椰仔冰室 (鳳琴街)

营业中

休息中

見圖識字，食lunch時間落單喺13：40分牛柳焗飯 14：15分終於到左咖喱雞脾飯 追呢個飯2次，最終出多個牛柳焗飯，我話我喺追雞脾飯，待應話sorry依家即刻出然後15分鐘未有再追多次，同我講廚房部機壞左出唔到紙，依家整緊，我話其實咖喱汁都整好架啦，整隻雞脾洗唔洗咁耐，待應話整緊3分鐘出等到15：00，我已經忍無可忍，睇住隔離食tea都食完個雞脾餐，真係開始吊鬼收銀話：咁你仲要唔要個飯，我幫你取消我：唔係你一句取消咁簡單，你要我坐左1個鐘以上，係咁話整緊整緊 3分鐘，食晏個班都走晒，依家個個食緊tea, 你接唔接受等個雞脾飯要1個鐘20分鐘？我喺食客唔會去理你廚房有無機紙。吊完鬼之後，結果就真係3分鐘出左個飯嚟。15：04我見到自己個午飯，椰仔招牌咖喱雞脾飯😑一路食那邊廂又聽到有客落單，都吊緊個待應態度差；food panda又吊緊等1個鍾無出餐，點同客交待...etc 希望呢個集團嘅高層或者老闆睇到食評，眼見舖頭人手充足，唔該好好監察下自己餐廳，管理唔到出品就唔好開咁多分店。絕不建議幫襯，完。

見到佢夜晚外賣有85折就試吓，嗌咗兩個晚餐跟2碗白飯，送2個湯，另外再加咗個白飯。拎到返屋企發現少咗個白飯，雖然只係8蚊，但唔係錢問題，係3個人食2碗飯根本唔夠食！盒菠蘿生炒骨加埋都冇10嚿肉，洋蔥又少乜都少，份量68蚊得咁少完全係呃錢！另外兩個餸同兩碗湯都係凍，得兩碗飯係熱，去到都等咗10分鐘先有得拎，食到勁冇癮🙄打去同佢講少咗個飯，聽電話條友態度又差淨係Hea答話下次送返個飯比你。試過一次唔會再有一次。

元朗成日都去食嘅茶記椰仔，即係椰林閣啦，平時都有食佢d野，我覺得佢下午茶個乾炒牛河係好食嘅，但今日試新野，叫左個「珍寶雞扒飯」，滿心期待啦，點知黎到，What???? 同普通雞扒有何分別？？？咁細塊！！！！！其實珍寶呢個名嘅定義真係人人唔同，我就覺得佢一d都唔大塊，同平時凍肉店買嘅基本尺寸雞扒一模一樣，但又係你自己標榜「珍寶」咁我梗係預左你好大塊啦，點知一d都唔大塊，令人好失望！至於味道，雞扒都算滑，皮脆，黑椒汁好咸好辣，味道都唔差。但份量絕對唔係珍寶尺寸，搵笨！張相就影到塊雞扒成隻碟咁大，原來實物隻碟係細過平時3分1！！！！完全違反商品說明條例！所以差評。

嗰日遲咗起身，食開早餐嘅地方都full full哋，行山前冇理由唔食早餐啩，唯有同我屋企人一齊試咗個新地方( ´▽` )ﾉ 因為未食過，於是乎就嗌咗個最保險嘅沙嗲牛肉公仔麵 |(￣3￣)| 個麵感覺普普通通，沙嗲個汁睇落去就好杰撻撻，可惜冇乜味。 個多士還可以，唔係話烤定放咗好耐先拎出嚟ಠ_ಠ 其實普普通通一個早餐，都冇乜嘢可以挑剔。 不過題外話嘅就係，嗰杯熱飲好晏先上，我都催咗兩次，好彩我未食晒啲嘢啫╭(╯^╰)╮

叫左個外賣$69（唔計運費）嘅厚切餐肉太陽蛋飯，送到黎竟然冇咗兩隻煎蛋，跟住打電話去問佢，佢走來問返我轉頭，問我點算，跟住佢話下次叫外賣嘅時候送多兩隻蛋俾我… 大佬有咩用呀… 而家個飯得3塊午餐肉同豉油白飯… 真係勁嬲，佢仲要同我講話佢地唔識送架喎，態度勁差！跟住嗰幾塊午餐肉送到嚟勁油

在元朗附近行完山，正好落山食下午茶。元朗有好多餐廳，本來只是隨便揀一間，誰不知很有驚喜。說是「有驚喜」， 真的沒有誇大。$39 的下午茶套餐，竟然有一大碟西多士，大隻炸脾，仲要有餐飲送。單看價錢，已經覺得超值。最驚喜的是食物質素都okay. 多士入邊有搽花生醬，花生醬係有花生粒嗰種，好食😋隻雞髀熱辣辣，炸完即刻上台，外皮好脆。最驚喜係入面嘅肉好juicy，而且係明顯有醃過，好入味，茶記下午茶黎講，無得輸

話說啱啱個星期六朝早，我同老公行過呢間嘢，見呢間嘢新開無幾耐，又幾多人，老公話想試下。入到去坐低，我同老公落單各自叫咗個早餐，我叫咗個蕃茄湯通心粉，跟個多士火腿同蛋，我再三要求轉熟蛋，因為我懷孕5個月，唔可以食生嘢。落完單之後3分鐘都無，真係3分鐘都無，好驚訝，我碟通粉就到咗啦，我仲同老公讚佢地好快手。點知惡夢就開始啦，食個通粉落口後發覺通粉個溫度只係暖而吾係熱，個溫度甚至近乎室溫。我個心都打個突，諗住試多幾啖，再三確認會唔會係錯覺，但最終確認個食物係室溫涼涼地嘅，所以個通粉食左幾啖就停咗口無食啦。一心諗住算啦，等個多士火腿同蛋黎，食翻D熱嘢暖下個胃，費事換啦。但等左大約廿分鐘，老公都食完佢個早餐，我個火腿煎蛋同多士都未到，最終係催左兩個吾同既侍應後，個蛋終於黎咗啦，但係。。。點解係生嘅😥個一刻諗，可能廚房太忙，吾記得咗要轉熟蛋，但因為我大肚吾食得生嘢，所以唯有要求個侍應換返隻熟蛋，同時再三提醒要熟蛋。隔咗一陣，個蛋又返黎啦，但係。。。都仲係生嘅😡😡今次真係嬲嬲地啦，我都已經吾係要求D嘢要新鮮滾熱辣，通粉凍都吾緊要，係未煎熟隻蛋真係咁難？！第二次要求侍應再轉，再三表明我大肚，吾可以食生

呢間野都真係一流，我自問平時都唔係容易發脾氣嘅人，我都忍唔住要罵個收銀。話說今日我同我老婆去食早餐，因為我老婆懷孕，唔可以食生蛋，咁我地落單叫姐姐話煎蛋要熟蛋，但係前後黎左三次都係比半生熟蛋，咁我地同waitress姐姐講（btw 個番茄通粉黎咁時候係凍嘅）。其實waitress姐姐都好人講唔好意思，因為係廚房問題，唔關樓面事。但係最慶俾錢同收銀講，個收銀竟然鬧翻我地轉頭係咪我地無講清楚，跟著仲話我係廚房問題，關佢咩事。可能人地生意好，唔旨在我地呢d細生意，但係邊個老細請到果個垃圾收銀真係聽關門大吉啦（可能個收銀係老細所以咁霸氣啦），呢間野強烈建議唔好去光顧，貼錢買難收，d食物又普通，收銀個態度世界級惡劣！

元朗雞地呢間椰仔應該新開，呢個位置之前一直都係酒樓，第一次有茶餐廳，位置都幾方便，見佢嗰個logo好似以前一間連鎖西餐椰xx，連嘢食嘅款都似，今日試咗佢嘅下午茶，真係唔錯又抵食，有熱狗西多亦都有炒粉麵飯，雖然佢係收下午茶價大概$40到但係份量同午餐差唔多，所以真係幾抵食，佢個熱狗都幾好食，條腸仲係熱辣辣，配菜都夠多，個包烘到趣卜卜又有焗意粉，沙律，仲有馳名咖喱，基本上你諗到嘅港式下午茶應該都有，好多元化，唔錯，下次再試

最近係屋企附近開咗間個名幾得意既茶餐廳，叫椰仔😂😂😂咁啱哩排wfh，所以都食左幾次👍🏻一般茶餐廳有，有多種炒飯炒麵，仲有扒食tim😋😋😋堂食環境幾多，唔會有一般茶記既擠迫感覺👏🏻今次就叫左個外賣試試😋由於我好喜歡炒飯 所以就點左哩個福建炒飯喇🤩福建炒飯既重點係要濕 個汁要夠味 唔太淡 唔太濃 唔會整到個飯淋晒！椰仔個福建炒飯可以話係有水準 賣相靚 味道足，就算係外賣都冇影響到個質感😍😍😍😍

這店經營了幾個月，從這裡的食評所見，似乎都是一面倒的負評。所以，猶豫了幾個禮拜。然而每次經過這店時，無論是週一至週五，還是週末，總見到不少客人光顧。心裡猜想，真的是那麼不堪嗎？最後，與其在猜想，不如嚐一頓，便知答案。禮拜日早上八時多，入座率已有九成。今天的早餐，我點選了沙嗲牛肉麵，而原來配搭的炒蛋，改選太陽蛋，餐飲則點選熱鴛鴦。這頓早餐，最讓我滿意的是太陽蛋，因為蛋白和蛋黃都煎得恰到好處，不過生也不過熟。而不太滿滿的是熱鴛鴦，咖啡味蓋過了茶味。至於，店員的服務態度是達到基本水平。總括而言，這裡的早餐也算是不過不失。

《早餐/全餐》英式全餐— 牛角色有點焦了，大家察覺嗎？其他食品質素都正常啦。因為「圖片只供參考」原故吧，第一次送上來時，一片青瓜蕃茄都沒有，問一問，就補回「各一片」，好吧！我錯！圖片各兩片只供參考。😟只能自己低歎，食茶記想要有多一點蔬菜，果真是一個奢侈的想法。《下午茶》乾炒牛河，與同區附近茶記相比，份量真的小，雖然質素正堂，但肚餓者勿點。西多士 很不錯，切成四件，厚身，香脆。吉列魚柳沙律，魚柳香脆但細小，沙律菜份量亦不多，醬汁是麻醬，整體不過不失。《晚餐》中、西湯都算合格。咕嚕肉有驚喜，真心好吃，肉質好、汁料味道好。梅菜鯇魚正正常常。雞煲的份量和味道都不錯，辣道適中，雞的肉質不會乾硬，配料足。海鮮豆腐煲，海鮮是一般急凍貨，但算是好吃的質素，豆腐炸過再煮，都好吃，汁的味道不錯，茶記來說，合格。

午市時段光顧店員的態度麻麻當我已經吃完午餐時我朋友的午餐還沒有到來當中曾經催促，但店員的態度卻有點不以為然並沒有回答我哋嘅催促到最後我享用完午餐店員再向廚房查詢才發現漏單再說即刻煮由落單到朋友既餐到來大約40min對於午市旺時段實在欠缺食物質素不值得這個價錢甚至偏貴並不值得下次再光臨最後朋友既餐實在等太耐朋友亦埋單走人卻要收取原本午餐所包既餐飲並以淨飲計算吃不了頓飯，還要有這麼差體驗還感覺店員一點歉意也沒有

今晚1920到叫左餐， 食到一半就問杯野飲， 一路追一路追 送來個杯野飲又錯， 應該是隔離枱，因為佢一開始就放係隔離枱， 我即時知道佢哋掉轉咗杯嘢飲，追到1945都末到。送單又送錯。茶水直頭當無事，25分鐘都無野飲 ，即時火到來埋單走人， 服務差到冇人有。

元朗新開左呢間椰仔，經過見日頭好多人食收工諗5到食咩，咪打算去試試新野，買番個晚餐番屋企食。初時以為叫椰仔，以為係東南亞料理之類今日一睇，原來係間茶記於是我簡左星期二精選套餐既“紅蔥頭雞”同埋“洋蔥豬扒”要左個中湯同羅宋湯個收銀員同我講好快，十零分鐘到見店入面得4，5台客於是乎我就係到等……等左就黎半個鐘，都未有得拎以為間野d師傅用“心”煮出黎點知番到去（揸車番去5洗10分鐘）除左個羅宋湯係熱d其他野都係“微暖”先講個“紅蔥頭雞”好油，但係d雞肉好鞋食落去柴柴地咁，無咩味我寧願去買過橋d雞食跟著就係“洋蔥豬扒”d豬扒本身切得薄，但又炸過龍好似炸完又炸，食落去又硬又乾食似好緊豬肉乾咁最慘係佢地d米飯水份5夠煮出黎真係粒粒分明咁柴既雞加咁乾既豬扒配上乾身既飯忍5著要用d湯中和番d飯黎食估5到試新野中左個伏雖然呢次既晚餐感覺好差希望餐廳會有改進吧遲下再度光顧希望能給餐廳一個正評。