影片
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
长期食堂，价钱平民，但食物相当唔错，由其是佢哋嘅盐焗手撕鸡，唔会鞋口，味道仲好唔错，唔想食饭仲可以转濑粉或者米粉，岩晒我呢啲濑粉控，每次都必转🤭，另外仲有佢哋嘅叉烧，超入味，而且份量都几多下，可以要求半肥瘦，师傅必定做到比你👍🏼仲唔会干真真，捞饭食啱晒！重点系只需要$40个餐仲包埋例汤，真系抵到烂，所以都吸引咗唔少游客，如果要堂食都真系提前少少排队，不过提前手机落单外卖出单速度都好快，而且食咗咁多次都冇出错，虽然人多忙，但系员工嘅出餐速度都相当高😆👏
继续阅读
由旺角中心行去5分钟左右，就经过呢间#棋子烧鹅 ，见到有唔少人等紧外卖，餐厅环境干净，就同朋友入内食晚饭，就叫咗个二人餐食，水准一啲都唔失礼！抵食2人餐🥢［ 烧鹅（例牌）】外皮已经够哂分， 色泽金黄，哎吔，脆皮一声！夹一块落口，咬落去仲有阵酥香嘅味道，肉层软嫩得嚟肉汁丰富，每啖都为味蕾都十分享受，配上白饭，简直一流。［白切鸡］鸡生熟程度做得啱啱好，近骨位置啱啱熟。豉油味香浓，送饭一流，必点之一。［菜心］份量正常，入口鲜嫩，很爽甜！［米粉］［冻柠檬茶］X2总结：烧鹅味道一流，食到烧鹅果香，好少烧味餐厅能做到，特别要赞餐厅环境，坐得很舒服，大家食得好开心。
继续阅读
今日同朋友去旺角揾食，试咗呢间「棋子烧鹅」，贪佢有套餐够抵食！一个例牌烧鹅＋烧味单拼＋郊外油菜＋主食＋饮品，散叫嘅话肯定贵一截，套餐悭唔少～ **🔥 棋子烧鹅（例牌）** 招牌必试！鹅皮烧得脆卜卜，肉质嫩滑唔干身，仲有少少肉汁渗出嚟。酱汁咸甜适中，但唔会盖过鹅肉原味，送饭一流！ **🍖 单拼烧味｜肥叉烧** 拣咗肥叉，果然冇失望！半肥瘦比例完美，肥肉相间，邪恶但满足～如果怕腻可以配啖濑粉食啖白饭平衡下。 **🥬 郊外油菜｜白灼菜心** 菜心新鲜冇渣，淋咗少少豉油，再点少少烧鹅汁，简单清爽，中和返烧味嘅油腻感。 **🍚 主食｜濑粉 / 白饭** 濑粉够弹有口感，不过食烧味始终都系捞白饭最好味！ **💡 外卖优惠Tips** 见到门口贴住外卖限定：买半只烧鹅可以用$10换购半只切鸡！岩哂屋企加𩠌抵食～ **总结** 性价比高嘅烧味店，尤其套餐真系平靓正。肥叉同烧鹅都出色，服务同环境就一般茶记格局，但为咗个味道会再encore！
继续阅读
之前屋企人喺度斩料加𩠌，好耐都冇试过咁好味嘅烧味，原来仲系好多明星帮衬，价钱大众化，今日经过入嚟食烧味饭棋子烧鹅五宝饭之前食过佢嘅烧鹅鹅，真系一试难忘香脆鹅皮渗出烟薰柴火香味皮下薄薄一层脂肪，入口时油脂香夹埋鹅肉香味肉嫩多汁，烧鹅汁渗入d饭度更香口半肥瘦叉烧，肉质松化，蜜味甘香，蜜汁令叉烧更亮泽红肠略带烟薰味，咸蛋系五宝饭精髓之一桶子豉油鸡饭豉油鸡肉质滑嫩，豉油香入味唔会死咸。鸡皮光滑，又唔会太肥，咬落去食到皮与肉之间那层薄薄的胶质。配埋佢秘制姜蓉带出鸡肉更鲜甜加埋油菜同饮品，丰富美味嘅一餐
继续阅读
**极度差劣的外卖体验！强烈不推荐！** 今日叫咗棋子烧鹅外卖，明明落单时清楚注明「免斩」，结果送到打开竟然被斩开一半！唔单止无尊重客人要求，仲擅自改动食物处理方式，完全破坏烧鹅原只风味，肉汁流失，皮都唔脆了。 更离谱的是，份量明显被「偷鸡」！同堂食比，外卖盒睇落少咗一大截，似系被克扣。打电话去问，店员态度敷衍，只系话「师傅可能睇漏单」，毫无歉意。我付原只价钱，换来半只体验，仲要品质打折，简直系欺诈！ 外卖包装亦马虎，酱汁漏到周围都系，盒边油渍斑斑，卫生堪忧。烧鹅本身味道尚可，但服务同诚信零分！ **总结**：连基本客户要求都做唔到，仲要偷工减料，绝对唔会再帮衬！呼吁大家叫外卖前三思，免得同我一样中伏！
继续阅读
您可能会有兴趣的...