棋子燒鵝 (新港豪庭)

营业中

休息中

Nice Chinese roasted goose with @Tai Kok Tsui..My family and I went to a restaurant called "Ki'son Roasted Goose" (棋子燒鵝) located in Shop B&C, G/F, Metro Regalia, 51 Tong Mi Road, Tai Kok Tsui大角咀塘尾道51號新港豪庭地下B&C號舖..this restaurant specializes in various chinese BBQ protein."Roasted goose vermicelli soup"燒鵝賴粉HKD$68.the vermicelliis al dente.the goose is juicy ,tender and succulent.with nice roasted Crispy skin.highly recommended .."chinese roasted goose rice"燒鵝飯HKD$68.the rice is nicely cooked, eac

叫左2個普通燒鵝雙拼結果俾左淨肥膏位我, 我朋友就有脾位我問姐姐可唔可以換有啲肉既師傅就話依個係背位 我話咁我想換佢就話下次要講明唔要背部想問下有冇人係專食背部肥膏？定我下次要講明 唔要背 唔要頭 唔要頸 唔要pat

今日就嚟到呢間位於大角咀同埋旺角附近嘅燒我舖頭食咗個下午茶，佢有好多下午茶嘅優惠，平均一個餐都只不過係30至$40包埋嘢飲今日就試咗個燒鵝瀨粉，燒鵝燒得非常夠味，啲皮仲有少少脆配埋賴粉就真係一絕，不過略嫌啲肉唔係好夠，不過30幾蚊嘅茶餐都唔可以要求有幾多，仲嗌咗杯凍檸茶非常之好飲，以下午茶舖頭唔算好多人坐落好富落雨都可以慢慢舒服咁樣坐，冷氣亦都非常之夠。下次嚟嘅話可能會試埋，叉燒同埋其他唔同嘅燒味

🍗鹽焗手撕雞拼燒腩仔瀨粉 以燒味店嚟講，棋子嘅食物擺盤幾精緻，唔會油笠笠亂糟糟上碟。份量亦好大方，對得住個價錢。味道方面，鹽焗手撕雞唔會太過鹹太乾身，抵讚。燒腩仔外皮香脆，算瘦，未必啱鍾意食肥膏嘅朋友。燒腩仔若能切細件啲，溫度熱少少會更好。🍗叉燒拼燒鵝飯叉燒係五花肉，有一層層肥膏向中間個層，食落係爽口，但個人喜歡梅頭個款肥叉。燒鵝係呢間店嘅主打，食落燒鵝嘅油香向度，肉少少偏「un」，皮算係脆嘅。中午時人流量多，好多人都叫燒鵝，燒鵝去貨速度快，相信唔會拎陳年貨出嚟賣，否則會係乾淨淨。欣賞餐廳keep住燒鵝新鮮👍🏻套餐有老火湯贈送，老火湯足料好味道。人均消費約$60。舖頭細小，唔算坐得好舒服，加上冷氣唔夠，炎炎夏日坐得有點辛苦。撇除環境因素，棋子嘅食物質素唔錯，係我嘅常去餐廳之一👍🏻

父親節臨近，今天落去旺角街市搵下食材，回想起爸爸間中會掛住燒鵝味道！一於行過天橋黎到新港豪庭#棋子燒鵝 ，先黎預祝父親節。到正日就食番清啖D。餐廳環境還可以，比傳統燒臘鋪來得乾淨和整齊。見有個抵食2人餐，就叫黎試一試!燒鵝(例)燒鵝皮超級脆，鵝肉都幾多油，好Juicy。叉燒肉質卻完全唔鞋口，入口鬆化同軟腍。配飯一流。菜心油菜份量足夠二人分享。鹽焗及麻辣手撕雞再叫個小食，雞肉口感鮮嫩，唔韌。配飯、米粉、凍檸茶、凍華田價錢大眾化，無加一服務費，質素也挺高，值得推薦比鍾意食燒味嘅朋友仔。 

棋子燒鵝，一間抵食又大份的餐廳。今次下班收工，又和Foo到了棋子燒鵝食晚餐。人均消費$120左右。鴛鴦手撕雞飯$54 白飯份量超多，一大碗。鴛鴦手撕雞的份量同樣驚人，裝到滿滿密密麻麻的一碟。大胃王都可以食得飽。兩種風味手撕雞，一次過滿足雙重滋味。口感緊嫩有光澤，肉質新鮮有咬口，餸飯一流。麻辣手撕雞飯$50 Foo叫了麻辣手撕雞飯，其實和鴛鴦手撕雞飯差不多，主要分別是: 只有麻辣風味。口水雞半隻$88 切割排位整齊美觀，麻辣香味—— 未食都聞到。新鮮多肉，連皮食都不感肥膩。口感嫩滑，麻辣風味好開胃。郊外油菜$20 一大碟，排到高高的，好似城牆，哈哈。翠綠新鮮，飽滿清甜，好健康。老火靚湯裡面材料好足，啖啖住家風味，養身健康湯水。凍檸茶凍檸水

用餐日期：2024/05/12用餐時段：午餐用餐費用(每人）：$58餐廳環境：冷氣足 室內不多座位 人多時可能要搭檯 服務：服務員服務態度正常 點菜上菜都快 味道：點了棋子燒鵝飯，送了例湯1-棋子燒鵝飯$58*2：份量足 上檯時飯夠多夠熱 飯上淋了不少醬汁 2碟上都有約10塊鵝肉 這家燒鵝飯的鵝肉都是塊塊有鵝肉 是食物和服務加分的地方 不像很多其他鵝店的燒鵝飯有一半鵝塊是超肥或沒肉食的 這家2碟燒鵝飯內的10塊鵝肉都新鮮不肥夠嫩滑味道很好 鵝飯有鵝油香味 整體味道非常好 推薦給喜愛燒鵝肉的人2-例湯$0*2：份量足 湯也不咸不肥味道好 推薦總結：我是好鵝肉的人 香港很多燒/滷鵝店都有去試過 這家是最常去的其中一間燒鵝店 這家的燒鵝飯價錢合理份量足味道好 也有免費提供好味的例湯 是值得推薦的本地燒鵝店

♡ 香港燒味專家 ｜棋子燒鵝 ♡-每次想食燒味 就一定會嚟棋子燒鵝發現佢唔止燒鵝好食 其他嘅燒味都認真唔錯值得一讚 性價比都好高難怪每次放工之後都見有好多人喺佢嗰度買燒味啦😍最抵食嘅就梗係佢哋嘅二人餐啦 ～ $218 就可以叫兩樣燒味 加兩個飯或者粉 - ♡ 燒腩仔 ♡ 今次就試吓佢哋嘅燒腩仔啦 真係喜出望外 勁好食 😋外層香脆鬆化 帶埋咸香 豬腩肉肥瘦適中-♡ 燒鵝 ♡ 一如既往保持水準 外皮燒得勁靚 好香脆 油脂豐富 仲有陣陣鵝的油香。-♡ 油菜 ♡ -♡ 飲品 ♡ ✨龍鳳檸樂 ❥#⇢店鋪資料：棋子燒鵝 (新港豪庭) (大角咀)大角咀塘尾道51號新港豪庭地下B&C號舖## 🔍尋找同區美食📍➾ #礦泥黃X旺角-#hkig #hk #hkfoodie #hkgirl #foodie #hkfood #foodstagram #foodblogger #foodgasm #香港美食 #香港好去處 #香港小店 #相機食先 #手機食先#拍拖好去處#香港美食地圖#香港美食指南

門口望到隻鵝， 睇到流口水。今晚同小白兔食到舐舐脷。佢話要認住這隻鵝， 因為夠特色。 睇下餐牌先， 主要都係食燒味。今晚點了二人套餐$218。碟碟都擺得整整齊齊，估唔到2百零蚊都咁有質素。例湯 花生雞腳眉豆湯 十分足料，清熱解渴下火棋子燒鵝 例牌特色煙燻燒鵝，皮超脆，肉嫩滑， 肥瘦適中 ， 好香鵝油味。叉燒 例牌擺得超整齊，特別要求瘦叉，真係無肥，啖啖肉，唔會鞋口。郊外油菜菜心唔會有渣，新鮮。跟餐仲可以選擇瀨粉/米粉粉質嫩滑，湯超熱最後飲返杯咸檸7夠鹹夠甜，完尾ending

好久沒吃燒味，有點想念那種味道，走到旺角街頭有出名燒鵝的棋子燒鵝🤤。餐牌：今天跟朋友兩個人來吃，選擇了2人套餐，有燒鵝例牌1碟、1款單拼燒味、油菜1碟、白飯/米粉/瀨粉2碗和老火靚湯/飲品2份，足夠兩人份量有餘，而且比單點更抵食 。燒鵝：鵝油脂豐富甘香，配飯吃很美味😋，皮香脆有煙燻味，肉質嫩而不嚡，經高溫烤過後仍保持到肉汁和油香 。燒腩仔：層次分明，明顯的五層，肥瘦雙間，外皮金黃酥脆，不會過鹹。2人來說這份量算很多，每人大概有9件燒腩仔，很抵食。米粉：米粉都還配有菜心幾條，真的落足本。白飯：大大碗份量多，飯粒粒粒分明，濕潤而且帶點煙韌口感 。郊外油菜：蔬菜新鮮很甜，細心地有切開適合長度方便進食。喜歡廚師把蠔油倒在旁邊，可以隨個人喜好蘸取醬汁 。飲品：凍朱古力：凍飲清爽，可惜偏淡熱檸水：吃完油脂豐富的燒味，喝檸水能有解膩的感覺 。

每次經過「棋子」都會被玻璃窗的燒鵝吸引住，這次亦不例外，見燒餓肥肥胖胖，簡直令人口水直流，就帶著媽媽入內開餐。原隻燒鵝髀飯棋子的燒鵝是採用煙燻製作，配合獨門研發秘方醃製，所以燒鵝髀色澤金紅，入口啖啖肉，肉質鮮嫩多汁，最重要是皮薄豐腴，甘香不膩。桂香切雞(半隻)雞肉鮮甜嫩滑，能夠吃出雞食本身的油香及肉香，感覺原汁原味，最重要是雞皮爽滑，脂肪量不多，蘸上薑葱油，非常滋味。全日常餐常餐包括樽子叉燒意粉、棋子炒蛋/煎雙蛋及火腿、牛油厚多士或牛油方包及飲品樽子叉燒意粉叉燒片肥瘦厚薄適中，肉質軟淋不柴，帶有蜜汁甜香，湯底挺鮮，讚。棋子炒蛋炒蛋又香又滑，入口有濃郁蛋香，蛋汁亦夠豐富。

難得放假，突然想食燒味，今日我就近近地，走咗去屋企附近嘅棋子燒鵝度食😂。棋子燒鵝(例牌) $148賣相同Duck哥🦆一樣幾靚仔。燒鵝燒得皮脆肉嫩🥰，鵝味鮮濃😋，食落去仲滲出鴨油。燒味雙拼飯 $54我要咗油雞加燒肉，油雞🐓浸得入味肉質嫩滑；燒肉🐖表皮燒得非常香脆，肉質軟腍🥰，肉味香又有肉汁，好好食😋。鹽焗手撕雞(小食) $283️⃣種價錢，分壹隻、半隻或者小食份量，我就叫咗個小食份量🥰。鹽焗香氣襲鼻，手撕雞🐓肉質滑嫩多汁，好味到停唔到口，早知叫半隻食😂。

和朋友晚上聽完講座附近很多食肆都已經關門，8:30來到這間新開的連鎖燒味店，都幾乾淨，還有少量的燒味可以選擇。【原隻燒鵝髀飯】當然要試吓招牌的燒鵝髀飯，脆皮中間有一層薄薄的鵝脂，鵝的香味都幾濃郁，咬落去都多肉汁，不會太鹹，每啖送飯吃實在是大滿足。【叉燒燒鵝瀨粉】叉燒時半肥瘦的充滿蜜汁香味，燒鵝的味道引出香味，而且啖啖肉，配上瀨粉又夾。【叉燒油雞飯】選了瘦叉燒，不會太乾身，油雞又嫩滑，雙拼燒味飯價錢亦適中，本身送例湯好食今晚已經冇晒。【油菜】消滯之選。

有唔同分店嘅棋子燒鵝，燒鵝當然最出名，不過其實其他燒味都正㗎，例如叉燒我都好鐘意🤤早幾日去大角咀做嘢，行返出旺角時，見到塘尾道有間，又同同事入去食咗餐。叫咗個二人餐，有燒鵝例牌，自選單拼燒味例牌，一碟油菜，加埋白飯同飲品，夠晒食👍🏻燒鵝揀咗下庄，有脾食，肉佔多，皮夠脆，食落去仲滲出啲鵝油，好香啊！單拼燒味就梗係揀叉燒啦，半肥瘦🤪肉質軟稔，入口鬆化，例牌都好大份，兩行加埋廿幾件🥢油菜正常發揮，新鮮夠嫩就得了，店員有問我地想要蠔油定豉油，可以有得揀係好嘅。嗰日係晏晝大概五點去嘅，見幫襯嘅都係街坊多，keep住有客不過未算好忙。所以見到啲燒味同菜都整齊靚仔，都係驚喜位之一，賣相都好重要架！

價錢親民又美味的燒味店😋 周不時都食燒味既我想講呢間真係得! 雖然招牌係燒鵝，但叉燒都好正，係入口即溶咁。我地去左大角咀分店，都幾多客幾受歡迎! 我地叫左3款燒味👍🏻.🦆原隻燒鵝脾飯呢個有跟湯，另可優惠價加配飲品! 原隻燒鵝脾一上枱真係忍不住驚呼! 色澤好靚，皮脆有光澤，好香! 鵝肉軟腍，爆汁！.🍖叉燒 (例牌)由於我係好鍾意食叉燒，所以特登叫碟例牌既叉燒滿足我味蕾。個叉燒係入口即溶，蜜汁好juicy，甜度剛好，肉質軟腍，撈飯好夾.🥓脆皮燒腩仔飯呢個都係有跟湯，可優惠價加配飲品! 份量都幾多，有差不多10件燒腩仔，好足料! 件件都好脆，半肥瘦最好食! 旁有黃芥末可點.🍲花生雞腳眉豆湯要特別讚下個湯，通常跟餐既例湯都係普通例湯咁，但呢度跟餐既湯係好大碗好足料，而且飲落去係好天然無味精，裡面好多湯渣，好味道!.雖然我地都加左凍檸茶，但其實食個飯飲個湯已經夠飽😂 食完就明白點解呢度咁多客同多外賣👍🏻