥　我就問個韓國婆　佢拎左黎比我地到最後埋單　ｃｈｅｃｋ單果陣發現係冇計個青蔥絲錢　都係韓國婆最好總結：對呢間野既細眼經理超級極度不滿意

原本開開心心去食飯,誰不知送槌仔!係食飯O既過程中,食客會受到餐廳待應.經理O既面口所感染,都會變成黑面人!我O地叫O左一碟牛脷兩碟牛肉,牛脷又穌又韌又無味!牛肉仲恐怖,件件都係黑黑O地色,味道麻麻!有人請....我都唔會再去!

今晚為慶祝細佬生日, 佢想吃Korean Food, 我就想起梨花園! 因為以前在上環食過唔錯, 今次去尖東分店食lor! 點知換來一肚氣... ...!由於我們點了一款菜與Menu中圖片不符，這店的"謝经理"卻不愿意回应, 不理會我們的需求跟進, 換來同一碟菜放在桌上。反見他对外國客人态度殷勤, 对本地客人卻存在不理態度。當時鄰桌的韩国人也點了同一道菜, 但卻跟Menu中的圖片一樣, 那韩国人也看不过眼都批评那位經理"UNFAIR"‧今晚点了两千元的菜, 就因為這店經理的態度, 我地有老有幼, 只想快點吃完離開。其他侍应的服務都算合格, 但對這店謝經理的服務態度实在是不滿意!

同事們午餐就近又到梨花園, 今次不選石頭飯, 點了一客泡菜炒飯前菜又如常的没甚新鮮感, 同事的一客生牛肉飯給了我一點, 很可惜的是生牛肉內没有雪梨絲在內, 欠了點甜蜜感覺, 經理曾游說我們以石鍋上生牛肉飯, 可以令牛肉生熟, 我們當然拒絕吧, 點這個就是為了生牛肉, 為何要半生熟呢?另一同事的石頭海鮮飯, 並没特別, 可能吃得太多吧! 自己的泡菜炒飯炒得差極了, 炒飯不夠鬆散, 泡菜多但味道不足, 肉絲少的程度似有還無, 不知他想給我還是多手下了一點呢?招呼ok, 勝在不用排隊又可以安心坐耐一點, 不過就不要點泡菜炒飯便好了.

其實梨花園D食物都唔差, 幾新鮮, 味道唔錯! 點解d食評咁差??? 可能係職員問題!勁黑面呀, 但係我都唔會理佢哋...好食就可以啦。

好AGREE樓下位人兄所講,D侍應黑口黑面,好冇禮貌!!上兩個星期日7點幾到,爆晒,個侍應好似唔休做咁,我地兩個人想話等位,佢可能嫌人少唔想畀我地等,大大聲話「你有排等架喎」,總次想趕走你咁款,之後好勉強咁叫我地留個電話,結果20分鐘後又CALL BACK番話有位,但我地已經去左小南國LU於是對上一個星期,我地六點左右到,但之後乜都擒擒青,一見我地停手就起勢收,即係叫我地走啦至於食物水準只係一般,我覺得銅鑼灣間金羅寶好食好多,淨係泡菜都闊佬過呢間好多!總結:唔會有下次!!!

同同事lunch黎呢度食飯, 我地9個人叫左9個set (因為訂台時梨花園講明9個人係一定要叫9個, 吾可以share既, 佢地費事係9個女仔叫6個賺少左卦)石頭飯$65, 有d貴. suppose一個set有5碟配菜既, 我地9個人理應每人都有5碟, 點知黎得2 set 5碟配菜, 侍應說係咁架wor, 每1 set都比多我地咁講, 我睇下四圍其他台既食客, 一個人有5碟, 2個人又係5碟, 不過分量同我地9個人都係一樣!!! 我地同佢理論之後佢地就"好好心地咁"比多1set我地lor!d侍應個個黑口臭面, 叫佢地又吾多應人, 我地叫既石頭海鮮飯找小小海鮮都無, 成碗都係蘿蔔絲. 芽菜, 得一兩粒bb蠔士干(勁細粒)....!!一定無下次!!

中午到這兒午飯, 皆因另一間韓式食肆真的吃得太多了, 相比之下這兒的裝潢雖比不上, 但椅子好坐得多點了一客海鮮石頭飯$65, 不算便宜的午餐, 皆因它的份量不算太多, 一個人份量剛剛好, 但不知為何海鮮石頭飯, 只有很多很細粒的乾身蠔仔, 而且全部都是預早用蠔油調了味的, 很細隻又很咸很un, 十分怪………不過飯做到有飯焦, 蔬菜十分多, 蘿蔔絲、生菜絲、青瓜絲、芽菜等, 十分健康, 如果海鮮可以改一改善便更好了.

都好一排冇打食評, 今日唔知點解, 真係好想記低今日所吃的。因為2位美人朋友同我, 大家都一齊o係尖沙咀中心唔願郁, 見到水牌有好多食肆, 我就任性地揀左呢間梨花園, 不求其他, 只求吃其韓式前菜。一入到去, 韓國人佔大多數。食住燒烤, 飲住真露, 好不陶醉。一個人下班後的真正享受, 我認為莫過於此。因為冇乜胃口, 只叫了海鮮煎餅, 石頭飯同炒魷魚(個名一定唔係咁唔老黎的, 算啦, 百無禁忌)。等左好一陣前菜才上桌。一共8小碟。最出色的是麻油拌的雞脾菇, 爽脆得來又香; 蕃茄蛋都好食, 蕃茄已去皮, 一口咬下去鮮甜多汁, "必曬出來"; 其他味道都過得去, 反而我期待的金漬麻麻地, 味道唔夠透徹, 不酸不辣, 只有菜青味, 是本人最怕的金漬也。食完前菜, 主菜一次過上曬。石頭飯有小姐拌好, 分成3碗, 分量好似少左d, 俾著我100%戰鬥力就一定唔夠! 今日而言, 是剛好。石頭飯飯身稍淋, 可能是接近關門時間關係罷, 唔夠香。同同區的錦城比, 是輸的; 同city super!的梨花園比, 夠win有突(唔知可唔可以咁比呢)! 90大洋也經濟實惠!海鮮煎餅混著好多韮菜段煎, 雖略濕且魷

本人代上司在麼地道的梨花園定位食晚飯, 預定了位之後再細問地址, 由於此女服務員不是操純正廣東話,本人也耐心聆聽怎料當我再問清楚時, 對方反而以極不耐煩的語氣及趕著掛電話﹒本人只好上網查地圖!! 極感無奈!~之後, 當知道是位於帝國中心一樓, 便再打電話詢問有否海景位﹒怎料又是這位女服務員她聽不明白"海景"是什麼意思, 我便嘗試用英文問有冇Sea view seat, 此時她用極不禮貌的語氣及不知是否韓文一輪咀講野... >_< 我已經忍冇可忍問她是否唔識聽... 此時她更惡地鬧我"我係唔識聽, book 左位就得啦!!" 因為是幫上司定位, 怕會有什麼影響所以我唔敢鬧佢...只說“算啦”我未講到“咁booking照舊啦”佢已經Cut 左線!!!!!!!!嘩!!發生咩事, 定位食飯都咁可憐又唔係唔俾錢. 但已令我對韓國人產生極度壞既印象,更加永遠都唔會去所有梨花園既餐廳﹒而我所有同事也會罷去!!真係不知所謂!

其他地方的梨花園未食過，帝國中心這間開左10幾年，由韓國土產大長今下廚、招待，冇去幾年，風味格局仍舊高檔。牛肉及牛肋骨非常新鮮，什茹唔差，雞肉就一般。海鮮餅冇什麼海鮮，但味道不錯。梨花園食物的種類很少，食慣港式什麼也有的自助韓國料理的人也許不慣。但人家做的多是熟客生意，靠的是口碑，sell 的是quality，而非quantity。看菜單，見選擇少，也許失望。食下去，港式韓國料理根本不能比。不用叫窩飯，自有白飯和湯送。小食絕不含糊，五個人有成十幾小碟(不知道點算碟數，韓國人會多碟d)，有泡菜、辣豆腐、番茄蛋、咸魚仔(勁正)、菜、豆、牙菜等。小食餸白飯，一流。唔係d侍應唔多想理人，人地d中文是有限公司…價錢方面，雖然稍貴，但飯、湯、小食不另收錢，沒其他古怪收費，只收加一，蠻公道的。

這一間梨花園的海鮮湯一流啦！是當日部長(定經理)介紹我飲的，他還說要10:00前order，如果韓國師傅放了工沒有人會煮到，我心想：「有冇誇D！」只是都叫了一客。哇！好味到不得了！又鮮、又辣！後來我想介紹朋友去試，她嫌遠，我以為間間梨花園一樣，便去了加拿芬道那一間，又叫了一客，但是完全不是那一回事，D辣椒粉味重到不得了，完全冇鮮味，攪到我「老貓燒鬚」。真係好想再去飲呢個湯，大家都試試，希望她的水準可以維持。

第１次黎依間～平日黎都幾靜，ｄ侍應淨係掛住招呼外國人～唔係幾理我地，係個部長好少少。生牛肉：好好味！平日唔鍾意食生野ｏ既我～都覺得易入口，好鮮味！唔會血淋淋架，碎碎地啖啖肉。烤餅：好多油！好似食蔥油餅咁，面頭勁多蔥囉！下次唔會再叫～韓燒：一般，牛肉同雞肉就醃得唔錯，好入味。雞肉就好淡～但個爐都唔錯，夠猛火易熟！海鮮鍋：唔覺得有幾「海鮮」淨係得ｄ魷魚，幾隻蝦同幾舊蟹。入面主要係豆腐，金菇～而且個湯底好辣！勁多紅天椒！但之前叫睇ｍｅｎｕ都冇話辣ｏ既！整體黎講好一般～只係韓燒保持水準囉！

周末晚上, 朋友原本想試剛在尖東開分店的小南國, 點知地方隔涉都全場爆滿, 於是近近地就黎左呢間. 呢度都唔弱, 都只係岩岩好有張檯, 安置到我地一行五人.前菜有七、八款, 感覺製作得幾認真, 味道亦好. 有人話想食烤肉, 見到有個二人餐, 好似幾抵, 但食物比較"行", 於是散叫豬頸肉同美國雪花牛肉. 前者醃得好入味, 肉質幾爽; 後者實物同相片有距離, 但油花分佈均勻, 無醃過都一樣好食. 例湯係蘿蔔牛骨湯, 幾鮮甜, 師傅唔算勁.後來見到有幾檯都叫二人餐, 份量幾大, 肉類賣相不俗, 第時有機會可以試下.再來係例牌的石頭鍋飯同冷麵, 前者熱辣香口, 後者就普通, 部分麵條黐埋一舊舊. 仲有海鮮麵豉湯, 少少辣, 有蜆等配料, 好惹味.雖然唔係叫左好多野, 但碟頭唔細, 五個人都食得飽, 埋單每人百鬆, 食物又有水準, 其實幾抵食. 加上侍應們態度幾好, 由入門口幫我地搵位兼換檯既熱心waiter, 到之後負責上菜、好好笑容的waitress, 都令大家好滿意. 係近期食得最滿意的一餐韓國料理.

星期五晚, 一行五個女子點了大長今御膳餐, 每位$250.00. 但係一D 都唔飽, 仲要加添一個燒牛肋骨及豬. 埋單盛惠每位330大元. 成餐飯最好味就係個'水果沙律', 其他全無印象. 張卡位檯其細無比, D菜一到, 我地就要拿拿林分落各自的碟. 成餐飯食完, 都無人換碟, 又牛骨, 又蝦榖, 又沙律汁, 一碟都係.... 如果係X羅寶食$330.00 一位, 都不知幾好味, 招呼都不知幾好, 炆牛肋骨及燒牛肋骨簡直一流. 所以廣告都不能盡信... 敬請各位三思,三思.