棕櫚閣西餐廳

营业中

休息中

在旺角有很多樓上小店，但今次想跟朋友舒舒服服地食一餐，所以選擇了維景酒店。酒店的沙律吧很豐富，有巴馬火腿配蜜瓜，有水牛芝士配檻欖蕃茄，有羅馬生菜等，健康清新。西湯是龍蝦燕窩濃湯，龍蝦味濃郁，燕窩滑口，配搭有新意。海鮮多樣化：有又長又大隻的長腳蟹，有女仔手半隻手長既青口同螺，有肉嫩鮮味的蝦，源源不絕地增添。甜品方面，有蛋撻、芝士蛋糕、黑糯米、更有燉蛋白，非常滑口，Movenpick雪糕有四隻味：朱古力、雲呢拿、士多啤梨等，非常有驚喜。

在旺角行街行到好攰，在火車站附近行十多分鐘的維景酒店自助餐多元化，今次有機會試試。 沙律吧有多款健康選擇：三色椒、羅馬生菜、青瓜、紅蘿蔔、薯仔沙律等。必食推薦是海鮮和刺身。長腳蟹很大隻，腳很長，備有剪刀和鉗，食完不斷添加，不會有空檔期。青口、海螺非常大隻，海蝦肉質鮮味。刺身在擺盤方面已經創意滿分，令人食欲大增。吞拿魚、油甘魚、三文魚魚生都肥美油膩，色澤新鮮。在熟食方面：有避風塘炒蟹、蒸魚蒜末帶子、忌廉魚柳、香草蕃茄意粉，非常惹味，又夠火喉。 甜品有中式有西式，亦有Movenpick 雪糕無限供應。

媽媽生日，決定帶佢去食餐好既，諗黎諗去都唔知食咩好，咁岩同事講開，岩岩去完棕櫚閣食buffet話唔錯，於是我又打去訂位，決定同媽媽去試下！餐廳雖然唔算好大，但座位與座位之間都有足夠既空間，坐得舒服！食buffet梗係要先睇下有咩食先啦，出去行左個圈，發現食物種類都幾多喎，有冷盤、熱盤、刺身壽司、仲有鐵板燒烤！當然更加唔少得既沙律bar、水果、甜品同飲品，應有盡有！行完一圈已急不及待要出動拎野食喇！當然要先找亮點 - 亞拉斯加雪蟹爪啦 （心心眼）蟹肉口感結實，富海水味，而且好多肉，正呀再黎加拿大翡翠螺、甜蝦、紐西蘭青口、法國香草龍蝦仔甜蝦鮮甜口感爽口，青口味道都唔錯，但口感比較有咬口！小蝦蝦味道清甜！buffet必食 - 刺身有三文魚、希靈魚、吞拿魚等等，刺身幾新鮮，鮮甜肥美，尤其係三文魚，拎完一碟又一碟 飲品方面，除左咖啡、奶茶、檸茶外，仲有鮮橙汁、蘋果汁、西柚汁。　每位餐廳仲送一小盤海膽刺身同埋蟹子沙律配有紫菜，可以包住海膽一齊食，唔錯！海膽都幾新鮮，而蟹子沙律有足夠既沙律醬，同樣好食！媽媽就唔太鐘意生冷野，所以佢主打熱盤媽媽第一時間就衝去排香煎鵝肝，超多人排隊，一定好好食喇鵝肝口感

同屋企人食飯,多數食中菜,打邊爐,今日去左九龍維景酒店既棕櫚閣食自助餐~6:30開始之前我地周圍影下相,窗外望馬路,不少巴士,私家車等不段經過,岩哂小朋友坐窗邊,佢地一定好開心,坐位舒適夠寬鬆!刺身區三文魚,吞拿魚,甜蝦,希靈魚,北寄貝,壽司等,擺盤夠哂精緻!海鮮冷盤吧亦非常豐富有最受歡迎既長腳蟹~很鮮甜美味!熟食海鮮類也不少呀,蒜香粉絲扇貝,惹味青口,炒蟹,辣螺辣汁入哂味,超正~酸味味很開胃既海蝦意粉很不錯!Cold Cut,橄欖,酸瓜片,仲有蜜瓜,西瓜,菠蘿,呢一區又滿一碟,慢慢享受!燕窩龍蝦濃湯,廚師放入小鍋仔再放上爐~好快就滾起,龍蝦湯濃而不膩,啖啖龍蝦肉仔,絲絲的燕窩,暖一暖胃先!大排長龍既羊扒,鵝肝,超搶手,長時間排住10多人,牛仔肉大片又嫩滑一人一客海膽,蟹籽沙律,仲有紫菜包海膽,正燕窩蛋撻,燕窩燉蛋白非常正,而且是自助餐少有既甜品,唔會太甜,又香又滑！

响酒店想食個質素好少少的自助晚餐真係越來越貴，反觀《九龍維景酒店》的自助晚餐的價格相對地便宜，而且主題真係好吸引，因為「海膽、鵝肝、燕窩」三樣嘢都係我好喜歡食的，來到當然要揾個靚位，再行個圈睇吓有咩食先啦~行咗個圈，選擇都唔係少架，其實對正大門口就擺放了多款甜品啦~在甜品區後面繞了一圈，熱呼呼的主菜飄出陣陣香味，兩邊仲有沙律吧、壽司刺身區同埋海鮮區。但最多人排隊的就係近窗的區域，因為有大廚即席炮製熱辣辣的美食。Cherli 見狀梗係要排埋一份啦~ 原來最搶手的一定係煎鵝肝。塊塊鵝肝都係很厚身，入口即化，混合一份微煎的香味，Encore 咗數次喔~食食吓鵝肝，職員便送每人一份馬糞海膽。老公見到已經變咗對心心眼出來啦~ 而我試著職員介紹的方法，以紫菜包著海膽一齊食，外面脆而裡面香滑無比。另外，沙律也很 fresh，食完海膽再吃，清清味蕾再嘗其他食物。呢兩味已經咁精彩，梗係要試埋其他的食物啦~老公好貼心的，為 Cherli 拎鮮橙汁同埋龍蝦湯，仲有一連串的美味，大家都食到 Lam Lam 脷呀~食過咁多主食，當然係甜品時間吧~來到呢度，梗係要試吓主題的燕窩蛋撻啦~ Wow~ 燕窩真係好足料架

係旺角區要搵平價既自助餐真係唔多可能~~今次係九龍維景酒店既棕櫚閣食自助晚餐慶祝生日!!!宜家優惠價 HK$398 就可以食到國際美食自助晚餐;雖然冇生蠔, 但係都有唔少海鮮同刺身!!!每位都會附送一客海膽刺身及蟹子沙律~~細細版海膽質素都唔錯,  幾鮮甜!!!冷盤類都好多選擇~有扇貝、加拿大翡翠螺、龍蝦仔、紐西蘭青口、亞拉斯加雪蟹腳蟹腳都幾厚肉又鮮味，翡翠螺又夠大隻!!!每張台上都有洗手用既茶水, 方便食完海鮮冷盤都可以洗一洗手, 再食熱盤!!刺身壽司方面種類都OK;三文魚係必有既, 另外仲有希靈魚、油甘魚等等~~熱盤都係以海鮮類為主~~有避風塘炒蟹、芝士扇貝等等.....都算不錯喔!除此之外,  仲有得任食香煎鵝肝, 鐵板燒虎蝦及羊扒~~鵝肝可以話係必食之選, 又夠厚身, 真係要 ENCORE!仲有燕窩龍蝦濃湯~~味道一般般!!最後甜品區款式都好多~多到樣樣都想試下!最令我心心眼既係可以任食 Movenpick 雪糕啊!!!有3隻味選擇, 我當然食我最愛既朱古力味啦~自助晚餐黎講種類選擇都ok 啦!!味道都不錯, 呢個價錢都算平價又抵食"*

好耐無同男朋友拍拖食飯，本身想約放題開心下，但見d好少少ge放題都要3百幾蚊，仲要食得勁趕。上網見到人地食九龍維景酒店自助餐都係3百幾一個人，有海膽、鵝肝同燕窩食，仲可以食3.5小時，慢慢吹水慢慢食都得。自助餐6半開始，我地6點9左右到已經有好多人食緊。我地都事不宜遲立即攞d刺身食先。三文魚刺身，厚切肥美。雖然無蠔令我有少少失望，但有男朋友喜歡的長腳蟹，refill得幾快。侍應送上每人一底迷你海膽，配上紫菜同埋蟹子沙律。海膽唔腥，容易入口。燕窩龍蝦濃湯，即叫即滾，啖啖燕窩同龍蝦肉。沙津吧凍盤和生果。熟食種類都比較多海鮮，特別推介焗青口，個汁係泰式style好惹味。最最最推介係即煎羊架同鵝肝多士，羊架肉夠淋，點上薄荷醬好滋味。鵝肝更加唔使講，煎得好香，入口即溶，底部的空心泡芙麵包吸晒d鵝肝油。絕對要排隊再攞。甜品蛋糕選擇大約有十多款，不過太飽無咩點試，仲有朱古力噴泉同movenpick 雪糕任食。記得試埋呢個燕窩燉雙皮奶，熱辣辣蒸得好滑。地點就腳，價錢又不貴，有時食自助餐都唔需要大時大節慶祝先食。

很久沒有吃自助餐了今天和朋友來放縱一下魚生種類非常吸引鱆紅色原來奉上很有氣勢三文魚耀眼奪目感覺新鮮沙律多選但我沒有碰海鮮凍盤有蟹腳翡翠螺等熟食有很多選擇白汁寛條麵是我童年的味道芝士汁魚柳也很美味燒牛肉有牛味很柔軟另有龍蝦湯鮮味濃郁帶骨位置更是一絕師傅在另一邊箱煎羊排羊排肉嫩是必食之選同一時間也在煎鵝肝大蝦鵝肝雖嫩滑但稍欠肝味大蝦肉爽煎香後更美味甜品中以燕窩雙皮奶最正我也忍不住吃了兩碗呢雪糕是瑞士名牌movenpick有朱古力士多啤梨呍呢拿三款最後泡一杯檸檬紅茶解膩

近年都少左食自助餐，一來價錢貴，二來唔食得多。不過偏偏屋企兩老最鍾意食，今次㨂左維景酒店既晚市 buffet, openrice 優惠價只係$378, 今時今日夜晚都好難搵到呢個價錢，仲要有我最鍾意既長腳蟹，其他主打睇落都好似幾吸引。✨冷盤最鍾意係青口同長腳蟹。長腳蟹鮮味得黎 海水味唔會過咸，呢個價錢黎講超值喇😍✨刺身全部都幾新鮮同鮮甜，而且咁既價錢款式都算多。 ✨呢款海鮮烤餅好好食，薄得黎好鬆脆，入面茄汁饀有d 似pizza, 搽埋d 酸乳酪味道幾得意。仲有記得拎埋個沙沙醬，入面有蕃茄粒，青紅椒等等，酸酸辣辣咁幾過癮。✨羊架唔會太羶同太韌，佢有個綠色既蒜蓉醬，配羊架食勁惹味，記得拎啊。✨虎蝦大大隻，結實夠彈牙，食得出鮮味。✨鵝肝煎得肥美香脆，如果配多士應該更加正。✨食完咁多熱辣辣既野最啱飲番杯果汁，除左蘋果，橙，仲有西柚汁。✨火腿幾咸香，牛扒好腍身，外皮有d 脆，唔知點解覺得有d 似食牛𦟌既感覺😆，但味道ok~~✨熱盤我就唔係食好多，右手邊日式豆腐個汁甜甜地都幾好味，茄汁海鮮意粉都唔錯。✨好耐無食過雙皮奶，呢個真係超好食勁推介！！熱辣辣，好滑好香奶味又唔會太甜，本身諗住食半碗，最後忍

朋友約食飯，一早約咗間自助餐，試一試，原因好簡單，一個字“平”。 另外佢更加係一間酒店入面嘅餐廳，令到我更加想試一試。地點方面，位於旺角何文田交界，由地鐵站步行過去大約需要十分鐘，路程上面唔算太遠。 不過天氣咁熱，其實都出曬汗。海膽刺身蟹籽沙律， 每人一客，最重要夠曬新鮮，沙律菜洗得夠乾淨，用料十足。 海膽完全冇腥味，每人一版。現場即製燕窩雙皮奶， 上面大大啖燕窩，甜味適中，性價比十足。無限量供應movenpick雪糕，名牌雪糕，任食夠晒。海鮮吧 ，阿拉斯加長腳蟹， 青口。 正宗長腳蟹啖啖肉，性價比已經完勝。燒牛肉， 有個師傅企喺度，一片一片剪比你，淨係人工已經賺咗。熱盤十多種，鹵水豆腐， 清蒸海上鮮， 汁煮牛吞。 呢幾款我最欣賞，味道同中菜館嘅不相伯仲。果汁無限量供應， 最得人鍾意係西柚汁，可惜一早加咗糖，如果係無糖更加出色。下次都會再去食，咁嘅價錢有咁多嘢食，已經贏咗。

假日同家人一齊去左屋企附件的酒店食自助餐, 享受家庭樂.  餐廳內的座位闊落, 坐得舒服. 各式食物的擺放陳置都整齊企理, 乾乾淨淨, 唔會話俾人 “了” 到亂糟糟.每位的價錢唔算貴但重要係食物質素尚算唔錯, 而且refill速度都算快, 唔使話要等好耐. 首先每位客人都會送一客 “海膽刺身蟹籽沙律” .  海膽刺身非常新鮮, 入口又鮮又甘甜, 口感軟綿即化, 完全冇腥味或苦味, 正!! 海鮮吧 有螺,海蝦,龍蝦仔,青口,帆立貝,長腳蟹等… 基本上每款的size 都幾大隻同埋幾好肉.  長腳蟹蟹腳粗身, 蟹肉飽滿鮮味, 海水味重;  龍蝦仔雖然唔係太大隻, 但都蝦肉不但飽滿仲有唔少膏. 入口爽口彈牙仲好鮮甜! 鐵板煎羊扒, 燒虎蝦 & 香煎鵝肝  虎蝦都幾大隻, 蝦肉彈牙得黎又啖啖肉;  鵝肝兩邊煎得微微金香, 入口軟綿綿, 油香係口中四散, 真係諗起都流口水. 鍾意鵝肝的朋友, 一定要食多幾件! 燒牛肋 & 火腿 燕窩龍蝦湯  龍蝦湯雖然唔係話非常濃厚, 但味道都OK幾好飲. 而湯內的燕窩&龍蝦肉都唔少, 最緊要啲湯係熱辣辣, 即時感覺更加好飲.  野菌海鮮夾飲餅,

魚生勁唔新鮮，食物款色勁少，最好食係螺絲粉，咁既價錢去食放題都無咁嬲，差

三百幾蚊食個晚餐有咩選擇？可以泥窩打老道九龍維景酒店食自助餐，款式OK，選擇都夠多。重點係包奶茶咖啡，仲有每人敬送海膽，一人一份唔使爭。刺身款式很多，直頭要用好多力形容有新鮮油甘魚三文魚，呑拿魚以及希靈魚，北寄貝等等，一大盤等大家慢慢拎， 當然唔少得壽司以及卷物啦！呢度嘅熱盤反而很精彩，選擇超多大概有十幾至20款，特別喜愛嘅有意粉，炸墨魚，以及新鮮美味嘅扇貝。滷水雞翼和豆腐都很吸引！至於海鮮嘅熱盤選擇也好多辣酒東風螺炒蜆等等很有本地風格。牛仔肉也好好吃。另一個亮點係鐵板燒羊架，大蝦以及鵝肝。大蝦彈牙，鵝肝需要等一段時間，配上鹹泡芙味道比多士更好。鍾意食法包嘅我不能錯過蒜蓉法包片。熱辣辣10分好味海鮮選擇包括有長腳蟹腳翡翠螺小龍蝦鮮蝦等等青口鮮甜大隻，腳蟹雖然唔算大但係好甜。沙律及冷盤選擇都好多特別喜歡蘆筍菜，以及蜜瓜配西班牙火腿亮眼的韓國海膽一人一份，鮮甜可口雪糕是高級的這個甜品選擇很多而且有不同款式嘅水果朱古力噴泉等等可惜我太飽啦！三百幾蚊一位實屬抵食。

晚上出街食自助餐動不動就要上HK$500以上一個人，如何幾個人黎食花費其實都幾高，仲要第一次都唔知質素如何～但係上星期為左同男友慶祝上個月去影Pre-Wedding，又上網先到佢個自助晚餐唔算貴，就約左Happy Friday去試試！地點其實就唔係話好方便，由MTR站行過去都要10-15分鐘左右～呢間酒店上面有間西餐廳，雖然酒店餐廳格局不是新潮的，但想不到美食不可以靠外表來看的！呢個自助晚餐HK$398（加一），每人都係4百鬆d就可以任飲任食3.5小時，而且美食種類十分多！餐廳內都係好Old School的酒店格局，不過全個中間Area都擺放了唔少美食～分別有冷盤沙律、新解刺身，現場仲有廚師即場煮的熱辣辣美食，好似有野菌海鮮夾餅、燕窩龍蝦濃湯、香煎鵝肝、鐵板燒虎蝦、羊扒、燕窩雙皮奶、各式熱食、海鮮、長腳蟹、小龍蝦、青口、豬手、各式甜品蛋糕、任飲果汁，仲有任飲Coffee Bar同任食MOVENPICK雪糕等等等，真係多到不能盡錄～每人都有一客海膽刺身蟹籽沙律，伴著紫菜包起一齊食，海膽唔腥，入口即溶～刺身都種類都幾多，肉質鮮嫩，唔會有腥味，解凍都好夠！而長腳蟹都唔錯，仲有提供唔同的工具供