森記甜品之家 (已結業)

已經光顧多年了,還是覺得這是一個最有保證的糖水店,皆因糖水既便宜又多選擇!最出名莫過於它的芒果西米露,芒果料多又不會太甜,都只是$10碗,紅豆沙和綠豆沙不會感覺稀清清...至於有一次我試過鮮奶燉蛋白,口感很滑,可惜太甜,像是吃了幾羹砂糖...吃不出牛奶的味道,所以吃了一半便放棄了...

o係hku讀左4年都未試過落西環食糖水，適逢今日早食飯，朋友仔話要帶我去試下森記！o係西環遊盪左一陣，去到森記，因為覺得好凍，所以冇食到西米露一類。朋友仔叫左木瓜燉雪耳，我試左渣咋。先講渣咋，非常足料，甜度適中，ｄ豆都煲得好綿！抵讚～木瓜燉雪耳都冇乜技巧可言，勝在夠熱，雪耳唔會太稔或者太硬。雖然我地冇叫蘿白糕，但見到佢\ｄ蘿蔔糕係純白色架！如果大家打算食多料（or at least有料）蘿蔔糕，奉勸你唔好o係度食！

試過幾次O.T.後和同事幫襯. 甜品不算非常出色, 但一點也不差. 價錢便宜, 算是物有所值. 如順路的話, 可以一試.

老實講, 森記糖水味道其實極度麻麻.幫襯只係貪佢夠平, 又近學校.麥米粥太甜舊式菠蘿冰又係過甜西米露無乜椰汁味燉蛋太淡又無乜蛋味唯一較可取0既係喳咋.

食過森記的雜果西米露,蜜瓜西米露,蘿蔔糕,桑寄生茶, 西米露的味道蠻特別,給人很清新的感覺,消暑功\\\\\\\效不錯!最驚喜的是那些雜果,都很新鮮而非罐頭\\\\\\\"生果\\\\\\\"!蘿蔔糕的質素平平, 畢竟都係$ 5 兩件,即叫即煎,要醫肚的話都尚算ok la!~~~

雖係森記O既甜品唔係話十級好味，但係對住我地O向搬咸道返學呢班人黎講真係又就腳又親切，我個FD grad左，住上水o既，都成日掛住森記o既糖水，同埋雞脾!! 個人最鍾意佢o既麥米粥、喳咋同木失雪耳，以前上完堂返part-time 就專登買兜喳咋或者龜苓膏上架慢一慢o既過海巴士返觀塘一路慢慢食... 咁其實佢同源記又唔同style o既，呢度你可以幾個朋友行開行埋入黎食低吹水叫好多款糖水慢慢hea囉

去朋友屋企打邊爐, 之後拉大隊落街食糖水, 咁平既價錢,質素算幾好啦我地12 點去到, 唔知點解好似好多款都賣晒, 不過老闆好好人, 無啦啦送多碗綠豆沙俾我地.我地又叫左蘿蔔糕, 佢地d 辣椒醬好香, 同其他舖頭唔同, 我因為啖辣椒醬, 就算好飽都食左唔少蘿蔔糕, 哈哈

特登哩食合桃胡, 點知原來無咖! but都試o左o個花生胡, 都okay...

有次同家人經過,就去試下la...叫咗鮮奶燉蛋白($12) and 喳咋($9)兩樣都唔錯,而且又平!But 鮮奶燉蛋白甜左少少...但同源記比,我鐘意森記多d,因為森記多甜品揀,而源記就又少又貴,吃過2次,就覺得嘛嘛地...

食完韓國午餐，見仲有大把時間至要夠鐘，路經此地見個雪櫃入面的涷甜品好似幾吸引，所以又來食甜品。裝修佈置都話俾人客知叱度有番咁上下歷史，的懷疑佢原先是一間茶餐廳，而後來才變成專賣糖水。款款甜品都幾平，大部份都在十蚊樓下。叫了雪耳木瓜糖水同腐竹糖水，天氣有點熱，所以全部都要涷的。我的雪耳木瓜糖水要11蚊，在這裡來說算是貴領糖水。木瓜幾清甜，亦有唔少雪耳，涼浸浸都幾好；同事們的腐竹糖水只8蚊，好平，味道聽佢地講亦不錯。見佢仲有蛋白燉奶同蜜棗雪梨糖水，都好似幾吸引。

可能我係其他店舖食過價錢相若又好食d既糖水，我覺得呢度既一般lor......不過我都同意唔會專程黎森記食糖水，反而源記既桑寄生茶我會再專程去幫襯，可能我之前未食過桑寄生茶加上佢整得幾好啦，到而家諗起都想即刻去食~

坦白講，森記同源記雖然同賣糖水，但就係兩間風格完全唔同的舖頭，各有賣點，好難比較。源記賣老字號，果度的桑寄生蛋茶個人覺得就算專誠去食都值得；森記則走平價街坊路線，質數是不差，但就唔太值得專誠去食。

今日去源記個陣，搭車經過森記，醒起以前黎hku個陣都去過幾次，所以順便係度post埋comment。老實講，森記既價錢的確係平，但係好食就一d都唔覺，我在其他網站見到個個話呢度仲好過源記，真不明為何會這樣寫。試過腐竹白果糖水、喳咋同紅豆沙，前兩款食到多料，但煲得唔入味，個腐竹白果糖水的白果仲有好多粒都是腐壞了的......紅豆沙原本起晒沙味道應該不俗的，可惜又是溝水惹的禍，好食都變到唔好食。總括來說，森記的確係平，貪平又就腳的可以黎呢度，但我寧願俾貴少少去食好一點的糖水。

合桃糊, 花生糊好香, 芝麻糊也不錯.反而湯圓就麻麻, 皮太厚.

一句講晒平！靚！正！糖水好去處....但小食就少D得腸仔、蘿蔔糕、雞翼、脾同蛋，再多D選擇會更好...