森巴餐廳 (已結業)

日我男朋友生日，係open rice度到呢間，好似幾好，就打去訂位。去到坐低已經有一張咭寫住我男朋友個名，佢仲好好奇打開來睇，有驚喜喎.....跟住仲有紅雞蛋同汽酒....點菜啦...點2個餐，1個$168, 另1個$188，總共有3個頭盤，3個森巴推介，2個主菜同2個甜品仲有2個湯同芝士包....好多野食呀.....d野都好好味喎...上碟又靚喎....之後仲有一個好靚既雪山蛋糕同有一張日曆相....仲有一份生日禮物(係一隻紅酒杯)我覺得好抵同好開心呀.....最緊要係好難得到間咁有心思同誠意又咁抵既餐廳慶祝生日....不過有幾點要提既係佢上菜會有d慢同唔太跟次序，我隔離個女人就因為咁，塊面個包公，唉...人地收你幾百蚊，野食同waiter又唔係差，你趕時間就食大家樂啦....學人食西餐...有個著黑色衫既waiter哥服務十分好同不斷講生日快樂喎....好有重視感....幾好...呀....仲有佢雪山蛋糕來時會全間店暗燈同播生日歌架....不過因為日都好多人生日....都暗好多次..都係句啦...幾百蚊...人地都要做生意既.....如果有朋友生日，都值得推介......

女友生日了..book了台帶她去吃就如之前的食家們所說...有很多驚喜...食物其實很不錯的...可是我自己並不是很餓...2人叫了2個set din 都吃不完...waiter們很細心...見你食完會收碟...之後就上另一碟菜我和女友2個人...佢\上菜會2碟一齊上的唔會話一個人有得食另一個冇火焰雪糕寫了名...蠻美的..可惜燒左唔夠半分鐘就熄左..哈哈全晚dim light 也有4 次...本想有surprise 比女友的...也沒有surprise 可言了不過小禮物及其他細心的服務卻很impressive..very good!!如果想搞浪漫生日...仍然值得推薦

朋友生日, 想起以前來過呢間餐廳有張coupon,可以有個火焰雪山做生日旦糕, 而且會較暗燈有人唱生日歌, 以前見過覺得幾有氣氛, 所以諗住比個surprise朋友. 來到之後, 對我來說, 真正的surprise是火焰雪山以外的心思, 例如一坐低發現面的擺設上一早夾了張寫上朋友名字的小生日咭, 仲有生日drink同埋壽麵, 又有寶麗來, 食完仲有生日禮物, 今期係"Magic Egg", 即係今晚淋水落隻旦度, 聽朝起身隻旦就會有野長出來, 雖然唔係乜野貴野, 但我就好appreciate間餐廳肯花一連串心思, 令生日個開心完又開心過! 反而事前諗住特別的熄燈唱生日歌就一d都唔特別, 原因係呢個項目太受歡迎, 一晚聽五六次人地的生日歌, 咁朋友就梗係知道自己都有份啦, 咁又點surprise呢!不過撇過生日gimmick, 平時呢度都值得黎, d野幾好食, 特別係巴西芝士包, 真係好好味! 而且套餐好多野食, $168已經兩個appretizer, 一個森巴推介, 一個main course, 仲有甜品同飲品, 兩個人來千祈唔好叫兩個$168餐, 因為太飽同食唔哂(今次我地就係咁),

今個月我生日, 有朋友約我去森巴食dinner, 本來唸住只係食餐飯, 冇唸過會有咁驚！一坐低, 面有張生日咭, 初初仲以為有會放張, 等有生日客人時送比客人, 我冇唸到我個friend一早通知左森巴。貪得意打開張咭睇, 點知有我個名, 都幾開心, 覺得餐廳幾有心思。根住, 我地3個人叫左3個頭盤, 1個recommend同2個main course.頭盤: 份量少, 味道ok, 但我地3位女士都夠1 recommend同2個main course: 羊架幾好, 鴨胸配鵝肝醬好食, 仲有個肉釀意大利飯, 飯好少, 但份量夠, 味道ok。總括食物質素k價錢: 埋單$450 (3人)雖然份量少, 但我地3個女仔夠晒, 都飽住走架差唔多食完, 有位待應走黎問邊位生日, 我覺得好奇怪, 唔知佢想做咩, 原來有一杯香槟送, 仲有細細杯壽面, 我覺得幾有心思。之後, 我個friend原來會有旦糕送, 我仲唸又送咭,香槟,壽面, 冇理由咁好仲有旦糕, 點知我個friend問個待應, 佢話如果食滿$300有雪山火焰旦糕送, 無耐就個cake出黎, cake仲有我個名, 個火焰旦糕幾靚, 味道幾好, 待

朋友生日，大班人諗點同佢慶祝。喺一個同事介紹下，揾咗呢間喺「開飯啦」網頁毀譽參半嘅餐廳–Samba Restaurant （尖咀美麗華商場諾士佛街二樓七号舖）呢間餐廳嘅特式係如果有客人生日，落單滿三百蚊，佢地會為果枱客送上源源不絕嘅驚喜。驚喜包括﹕-免費生日咭-香檳一杯-免費香檳杯一只-寫有生日客人名嘅火焰旦糕一個-紅雞旦一隻-Dim 暗燈好多waiter / waitress 圍住一齊唱生日歌-免費「寶麗來」相一張於是我地訂咗 11 月9 日晚餐。落單前仲Confirm 咗有人生日同安排驚喜。結果‧‧‧要喺呢度寫吓我地嘅食後報告(下場)(1) 佈置: 幾好(2) 服務﹕好！每個員工都有熱情嘅笑容同態度(3) 效率﹕添水、收碟好快好密。最值得一提嘅係喺佢咁嘅價位（中）嘅餐廳，我未見過一間由落Order 到上菜都拍得住非繁忙時段嘅大家樂嘅餐廳。「怒」讚！！(4) 食品﹕份量好細，但整體算幾OK。不過，龍蝦湯冇肉，唔知乜嘢牌子嘅罐頭呢？定係Ｄ肉一味幾餸用咗去第二度？(5) 生日驚喜: - 生日咭﹕一入座就擺咗喺枱面，個生日嘅朋友睇到，冇哂驚喜- 火焰旦糕﹕真係有Friend 個名喎！（贊）

睇見之前食評~~就同朋友試一下~~因為有朋友生日,,,'入到去,,,環境好好~好有情調,,,d野食唔錯～朋友們都覺得ｄ　食物ok...之後就有"火焰雪山蛋糕"..但我覺得味道就普通!!

個日咁啱行過叫做森巴嘅餐廳, 之前好似有朋友提過下依間餐廳, 好多唔同種類嘅野食, 我同朋友又未諗到食d咩, 事事旦旦就行左入去依間充滿森巴森林氣氛的餐廳內.入到去個女waitress好有禮貌o甘問我地有冇人生日, 會有一d特別嘅小禮物送比當月的生日嘅朋友, 咁啱我朋友係當月生日, 咪比身份証佢睇囉, 諗住都係好小的禮物.點知已經有人一步一步走嚟送一個好hot的火焰雪山蛋糕, 又有隻好靚嘅香檳柸(內裡當然有香檳啦!). 我朋友已經鬼成咁歡喜, 點知后來仲有即影即有相一張, 最攪笑連只有阿媽會整嘅紅雞蛋都有一隻(好leung呀~~~~!)原來, 依間餐廳已變為一間有主題嘅餐廳, 凡當月生日都有源源不絕嘅禮物, 無數嘅驚喜!至於食方面, 都有好多surprise比我, 例如:1)煎蠔煎得好香, 外面香碎, 內裡juice, D 汁好夾個蠔.2)南瓜蝦: 買相真係好吸引我.....隻蝦紅色又大隻, 南瓜又唔會好溜, 個黃咖哩又唔太辣. 3)芝士飽: 簡直好味到連我唔太好CHEEZE的人都覺得好味到極點.甜品原本都好好味, 好可惜我地已經太飽了,跟本已經食唔落(因之前有一個火焰雪山蛋糕送)

呢間森巴,係一次行街時無意中見到,見佢又係o的幾道菜既menu,所以好有興趣一試。今日咁岩見冇咩好去處,又o係美麗華附近,就去試一試。個menu最貴個set都係$208,有一個包,一個頭盆,三個森巴recommend,一個湯,一個主菜同一個甜品。的確,好似好抵,諗住如果又okay好食,都可以多o的黎。咁我同女朋友就各叫左一個嘉年華set,即係$208個set,諗住試多o的野。個老闆話個珍寶蠔同個鵝肝最出名。所以我地既點菜如下:頭盆:1. 煙三文魚蟹肉包2. 焗酥皮雜菌森巴recommend:1. 珍寶蠔x22. 鵝肝x23. 輕煎和牛沙律4. 極黑豬排湯:1. 龍蝦湯x2主菜:1. 鵝胸釀鵝肝醬2. 鱸魚拼大蝦甜品:1. 芒果后冠xxx2. 焦糖燉蛋叫完,上左兩個包仔,同期即係上左個「煙三文魚蟹肉包」同「輕煎和牛沙律」。此刻已有點不滿,喂,亂上菜既!?我女朋友個頭盆都未黎,你就上左我個頭盆同一個recommend。擺明係大批煮完就即刻攞出黎啦,我地叫左個餐都未夠2分鐘!都算喇,當冇氣氛算喇,對我黎講最重要都係好唔好食。先食個包,都幾好,好似包店賣既麻糬包咁,但係裡面多好多芝士,同埋個包

1) 食物水準高: 一口芝士包超好吃，即叫即焗；頭盆、推介和dessert最好味2) 服務生態度好nice3) 生日的朋友有福了:送香檳1杯、紅雞蛋、生日card、即影即有photo、香檳杯一隻、火焰雪糕旦糕！過了一個同一大班朋友一起、好開心、好有氣氛、好難忘的生日dinner!

今日我生日...去咗尖沙咀森巴餐廳食晚飯, 係我最近少有食得咁開心!定咗位(一定要<因為有著數>), 去到門口才知道原來本月生日有火焰雪山送, 通知店員後送上一杯用香檳杯盛載嘅蘋果汁...."著數"現在開始~~~~~ 再冇紅雞蛋~ 生日卡~ 生日歌- 真人唱ga...仲幾靚tim!!!~ 即影即有相~ 火焰雪山~ 生日禮物以上各樣都是免費...當然因為我生日啦!!!不過因為佢地十周年....所以今個月仲有九折!!!兩個人食到飽到行都行唔快...都係三舊幾!仲有就係d 侍應個個都笑笑口/好nice!!!一句講晒~~~ 正~~~~

上星期六同朋友去試,發覺頭盆很有看頭及好味, 朋友投票後, 除了餐廳自家創製的芝士包(即叫即焗, 外脆內香軟), 以下是頭三位1/ 香煎鵝肝面包- 香滑鮮美2/ 連殼上美國珍寶焗蠔- 肥美肉汁豐盈3/ 和牛沙津- 牛肉鮮嫩, 燒得剛剛好主菜推介1/ 龍蝦墨汁意粉- 意粉彈牙, 龍蝦好爽口, 汁味道好2/ 焗羊扒- 紐西蘭羊架新鮮, 焗得剛好, 有肉汁肉色粉紅, 外皮脆

朋友說他們好食左...咁我同朋友就去試一試.....感覺上我覺得多左野選擇.....我們8個人叫了8個JADE差不多ORDER 曬MENU 上的食物...有幾個值得一提--頭盤1) 煎蠔...今次食個D絕對稱得上係珍寶蠔....好肥美2) 輕煎和牛沙律....剛剛好..唔會太熟...保持到D肉汁3) 阿拉斯加蟹爪....雖然小小的...但都多肉主菜----1) 紅酒羊膝..條骨不會很大..都多肉...燴得很入味.....2) 南瓜大蝦.....香濃既咖啡味..不會太辣..蝦大隻..不會太"梅"..南瓜雖少..但食完整個都已經飽了..不會浪費到我既至愛---甜品...1)青蘋果芭菲..2)芒果皇冠雪糕....都好好味....其他都是一般...P.S 值得一讚個WAIRTESS , 個名好似叫Kitty...(沒有記錯的話)佢好有禮貌& 耐性既解釋menu....

之前唔係咁好食...聽朋友講佢地轉左d meau & set 所以咪再試下囉....我們點曬menu 所有的food 但有幾樣值得一提頭盤1)煎蠔...今次佢地d蠔真係可以做到珍寶啦..成隻手掌咁大呀..正呀, 2)和牛沙律.....d牛肉燒到半生熟..入口肉味重, 3) 煙鴨胸釀鴨肝卷...好精緻到MAIN COURSES 1)南瓜大蝦....香濃的咖哩汁..不會太辣2)紅酒燴羊膝..... 骨不是很大..都多肉燴得很入味.至於DESSET 我們ORDER了全部款式..1)青蘋果芭菲2)芒果皇冠雪糕都值得一試...其他都普通我同朋友都覺得會再來的....食物既味道比之前進步了不少,分量剛剛好...都ok 飽....P.S 值得一讚佢地個WAITRESS, 個名好似叫Kitty, 我同朋友都覺得佢好禮貌, 好有耐性咁解釋個menu d set非常好

呢間野俾我真係唔會再去多次...講下個環境先唔係一味暗就moody架間野好暗, 搞到隻眼好唔舒服再加上d燭光個影郁郁下, 搞到有d暈講下d野食...set a set b..多一個appetizer就係唔同set...貴幾十蚊就只係多一個appetizer...appetizer 我叫左煎蠔鵝肝同埋芒果蝦3樣都係平平無奇, 唔算得上好食...真係好奇怪... 差唔多食曬d appetizer 個cheese包先上...個cheese包仲好食過d appetizer...最慘個cheese包係買返黎一pack 廿個用焗爐焗熱佢only...仲有樣野就係話個waiter出野食果陣... 我見佢一個人拎住4,5碟出黎, 我以為自己去左椰林閣...到main course啦..我點了最喜愛既angus先不講個angus得罪d都要講句.. 個waitress... 係個大肥婆...佢上個angus果陣我胃口真係減半..再講個angus... 質素真係麻麻...我要medium, 但都好似7成咁肉汁又冇乜...今次食呢間野真係好錯既決定...呢個價錢真係有更多更多好選擇...唔記得講個湯添...我

和兩個友人到這間餐廳吃晚飯。朋友N以前到過它在中環的店(已關閉)﹐說它的味道還可以﹐到了門口﹐我問店員是否可以走洋蔥走蒜後﹐就進去坐下。第一個感覺是餐廳太暗﹐"太浪漫"了﹐人也不多。我們叫來了兩個Dinner set B﹐每個餐有4個頭盤﹐另有湯﹐主菜﹐甜品加餐飲﹐$198加一。頭盤:焗田螺跟焗雜菇- 田螺普通﹐汁濃﹔雜菇也是普通﹐pastry可口。軟腳蟹配菜沙律- 賣相可以﹐我沒吃()﹑朋友好像頗喜歡Grill帶子- 有雜菇及沙律﹐幾好味湯:蘑菇湯-- 不過不失﹐略嫌稀。主菜:又是菇菇risotto -- 這個好味! 飯硬度剛剛好﹐汁也鮮味。另一主菜﹐龍蝦墨魚麵-- 竟然是和risotto同一個汁﹐但龍蝦不夠生鮮﹐麵韌度還可以。甜品: Tiramisu -- 很乾﹐還有很凍。。。失敗之作Blueberries cheesecake - 這個不太甜﹐我們三個都一致覺得好味餐茶叫了Earl Grey﹐Twinings。每人連加一及貼士$150﹐還可以吧﹐但我認為可以吃得更好的。