棋子燒鵝 (新港豪庭)

营业中

休息中

叫咗個燒鵝拼叉燒飯完全冇提出要求要肥叉啲叉燒完全係肥都食唔到每一嚿叉燒有4分3都係肥膏完全食唔到啲飯又太爛燒鵝啲肉又梅又少多數係啲骨劣評完全唔會再嚟呢間幫襯！！

近公司lunch去買外賣，服務態度差勁！之前問過話冇某個熱飲，落外賣見到佢禁機又有問可唔可以轉，野飲未開始整，西哂面問我想點 之後我話算數。最好笑係最後返公司發現執左個9唔搭8既熱檸茶來，落既公仔麵又變咗米粉🤬之後到一出碗麵時(未包落袋)，已即刻上前同另一店員講想加薑蓉，佢又唔耐煩話下次早啲講，但我上次試過落單時講佢最後係冇幫我加🤦🏻‍♀️不如問返你哋想點？貪近公司先幫襯，講真旺角咁多野食唔食你唔會無選擇，永無下次😓

自己睇，冇呃人，真係好搞唔掂，唔會再食，又橡筋又發泡膠，啲菜重有陣怪味，十幾蚊都咁嘅質素，打電話去同佢地講，聽電話個員工態度好似係我做錯野欠左佢咁，一個推一個，就係冇人出聲道歉負責任，到底當客人系咩？唔需要你比啲咩，但個客比左錢買野食，基本衛生都要注意下，一盒有我可以話冇注意，兩盒都出事只能證明真係污糟，發泡膠可以話細粒睇唔到，條橡筋有我手指尾咁長有咩好解釋？只能話冇洗，煮個個又咁睇，出餐個個又唔留意，咁請問你地公司員工番工做緊乜？？？

話說，今次去棋子燒鵝買咗盒外賣，一心諗住斬半隻燒🦢鵝返去加餸，點知某人話今日唔想食鵝😑，想食叉燒，仲話要食瘦叉😳。吓？瘦叉😵？！好柴，好嚡口，好難食嗰喎😔。但係，你又可以唔買咩🥲...棋子叉燒 $64/半斤估唔到🤔，棋子嘅叉燒又燒得啱啱好喎🥰，唔會過燶👍，所以就算我叫了瘦叉，啲肉一啲都唔嚡，仲好嫩好好食😋，讚👍。總括而言，棋子嘅叉燒真係唔錯😋，下次唔理咁多，一於試埋半肥瘦😆。

星期日比較遲起床，最鍾意去茶餐廳食個brunch，飲杯港式奶茶。經過看到這間茶餐廳，是以燒鵝為招牌，相信燒味一定唔錯的。而這裡的常餐，通常是有個湯粉或麵、煎蛋、多士和飲品等。但這個常餐可以加錢改為燒鵝。所以入內一試。-常餐-燒鵝湯意粉 本來是叉燒湯意粉，特意加10元改了 燒鵝，燒鵝皮脆肉嫩，肉味濃。還有 2條菜心，意粉份量都不少。-煎蛋火腿 有2隻煎蛋，叫了反蛋。-牛油厚多士-熱奶茶 很地道港式奶茶，茶味香濃，奶茶香 滑。

燒鵝瀨粉好好食😋😋😋下午茶價錢好抵因為我本身食嘢都唔係多😌所以份量啱啱好食一碗已經好飽好滿足❤️即叫即整冇得輸🥰叫埋杯凍檸茶🍋加埋都係四十幾蚊燒鵝份量都唔少又夠大隻🥰個鵝皮好趣卜卜🤤🤤點埋個酸醬簡直一流外觀整得好靚會增加食慾😍😍😍地方雖然細但方便環境夠乾淨地址又好就腳👍🏻一落街就有得食啦🤗🤗🤗服務員態度非常好因為我每次都要問服務員攞杯水洗筷子🥢💕💕💕💕💕💕

叫咗個外賣,特登叫半肥瘦。返到屋企一開睇到呆哂, 完全入唔到口,燒鵝叉燒肥到冇肉食咁。一定冇下次，價錢又唔算平 。水準咁唔穩定，點做生意啊大佬買個燒味都食到一肚氣，都唔知係咪斬剩拎出嚟賣。

星期日出面超多人，就係附近棋哥燒鵝食嘢坐低唔知食咩好，侍應哥哥建議可以食原隻鵝脾飯新鮮出爐，咁就試吓啦！有驚喜🥳皮脆肉嫩滑，香噴噴原隻咬，撕開肉汁爆開口感非凡 😎🤓跟餐餸左個熱湯（足料）食完燒鵝再飲真係絕配 讚賞👍🏿侍應哥哥有禮貌殷勤熱誠

聽聞呢間燒鵝好出名，而大家都知有燒鵝賣嘅地方少之有少，所以當然要一試。正宗燒鵝瀨聞落好香燒鵝味，雖然d 燒鵝係浸落d 湯度，少左燒鵝味，但燒鵝燒得幾好味，超重燒鵝味同事好淋，只可惜表面無咁乾同香，因為浸左落湯。瀨粉好重燒鵝味，同好彈牙，不過呢個價錢同份量真的太少，鵝只有4-5細舊，瀨粉得正常嘅半份但都$4x 燒腩仔瀨表面唔脆，燒腩仔係好淋身同半肥瘦，幾好味，但只可惜太少呢間野燒味係幾好味，但d 燒味浸曬落湯度令到d 燒味有點失色，同時份量超細份，cp 值唔高，雖然好味，但未必再試

今次啲燒味接近完美我有加$12定係$10轉胸肉所以多好多肉雖然之前試過有一次加錢但係發覺根本全部都係骨但係今次啲肉就好多啦叉燒肥瘦適中唯一同剛剛開業有啲唔同嘅係覺得啲飯偏硬咗少少有啲旱係唔係落少咗水？同埋啲鵝個汁調味好似冇咁濃同甜不過我都覺得一樣好食同埋如果多少少汁放落個飯度就Perfect♥️曾經叫過一盒好差嘅燒腩仔差到我之前都有特登上嚟劣評之後嗰幾次叫都越嚟越進步希望越做越好會繼續支持！同埋可唔可以網上外賣平台 可以增加一個加姜蓉的選項？因為冇叫雞但係有時都真係好想食姜蓉就算唔送一盒少少哋加喺旁邊都好呀希望你哋睇到我嘅意見

每一塊燒腩仔 只有十分之一的肉大家看見末端的粉紅色部份也不是整塊肉只是脂肪上層有一點點簿簿的肉膜真的很失望懷疑堂食的話會不會給這一種質素好像是在吃脂肪而且$98也不是特別便宜沒理由會給這一種貨色吧