棉花仔外賣速遞

营业中

休息中

之前都有叫開呢間外賣，質素份量都ok，但近排叫過幾次都一般般!呢個粟米斑塊飯望落以為好多斑塊粟米汁，但實情唔係嘅！下面已鋪好哂白飯同娃娃菜墊底，得兩舊大d 嘅斑塊，其他都係零零碎碎幾小舊咁！諗住斑塊少都算喇，我用汁送飯！點知汁又奇少！完全送唔到飯！最後剩低大半白飯未食用左$38大元食白飯，想用汁撈飯都撈唔到唯一係個湯真係唔錯，住家湯嘅味道，飯真係有待改善........................

今日無咩謂口食早餐同lunch, 所以等到兩點九到就叫棉花仔外賣, 叫左個"渙門脆豬扖飽餐"飲熱華田...豬仔飽焗得好脆, 又多生菜絲, 豬扖好味又唔un....只嫌不夠熱, 咁樣一個餐只係$18, 抵到爛..另外到左三點幾四點, 同事門再嗌tea...haha, 食左好多野...推介:渙門脆豬扖飽椒鹽墨魚丸椒鹽魷魚我地係下午茶常客嚟架....

懶得出街星期三,睇過幾個外賣店網頁後,覺得棉花仔是日午餐似乎幾好食,同同事各叫一個做午餐。蜜汁金沙骨配蠔油鮮竹卷飯:三件金沙骨帶點肥肉,還算多肉可食,味道偏甜總算似蜜汁味;蠔油鮮竹卷似乎係自製,入面真係啖啖肉,如果可以加d甘筍之類爽口蔬菜會比較好,而家的確有d漏;配上一堆炒紹菜,叫做平衡一下營養。除左一盒飯有齊蜜味、蠔油味、豉油味之外,唔知係邊樣問題,飯盒底好油,絕對唔可以食到底,今次似乎選擇錯誤。羅宋湯夠濃夠多蔬菜,味道都係偏甜,合我口味!如果可以帶d辣味會更對口味。不過唯一唔好係唔夠熱,飲住溫吞吞湯感覺唔好!!翻叮後就好好多。食完呢個午餐,成個下晝都好滯,最後要一人一杯大熱檸茶解膩,下次唔制lu!!ok面係比個湯既。

叫了一個5香肉丁抄一丁+凍OT $21一丁唔係幾夠辣,面就唔錯幾好味唔會抄到好多油但就好似小左D囉,而配菜好似仲多個面錦,比較細兜左小小但我最欣賞係佢D外賣包裝好靚好衛生.比到人好光淨既感覺..送外賣速度都幾快

見到棉花仔的食評出爐，超有親切感，因為小妹亦時有幫襯!　葵芳的外賣店不少，棉花仔、順子、食好d、葵發等等，棉花仔能夠突圍而出，是需要一點過人之處的；這點過人之處，我覺得是服務。　首先，接電話落單的多是溫柔的小姐，而非粗聲粗氣的阿姐。即使落single order，棉花仔都不會嫌煩，甚至會問你要幾點送貨；相反部分外賣店要自己爭取幾點前送貨，要求了都只覆一句"盡量啦!"...　食物味道分別不大，好處是稍為少油，賣相也較靚，叫太陽蛋就真的上一隻分明的太陽蛋，不會變了炒蛋。還有一點都是關於服務的，就是叫湯麵它會分開湯及麵送，以免麵會浸得太淋，十分細心。　因此，索價$23-$28的午餐其實不貴。不過必須注意：棉花仔建議午市11:30前落單，否則有排等!

好唔好食就見人見智啦！以貨櫃碼頭路呢邊黎講，算係數1數2，不過係講佢價錢囉，我就多數幫襯順子外賣，價錢合理d，食物好食d，多d選擇得黎又幾創新，所以我發覺棉花仔而家張餐牌d食物都要抄順子，不過順子一樣係要等好耐，有時都等到幾激氣，如果講接電話小姐，我公司d男同事就個個都讚順子，因為d男同事經常問送外賣來果d人，知道順子接聽電話果幾個都係靚女，咪係咁讚囉，我就覺得2間服務都差唔多啦！

以貨櫃碼頭路呢邊黎講,棉花仔食物包裝算係數一數二,外賣盒用上微波爐膠盒,飲品又似星巴克一樣有個瓦通紙圈防熱,不過羊毛出在羊身上,所以呢度價錢都比一般飯堂昂貴。今日早餐為煎蘿蔔糕+熱奶茶。宣傳書仔話蘿蔔糕係自製,唔知係咪方便煎熱關係,蘿蔔糕較為硬身,食落唔太覺有蘿蔔絲,不過臘腸粒都算多,而且煎得夠時間,所以都幾香口;另外所落既豉油甜甜地幾好味。熱奶茶送到黎已經唔太熱,我無落糖飲都竟然ok,茶味夠濃唔澀,有水準bor!! 服務方面,接電話小姐溫柔有禮,會問清楚客人所需醬料,幾細心;如果可以改善一下食物溫度同埋送達時間,應該會更加好。