森記甜品之家 (已結業)

食完晚飯唔想咁快"分手"，即使飽到頂心口都要黎食個糖水，朋友仔未食過呢間，於是揀呢度。要左公司冰($12)同鮮奶燉蛋白($13)。叫公司冰純粹係因為好奇，點知同雜果賓治差唔多：薄荷味七喜+罐頭水果+新鮮西瓜。至於鮮奶燉蛋白就很好味!即時成為我心中既頭號中式糖水心頭好。甜度剛剛好、濃濃既奶味中帶點蛋白味，再加上即使叫凍既都仲好滑。題外話，公司冰、雜果賓治同雜果冰究竟有何分別?其實我真係少少懷疑佢俾錯杯野我。

坤記之后，游走西環，看到森記，頗有街坊味道，決定一試。女朋友平常總愛試芝麻糊，叫了一個；小食好像不錯，但又有點飽，所以隻叫了飲料一杯。可能被北角王記寵壞了，芝麻糊覺得味不夠濃。木瓜奶也隻有很淡的木瓜，不過卻挺滑。如果我住在西環，應該也會常來森記，便宜又大份。特別來的話，應該隻會去源記。

20-3-08 (四)吃完很鹹的晚餐，要來這裏中和一下。叫了鮮奶燉蛋白和生磨杏仁糊。今晚不知怎的，鹹覺得過鹹，甜也覺得過甜。杏仁糊的杏仁香味被甜味蓋過了，Ｔ說燉蛋白即是燉奶，十三元一碗又不便宜呢。見蘿白糕煎得很香，又試了。糕內一點臘味粒也沒有，也沒有蘿白味，因五元有兩件啊。吃完鹹又吃甜，吃完甜又吃鹹，吃完鹹又想再吃甜，不知會否思覺失調，還是快快回家罷了。

多謝大家介紹呢間中式糖水店比我, 以後有糖水食啦! 2008年2月28日食完板長好唔開心, 要食番d好野安慰下自己先. 記起大家介紹呢間, 試下先, 由灣仔去西環囉!一坐低見到都叫雞翼, 我師奶性格又出黎”唔好執輸, 試下先!”$5一隻, 同男友一人一隻, 好夠熱啊! 係茶葉蛋d味去做雞翼, 少少偏鹹, 但好入味, 好食!之後叫左燉蛋白同芝麻糊+湯丸, 燉蛋白一黎到已經好香, 食落唔係好甜, 好味! 芝麻糊係舊時的味道, 好味! 湯丸反而無咩特別, 可以唔試!男友忍唔住要試下佢d茶葉蛋$5兩隻, 佢話水準普通.一路食都好多人入黎, 幾好生意!一定有下次! 去開北角果頭我會去福圓, 如果西區呢我必選呢間!

呢間野，幾好食，加上又平，平時都幾鐘意黎呢度食，尤其係火敦奶，好好味，但芝麻糊就麻麻地了上次同其中一個食客有紛爭，其他店員竟然當無事發生，另外個d員工既服務態度係激差，只係個老板好相處，都唔知個老闆係咪成日會俾老工蝦呢？

食完bbq同工友仲要去食個糖水，去左老字號的森記工友的燉蛋白，白淨又滑溜，好少聽佢食一個甜品讚成四五次，應該真係好好味﹗只係13蚊豬性工友的湯丸，唔記得問佢好唔好味﹗我的腐竹蛋走蛋糖水，叫佢走蛋比個阿姐串我﹗不過真係好好味﹗腐竹全綿哂爛哂入口有如豆花無渣，個甜恰到好處清清地岩哂食完飯飲番碗，食完真係咩火都降哂﹗咁有水準都只係11蚊，呢間野得呀﹗真係得﹗

木瓜炖雪耳I had a hot 木瓜炖雪耳...nice...money for value

After reading all the feedback, thought the dessert was very good. Turned out the quality was just very so so and nothing special about it.The sweet dumplings were very thick-skinned and too soft. The ja ja didn't have as much ingredients as the one I had from another dessert place on Nathan Road.Not worth the trip all the way to Sai Wan.

今日lunck試左源記,dinner試埋森記,森記相比之下好好多,要左個鮮奶燉蛋白,好好食,但略為甜左,但只係$12,其餘多數甜品都係$8-9到,老闆又好人,一定會再來,

主人的朋友推介此糖水店，於是與奴隸獸前往一試：1. 紫米粥加蓉湯丸（HK$10）：紫米粥清香，滑溜。湯丸夠煙，餡料有小小肥油，味似寧波蓉湯丸。2. 馬來亞喳咋（HK$9.0）：豆煮得夠稔，加了椰汁夠香，糖水不太甜。總括來說味道頗合我們心意。

今晚好想食甜品, 所以去左森記唔知係咪因為國慶, 好多人呢@_@叫左蛋白燉奶(涷), 仲以為好甜, 原來唔係好甜喎, 幾好味呀$12街坊價

住係西環十年，森記個名聽得多，但從未試過，實在有點兒那個。要了芒果西米露，同出面既糖水鋪唔同，比較杰，西米較稔。店舖既格局，同老闆既好客態度，令人有家的感覺。

點解，點解個「木瓜炖雪耳」同個「蜜棗炖雪梨」，係唔偷工減料既情況下，可以賣到十一蚊？點解，點解個「蓮子花生糊」既蓮子同花生，明明分開煮，兩樣都煲得稀爛，份量仲要一比一？點解，點解如斯格局，如斯價錢，如斯質量，兩位老細都仲可以咁低調，咁兩袖清風…得道高人乎哉？

以為好出名..但係呢...嗌左個芒果西米露..嘩..黎到呆左!超杰...好似食粥咁女友嗌左什果涼粉好似OK仲叫左1.蘿蔔糕+2.雞翼+3.香腸1.算係3樣最好食(不過佢冇甜醬--)2.d鹵水有d苦囉..3.以為咁易整應該ok啦..點知外面脆入面唔多熟咁

森記都經營了一段長時間，水準不但沒有變，價錢也非常合理，裡面都有不少傳統糖水，更有一些小食(蘿蔔糕、雞翼...)。